Fréttablaðið - 02.11.2004, Blaðsíða 9
9ÞRIÐJUDAGUR 2. nóvember 2004
es.xud.www
Héraðsdómur:
Dómur fyrir
rán og árás
DÓMSMÁL Tvítugum maður var í
gær dæmdur í tíu mánaða skilorðs-
bundið fangelsi fyrir rán og líkams-
árás fyrir Héraðsdómi Reykjavíkur.
Maðurinn, í félagi við aðra
óþekkta manneskju, kom inn í sölu-
turninn Vídeóspóluna í Reykjavík í
mars í fyrra og ógnaði afgreiðslu-
stúlku með því að bera hníf upp að
hálsi hennar, ýta henni upp við vegg
og niður á gólf á meðan samverka-
maður hans hrifsaði 57 þúsund
krónur úr peningakassa.
Auk skilorðsins var manninum
einnig gert að greiða afgreiðslu-
stúlkunni 200 þúsund krónur í
miskabætur. ■
ÁRNI MAGNÚSSON
Áætlun hans um stórfellda fækkun sveitar-
félaga á næsta ári er nú í lausu lofti.
Ráðstefna sveitarfélaga:
Sameining
stöðvuð
SVEITARSTJÓRNARMÁL Fjármálaráð-
stefna sveitarfélaga hófst í gær.
Í viðræðum um tekjuskiptingu rík-
is og sveitarfélaga kom greinilega
í ljós óánægja meðal sveitarstjórn-
armanna með það hve hægt miðar
í samningaviðræðum þeirra á
milli. Árni Þór Sigurðsson, annar
fulltrúa sveitarfélaganna í svo-
nefndri tekjustofnanefnd segir að
sveitarstjórnarmenn á ráðstefn-
unni hafi verið sammála um að
gera kröfur um að ríkið leiðrétti
tekjuskiptinguna. Fyrr verði ekki
haldið áfram í viðræðum um sam-
einingu sveitarfélaga. „Þetta var
þverpólitísk afstaða og það voru
allir sammála um að það þyrfti að
leiðrétta tekjustofnana áður en ný
verkefni verða flutt þangað eða
sameining samþykkt.“
Árni Magnússon, félagsmála-
ráðherra, hefur boðað átak til að
fækka sveitarfélögum á landinu úr
103 í 39 á næsta ári. Ljóst er að sú
ætlun hans er í lausu lofti eftir
fund sveitarfélaganna í gær. - ghg
ANDERS FOGH RASMUSSEN
Minntist á veitingastað íslendings í ræðu.
Norðurlandaráð:
Vinsæll á
Nörrebro
STJÓRNMÁL Anders Fogh Rasmuss-
en, forsætisráðherra Danmerkur
nefndi sem dæmi í ræðu sinni á
Norðurlandaráðsþingi í gær um
blómleg samskipti Norðurlanda-
þjóðanna að eins líklegt væri að
sænskur þjónaði manni til borðs í
Kaupmannahöfn og allt um kring
væru menn að tala í sænska
eða finnska farsíma. „Og svo
er nýjasti „inn“ staðurinn á
Nörrebro íslenskur,“ bætti ráð-
herrann við.
Staðurinn sem danski forsætis-
ráðherrann nefndi mun vera nýr
veitingastaður í eigu Friðriks
Weisshappels, kunns íslensks
athafnamanns. - ás