Fréttablaðið - 25.10.2004, Qupperneq 6

6 25. október 2004 MÁNUDAGUR
Guðný Hrund Karlsdóttir, sveitarstjóri á Raufarhöfn:
Hærri laun kennara
draga úr þjónustu
KJARADEILA Verði gengið að ítrustu
kröfum kennara verður að skera
niður þjónustu á móti, segir
Guðný Hrund Karlsdóttir, sveitar-
stjóri á Raufarhöfn, um stöðu
sveitarfélagsins til að mæta
hækkandi launum kennara.
Guðný Hrund segist helst sjá leið-
ir með því að hætta eða draga úr
tónlistarkennslu eða hafa íþrótta-
húsið minna opið en nú er.
Miklar aðhaldsaðgerðir hafa
verið á Raufarhöfn og hafa þær
líka beinst gegn skólastarfi. „Það
var ekki annað hægt,“ segir
sveitarstjórinn. „Það eru engir
peningar til og þess vegna verð-
um við að skera niður til að mæta
auknum útgjöldum. Á eftir kenn-
urum koma leikskólakennarar og
aðrir starfsmenn. Ég hef ekki
miklar áhyggjur. Þegar þessu lýk-
ur kemur í ljós hver vandinn verð-
ur og við honum verður brugðist.“
Guðný Hrund segir verkfall
kennara ekki eins þungbært í fá-
menninu þar sem krakkarnir hafa
greiðari aðgang að foreldrunum
vegna þess hve stutt er á milli
heimila og vinnu. - sme
Stjórnleysi í útgáfu
leyfa til fiskeldis
Brotalamir eru á leyfisveitingum til fiskeldisstöðva. Kerfið þykir mjög flók-
ið og hægvirkt. Fyrirtæki nýta sér gloppur í kerfinu til að minnka kostnað.
FISKELDI Einungis 40 prósent starf-
andi fiskeldisstöðva eru með
rekstrarleyfi og af 83 starfandi
stöðvum virðast aðeins 70 vera
með starfsleyfi. Þetta kemur
fram í nýrri skýrslu Valdimars
Inga Gunnarssonar um stöðu og
framtíðaráform í íslensku fisk-
eldi. Skýrslan var unnin fyrir
landbúnaðar- og sjávarútvegs-
ráðuneytið.
Ástæðan fyrir þessum brota-
lömum er að leyfisveitingakerfið
er bæði flókið og hægvirkt, segir í
skýrslunni. Dæmi eru um að um-
sóknir hafi verið í vinnslu í meira
en ár. Valdimar Ingi telur að ís-
lenska kerfið sé flóknara en kerf-
ið í Noregi, Kanada og Skotlandi.
Telur hann þetta meðal annars
stafa af því að starfsleyfi og
rekstrarleyfi eru aðskilin og að
þrjú ráðuneyti, fjórar stofnanir
og heilbrigðiseftirlit sveitarfélag-
anna komi við sögu við leyfisveit-
ingarnar.
Komið hafa upp vandamál
vegna þess hversu kerfið er flók-
ið. Í Rauðuvík í Eyjafirði sóttu til
dæmis tvö fyrirtæki um starfs-
leyfi á sama svæði til tveggja mis-
munandi stofnana. Brim fiskeldi
ehf. sótti um leyfi hjá Umhverfis-
stofnun en Norðurskel ehf. til
Heilbrigðiseftirlits Norðurlands
eystra. Valdimar Ingi segir einnig
dæmi um að stofnanir biðji um
mismunandi gögn áður en þau
gefi út starfsleyfi og það verði að
teljast óeðlilegt.
Ódýrara er að sækja um
starfsleyfi fyrir eldi undir 200
tonnum og hefur það haft þær af-
leiðingar að sums staðar hafa
fyrirtæki sótt um starfsleyfi fyr-
ir nokkrar 200 tonna fiskeldis-
stöðvar í sama firðinum. Þannig
hafa fyrirtæki komist hjá því að
borga hærra gjald og kostnað við
að tilkynna framkvæmd til
Skipulagsstofnunar.
