Fréttablaðið - 30.10.2004, Blaðsíða 28
Sportbílar eru málið um þessar mundir. Audi ætlar að kynna nýja útfærslu
af TT bíl sínum á næstunni og Volkswagen hyggst koma með sinn fyrsta
sportbíl árið 2008. Mazda ætlar að betrumbæta RX-8 bílinn og ofurbílar
eins og Bugatti Veyron og Gallardo Roadster eru handan við hornið.
Honda:
Bíll sem sér í
myrkri
Honda þróar nú nætursjón í bíl, þá
fyrstu sinnar tegundar. Nætursjónin
greinir gangandi vegfarendur, reið-
hjólafólk og dýr og gerir bílstjóra við-
vart. Kerfið byggir á myndavélum
sem greina innrauða geisla frá fólki
og dýrum á akbrautinni framan við
bílinn eða á leið út á hana. Nætur-
sjónin verður frumsýnd á nýjum
Honda Legend bíl í haust.
Myndavélarnar eru tvær á framenda
bílsins. Vélarnar greina bæði lang-
bylgju og innrautt ljós sem lifandi
verur gefa frá sér. Kerfið metur út frá
stærð hvort um ræðir dýr eða mann
og þá hvort hann er gangandi eða á
hjóli. Ekkert annað kerfi er til fyrir
bíla sem varar með þessum hætti við
mönnum og dýrum, ekki bara á ak-
brautinni heldur líka á leið út á hana.
Afstöðumynd kemur fram á skjá yfir
mælaborðinu en skjárinn hverfur inn
í mælaborðið á daginn. Maður eða
dýr á eða við akbrautina koma fram
sem lýsandi rammi á skjánum og um
leið kemur hljóðviðvörun. Nætursjón
Hondabílanna er talin góð viðbót við
nýju ljósin sem lýsa fyrir horn og nú
sjást á æ fleiri lúxusbílum.
Crazy Bastard bíllinn:
Í 100 á fjórum sekúndum
„Það er á mörkunum að ég þori að sleppa kærustunni á rúntinn á bílnum.
Hún vekur þá svo mikla athygli strákanna,“ segir Haraldur og hlær.
Í Crazy Bastard, nýju mynd-
bandi strákanna í 70 mínútum og
hljómsveitarinnar Quarashi
bregður fyrir svartri glæsikerru
af gerðinni Pontiac, Trans Am af
árgerðinni 2000. Eigandinn er
Haraldur Jónsson vélstjóri sem
starfar hjá Skeljungi. Hann
keypti bílinn frá Kanada í júní á
um það bil fjórar millur og fékk
hann til landsins með flugvél.
„Það átti að taka tvær til þrjár
vikur en endaði í tólf. Ég var al-
veg að verða vitlaus og hélt ég
hefði tapað peningunum,“ segir
hann og kveðst dást að kærustu
sinni Jenný að umbera hann á
þessum tíma.
Trans Am hefur viðurnefnið
„hinn fullkomni,“ (Performans
Packages) enda er staðalbúnaður
hans „rúmlega allt,“ eins og Har-
aldur orðar það. Bíllinn er mest-
allur úr áli, harðtrefjum og
plasti og því fisléttur miðað við
stærð. Hann er beinskiptur með
sex gíra og í honum er nýtt elds-
neytisnýtingarkerfi sem gerir
hann einkar sparneytinn. „En
hann getur líka eytt miklu á
háum snúningi því vélin er
slaglöng,“ segir eigandinn og
upplýsir að vélin sé álblokk, 465
hestöfl í dag. Sem dæmi um
kraftinn nefnir hann að það taki
fjórar sekúndur að koma bílnum
úr kyrrstöðu upp í 100 kílómetra
hraða. Af græjum má geta
geislaspilara, magnara, tíu hátal-
ara, tónjafnara og kraftmagnara.
Þá er gripurinn með spólvörn,
skriðvörn og svokallaðan Law
Track skynjara sem til dæmis
gefur til kynna hvort of hratt sé
farið í beygjur. Aksturseiginleik-
arnir eru semsagt fyrsta flokks.
Það leynir sér heldur ekki þegar
sest er inn í þennan vagn að hann
er gæðingur mikill. Hann bók-
staflega svífur um og hægt er að
láta sætin falla algerlega að baki
og hliðum ef ýtt er á rétta takka.
Slíkt getur komið sér vel í kröpp-
um beygjum.
Haraldur kveðst lengi hafa
verið bíladellukall. Hafi eignast
bæði bíl og bifhjól um fermingu,
átt 27 hjól í gegnum tíðina og
eyðilagt 30 gamla bíla í malar-
námuakstri. Sportbílarnir hans
hafi verið ótalmargir og af ýms-
um tegundum. „En þessi slær
þeim öllum við,“ fullyrðir hann
og kveðst loks búinn að finna það
sem hann hefur leitað að alla ævi.
gun@frettabladid.is
[ TRYLLITÆKI VIKUNNAR ]
Lexus IS 300 Turbo
Tryllitæki vikunnar er Lexus IS 300
Turbo árgerð 2003 . Bíllinn er rúm-
lega 500 hestöfl. Vélin er þriggja lítra
með fimmþrepa sjálfskiptingu og hálf-
beinskiptur í stýri. Bíllinn er með
Xenon aðalljós. Upphaflegu gormun-
um var skipt út fyrir lægri gorma til að
lækka bílinn og fá stífari fjöðrun. 19
tommu dekk voru sett undir bílinn og
álfelgur. Bíllinn er með opið þriggja
tommu ryðfrítt pústkerfi. Í hann var
sett túrbína, millikælir og skipt var um
stimpla og settir sterkari heddboltar
til að ná hámarksafli úr vélinni. Allur
frágangur á slöngum og leiðslum er
til fyrirmyndar, til dæmis eru rör fyrir
millikæli póleruð. Í bílnum er hug-
búnaður sem hægt er að tengja við
fartölvu og þaðan getur ökumaður
stillt sjálfur eldsneytisblöndu, hversu
mörgum pundum túrbínan blæs og
hversu mikið súrefni fer inn á vélina.
Með fartölvunni getur hann gert
ýmsar breytingar og stillt hlutföll
bensíns og súrefnis svo hægt sé að
ná hámarksnýtingu úr þeim véla-
búnaði sem búið er að setja í bílinn.
Bíllinn kostaði 4,470 milljónir fyrir
breytingar en verðgildir hefur aukist
töluvert með þeim breytingum sem
hafa verið gerðar. Aukabúnaðurinn er
frá Swift Racing Technology (SRT).
FR
ÉT
TA
B
LA
Ð
IÐ
/E
.Ó
L.
Smáauglýsingasíminn er 550 5000
auglysingar@frettabladid.is
Vorum að taka upp nýjar sendingar.
Full búð af Neon ljósum, Angel Eyes fyrir BMW, VW & Honda,
Lexus ljós á margar tegundir bíla, Xenon bílaperur.
Green Kraftsíur, felgur, sportsæti.
Fylgist með á www.ag-car.is/motorsport. Opið alla virka daga 8-18
og laugardaga 12-16. S:587-5547. Ný staðsetning Klettháls 9.