Fréttablaðið - 22.10.2004, Blaðsíða 52

Óskarsverðlaunahafarnir Denzel
Washington og Meryl Streep eru í
brennidepli í pólitísku spennu-
myndinni The Manchurian Candi-
date ásamt eðalleikaranum Liev
Schreiber (Scream, Sum of All
Fears). Myndin er endurgerð
samnefndrar myndar frá árinu
1962. Þeirri mynd var leikstýrt af
John Frankenheimer en nú er það
Jonathan Demme, leikstjóri The
Silence of the Lambs, sem er við
stjórnvölinn. Þá hefur Washing-
ton stólaskipti við ekki minni
mann en Frank Sinatra sem fór
með hlutverk Bennett Marco
majórs í gömlu myndinni.
Marco er þjakaður af martröð-
um eftir hremmingar sem hann
lenti í með herflokki sínum í eyði-
mörk í Kúveit. Dögunum eyðir
hann í að halda fyrirlestra um
hetjulegt afrek félaga síns
Raymond Shaw liðþjálfa sem
Schreiber leikur, en Shaw bjarg-
aði hermönnunum úr bráðum
háska á meðan Marco á að hafa
legið meðvitundarlaus.
Stríðshetjan hefur síðan nýtt
hetjudáðina í pólitískum tilgangi
og er orðin varaforsetaefni í kosn-
ingum þar sem Meryl Streep leik-
ur forsetaefnið.
Marco grunar hins vegar að
ekki sé allt með felldu og það sem
hann telji sig hafa upplifað í
Kúveit hafi ef til vill aldrei gerst.
Hann fer að gruna að Shaw sé hluti
af hópi sem hyggist ræna völdum í
Bandaríkjunum með kosningunum
og reynir allt sem hann getur til að
fletta ofan af samsærinu í kappi
við klukkuna. Stóra spurningin er
auðvitað hvort hann hafi verið
heilaþveginn í stríðinu eða sé ein-
faldlega geðveikur.
Þau Richard Gere, Jennifer
Lopez, Susan Sarandon og Stanley
Tucci stíga ekki sama darraðar-
dansinn og Denzel Washington í
Shall We Dance? en þar leikur
Gere lögfræðing sem er að
drukkna í vinnu og drepast úr
leiðindum þegar hann rekur aug-
un í gullfallegan danskennara
(Lopez) og skráir sig umsvifalaust
í danstíma hjá henni.
Það er eins og við manninn
mælt að þegar Gere fer að dansa
lifnar hann allur við og nýr og
betri maður losnar úr læðingi.
Breytingarnar á hegðan hans
vekja vitaskuld upp spurningar
hjá eiginkonu hans (Sarandon)
sem grunar að ekki sé allt með
felldu en þar sem hér er á ferðinni
rómantísk gamanmynd í léttum
dúr kemur varla til stórkostlegra
uppgjöra nema þá helst á dans-
gólfinu. ■
40 22. október 2004 FÖSTUDAGUR
Nýtt á DVD
The Day After Tomorrow var ein stærsta brellumynd sumarsins en í
henni dembdi leikstjórinn Roland Emmerich ísöld yfir samtímann. New
York fór á bólakaf í magnaðri flóðbylgju og hvirfilbylir tættu stórborgir í
sundur í stórfenglegum brelluatriðum. Þetta nýtur sín allt vel í DVD og
ekki spillir fyrir að þessi tveggja diska útgáfa er drekkhlaðin aukaefni.
Mankind survived the last ice age. We’re certainly capable of
surviving this one. The only question is, will we be able to
learn from our mistakes?“
Dennis Quaid í hlutverki Jack Hall er rödd skynseminnar og
umhverfisverndar í The Day After Tomorrow.
Denzel í kröppum dansi
en Gere stígur létt spor
THE MANCHURIAN CANDIDATE Denzel Washington reynir að fletta ofan af samsæri í
kringum forsetakosningar í Bandaríkjunum og það er hvorki meira né minna en lýðræðið
sjálft sem er í húfi.