Til þess að bæta úr þessari
stöðu leggur Valdimar Ingi til að
eitt fagráðuneyti hafi yfirumsjón
með útgáfu leyfa til fiskeldis.
Telur hann að þannig sé hægt að
tryggja markvissari stjórnun,
samhæfingu og yfirsýn. Einnig
leggur hann til að útbúinn verði
leiðbeiningarbæklingur til að
staðla og samræma umsóknar-
ferlið. Að lokum telur hann brýnt
að gera viðeigandi laga- og reglu-
gerðarbreytingar til að auðvelda
skipulagningu strandsvæða.
trausti@frettabladid.is
KOMNIR HEIM
Rússinn Gennady Padalka, til vinstri, og
Bandaríkjamaðurinn Mike Fincke brosandi
skömmu eftir komuna til jarðar.
Rússneskt geimfar til jarðar:
6 mánaða
dvöl lokið
KAZAKHSTAN, AP Rússneska geim-
farið Sojúz, með Rússa og
Bandaríkjamann innanborðs,
lenti í Kasakstan í gær eftir sex
mánaða dvöl í geimnum.
Geimfaranir, sem heita
Gennady Padalka og Mike
Fincke, voru við störf í alþjóð-
legu geimstöðinni en þeir hófu
för sína þangað í apríl síðast-
liðnum. Fóru þeir meðal annars í
fjórar geimgöngur. Einn Rússi
til viðbótar var með í heimferð-
inni, en hann hafði dvalið átta
daga í geimstöðinni. ■
■ LÖGREGLUFRÉTTIR
■ MIÐ-AUSTURLÖND
VEISTU SVARIÐ?
1Hvaða bílategund er vinsælust meðalbílaþjófa í Reykjavík?
2Hvaða dag var „kvennafrídagurinnmikli“?
3Hvenær er áætlað að taka nýjan ogbetri Laugardalsvöll í notkun?
Svörin eru á bls. 30
Fuglaflensa í Belgíu:
Smitaðir
ernir fundust
BELGÍA, AP Belgíska lögreglan
handtók í gær taílenskan mann
sem reyndi að smygla inn í landið
tveimur örnum sem voru smitaðir
af hinni skæðu fuglaflensu.
Heilbrigðisyfirvöld í landinu
telja að maðurinn sé í smithættu en
ekki er talið að hann nái að smita
annað fólk. Fólk sem var í sömu
flugvél og hinir smituðu fuglar
hefur verið hvatt til að fara í
læknisskoðun. Alls hafa rúmlega 30
manns látist af völdum fuglaflensu í
Taílandi og Víetnam. ■
BÍLVELTA VIÐ KÁRAHNJÚKA Bíll
valt á Fljótsdalsheiði á Kára-
hnjúkavegi í hálku um hálfníuleyt-
ið á sunnudagsmorgun. Bíllinn var
pick-up jeppi og voru tveir farþeg-
ar fluttir á sjúkrahúsið á Egilsstöð-
um til eftirlits en ekki lítur út fyrir
að þeir hafi hlotið alvarlega
áverka. Ökumaður og farþegar
voru erlendir starfsmenn við
framkvæmdirnar við Kárahnjúka.
BÍLVELTA NÆRRI BÚÐARDAL Bíl-
velta varð um hádegisbil á sunnu-
dag við Stóra-Vatnsholt í Hauka-
dal. Hálka var á veginum og varð
til þess að ökumaður missti stjórn
á bifreiðinni. Fimm voru í bílnum,
tveir fullorðnir og þrjú börn og
voru sem betur fer allir í bílbelt-
um. Ökumaðurinn var fluttur til
Reykjavíkur og var talið að hann
hefði hlotið háls- eða bakáverka.
REIÐUR BALLGESTUR GISTIR
FANGAGEYMSLUR Drukkinn ball-
gestur á fyrsta vetrardagsballi í
Dalabúð í Búðardal var ekki alls
kostar sáttur við að ballinu skyldi
ljúka og hafði mikinn hug á að
tuskast við lögregluna, sem sá sér
þann kost vænstan að stinga hon-
um í fangageymslur til morguns.
