Fréttablaðið - 02.11.2004, Blaðsíða 20

2. nóvember 2004 MIÐVIKUDAGUR 4
„Það skiptir mjög miklu máli í okkar starfi að vera
í góðu formi. Við förum í þolpróf og styrktarpróf
einu sinni á ári og við reynum þess vegna að æfa að
minnsta kosti alla virka daga,“ segja Finnur Hilm-
arsson og Hannes Páll Guðmundsson, starfsmenn
Slökkviliðs höfuðborgarsvæðisins. Þeir ásamt fjöl-
mörgum öðrum slökkviliðsmönnum mæta í Hreyf-
ingu á hverjum einasta degi og taka vel á því.
„Þegar við erum á vakt þá mætum við í tíma
klukkan 10.10 á morgnana. Ef við erum ekki á vakt
þá mætum við frekar í tækjasalinn og lyftum og
þess háttar. Við erum með fasta tíma á morgnana
þegar við erum á vöktum sem skiptast í þolþjálfun
og styrktarþjálfun. Stundum förum við í spinning,
stundum í stöðvaþjálfun og stundum tökum við
spretti og svoleiðis. Það er mjög mismunandi,“
segja Finnur og Hannes en slökkviliðsmenn höfuð-
borgarsvæðisins hafa æft af fullum krafti síðustu
sextán ár í Faxafeninu. Þó að tímarnir séu fastir
hjá félögunum eru allir velkomnir og tímarnir alls
ekki lokaðir almenningi.
Í Hreyfingu hittast slökkviliðsmenn úr stöðvun-
um við Skógarhlíð og Tunguháls. Drjúgan part af
morgninum má því segja að þeir stjórni slökkvi-
liðsstöðinni úr annars konar stöð – líkamsræktar-
stöðinni. „Þetta er mjög gott upp á móralinn. Það er
fínt að gera eitthvað með starfsfélögunum í aðeins
öðruvísi umhverfi og bindast sterkum böndum. Við
líka peppum hver aðra upp í tímunum og höfum
mjög gaman af,“ segja Finnur og Hannes en
slökkviliðsmennirnir eru á öllum aldri, allt frá 24
og upp í rúmlega sextugt.
Hraustu slökkviliðsmennirnir fá því miður ekki
alltaf að klára æfingarnar sínar því oft kemur
fyrir að þeir eru kallaðir út í miðjum klíðum. „Við
erum með útkallstæki og síma á okkur þar sem við
þurfum að bregðast mjög fljótt við öllum útköllum.
Við erum með sérútgang í stöðinni þar sem fötin
okkar og dót liggja tilbúin. Síðan er bílunum okkar
lagt beint fyrir utan,“ segja Finnur og Hannes og
því alveg ljóst að slökkviliðsmennirnir eru fljótir
að bregðast við. En hvað finnst fólkinu í Hreyfingu
um þetta? „Fólki finnst mjög gaman að hafa okkur
hérna og svolítið spennandi þegar við erum
kallaðir út.“
lilja@frettabladid.is
Kjúklingamánar er nýjung í fullunninni matvöru
frá Matfugli. Þeir eru með ljúffengri fyllingu úr
6 mismunandi ostum og öðru góðgæti. Þá þarf
aðeins að hita í ofni eða á pönnu og því auðvelt
að reiða fram sælkeramáltíð á svipstundu. – Lostæti með lítilli fyrirhöfn
Með ljúffengri fyllingu
úr ostum og öðru góðgæti
• Sérhæfð meðferð
• Opið alla daga
• Pantið tíma núna!
• Munið gjafabréfin!
Gefðu þér tíma fyrir
andlegt og líkamlegt
heilbrigði
Námskeið fyrir börn,
unglinga og fullorðna
Einkatímar
Hópatímar
• Thai Chi
• Hugræn
teygjuleikfimi
• Kung Fu
Tek á móti dekurhópum.
Heitur pottur, gufa og fleira.
Ath. fleiri tilboð. Kínversk heilsulind • Skeifan 3j • 553 8282
Slökkviliðsmenn í spinning:
Stjórna slökkvistöðinni úr Hreyfingu
Strákarnir púla og púla í spinning hjá Heiðu Björk sem hvetur þá vel áfram með góðri og strákalegri rokktónlist.
Hannes Páll Guðmundsson og Finnur Hilmarsson hjá neyðar-
útgangi slökkviliðsmannanna þar sem fötin bíða tilbúin.
Slökkviliðsmennirnir eru á öllum aldri og ná vel saman í rækt-
inni.
FR
ÉT
TA
B
LA
Ð
IÐ
/E
.Ó
L.
Þann 11. nóvember verður haldin
alþjóðleg flensuráðstefna í Genf í
Sviss. Efnt er til ráðstefnunnar
vegna þess að Alþjóðaheilbrigðis-
stofnunin hefur vakið athygli á
möguleikanum á flensufaraldri um
allan heim. Fuglaflensufaraldur-
inn í Asíu vekur ugg meðal þeirra
sem umhugað er um heilsu jarðar-
búa en allt útlit er fyrir að
fuglaflensa sé búin að festa sig í
sessi í Asíu og því aðeins tíma-
spursmál þangað til veiran þróast í
þá átt að verða meira smitandi og
þá er faraldur yfirvofandi. Enn-
fremur er kominn tími á alþjóðleg-
an flensufaraldur en síðasta stór-
pest herjaði á heimsbyggðina árið
1968. Er þá um að ræða stökk-
breytt afbrigði þekktra smitsjúk-
dóma sem oft eru orðnir meira
smitandi og jafnframt ónæmari
fyrir bóluefnum. Flensa verður
36.000 manns að bana í Bandaríkj-
unum árlega og um einni milljón
jarðarbúa. Í flensufaraldri farast
hinsvegar milljónir. Fulltrúar
stærstu lyfjafyrirtækja heims
munu sækja ráðstefnuna. ■
Búist er við flensufaraldri um allan
heim á næstu árum.
Alþjóðleg heilbrigðisráðstefna í Genf:
Alheimsflensufaraldur yfirvofandi