Fréttablaðið - 02.11.2004, Blaðsíða 4

4 2. nóvember 2004 ÞRIÐJUDAGUR
Tregða til að fá tilboð varð til þess að LÍÚ samdi við erlent olíufyrirtæki:
Olíuviðskiptin lygasögu líkust
OLÍUFÉLÖGIN Olíufélögin brugðust
harkalega við þegar Landssam-
band Íslenskra útvegsmanna
samdi við erlent fyrirtæki um að
olíuskip á þess vegum kæmi til
Íslands í lok ársins 2000 til að
selja útgerðum olíu.
Friðrik J. Arngrímsson, fram-
kvæmdastjóri LÍÚ, segir að sam-
bandið hafi ákveðið þetta eftir að
samningaviðræður við Úthafs-
olíu/OW Icebunker, sem er félag
að hluta í eigu olíufélaganna,
hafi runnið út í sandinn.
„Þetta var lygasögu líkast,“
segir Friðrik. „Það var ekki eins
og ég hafi verið að reyna rukka
þá eða selja þeim eitthvað heldur
vildi ég kaupa af þeim olíu og
fara yfir það hvernig hægt væri
að lækka olíuverðið. Þrátt fyrir
ítrekaðar tilraunir til að fá tilboð
frá Icebunker gekk það ekki. Ég
skyldi eftir ótal skilaboð og fékk
aldrei nein svör.
Einn daginn var mér hrein-
lega nóg boðið og fór á skrifstofu
fyrirtækisins og neitað að fara út
fyrr en tilboð lægi fyrir. Síðan
var það náttúrlega alltof hátt og
þess vegna sömdum við við er-
lenda fyrirtækið.“
Icebunker miðlaði upplýsing-
um um viðskipti LÍÚ og erlenda
fyrirtækisins til olíufélaganna. Í
kjölfarið funduðu olíufélögin um
það hver viðbrögð þeirra ættu að
verða.
„Menn láti ekki hafa sig út í
neinn verðslag heldur haldi sínu
striki og ákvarði verð um næstu
mánaðmót út frá sömu forsend-
um og hingað til,“ segir í tölvu-
pósti olíufélaganna. „Þar gildir
að sjálfsögðu að nota rökin
um birgðaverð, þjónustustigið,
birgðaöryggi og aðgengi að olí-
unni hvar sem er á landinu,“
segir í tölvupóstinum.“
- th
Ríkislögreglustjóri:
Rannsóknin
enn í gangi
OLÍUFÉLÖGIN Rannsókn Ríkislög-
reglustjóra á meintu samráði
olíufélaganna, sem hófst fyrir tæpu
ári, er enn í gangi að sögn Jóns H.
Snorrasonar, yfirmanns efnahags-
brotadeildar Ríkislögreglustjóra.
Aðspurður hvort það hylli undir
lokin á rannsókninni segir Jón: „Ég
vil ekki svara neinu um það.“ Rann-
sókn ríkislögreglustjóra nær yfir
sama tímabil og rannsókn Sam-
keppnisstofnunar. Rannsókn Ríkis-
lögreglustjóra snýr hins vegar að
refsiábyrgð einstaklinga og fyrir-
tækja í málinu. - th
Eskja á Eskifirði:
Útiloka ekki
málsókn
OLÍUFÉLÖGIN Forsvarsmenn sjávar-
útvegsfyrirtækisins Eskju á Eski-
firði eru að meta stöðuna vegna
meints verðsamráðs olíufélag-
anna á sölu olíu til fiskiskipa.
„Við erum að skoða málið og
umfang þess og í kjölfarið metum
við hvað við gerum,“ segir Elfar
Aðalsteinsson, stjórnarformaður
Eskju. „Það er sama uppi á borð-
inu hjá okkur eins og öðrum fyrir-
tækjum að ef við teljum á okkur
brotið á einhvern hátt þá að sjálf-
sögðu leitum við réttar okkar án
skilyrða og af fullum þunga.“
Elfar segir ekki tímabært að
segja nokkuð um það hvort Eskja
hafi orðið fyrir tjóni vegna hins
meinta samráðs. - th
Áróður gegn
olíufélögunum:
Bara bensín
OLÍUFÉLÖGIN Fólk er hvatt til að
kaupa bara bensín af Skeljungi,
Olís og Essó í tölvupósti sem nú
gengur á milli fólks á netinu.
„Olíufélögin stálu af okkur
peningum í mörg ár,“ segir í
tölvupóstinum. „Við getum svarað
fyrir okkur. Það þýðir ekkert að
hafa bensínlausan dag. Það er
bara rugl því þá verslum við bara
meira á morgun. Við refsum þeim
með buddunni og kaupum bara
bensín. Ekki sígaréttur, ekki
pylsur, ekki hreinsiefni, leikföng,
nammi, mat, hanska, grill né neitt
annað. Hjá olíufélögunum kaup-
um við bara bensín.“ ■
Er sjómannaafslátturinn sann-
gjarn?
Spurning dagsins í dag:
Á Þórólfur Árnason borgarstjóri að
taka sæti á Reykjavíkurlistanum næst?
Niðurstöður gærdagsins
á visir.is
59,1%
40,9%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Sérsamningur:
Sólbakur enn
fyrir dómi
KJARAMÁL Málflutningur vegna
sérsamninga Sólbaksáhafnarinn-
ar verður fyrir Félagsdómi 4. nóv-
ember.
