Fréttablaðið - 02.11.2004, Blaðsíða 2
2 2. nóvember 2004 ÞRIÐJUDAGUR
Kárahnjúkavirkjun:
Jarðskjálftamælum komið fyrir
IÐNAÐUR Veðurstofa Íslands er að
beiðni Landsvirkjunar að setja
upp þrjá nýja jarðskjálftamæla
við Kárahnjúka og er það gert til
að fylgjast með virkni áður en og
á meðan fyllt er í lón virkjunar-
innar. Hingað til hefur virkni ver-
ið lítil á svæðinu, en hjá Veður-
stofunni fengust þó þær upplýs-
ingar að ekki sé víst að öll virkni
hafi verið numin vegna þess hve
mælanet stofnunarinnar sé gisið á
þessum slóðum. Vonir standa til
að gögn frá nýju mælunum taki að
berast eftir um tvær vikur þegar
tölvubúnaði hefur verið komið
fyrir.
„Vegna þess hve lónið er hátt
og djúpt má alltaf búast við að
einhverjar hræringar verði þegar
fyllt verður í það,“ segir Sigurður
Arnalds, upplýsingafulltrúi Kára-
hnjúkavirkjunar. „Síðan verða
settir upp frekari mælar en það
gerum við á öllum virkjanasvæð-
um.“ Sigurður segir að Kára-
hnjúkastíflan standi utan við
mestu skjálftasvæði þó þarna geti
vissulega orðið jarðskjálftar. „Öll
þessi mannvirki eru hönnuð til að
þola meira en jarðskjálfta sem
mestir geta orðið á hverju svæði,“
segir hann og bætir við að stífla
eins og við Kárahnjúka þyki hvað
öruggust af öllum með tilliti til
jarðskjálfta. - óká
Þórólfur líklega
ekki á R-listanum
Borgarfulltrúar Samfylkingar og Framsóknarflokks standa þétt að baki
Þórólfi Árnasyni borgarstjóra þrátt fyrir aðkomu hans að verðsamráði
olíufélaganna. Óvíst er með stuðning vinstri grænna.
STJÓRNMÁL Tvísýnt er um pólitíska
framtíð Þórólfs Árnasonar, borg-
arstjóra eftir að skýrsla Sam-
keppnisstofnunar um verðsamráð
olíufélaganna kom út. Þar ber
hans nafn á góma rúmlega hund-
rað sinnum vegna starfa hans sem
framkvæmdastjóri markaðssviðs
Essó.
Þórólfur hefur sagt í fjölmiðl-
um að hann hafi ekki haft
vineskju um náið samstarf
forstjóra olíufélaganna. Margt í
skýrslunni virðist þó benda til
annars. Meðal annars segir frá
minnisblaði hans til forstjóra
Essó þar sem hann lýsir fundi sín-
um með forstjóra Olís þann 8.
september 1994 þar sem margvís-
leg málefni voru rædd. Í minnis-
blaðinu segir Þórólfur að forstjóri
Olís hafi verið sammála honum
þegar hann nefndi að nú þyrftu
félögin öll að vera mjög vakandi
yfir því að láta ekki egna sér sam-
an í verðstríð í útboðum.
Alfreð Þorsteinsson, fulltrúi
Framsóknarflokksins á Reykja-
víkurlistanum, sagði í gær að
fréttir um afskipti Þórólfs af
verðsamráðinu breyti engu um þá
skoðun hans að Þórólfur eigi að
vera pólitískur leiðtogi Reykja-
víkurlistans í næstu borgarstjórn-
arkosningum. Steinunn Valdís
Óskarsdóttir, fulltrúi Samfylking-
arinnar á Reykjavíkurlistanum,
hefur nýlega sagt að flokkarnir
þrír sem standa að listanum ættu
að sammælast um Þórólf sem
fyrsta kost í sameiginlegu fram-
boði fyrir næstu borgarstjórnar-
kosningar. Hún segist enn standa
við orð sín nú eftir að skýrsla
Samkeppnisstofnunar er komin
út.
