Fréttablaðið - 22.10.2004, Blaðsíða 57

FÖSTUDAGUR 22. október 2004
Mister O eftir Lewis Trondheim
er þögul myndasaga (þ.e.a.s. það
er enginn texti í henni) um lítinn
hnöttóttan kall sem heitir Mr. O.
Líklega vegna þess að hann er
hnöttóttur. Ekki vitum við hvaðan
Mr. O kemur. Eða hvert hann er að
fara. Það eina sem við vitum er að
Mr. O þarf nauðsynlega að komast
yfir stærðarinnar gljúfur sem á
leið hans verður. Mr. O er of lítill
til að geta hoppað yfir gljúfrið,
þannig að nú reynir á litla hnöttót-
ta heilann hans.
Á hverri síðu í þessari ofurein-
földu bók sjáum við mismunandi
tilraun söguhetjukrílisins til að
komast yfir gljúfrið. Alltaf mis-
tekst honum greyinu. En alltaf
flettir maður á næstu síðu til að
sjá hvað hann reynir næst og
hvort honum takist það hugsan-
lega að þessu sinni. Og þó svo að
maður haldi með honum og vilji
að honum takist þetta, þá hlær
maður nánast alltaf þegar hann
hrapar niður í gljúfrið og deyr. En
eins og margar góðar tvívíðar
skrípafígúrur birtist Mr. O sprell-
lifandi á næstu síðu, tilbúinn í
slaginn. Hér er á ferðinni sami
frásagnarháttur og er notaður í
Road Runner teiknimyndunnum
frá Warner Bros. Teiknimyndir
sem, meðan ég man, eru sýndar
allt of sjaldan hér á landi.
Lewis Trondheim er einn af
helstu húmoristum myndasögu-
geirans í dag. Hann á að baki sög-
urnar Hoodoodad og Harum Skar-
um sem eru bráðfyndnar hryll-
ingsráðgátur. Bækur Trondheims
eiga það sameiginlegt að þær fá
mann til að hlæja upphátt.
Teiknistíll hans er einfaldur, og þá
sérstaklega í Mr. O þar sem allar
fígúrur eru varla flóknari en
broskarlar. En þar liggur einmitt
snilldin. Hann dregur hinar ólík-
legustu tilfinningar úr minimal-
ísku andliti trítilsins okkar og
ekki er laust við að maður vor-
kenni honum þegar nær enda
dregur.
Hugleikur Dagsson
Um og Ó
MISTER O
Niðurstaða: Bækur Trondheims eiga það sam-
eiginlegt að þær fá mann til að hlæja upphátt.
Teiknistíll hans er einfaldur, og þá sérstaklega í
Mr. O þar sem allar fígúrur eru varla flóknari en
broskarlar.
[ MYNDASÖGUR ]
UMFJÖLLUN
J-Lo með tvennu
Jennifer Lopez hefur lýst því yfir
að hún ætli ekki að taka upp dúett
með eiginmanni sínum Marc Ant-
hony. Söngkonan segist ekki vilja
syngja lag með þriðja eiginmanni
sínum en segist sátt við að hann
ætli að stýra upptökum á næstu
plötu. Það er mikið fram undan
hjá J-Lo þar sem hún hefur lýst
því yfir að ekki ein heldur tvær
plötur séu væntanlegar frá henni.
„Ég ætla að gefa eina út á
ensku og eina á spænsku. Þetta er
fyrsta spænska platan mín og ég
er mjög spennt yfir henni. Ég held
að ég hafi þroskast mest við að
gera þessa plötu, frá því að ég
byrjaði í tónlistarbransanum.
Marc stýrir upptökum á spænsku
plötunni en það eru engir dúettar
á þeirri plötu.“
Seinast þegar Jennifer vann
með unnusta sínum, sem þá var
Ben Affleck, endaði það með
hörmungum í myndinni Gigli en
sú mynd floppaði algjörlega.
- sra
■ FÓLK
JENNIFER LOPEZ Segist ekki ætla að
syngja dúett með eiginmanni sínum Marc
Anthony.