Fréttablaðið - 01.11.2004, Blaðsíða 4
4 1. nóvember 2004 MÁNUDAGUR
Samráð olíufélaganna:
Taka skýringar Þórólfs gildar
STJÓRNMÁL Árni Þór Sigurðsson,
forseti borgarstjórnar, segir að
fáir innan borgarinnar hafi haft
tíma til að fara yfir alla skýrslu
samkeppnisráðs um samráð olíufé-
laganna en minnir á að borgar-
stjórn hafi áskilið sér allan rétt
fyrir um ári síðan til skaðabóta.
„Mér finnst rétt að við athugum
það að fá óháðan aðila til að meta
það hvort við eigum rétt á skaða-
bótum og eyða þeirri óvissu sem
fyrst. Það eru verulegir hagsmunir
í húfi hér fyrir borgarbúa og við
þurfum að meta hvernig við
gætum hagsmuna þeirra.“
Hvað varðar mál Þórólfs Árna-
sonar í þessu máli, segir Árni að
Þórólfur hafi verið ráðinn til starfa
af hálfu Reykjavíkurlistans en
R-listinn geti ekki borið pólitíska
ábyrgð á því hvað Þórólfur gerði
áður en hann varð borgarstjóri.
„Við töldum þær skýringar sem við
fengum í fyrra fullnægjandi. Það
er ekkert í þessu neitt nýtt sem
breytir því.“
Að undanförnu hefur farið fram
umræða um Þórólf sem pólitískan
leiðtoga R-listans í næstu kosning-
um. Árni vildi ekki tjá sig um hvaða
áhrif þetta mál hefði á slíka mögu-
leika þar sem þessi umræða hefði
ekki verið að hálfu Vinstri grænna.
Hann segir ótímabært að ræða um
einstaka frambjóðendur. - ss
Kraumandi óánægja
á meðal kennara
Launalækkanir, langur samningstími og engin rauð strik er meðal þess
sem kennarar eiga erfitt með að sætta sig við í miðlunartillögu sátta-
semjara. Búast má við uppsögnum í vor.
KENNARADEILAN Þungt hljóð er í
mörgum kennurum vegna miðlun-
artillögu ríkissáttasemjara, sem
þeir þurfa að samþykkja eða
hafna í atkvæðagreiðslu innan
viku. Búast má við uppsögnum í
vor verði tillagan samþykkt.
„Það er mikill hiti í okkur og
kraumandi óánægja,“ segir kenn-
ari í Rimaskóla, sem segist hik-
laust ætla að segja upp starfi sínu
í vor verði þessi miðlunartillaga
samþykkt.
Mesta óánægjan virðist vera
meðal þeirra kennara sem lækka í
launum 1. ágúst næstkomandi
vegna þess að svokölluðum skóla-
stjórapotti verður jafnað út,
þannig að þeir sem meira höfðu
haft úr honum en aðrir fá minna
en áður.
Þeir sem ekki hafa tekið að sér
stór verkefni fyrir aukagreiðslur
úr skólastjórapottinum gætu hins
vegar grætt á þessari miðlunar-
tillögu. Yngri kennarar koma auk
þess að jafnaði betur út úr þessu
en þeir sem eldri eru.
Óánægja kennara beinist ein-
nig samningstímanum, sem er
fjögur ár. Ekki er gert ráð fyrir
neinum rauðum strikum í miðlun-
artillögunni, eins og flestar aðrar
stéttir hafa samið um til að
tryggja stöðu sína.
„Það er alveg sama hvernig að-
stæður breytast í þjóðfélaginu,
við verðum föst með þessa samn-
inga í fjögur ár hvað sem á
dynur,“ segir fyrrnefndur kennari
í Rimaskóla.
Almennt voru þeir kennarar
sem Fréttablaðið hafði samband
við mjög óánægðir með niðurstöð-
una og vilja helst halda verkfall-
inu áfram.
„Mér heyrist að kennurum
þyki þetta ekki nægar launahækk-
anir, enda eru þeir ennþá á ansi
lágum launum þó að sumum
þyki prósentan allnokkur,“ segir
Hanna Hjartardóttir, formaður
Skólastjórafélags Reykjavíkur.
„Öðrum finnst sér stillt upp við
vegg nú þegar börnin eru komin í
skólana. Þeim finnst þetta óþægi-
leg staða, þegar tilfinningamálin
koma svona inn í þetta.“ Stefán
Jón Hafstein borgarfulltrúi segir
það vera „erfitt fyrir alla að þurfa
að lenda þessu svona, en það er
spurning hvort einhver annar
kostur er í stöðunni. Auðvitað
skilur maður að kennarar þurfi
tíma til að átta sig og fara yfir
málin í sínum hópi, en það má
öllum ljóst vera að sveitarfélögin
eru komin alveg út á ystu brún, og
sum komin fram af.“
gudsteinn@frettabladid.is
Borgarstjórn:
Alfreð vill
enn Þórólf
STJÓRNMÁL Alfreð Þorsteinsson,
oddviti Framsóknarmanna í
borgarstjórn, segir fréttir um af-
skipti Þórólfs Árnasonar borgar-
stjóra af samráði olíufélaganna
engu breyta í mati sínu á því að
Þórólfur eigi að taka að sér að
verða pólitískur leiðtogi R-list-
ans í næstu sveitarstjórnarkosn-
ingum.