Konráð Alfreðsson formaður
Sjómannafélags Eyjafjarðar segir
málinu verða framhaldið þar til
niðurstaða fáist þrátt fyrir að
breytingar á Sólbakssamningnum
hafi verið afturkallaðar fyrir utan
þær á hafnarfríum áhafnarinnar.
Í nýundirrituðum samningi
sjómannaforystunnar og LÍÚ er
opnað fyrir breytingar á hafnar-
fríum. Konráð segir þó ekki hægt
að ákveða breytingarnar einhliða
eins og forstjóri Brims hafi gert.
- gag
Óvinir allt um kring
Vítahringur fjallar um
þræla, kappa, bardaga,
galdra og strák sem
reynir að lifa eðlilegu
lífi - en það reynist
ekki auðvelt.
Ný frábær saga frá
verðlaunahöfundinum
Kristínu Steinsdóttur
OLÍUSAMRÁÐ Olíufélögin eiga að
hafa frumkvæði að því að taka
upp viðræður við útgerðirnar um
það hvernig hægt er að bæta fyrir
það tjón sem útgerðirnar urðu
fyrir vegna meints samráðs
olíufélaganna. Þetta segir Friðrik
J. Arngrímsson,
f r a m k v æ m d a -
stjóri Landssam-
bands íslenskra
útvegsmanna.
Friðrik segir
að LÍÚ sé þessa
dagana að skoða
málið í heild laga-
lega meðal annars
með hugsanlegan
skaðabótarétt út-
gerða í huga.
Hann segir að nokkur útgerðar-
fyrirtæki séu þegar byrjuð að
kanna réttarstöðu sína gagnvart
olíufélögunum með bótakröfu í
huga. Hann segir ekki ljóst hvað
olíufélögin hafi haft mikið af út-
gerðinni en það sé hans mat að
olíufélögin eigi nú að hafa frum-
kvæði að viðræðum. Þau eigi að
fara yfir málin með einstökum út-
gerðarfyrirtækjum og reyna að
bæta fyrir tjónið sem þau ollu.
Eitt dæmi um meint samráð
olíufélaganna snertir kaup ís-
lenskra fiskiskipa á olíu í Færeyj-
um árið 2001. Vegna hás olíuverðs
á Íslandi byrjuðu íslensk útgerð-
arfyrirtæki að kaupa olíu í Fær-
eyjum árið 1998 í ríkari mæli en
þau höfðu gert. Landssamband ís-
lenskra útvegsmanna gagnrýndi
mikinn verðmun milli Íslands og
Færeyja harðlega. Í skýrslu sam-
keppnisráðs kemur fram að olíu-
félögin hafi kunnað þessari gagn-
rýni afar illa. Í kjölfarið hafi þau
beitt sér fyrir því að olíuverð til
íslenskra skipa í Færeyjum yrði
hækkað svo að þrýstingur á að
olíuverð á Íslandi lækkaði myndi
minnka. Beindust aðgerðir ís-
lensku olíufélaganna gegn Statoil
og Shell í Færeyjum. Í október árð
2001 höfðu íslensku olíufélögin í
hótunum við Statoil um að hætta
olíuviðskiptum við það ef það
beitti sér ekki fyrir verðhækkun á
olíu til íslenskra fiskiskipa í Fær-
eyjum. Í kjölfarið féllst Statoil á
að hækka verðið í Færeyjum.
„Mér finnst sorglegt hvað
þessir annars ágætu menn virðast
hafa leiðst út í,“ segir Friðrik.
„Eins og þetta lítur út þá er þetta
miklu verra heldur en nokkurn
hefði grunað. Það sem mér finnst
koma fram í þessu er algjört virð-
ingarleysi fyrir viðskiptavinin-
um“
trausti@frettabladid.is
Vill að olíufélögin leiti
sátta við útgerðirnar
Statoil í Færeyjum hækkaði olíuverð til íslenskra fiskiskipa í kjölfar
hótana olíufélaganna. Miklu verra en nokkurn hefði grunað að sögn
framkvæmdastjóra Landssambands íslenskra útgerðarmanna.
SKIP VIÐ BRYGGJU Í REYKJAVÍKURHÖFN
Framkvæmdastjóri Landssambands íslenskra útvegsmanna segir að nokkur útgerðarfyrir-
tæki séu að kanna réttarstöðu sína gagnvart olíufélögunum með bótakröfu í huga.
,,Mér
finnst sorg-
legt hvað
þessir ann-
ars ágætu
menn virð-
ast hafa
leiðst út í
FRIÐRIK J. ARNGRÍMSSON
„Það var ekki eins og ég hafi verið að
reyna rukka þá eða selja þeim eitthvað
heldur vildi ég kaupa af þeim olíu.“
LÖNDUN ÚR SÓLBAKI
Sérsamningur við áhöfn Sólbaks hefur
valdið titringi. Ágreiningur er um hvort
hann standist lágmarks kjarasamninga.
FR
ÉT
TA
B
LA
Ð
IÐ
/G
VA
FERÐAMÖNNUM BJARGAÐ
00Hjálparsveit skáta í Hvera-
gerði kom erlendum ferðamönn-
um til bjargar um miðjan dag í
gær. Ferðamennirnir höfðu fest
jeppling sinn á vegarslóða fyrir
ofan bæinn Gljúfur.
■ HJÁLPARSVEITIR