Maðurinn svaf af sér skapofsann
og mun hafa vaknað í sólskins-
skapi og var hann þá sendur heim.
Mansal á Grikklandi:
Handtökur
vegna vændis
AÞENA, AP Lögreglan í Grikklandi
hefur handtekið sex manns úr
tveimur vændishringjum fyrir
mansal. Fólkið er sakað um að hafa
smyglað stúlkum frá Litháen og
Rússlandi til landsins og neytt þær
til að stunda vændi.
Annar vændishringurinn var
starfræktur í höfuðborginni Aþenu
og á ferðamannastaðnum Ródos.
Hinn var eingöngu starfræktur í
Aþenu. Talið er að þúsundir ungra
kvenna, flestar frá austurhluta Evr-
ópu, séu fluttar með ólöglegum
hætti til Grikklands á hverju ári.
Stúlkurnar eru ginntar yfir með lof-
orði um lögmæta atvinnu. ■
FISKELDI Á AUSTFJÖRÐUM
Ódýrara er að sækja um starfsleyfi fyrir eldi undir 200 tonnum. Dæmi eru um að fyrirtæki hafi sótt um starfsleyfi fyrir nokkrar 200 tonna
fiskeldisstöðvar í sama firðinum.
FR
ÉT
TA
B
LA
Ð
IÐ
/G
VA
ELDFLAUGARÁRÁS Einn særðist
þegar Ísraelar skutu eldflaug á
hóp Palestínumanna í Khan Youn-
is-flóttamannabúðunum á suður-
hluta Gazasvæðisins.
ARAFAT MEÐ FLENSU Erlendir
læknar segja að Jasser Arafat,
leiðtogi Palestínu, sé með flensu.
Arafat veiktist í síðustu viku og
óttuðust margir að hann væri
orðinn alvarlega veikur. Svo
reyndist ekki vera og er hann nú
á batavegi.
GUÐNÝ HRUND KARLSDÓTTIR
Henni þykir kennarar ekki hafa mikla sam-
úð meðal fólks.
SPRENGJUÁRÁS „Það er alltaf slæmt
að heyra af mannfalli og slysför-
um, hvort sem það eru Íslending-
ar eða útlendingar sem eiga í
hlut,“ segir Stefán Pálsson, for-
maður Félags herstöðvaandstæð-
inga, um sjálfsmorðsárásina í
Kabúl þar sem þrír Íslendingar
særðust.
Stefán segir umfjöllun um
þetta í erlendum miðlum sýna að
íslenska friðargæslan sé ekkert
annað en vísir að íslenskum her.
Friðargæsluliðar klæða sig og
hegða sér sem her og vinnur
innan um hermenn annarra þjóða.
„Þetta má ekki heita her hérna
heima, það stendur eitthvað í
mönnum. Enda er það mjög sér-
stakt að ríkisstjórn Íslands hafi
tekið jafn afdrifaríka ákvörðun
eins og að koma upp einhvers
konar ígildi hers án þess að um
það hafi farið fram nokkur um-
ræða á þingi eða í samfélaginu,“
segir Stefán. Hann segir að verið
sé að kalla hlutina röngum nöfn-
um og því hafi alþjóðlegar hjálp-
arstofnanir og samtök verið að
vara við. Þannig sé verið að gera
raunverulegt hjálparstarf og frið-
argæslu hættulegri. Skýr skil
verði að vera á milli friðargæslu
og hjálparstarfs og herliðs. - hrs
Stefán Pálsson um íslensku friðargæsluna:
Ekkert annað en vísir að her
STEFÁN PÁLSSON
Stefán segir sérstakt að ríkisstjórn Íslands hafi tekið jafn afdrifaríka ákvörðun eins og að
koma upp einhvers konar ígildi hers án þess að um það hafi farið fram nokkur umræða á
þingi eða í samfélaginu.
FR
ÉT
TA
B
LA
Ð
IÐ
/T
EI
TU
R