Þegar verðsamráð olíufélag-
anna komst í hámæli fyrir rúmu
ári var haldinn fundur með
formönnum Framsóknarfélag-
anna í Reykjavík, formanni Sam-
fylkingarfélags Reykjavíkur og
formanns vinstri grænna í
Reykjavík þar sem pólitísk fram-
tíð Þórólfs var rædd. Þá vildi full-
trúi vinstri grænna setja Þórólf
samstundis af. Hins vegar var
tekin ákvörðun um að bíða þar til
endanleg skýrsla Samkeppnis-
stofnunar lægi fyrir. Nú þegar
skýrslan liggur fyrir er búist við
öðrum slíkum fundi nú á næst-
unni. Auk þess koma fulltrúar
vinstri grænna saman til fundar á
næstu dögum. Greina má mikla
undiröldu í þeirra röðum vegna
málsins og telja margir viðmæl-
endur blaðsins útilokað að Þórólf-
ur verði nokkurn tímann í fram-
boði fyrir Reykjavíkurlistann.
ghg@frettabladid.is
Hlutabréfamarkaður:
Meiri ró
VIÐSKIPTI Lækkunarhrina á hluta-
bréfamarkaði hélt áfram í gær.
Úrvalsvísitalan hefur lækkað níu
daga í röð.
Alls hefur vísitalan lækkað um
14,1 prósent sem er met. Áður
lækkaði vísitalan níu daga í röð 22
oktober til 1. nóvember 2001, en
þá aðeins um 2,5 prósent. Lækk-
unina nú ber upp á sömu dagsetn-
ingar.
Viðskipti á hlutabréfamarkaði í
gær voru minni en í síðustu viku
sem bendir til þess að markaður-
inn sé að róast. Verð nokkurra fé-
laga er komið í nánd við greining-
ar bankanna og einhver vel undir
mat sérfræðinga á verðmæti
rekstrar fyrirtækjanna.
sjá síðu 18
Uppbót vegna verkfalls:
Kennsla auk-
in og frí stytt
MENNTAMÁL Stytt páskafrí og
kennsla á laugardögum eru kostir
sem koma til greina til að bæta 10.
bekkingum í grunnskólum lands-
ins „það tjón sem þeir hafa orðið
fyrir í verkfallinu“, eins og Stefán
Jón Hafstein, formaður fræðslu-
ráðs Reykjavíku,r orðaði það.
Hann sagði að þegar væri farið að
huga að því máli.
Stefán Jón sagði að enn væri
ekkert komið haldfast á blað. Hins
vegar hefðu hann og starfsmenn
Fræðslumiðstöðvar rætt málið.
Spurður hvaða hugmyndir
væru uppi á borðinu í þeim efnum
sagði Stefán Jón að til greina
kæmu aukakennsludagar, auka-
tímar og leiðsögn, en hún yrði
keypt af kennurum, undir sömu
formerkjum og vetrarfríin.
„Það er ekki hægt að neyða
kennara til neins,“ sagði Stefán
Jón. „En það er mögulegt að stytta
páskafríið, kenna á laugardögum
og bjóða upp á aukatíma. Það er
ýmislegt til í stöðunni og við erum
að ræða það núna. Um leið og ligg-
ur fyrir hvað verður um samninga
þarf að huga frekar að þessum
málum. En þetta er eitt af því sem
gerist ekki nema í góðri samvinnu
við kennara.“ - jss
„Jú, vissulega er oftast vont að vera skil-
inn útundan. En í þessu tilviki er ósköp
notalegt að vera á hliðarlínunni.“
Atlantsolía er eina olíufélagið sem var ekki þátt-
takandi í verðsamráði olíufélaganna. Hugi
Hreiðarsson er markaðsstjóri Atlantsolíu.
SPURNING DAGSINS
Hugi, ertu ekki sár yfir því að hafa
verið skilinn útundan í verðsamráði
olíufélaganna?
Rektor Háskóla Íslands:
Einar býður
sig fram
FRAMBOÐ Einar Stefánsson, pró-
fessor við læknadeild Háskóla
Íslands, hefur ákveðið að gefa
kost á sér í rektorskjör.
