Fréttablaðið - 01.11.2004, Blaðsíða 17

Peningahyggja og misskipting
ingsins á íslenskt efnahagslíf enda
þótt flokkurinn hafi í fyrstu verið al-
gerlega á móti því að Ísland gerðist
aðili að EES. Það var Jón Baldvin
Hannibalsson, sem knúði aðildina í
gegn en hann var þá utanríkisráð-
herra og formaður Alþýðuflokksins.
EES samningurinn færði okkur við-
skiptafrelsið. Talsmenn Sjálfstæðis-
flokksins töluðu einnig fjálglega um
mikinn hagvöxt og mikla kaupmátt-
araukningu á þessu 13 ára stjórnar-
forustutímabili Sjálfstæðisflokks-
ins. En þegar betur er að gáð kemur
í ljós að mun meiri uppgangur á
þessu sviði hefur verið á fyrri tíma-
bilum. Ef bornir eru saman síðustu 4
áratugir kemur eftirfarandi í ljós:
Mestur er hagvöxtur og mest
kaupmáttaraukning á áratugnum
1971-1980 í stjórnartíð Ólafs Jóhann-
essonar, Geirs Hallgrímssonar og
Benedikts Gröndals. En þá varð hag-
vöxtur rúm 5 % að meðaltali á ári á
mann og kaupmáttur jókst um 5,7%
að meðaltali á ári. En minnstur er
hagvöxtur á áratugnum 1991-2002,
þegar Sjálfstæðisflokkurinn er sam-
fellt í forustu, eða aðeins um 2% að
meðaltali á ári á mann og kaupmátt-
araukning er einnig minnst á þessu
tímabili eða aðeins um 1,8% að með-
altali á ári. Kaupmáttaraukning
varð mjög mikil á viðreisnarára-
tugnum eða um 5,2% að meðaltali á
ári. Það versta við tímabil stjórnar-
forustu Sjálfstæðisflokksins er þó
það að velferðarkerfið hefur látið
undan síga. T.d. hafa kjör aldraðra
og öryrkja versnað í samanburði við
kjör hinna lægst launuðu á almenn-
um vinnumarkaði, þar eð tengsl líf-
eyris þessara hópa við lægstu laun á
vinnumarkaðnum voru rofin árið
1995. Síðan hafa aldraðir og öryrkj-
ar fengið mun minni lífeyrishækk-
anir en nemur kauphækkunum
láglaunafólks. Skattbyrði láglauna-
fólks og fólks með meðaltekjur
hefur aukist. Félagslega íbúðakerfið
hefur verið rústað. Ástandið í
sjúkrahúsmálum er mjög slæmt.
Einkenni tímabils stjórnarforustu
Sjálfstæðisflokksins hefur verið
peningahyggja og gróðahyggja. At-
vinnulífið stjórnast nú alveg af
gróðahyggju og manneskjuleg sjón-
armið eiga ekki upp á pallborðið
lengur. Þetta ástand hefur skapast í
kjölfar einkavæðingar og frelsis-
væðingar atvinnulífsins. Ég tel að
gengið hafi verið of langt í einka-
væðingu og mál að linni. T.d. tel ég
enga þörf á því að einkavæða Sím-
ann. Síminn er vel rekið fyrirtæki,
hlutafélag í eigu ríkisins. Það skilar
miklum og góðum hagnaði eins og
það er rekið. Það er rekið á sam-
keppnisgrundvelli og nýtur engra
sérréttinda þó ríkið eigi mestallt
hlutaféð. Fátækt er mikil á Íslandi
og mikil misskipting auðs. Á tímabil-
inu 1995-2001 jókst fátækt úr 8,8% í
13,2% af tölu framteljanda. Hið
rangláta kvótakerfi hefur fært
mikla fjármuni til tiltölulega fárra.
Það er blettur á íslensku samfélagi
að hafa ekki útrýmt fátækt og búið
öldruðum og öryrkjum sómasamleg
kjör. ■
17MÁNUDAGUR 1. nóvember 2004
Jörðin er flöt
Trúir nokkur maður því að jörðin sé flöt?
Þótt ótrúlegt megi virðast geld ég já-
kvæði við þessari spurningu. Svo virðist
sem málfeigðarsinnar trúi því að jörðin
líkist pizzu. Í fljótu bragði virðist jörðin
flöt, fljótt á litið virðist herkostnaður af
íslenskri tungu. En eins og ég hef marg-
bent á þá myndi Ísland fara á hausinn ef
við skiptum yfir í ensku. T.d. yrði gífur-
legur kostnaður af að þýða alla laga-
bálka og skýrslur yfir á fjármálið göfuga,
en$ku. Þetta sjáum við fyrst við nánari
aðgæslu rétt eins og við sjáum hið
sanna sköpulag jarðarinnar við nánari
athugun.
Stefán Snævarr á kistan.is
Staðbundnir fjölmiðlar
Staðbundnir fjölmiðlar geta verið bæði
skemmtilegir og gagnlegir, rétt eins og
þeir geta verið leiðinlegir og til óþurftar.
Þetta breytir hins vegar engu um það að
ríkið ætti ekki að taka fé af þeim sem
engan áhuga hafa á útgáfunni og neyða
þá til að styrkja hana. Þeir sem telja
staðbundna fjölmiðla mikilvæga geta
styrkt þá og þeir sem telja sig hafa beint
gagn af þeim geta keypt þá. Margir
hverjir gera það nú þegar. Þeir sem vilja
fá að vera í friði fyrir útgáfu staðbund-
inna fjölmiðla ættu hins vegar að fá að
vera það.
Vefþjóðviljinn á andriki.is
Skopstælingarbragur
Ég kíkti í hið undarlega smásagnasafn
Hermanns Stefánssonar, 9 þjófalyklar,
áðan. Þetta virðist vera einn stór bók-
menntalegur brandari og persónan
Ólafur Jóhann Ólafsson rithöfundur
kemur fyrir í öllum sögunum. Þetta er
fyndið og lipurlega skrifað en spurning
til hvaða hóps þetta getur höfðað. Og
kannski gildir það einu. Skopstælingar-
bragurinn á Hermanni er síðan búinn að
smitast úr bókinni sjálfri og yfir í kynn-
inguna á henni en á bjartur.is var í gær
tilkynnt að Hermann hefði hlotið Bók-
menntaverðlaun Guðbjarts Jónssonar
og væri fyrsti karlmaðurinn sem þau
hlyti.
Ágúst Borgþór Sverrisson á agust-
borgthor.blogspot.com
BJÖRGVIN GUÐMUNDSSON
VIÐSKIPTAFRÆÐINGUR
UMRÆÐAN
STJÓRNARFORUSTA
SJÁLFSTÆÐIS-
FLOKKSINS
BRÉF TIL BLAÐSINS
Meistarar í aflraunum
Dalvegi 6-8 · 201 Kópavogur
Sími 535 3500 · Fax 535 3509
www.kraftvelar.is
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
„Stjórnarskipti“ urðu 15.september
sl., a.m.k. að nafninu til. Talsverðar
umræður urðu af þessu tilefni í fjöl-
miðlum um hið liðna þrettán ára
tímabil stjórnarforustu Sjálfstæðis-
flokksins. Sitt sýnist hverjum um
þetta tímabil. Sjálfstæðisflokkurinn
reynir að eigna sér áhrif EES-samn-