Fréttablaðið - 01.11.2004, Blaðsíða 6

6 1. nóvember 2004 MÁNUDAGUR
Sveitarfélögin bíða afdrifa miðlunartillögunnar:
Engin laun til kennara
KENNARADEILAN Þótt kennarar
í grunnskólum, sem verið
hafa í verkfalli, mæti til
vinnu sinnar þessa viku fá
þeir engin laun útborguð um
þessi mánaðamót. Beðið
verður eftir því hvort kenn-
arar samþykkja miðlunar-
tillögu sáttasemjara áður en
farið verður að huga að
launagreiðslum til þeirra.
„Það skýrist ekkert fyrr
en ljóst verður hvað verður
um miðlunartillöguna,“ segir
Birgir Björn Sigurjóns-
son hjá Reykjavíkurborg.
„Kennarar sem hafa verið í starfi
á undanþágu fá laun greidd en
ekki þeir sem eru í verkfalli.
Verkfallið hófst 20. september og
þeir voru flestir búnir að fá
fyrirfram greidd laun fyrir
septembermánuð, þannig að
þarna hallar frekar á þá en
vinnuveitandann.“
Gunnar Rafn Sigur-
björnsson, starfsmannstjóri
Hafnarfjarðarbæjar, segist
telja að þessi háttur verði
hafður á í öllum sveitarfé-
lögum, enda sé það venjan
þegar verkföllum lýkur að
gert sé upp eftir að samning-
ur hefur verið samþykktur.
„Við getum ekki borgað
út eftir sáttatillögu, samn-
ingi sem ekki er búið að sam-
þykkja.“ ■
Segir engan hafa
verið í lífshættu
Páll Björnsson sýslumaður segir að mennirnir sem voru skammt frá
sprengingunni í Almannaskarði hafi ekki verið í lífshættu. Þeir hefðu
átt að vera farnir af svæðinu ef þeir hefðu viljað sýna aðgæslu.
SPRENGING Páll Björnsson, sýslu-
maður á Höfn í Hornafirði, segir
að hætt hafi verið að rannsaka
sprenginguna sem samgönguráð-
herra sprengdi í Almannaskarðs-
göngunum í byrjun október. Hann
segir ljóst að menn hafi ekki
verið í lífshættu. Hann segir
einnig að frumrannsókn hafi
verið gerð og verði einhverjir eft-
irmálar séu gögnin á vísum stað.
Geir Þorsteinsson bygginga-
verktaki segist algjörlega ósam-
mála sýslumanninum og segir að
ekki verði fram hjá því horft að
sex menn sem voru í vinnu hjá
honum hafi verið í hættu. Menn-
irnir voru sextíu metra frá
sprengjunni þegar hún sprakk og
sagði vinnufélagi mannanna, í við-
tali við Fréttablaðið, að mennirnir
hefðu þurft að henda sér á jörðina
til að verja sig fyrir grjóti sem
rigndi yfir þá.
Páll sýslumaður segir spreng-
ingunni hafi verið flýtt á síðustu
stundu en hún hefði samt verið
innan þess tíma sem allir hefðu
átt að vera farnir af svæðinu.
„Þeir hefðu átt að vera farnir ef
þeir hefðu viljað sína aðgæslu.
Það er þeirra mál hvort þeir fóru
ekki nógu langt eða hvort þeir
töfðust of lengi. Þeir voru í sjálfu
sér ekki í lífshættu og enginn slas-
aðist,“ segir Páll og bætir við að
viðhorfið hefði verið töluvert ann-
að hefði einhver slasast í spreng-
ingunni. Geir Þorsteinsson segist
vilja fá upp á yfirborðið hvað
gerðist nákvæmlega og hvar mis-
tökin liggja. „Í tilkynningu frá
sýslumanni segir að greinilegt
hafi verið að mistök hafi verið
gerð beggja megin skarðs. Hvort
það hafi verið við eða sá sem átti
að rýma svæðið vitum við ekki,“
segir Geir. Hann segir jafnframt
að þeir hefðu átt að vera búnir að
yfirgefa svæðið en í þetta skipti
hafi hins vegar ekki komið maður
til að sækja þá og sjá til þess að
svæðið væri hreint eins og venja
var. „Við teystum á að vinnueftir-
litið klári málið og geri skýrslu
um það. Við erum svo sem ekki að
sækjast eftir lögreglumáli,“ segir
Geir.
hrs@frettabladid.is
Gíslar í Kabúl:
Viljum öll
fara heim
AFGANISTAN, AP „Við viljum öll fara
heim til fjölskyldna okkar,“ sagði
Angelito Nayan, sendimaður
Filippseyja í Afganistan, í mynd-
bandi sem afganskir gíslatöku-
menn sendu til fjölmiðla í gær. Nay-
an er einn þriggja starfsmanna
Sameinuðu þjóðanna sem gísla-
tökumenn hnepptu í gíslingu. Hinir
eru Annetta Flanigan frá Norður-Ír-
landi og Shqipe Habibi frá Kosovo.