Einar segist leggja áherslu á
tvö markmið. „Ég vil stuðla að
uppbyggingu Háskólans sem
rannsóknaháskóla sem jafnast við
þá bestu á Norðurlöndum. Þá vil
ég að allir Íslendingar fái tæki-
færi til að stunda það háskólanám
sem þeir hafa getu og vilja til.“
Einar er fyrrverandi forseti
læknadeildar og hefur verið
prófessor við læknadeild HÍ í 16
ár. Áður var Einar lektor við
háskólann Duke í Bandaríkjunum
og vísindamaður við Heilbrigðis-
rannsóknastofnun Bandaríkjanna
(NIH). Einar er einn afkastamesti
vísindamaður HÍ og eftirsóttur
fyrirlesari um allan heim. - ás
Heimssýningin 2005:
Norðurlönd
með skála
HEIMSSÝNING Danmörk, Finnland,
Ísland, Noregur og Svíþjóð sam-
einast um sýningarskála á heim-
sýningunni EXPO 2005 í Aichi í
Japan. Sýningin hefst 25. mars
2005. Norræni skálinn er 1300 fer-
metrar að stærð og þar verður
gestum kynnt framsækin evrópsk
lýðræðisríki og framlag þeirra á
mikilvægum sviðum eins og á
sviði náttúru- og umhverfisvernd-
ar, í svæðasamstarfi, menningu
og hönnun.
„Mörg sameiginleg gildi og
sérkenni, einkenna Norðurlönd-
in,“ sagði Valgerður Sverrisdóttir
samstarfsráðherra Norðurlanda
þegar hún kynnti sameiginlega
þátttöku Norðurlandanna á EXPO
á Norðurlandaráðsþinginu í
Stokkhólmi í gær.
- ás
STEFÁN JÓN HAFSTEIN
Hefur rætt málefni 10. bekkinga við starfs-
menn Fræðslumiðstöðvar.
STJÓRNMÁL Steingrímur J. Sigfús-
son, formaður vinstri grænna
kvaddi sér hljóðs að lokinni ræðu
Anders Fogh Rasmussen, forsæt-
isráðherra Dana, við setningu
Norðurlandaráðsþings í gær.
Gagnrýndi hann Anders Fogh
harðlega fyrir að víkja ekki auka-
teknu orði að Írak í ræðu sinni.
Fogh svaraði Steingrími með
því að veifa pésa með áherslum
Dana í forystu Norðurlandasam-
starfsins og sagði að mörgum
hefði þótt einkennilegt ef í honum
og ræðu hans hefði verið fjallað
um Íraksstríðið.
Steingrímur spurði hvaða
afstöðu Danir tækju þegar þeir
settust í öryggisráð Sameinuðu
þjóðanna, til dæmis ef Bandarík-
in vildu ráðast á Íran. „Hvar eru
norrænu stjórnvitringarnir eins
og Olof Palme sem kröfðust þess
að allir skyldu fara að alþjóðalög-
um, einnig stórveldin. Anders
Fogh Rasmussen er ekki einn af
þeim,“ sagði Steingrímur.
Sigurður Kári Kristjánsson,
Sjálfstæðisflokki, segir ræðu
Steingríms hafa verið mjög óvið-
eigandi enda Írak ekki á dagskrá.
„Þetta var hreinn dónaskapur,“
sagði hann.
- ás
Norðurlandaráðsþing:
Steingrímur
reifst við Fogh
STEINGRÍMUR J. SIGFÚSSON
Steingrímur kvaddi sér hljóðs að lokinni
ræðu forsætisráðherra Dana við setningu
Norðurlandaráðsþings og gagnrýndi hann
harðlega fyrir að víkja ekki að málefnum
Íraks í ræðu sinni.
ÞÓRÓLFUR ÁRNASON
Fulltrúar vinstri grænna vildu að Þórólfur yrði látinn taka pokann sinn þegar þátttaka hans
í verðsamráði olíufélaganna komst í hámæli fyrir um ári. Hann sættist á að bíða endan-
legrar niðurstöðu Samkeppnisstofnunar sem nú liggur fyrir.
FR
ÉT
TA
B
LA
Ð
IÐ
/E
.Ó
L
KÁRAHNJÚKASTÍFLA
Sprengingar vegna framkvæmda við Kára-
hnjúkavirkjun koma fram á jarðskjálfta-
mælum Veðurstofunnar.