Fréttablaðið - 30.10.2004, Blaðsíða 10

KJARABARÁTTA Miðlunartillagan
leiðréttir ekki kjör kennara á
þann hátt sem samninganefnd
Kennnarasambands Íslands von-
aðist eftir að sögn Eiríks Jónsson-
ar, formanns sambandsins.
„Það gefur augaleið að þegar
maður setur fram ákveðna kröfu
og nær henni ekki fram þá nær
maður ekki eins góðum samningi
og maður ætlaði sér,“ segir
Eiríkur. „Þegar við réðum sjálf at-
burðarásinni þá stóðum við á
okkar kröfu. Eftir að það er ljóst
að hvorugur aðilinn hreyfir sig þá
nýtir sáttasemjari sér ákvæði í
lögum um að leggja fram miðlun-
artillögu. Þá er komið að þeirri
stund að hinn almenni félagsmað-
ur taki afstöðu.“
Eiríkur segir að það hafi verið
niðurstaða samninganefndarinnar
að setja í hvoruga áttina pressu á
félagsmenn.
„Ef einstaklingurinn segir já
það verður tillagan að kjarasamn-
ingi, ef hann segir nei þá er það
atkvæði um að halda áfram í verk-
falli sem getur orðið mjög langt.
Þá er það hann sem er að taka
ákvörðun um hvort hann vill vera
launalaus í verkfalli áfram.“
Aðspurður hvort hann sé bjart-
sýnn á að miðlunartillagan verði
til þess að leysa kjaradeiluna
segir Eiríkur: „Ég hef ekki hug-
mynd um það. Ég bara treysti á að
hver og einn kennari kynni sér
innihaldið og geri það upp við
eigin samvisku hvort hann segir
já eða nei.“
- th
10 30. október 2004 LAUGARDAGUR
GLAÐUR KENNARI
Hreiðar Oddsson, kennari í Digranesskóla,
var glaðbeittur þegar ljósmyndari Frétta-
blaðsins kíkti í heimsókn. Kennarar komu
aftur til starfa í gær eftir sex vikna verkfall.
KJARABARÁTTA Vetrarfríi grunn-
skólanna í Reykavík, sem átti að
hefjast á miðvikudaginn og
standa út vikuna, verður aflýst.
Ákvörðun um þetta var tekin á
fundi fræðslunefndar borgarinn-
ar í gær.
„Mér finnst það alveg kolvit-
laus skilaboð til barnanna að
koma beint úr verkfalli í frí,“
segir Stefán Jón Hafstein, for-
maður fræðslunefndar.
Hann segir ljóst að einhverjir
kennarar hafi skipulagt frí á þess-
um tíma og ef þeir telji sig ekki
geta breytt því fái þeir vissulega
að taka fríið. Þeim sé það fullkom-
lega heimilt. Hann segist hins
vegar ekki gera ráð fyrir því að
margir kennarar fara í frí eftir
þetta langa verkfall.
Þrír skólar í borginni höfðu
ekki skipulagt að taka vetrarfrí,
það eru: Hagaskóli, Hvassaleitis-
skóli og Ísaksskóli. Allir aðrir
skólar höfðu skipulagt frí og
hefur skólastjórum þeirra verið
falið að útfæra það nákvæmlega
hvernig þeir muni bregðast við til
að halda uppi sem eðlilegustu
skólastarfi. Stefán Jón segir að
allir kennarar sem mæta til vinnu
í vetrarfríinu fái borgaða yfir-
vinnu. Aðspurður hvað það kostar
borgaryfirvöld segir hann: „Í
svona tilfellum spyr maður ekki
hvað þetta kostar. Það er bara að
kýla á það.“ ■
Formaður Kennarasambandsins segist ekki hafa hug-
mynd um hvort tillagan verði samþykkt:
Enginn þrýstingur
á félagsmenn
Svæðafélög vildu ekki
fresta verkfalli:
Samþykktin
barst seint
KJARABARÁTTA Formenn allra
svæðafélaga kennara á höfuð-
borgarsvæðinu samþykktu ein-
róma á fundi á fimmtudagskvöld-
ið að ef miðlunartillaga kæmi
fram skyldi verkfalli ekki frestað
heldur gengið til atkvæða um
hana eins fljótt og mögulegt væri.
Þetta kom fram í fréttum Ríkisút-
varpsins í gær.
Eiríkur Jónsson, formaður
Kennarasambands Íslands, segir
þetta rangt.
„Formenn allra svæðafélag-
anna voru ekki á fundi í gær,“
segir Eiríkur. „Einn af þeim er í
samninganefndinni þannig að
hann var í Karphúsinu. Það er rétt
að það var trúnaðarfundur en
samþykkt þess fundar kom til
okkar eftir að við höfðum tekið
okkar afstöðu.“ - th
Þriggja daga vetrarfríi grunnskólanna í borginni
verður aflýst:
Kennarar fá
borgaða yfirvinnu
STEFÁN JÓN HAFSTEIN
Formaður fræðsluráðs borgarinnar segir það gríðarlegan létti að verkfalli skuli hafa verið
frestað. Hann segist vona að miðlunartillagan verði síðan samþykkt.
EIRÍKUR JÓNSSON
Formaður Kennarasambandsins segir að samninganefndin hafi ákveðið að setja í
hvoruga áttina pressu á félagsmenn.
STJÓRNMÁL Halldór Ásgrímsson
forsætisráðherra sagði að loknum
ríkisstjórnarfundi í gær að hann
fagnaði því að ríkissáttasemjari
hefði lagt fram miðlunartillögu.
Hann sagðist telja að í henni
fælist umtalsverð kjarabót fyrir
kennara. „Ég vil óska kennurum,
börnunum og okkur öllum til ham-
ingju. Það er mikill léttir í þjóðfé-
laginu að þetta er orðin stað-
reynd.“
Halldór segist sannfærður um
að kennarar samþykki tillögu
sáttasemjara. Hann segir laga-
setningu ekki vera á borðinu, felli
kennarar miðlunartillöguna.
„Nú er aðalatriðið að skólar
komist í gang á ný. Ég held að það
vilji enginn verkfall. Það eru allir
kennarar ánægðir með að komast
til starfa á ný. Nú er aðalatriðið að
koma þessu í gegn.“
Halldór segir að ríkisstjórnin
hafi verið í sambandi við ríkis-
sáttasemjara á hverjum degi.
„Eftir fund með deilendum á
mánudag varð okkur ljóst að eina
leiðin til lausnar væri að
miðlunartillaga væri lögð fram.
Það þýddi hins vegar ekki nema
verkfalli væri aflýst og það væru
líkur til að hún yrði samþykkt.“
Halldór segist ekki vilja hugsa
þá hugsun til enda ef tillagan
verði felld og verkfall hefjist aft-
ur eftir tíu daga „Í þessari tillögu
felst ekki aðeins mikil kjarabót
fyrir kennara heldur einnig mikil
viðurkenning á þeirra störfum.
Það er engin ástæða til að ætla
það að tillagan verði ekki sam-
þykkt.“
- ás
Halldór Ásgrímsson forsætisráðherra:
Fagnar frestun
kennaraverkfalls
HALLDÓR ÁSGRÍMSSON
Forsætisráðherra var glaður í bragði þegar hann kom á fund Landssambands útvegs-
manna í gær.
FR
ÉT
TA
B
LA
Ð
IÐ
/P
JE
TU
R