Gíslatökumenn hótuðu að myrða
fólkið ef Sameinuðu þjóðirnar og
breski herinn hyrfu ekki á brott frá
Afganistan. Af myndunum að
dæma hafði fólkinu ekki verið unn-
ið mein en öll virtust þau hrædd. ■
Bílveltur á Suðurlandi:
Bílbeltin
björguðu
UMFERÐIN Tveir bílar ultu, svo að
segja á sömu mínútunni, í um-
dæmi lögreglunnar á Hvolfsvelli
um sjö leytið í gær. Í öðru tilvik-
inu valt nýlegur jepplingur á Suð-
urlandsvegi í Varmadal á Rangár-
völlum. Í bílnum voru hjón með
barnabarn en engan sakaði enda
allir með beltin spennt. Í hinu til-
vikinu valt bílaleigujeppi í Ása-
hreppi. Þrír Spánverjar voru þar
á ferð og björguðu beltin þeim
einnig. Báðir skemmdust bílarnir
illa og þurfti að fjarlægja þá með
krana. - bþs
■ LÖGREGLUFRÉTTIR
■ LÖGREGLUFRÉTTIR
VEISTU SVARIÐ?
1Hvað heitir nýjasta bók ArnaldarIndriðasonar?
2Hver hlýtur heiðursverðlaun Eddunn-ar í ár?
3Hvað heitir stærsti þjóðgarður í Evr-ópu?
Svörin eru á bls. 34
ANDRÉS JÓNSSON
Klappaður upp eftir að hann var kosinn
forseti Norðurlandaráðs æskunnar.
Norðurlandaráð æskunnar:
Íslendingur
forseti
NORÐURLANDARÁÐ Andrés Jónsson,
formaður ungra jafnaðarmanna,
var í gær kosinn forseti Norður-
landaráðs æskunnar á þingi þess í
Stokkhólmi eftir all snarpa kosn-
ingabaráttu. „Ég vildi upphaflega
stuðla að því að fulltrúi frá Vest-
ur-Norðurlöndum kæmist í stjórn,
en svo fór að það var skorað á mig
að gefa kost á mér til for-
mennsku.“
Íslendingar og Færeyingar
studdu Andrés sem atti kappi við
finnska íhaldskonu um embættið.
Fyrsta embættisverk hans verður
að ávarpa Norðurlandaráðsþing á
morgun. - ás
LAUS ÚR HALDI Maður sem hefur
verið í haldi lögreglu á Ísafirði
vegna gruns um fíkniefnainn-
flutning var sleppt í gær. Hann
átti að vera í haldi til dagsins í
dag, en ekki voru taldar ástæður
til að halda honum svo lengi.
Rannsókn málsins er ekki lokið.
SLAGSMÁL Á KÁRAHNJÚKUM
Lögreglan á Egilsstöðum var
kölluð til Kárahnjúka vegna
slagsmála tveggja manna. Engin
kæra hefur verið lögð fram.
ERFITT Á HELLISHEIÐI EYSTRI
Nokkuð hefur verið um að lög-
reglan á Vopnafirði hafi verið
kölluð til aðstoðar ökumönnum á
Hellisheiði eystri, sem ekki kom-
ast yfir heiðina sökum hálku.
HÆTTULEGT GRÍN Lögreglan í
Keflavík hafði afskipti af tveim-
ur mönnum á Hafnargötu sem
voru með andlitsgrímur og
stukku í veg fyrir bifreiðar sem
ekið var hjá með tilheyrandi lát-
bragði. Var mönnum gefið tiltal
fyrir háttalagið.
RÉTT EFTIR SPRENGINGUNA ÁTTUNDA OKTÓBER
Sex menn voru í hættu þegar síðasta haftið í Almannaskarðsgöngum var sprengt of
snemma en þeir voru aðeins um sextíu metra frá sprengingunni.
Sólbaksmálið:
Annar samningur fyrir félagsdómi
KJARAMÁL Sævar Gunnarsson, for-
maður Sjómannasambands Ís-
lands, segir Sólbakssamningana
sem liggja nú sem gögn fyrir fé-
lagsdómi vera allt aðra en þá sem
styrr stóð um í september. Gögnin
voru lögð fram 26. október. Sér-
staklega var tekist á um það
ákvæði samningsins við áhöfn
Sólbaks að þeir stæðu utan verka-
lýðsfélaga en það ákvæði er ekki
inni í nýja samningnum. „Mér
sýnist að það sé búið að lagfæra
allt nema ákvæðið um hafnarfrí,“
segir Sævar. „En við viljum dóm
um gerð þessa samninga, því
þetta eru furðuleg vinnubrögð.“
Guðmundur Kristjánsson, for-
stjóri Brims, segir ákvæðið um
hafnarfrí alltaf hafa verið eina
málið. „Sævar hlustaði aldrei á
okkur og las ekki neitt. Það var
alltaf allt í lagi að vera í stéttarfé-
lagi, ef það samþykkti að skipið
þyrfti ekki að stoppa í 30 tíma
eftir hverja löndun. Það var bara
ekkert stéttarfélag sem vildi sam-
þykkja það,“ segir Guðmundur.
„Við leiðréttum klukkutímann í
kringum sjómannadag og áramót,
eins og við sögðumst ætla að
gera.“ - ss
GUÐMUNDUR KRISTJÁNSSON
Segir alltaf hafa átt að leiðrétta samninginn við áhöfn Sólbaks. En vill ekki samþykkja 30
tíma hafnarfrí eftir hverja löndun.
ÓLÆTI Eitthvað var um ólæti í
miðborg Reykjavíkur aðfaranótt
sunnudags. Fimm tilkynningar
bárust vegna minniháttar líkams-
árása.
KENNARAR
Verða að bíða í það minnsta viku eftir því að fá laun.