Fréttablaðið - 30.10.2004, Blaðsíða 55
LAUGARDAGUR 30. október 2004 43
Bland í poka á Sinfóníutónleikum
Glæsileg íslensk söngkona Guðrún Jó-
hanna Ólafsdóttir, mezzosópran, söng
á tónleikum Sinfóníuhljómsveitar
Íslands í Háskólabíói s.l. fimmtudags-
kvöld.
Efnisskrá tónleikanna var úr ýmsum
áttum. Fyrir hlé var leikin tónlist eftir
W.A.Mozart; forleikur úr óperunni
Mildi Títós og arían „Parto, parto“, úr
sömu óperu. Síðan kom Divertimento
í F dúr KV 138 fyrir strengi og
konsertarían „Ch´io mi scordi di te ?“.
„Mildi Titós“ er ópera, sem Mozart
samdi á fjórum vikum í tilefni af krýn-
ingu kóngs nokkurs. Hún hefur jafnan
fallið í skuggann af öðrum óperum
hans, þó hún hafi inni að halda snilld-
artónlist eins og heyra mátti þarna. Ar-
ían, sem flutt var, hefur viðamikið
einleikshlutverk fyrir klarinett, sem
Sigurður I. Snorrason lék mjög fallega.
Divertimentóið í F dúr er merkilegt
verk, sem gaman var að heyra. Það var
samið sem strengjakvartett, en er í
rauninn hvorki divertimento né kvart-
ett, heldur hljómar það eins og lítil
sinfónía í þremur þáttum fyrir
strengjasveit, með efnisríkum fyrsta
þætti og hrífandi hægum kafla í miðj-
unni. Konsertarían K 505 er einnig
gullfallegt verk. Hún er ástardúett fyrir
kvenrödd og píanó, sem Mozart
samdi „Für Mselle Storace und mich“
og vísar þar til söngkonunnar Önnu
Storace, sem hann var ástfanginn af.
Þarna brá hljómsveitarstjórinn Gerrit
Schuil sér í hlutverk einleikspíanistans
og skilaði því með mikilli prýði.
Haft er eftir Beethoven að Rossini
hefði getað orðið mikið tónskáld hefði
hann verið flengdur meira í æsku. Þau
orð komu í hugann undir flutningi á
Forleik Rossinis við óperuna Sem-
iramide. Þessi tónlist er í raun afar ein-
föld að gerð en hugkvæmni tón-
skáldsins í að ná miklum áhrifum úr
litlu er aðdáunarverð. Arían „Una voce
poco fa“ úr Rakaranum í Sevilla er
einnig afar vel samin. Gæti næstum
verið Mozart.
Cancion espanola, óperettuarían
eftir Pablo Luna er létt og áheyrilegt
verk, sem kom næst á undan tóna-
ljóði Frans Liszts „Les préludes“. Ekki
þarf að spyrja að fagmennskunni hjá
Liszt og hann kann alla réttu frasana,
eins og stundum er sagt um stjórn-
málamenn. Miklu frekar verður spurt
um innihaldið. Að sumu leyti má
segja að Liszt sé hin fullkomna and-
stæða Rossinis, þar sem hinn fyrr-
nefndi nær litlu út úr miklu en sá síð-
arnefndi miklu út úr litlu.
Guðrún Jóhanna var stjarna kvölds-
ins. Hún hefur mjög fallega rödd sem
hún hefur náð góðu valdi á og allar
tæknilegar þrautir, sem voru margar
og sumar illvígar, leysti hún án þess að
sýnast hafa mikið fyrir því. Mestu
skiptir að túlkun hennar var listræn og
mjög músíkölsk. Henni var vel fagnað
á tónleikunum.
Hljómsveitarstjórinn Gerrit Schuil
sýndi að hann hefur góð tök á öllum
þeim stíltegundum sem höfð voru
frammi á þessum tónleikunum. Best
hljómaði hljómsveitin í tónaljóði Liszts
og varð þar að fáu fundið. ■
TÓNLIST
FINNUR TORFI STEFÁNSSON
Sinfóníuhljómsveit Íslands
Í Háskólabíói
Stjórnandi: Gerrit Schuil
Söngkona: Guðrún Jóhanna Ólafsdóttir
Höfundur
Héra á Íslandi
Hin merka leikhús- og kvik-
myndagerðarkona, Coline Serr-
eau, höfundur Héra Hérasonar er
stödd á Íslandi og verður viðstödd
uppfærslu Borgarleikhússins á
Héranum í kvöld. Að sýningu lok-
inni mun hún taka þátt í umræð-
um í forsal leikhússins um verkið,
uppfærsluna og fleira og eru
allir leikhúsgestir hjartanlega
velkomnir að dvelja við þær.
Fyrr um daginn standa
Femínistafélagið og kvennahreyf-
ingar innan leikhússins og kvik-
myndageirans fyrir umræðufundi
við Coline Serreau í forsal leik-
hússins. Fundurinn hefst klukkan
16. Fundarstjóri verður Sólborg
Ingadóttir frá Femínistafélaginu.
Kristín Jóhannesdóttir leikstjóri
kynnir Coline Serreau í nokkrum
orðum og síðan verður boðið upp
á umræður. Allir velkomnir.
Coline Serreau er fædd í
Frakklandi árið 1947. Árið 1971
gerði hún sína fyrstu kvikmynd
og sló strax þann femíniska bar-
áttutón sem átti eftir að verða
hennar. Kvikmyndir hennar eru
nú orðnar ellefu talsins og sú
tólfta er á leiðinni. Sú frægasta er
vafalaust Trois Hommes et un
couffin frá 1984 sem Hollywood
tók upp á sína arma og endurgerði
undir titlinum Three men and a
baby. Sú mynd vakti svo mikla
lukku að Serreau skrifaði fyrir þá
handritið að framhaldinu; Three
men and a little lady. Meðal ann-
arra mynda má nefna Romuald et
Juliette, La Crise og Chaos, sem
hún gerði í Frakklandi árið 2001
og endurgerði í Ameríku nú í ár,
að þessu sinni sjálf, með Meryl
Streep í aðalhlutverki.
Coline Serreau hefur þó aldrei
sagt skilið við leikhúsið; hún
hefur skrifað leikritin Le Dragon,
Héri Hérason, Le Théâtre de
verdure, Moi un homme ancien
marin, Quisaitout et Grobêta.
Coline Serreau var í sumar sæmd
riddaraorðu frönsku heiðursfylk-
ingarinnar fyrir störf hennar í
þágu listar. Hún hefur leikið í
flestum verkum sínum sjálf og
leikstjórinn Benno Besson hefur
sett þau upp. Við frumuppfærsl-
una á Héra fór höfundurinn með
hlutverk mömmunnar. ■
STJARNA KVÖLDSINS
NÝJAR BÆKUR
Hjá Sölku er komin út skáldsaganBulgarisambandið eftir Fay
Weldon í þýðingu Þórunnar Hjartar-
dóttur. Bulgarisambandið er jafn
ekta og skartgripirnir frá ítalska hönn-
uðinum Bulgari, en það var einmitt
hann sem bað
Weldon um að
skrifa bók þar
sem nafnið
Bulgari kæmi
fyrir. Þetta er
hárbeitt og
fyndin saga um
ástir og örlög,
mútur og
mafíu, nunnur
og drauga.
Konur og karlar
takast á, atburðarásin er ófyrirsjáanleg
og loks stendur ekki steinn yfir steini.