Hann segir að þær skýringar
sem Þórólfur gaf þeim í fyrra á
þátttöku sinni í samráði olíufé-
laganna séu enn fullnægjandi.
Ekkert nýtt hafi komið fram nú
að undanförnu sem breytir mati
hans á því. ■
KOLANÁMUMENN LÉTUST Fimmt-
án kolanámumenn létust af völd-
um gaseitrunar í námu nærri
Fushun borg í Liaoning héraði.
Fimmtíu menn voru að störfum,
400 metra neðanjarðar, þegar
mikið gas barst inn í námuna.
Fimmtán þeirra létust strax en 35
tókst að flýja upp á yfirborðið.
Forsetakosningar:
Viktorar í
efstu sætum
ÚKRAÍNA, AP Stjórnarandstæðing-
urinn Viktor Júshtsjenko hlaut
flest atkvæði allra frambjóðenda í
úkraínsku forsetakosningunum
samkvæmt útgönguspám. Hann
náði þó ekki helmingsfylgi og því
þarf að kjósa aftur á milli tveggja
efstu.
Júshtsjenko fékk 45 prósent at-
kvæða samkvæmt útgönguspánni,
Viktor Janúkovítsj forsætisráð-
herra fékk 37 prósent en aðrir
minna. Alls voru 24 einstaklingar
í framboði. ■
TÓBAK TEKIÐ Brotist var inn á
skyndibitastað á sunnudagsmorg-
un. Eigandi staðarins fór á stað-
inn eftir að viðvörunarkerfi fór af
stað heima hjá honum. Þá sá hann
að hurð hafði verið spennt upp og
tóbaki verið stolið af lager.
DRUKKINN MEÐ RIFFIL Aðfara-
nótt sunnudags veittu lögreglu-
menn í Keflavík því athygli að
maður, sem var staddur fyrir
utan veitingastaðinn Paddy's,
hafði riffil í hendinni. Riffillinn
var tekinn af manninum sem
reyndist undir áhrifum áfengis. Í
ljós kom að þetta var eftirlíking
af riffli og sagði maðurinn að
hann væri hluti af hrekkjarvöku-
búningi sínum, en Bandaríkja-
menn héldu upp á hrekkjarvöku í
gærkvöld.
■ LÖGREGLUFRÉTTIR
■ ASÍA
Mun sekt samkeppnisráðs stöðva
samráð olíufélaganna?
Spurning dagsins í dag:
Er sjómannaafslátturinn sanngjarn?
Niðurstöður gærdagsins
á visir.is
78,18%
21,82%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Veikindi Arafats:
Á batavegi
FRAKKLAND, AP Jasser Arafat,
forseti heimastjórnar Palestínu-
manna, er á batavegi að sögn tals-
manns hans en ekkert hefur þó
verið gefið út um hvað það var
sem hrjáði
forsetann að
öðru leyti en
því að stað-
hæft er að
hann er ekki
með hvít-
blæði. Í gær
h r i n g d i
hann í sam-
starfsmenn
sína í Palestínu, las skeyti sem
þjóðarleiðtogar sendu honum og
mataðist.
Arafat hefur farið mikið fram
eftir að hann var fluttur til París-
ar til aðhlynningar. „Honum líður
miklu, miklu betur,“ sagði Nabil
Shaath, utanríkisráðherra Palest-
ínu. ■
edda.is
Tröllastrákurinn Dynkur
er hræddur við dags-
ljósið. Þorir hann með
tröllamömmu út í
hábjartan daginn? Hvað
gerist ef mennirnir eru á
ferli? Falleg og frumleg
tröllasaga eftir Brian
Pilkington, besta vin
íslenskra trölla.
Kennsla í grunnskólum
hefst í dag:
Óvíst um
bætta kennslu
KENNARADEILAN „Við vitum ekkert
hvernig eða hvort á að bæta börn-
um upp þennan tíma sem fallið
hefur úr,“ segir Hanna Hjartar-
dóttir, formaður Skólastjórafélags
Íslands.
Kennsla hefst í grunnskólum
landsins í dag. Eftir því sem hægt
er verður reynt að taka upp þráð-
inn þar sem frá var horfið, en afar
misjafnt er hvernig nemendur eru
í stakk búnir til að halda áfram
námi eftir sex vikna verkfall.
„Það skýrist ekkert fyrr en
þessu linnir, hvernig tekið verður á
þessu.“
Menntamálaráðherra hefur lýst
því yfir að starfshópur á vegum
ráðuneytisins sé að skoða þetta, og
hann hafi samstarf við skólayfir-
völd. - gb
SKÓLINN BYRJAR Í DAG
Í dag hefst kennsla að nýju að loknu sex vikna verkfalli. Eftir viku skýrist hvort verkfallið
heldur áframMYNDIR AF ÞJÓÐAR-
LEIÐTOGUM
Myndum af Jasser Arafat
og Jacques Chirac Frakk-
landsforseta var stillt upp
í Gazaborg.
ÁRNI ÞÓR SIGURÐSSON
FORSETI BORGARSTJÓRNAR
Verulegir hagsmunir í húfi fyrir borgarbúa.