Fréttablaðið - 30.10.2004, Blaðsíða 21

stóla til að ógilda þúsundir ný-
skráninga kjósenda í kjördæmum
þar sem vitað er að demókratar
njóta mikils fylgis. Í sveifluríkj-
unum felst reyndar ein helsta sig-
urvon Kerrys í því hve margir
nýir kjósendur eru nú skráðir til
leiks; af hinum u.þ.b. 11 milljón-
um skráðu kjósendum Flórída er
meira en tíundi hver nýskráður
frá því í síðustu kosningum.
Repúblikanar saka demókrata um
að standa fyrir tugþúsundum
ólögmætum kjósendaskráningum
og demókratar saka repúblikana
um að ætla að stilla upp her eftir-
litsmanna á kjörstöðum, í því
skyni að fæla líklega Kerry-kjós-
endur frá því að greiða atkvæði.
Að baki ásakana beggja liggur það
mat, að úrslitin séu að miklu leyti
undir nýjum kjósendum komin.
Að sögn sérfræðinga bendir flest
til að Kerry njóti þess ef nýir
kjósendur skila sér vel á kjörstað.
Gerir Nader aftur útslagið?
Á fimmtudag kom Kerry tvisvar
við í Ohio, um kvöldið í félagi við
Bruce Springsteen, og Bush tróð
þar upp í 18. sinn á árinu í gær, þá
með Arnold Schwarsenegger,
kvikmyndastjörnu og ríkisstjóra í
Kaliforníu, sér við hlið.
En jafnvel þótt kjósendur skili
sé vel á kjörstað í Flórída, Ohio og
hinum sveifluríkjunum og auki
þar með líkurnar á sigri Kerrys er
annað sem spillt gæti fyrir mögu-
leikum hans; Ralph Nader er á
kjörseðlinum í Flórída og hann
hefur mælst þar með um 2% fylgi.
Framboð Naders uppfyllti ekki í
öllum ríkjum Bandaríkjanna skil-
yrðin fyrir því að fást skráð á
kjörseðilinn og á þetta við bæði
um Ohio og Pennsylvaníu. En
þessi 2% í Flórída gætu hugsan-
lega gert útslagið, ef reiknað er
með því að þau skiluðu sér annars
til Kerrys. Margir stuðningsmenn
Kerrys hafa þrýst á Nader að
hætta við framboðið, án árangurs.
Til dæmis fór sextugur Kaliforn-
íumaður, Jerry Rubin, í hungur-
verkfall til að mótmæla framboði
Naders, sem hann telur að hluta
til ábyrgan fyrir því að Bush
komst til valda í síðustu kosning-
um.
Hamrað á öryggismálunum
Á endaspretti kosningabaráttunn-
ar hafa bæði Bush og Kerry eink-
um reynt að höfða til kjósenda
sem enn eru á báðum áttum; ekki
síst kjósenda sem finnst almennt
ekki rétt að „skipta um mann í
brúnni“ á meðan landið stendur í
stríði en eru heldur ekki ánægðir
með frammistöðu Bush en að
sama skapi ekki sannfærðir um að
Kerry standi sig betur í að
tryggja öryggi landsins. Því hefur
Kerry lagt mikla áherslu á örygg-
ismál á síðustu kosningafundum
og gagnrýnt forsetann t.d. harka-
lega vegna hvarfs mikils magns
sprengiefnis úr fórum hers Sadd-
ams Hussein í Írak, en uppvíst
varð um hvarf vopnanna nú ný-
lega.
Demókratar hafa í þessari
kosningabaráttu, sem fyrr, veðjað
á að kosningarnar vinnist á miðj-
unni og reynt að höfða til óákveð-
inna kjósenda. Bush rak kosninga-
baráttu sína fyrir fjórum árum
á svipuðum forsendum, með
því m.a. að leggja áherslu á fé-
lagslega ábyrga íhaldsstefnu
(„compassionate conservatism“).
En í þetta sinn, þremur árum eftir
hryðjuverkaárásirnar 11. septem-
ber og einu og hálfu ári eftir inn-
rásina í Írak, veðja repúblikanar
aftur á móti á að þessar kosningar
verði ekki þær fyrstu í sögunni
þar sem Bandaríkjamenn felli
sitjandi forseta á meðan landið
stendur í stríðsrekstri. ■
21LAUGARDAGUR 30. október 2004
GETA JÓLIN BYRJAÐ BETUR?
-enn er hægt að planta
50% afsláttur
af öllum haustlaukum
Burkni
299 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
B
LO
2
63
20
1
0/
20
04 Haustlaukaútsala
Heildsölumarkaður
-allt að 90% afsláttur
á jólaljósum og seríum
3 erikur
999 kr.
Nóvember
kaktus
499 kr.
Verðdæmi Verð áður Verð nú
Ljósaslanga 5 m 1.990 kr. 599 kr.
40 ljósa útisería 5.999 kr. 990 kr.
Gluggamyndir m. ljósi 1.990 kr. 790 kr.
Óvenju mikilli
kjörsókn er spáð
Það er mat sérfræðinga að kjörsókn verði óvenju mikil í þessum
forsetakosningum vestra. Giskað hefur verið á að fleiri en 26 millj-
ónir kjósenda, af alls um 120 milljónum skráðra kjósenda, muni
greiða atkvæði utan kjörfundar, ýmist með póstkosningu eða á kjör-
stöðum. Hinn formlegi kjörfundur hefst annars að venju á miðnætti
aðfaranótt þriðjudags í smábænum Dixville Notch í New Hamps-
hire. Atkvæðasmalar beggja frambjóðenda, einkum þó Kerrys, hafa
hvatt fólk til að nýta sér möguleikann á að greiða atkvæði snemma,
utan kjörfundar. Allt bendir til að margir kjósendur hyggist hlýða
þessu kalli.
Rammt hefur kveðið
að atkvæðasmölun
frambjóðendanna í Flórída
enda er reiknað með að þar
geti heildarkjörsóknin orðið
allt að 75 prósent, sem er
mun meira en gengur og
gerist í kosningum í Banda-
ríkjunum.
,,
UMDEILDAR RAFRÆNAR KOSNINGAVÉLAR.
Starfsmaður kjörstjórnar í Flórída hugar að umdeildum kosningavélum með
snertiskjám. Gagnrýnendur vélanna óttast bilun í hugbúnaði þeirra og ef svo
fari muni atkvæði tapast og þar með endurtalning vera útilokuð.