Fréttablaðið - 04.11.2004, Blaðsíða 8

8 4. nóvember 2004 FIMMTUDAGUR
MANNDRÁP Hugsanlega verða send
sýni utan til rannsóknar vegna
manndrápsins í Hamraborg
aðfaranótt mánudags að sögn
Friðriks Smára Björgvinssonar,
yfirlögregluþjóns í Kópavogi.
Magnús Einarsson sem varð
Sæunni Pálsdóttur, eiginkonu
sinni og móður tveggja barna
þeirra, að bana hefur verið yfir-
heyrður einu sinni.
Friðrik segir koma í ljós á
næstu dögum hvort senda þurfi
sýni eins og lífsýni utan til rann-
sóknar en ekki er víst að þörf sé á
því. Vettvangsrannsókn á heimili
fjölskyldunnar í Hamraborginni
er langt komin og lýkur að öllum
líkindum í dag. Magnús verður
hugsanlega yfirheyrður öðru
sinni í dag. Yfirheyrsla annarra
vitna er lokið að mestu. Friðrik
Smári segir ekki enn hægt að
segja til um ástæðu verknaðarins,
rannsóknin sé einfaldlega ekki
það langt komin, hann segir erfitt
að segja til um hvort Magnús sé
trúverðugur í frásögn sinni um at-
burði næturinnar örlagaríku.
- hrs
VIÐSKIPTI Forstjóri Fjármálaeftir-
litsins telur brýnt að fjármála-
stofnanir hugi að áhættustýr-
ingu og áhættustöðu sinni vegna
nýrra íbúðalána. „Almenningur
hefur nýtt sér þetta í talsvert
miklum mæli, en í september
síðastliðnum numu heildarupp-
greiðslur á lánum Íbúðalána-
sjóðs um 12,3 milljörðum
króna,“ sagði Páll Gunnar Páls-
son á ársfundi Fjármálaeftirlit-
isins. Hann segir að í sumum til-
vikum hafi ekki verið hugað
nægilega vel að fjármögnun
þessara lána eða arðsemi að
teknu tilliti til afskrifta, rekst-
arkostnaðar og annarra tekna.
Páll Gunnar telur einnig að
Íbúðalánasjóður búi sig undir
breytta tíma og hugi að eigin
áhættustjórnun og boðar að
Fjármáleftirlitið muni fylgjast
með framvindunni.
Fjármáleftirlitið telur einnig
ástæðu til þess að huga að eigna-
tengslum fjármálafyrirtækja.
Fjármáleftirlitið hefur áhyggj-
ur af því að eignatengsl sem
víða sé að finna, ekki síst með
aðild fjármálafyrirtækja, kunni
að ráða nokkru um gengisþróun
hlutabréfa. „Þannig geta gagn-
kvæm eignatengsl haft áhrif á
gengisþróun félaga á víxl þan-
nig að hætta er á að í hækkun
spinnist gengið upp langt um-
fram eðlilega verðþróun. Þessi
áhrif geta líka komið til sögunn-
ar í lækkunarferli,“ sagði Páll
Gunnar.
Forstjóri Fjármálaeftirlitsins
hvatti banka og sparisjóði til að
huga vel að áhættu sinni bæði
gagnvart einstökum lántakend-
um, svo og gagnvart eiginfjár-
stöðu sinni í vexti og útrás.
„Frekari vöxtur þeirra er háður
því að þeir geti með ítarlegum
álagsprófum fullvissað sjálfa
sig, eftirlitið og aðra um að þeir
geti staðið af sér hugsanleg
áföll.“
haflidi@frettabladid.is
Hákon Eydal:
Enn í gæslu-
varðhaldi
LÖGREGLA Hákon Eydal, banamaður
Sri Rahmawati, var úrskurðaður í
Héraðsdómi Reykjavíkur til að
sæta áframhaldandi gæsluvarð-
haldi til tólfta janúar næstkom-
andi.
Hákon var fyrst úrskurðaður í
tveggja vikna gæsluvarðhald 7.
júlí sem síðan hefur verið fram-
lengt nokkrum sinnum. Hákon hef-
ur játað að hafa orðið Sri að bana
með kúbeini. Mikil leit var gerð að
líki Sri og vísaði Hákon á rangan
stað í fyrstu en nokkur tími leið
þar til líkið fannst í hraunsprungu
sunnan Hafnarfjarðar.
- hrs
Leikskólakennarar:
Fjórtán fundir
KJARAMÁL Fjórtán fundir leikskóla-
kennara og launanefndar sveitar-
félaga hafa farið fram frá því að
kjarasamningur þeirra á milli
rann út í lok ágúst.
Björg Bjarnadóttir, formaður
Félags leikskólakennara, segir
stefnuna setta á sambærileg laun
fyrir leikskólakennara og grunn-
skólakennara.
Tölur Kjararannsóknarnefnd-
ar sýna að munurinn á meðaldag-
vinnulaunum allra aldurshópa er
ríflega 20 prósent. - gag
NÆRRI SJÚKRAHÚSINU
Myndum af Arafat hefur verið komið fyrir
nálægt sjúkrahúsinu sem hann dvelur á.
Veikindi Arafats:
Ekki með
hvítblæði
FRAKKLAND, AP Gengið hefur verið
úr skugga um að það er ekki hvít-
blæði sem hrjáir Jasser Arafat,
forseta heimastjórnar Palestínu-
manna. Læknar hafa hins vegar
ekki skorið úr um hvað það er sem
hrjáir Arafat og því þurfti að
flytja hann til Frakklands til að-
hlynningar.
„Síðustu tvo sólarhringa hefur
hann getað talað við lækna sína,
nána ættingja, samstarfsmenn og
þjóðarleiðtoga,“ sagði Leila
Shahid, sendifulltrúi Palestínu-
stjórnar í Frakklandi um Arafat. ■
Breska þingið:
Mega flengja
börnin sín
LONDON, AP Breskir þingmenn
felldu í gær lagafrumvarp þess
efnis að foreldrum væri óheimilt
að flengja börnin sín. Frumvarpið
var fellt með miklum mun, 424
þingmenn voru andvígir því en 75
greiddu atkvæði með því.
Þingmenn sem studdu frum-
varpið sögðu tilganginn með því
að veita börnum sömu lagalegu
vernd gegn ofbeldi og fullorðnir
njóta. Andstæðingar þess sögðu
hins vegar að ef það yrði sam-
þykkt væri verið að grípa um of
inn í málefni fjölskyldunnar.
Núverandi lög heimila foreldr-
um að beita börn líkamlegri refs-
ingu svo fremi sem hún er hæfi-
leg. ■
Drukkinn Japani:
Braust inn
og sofnaði
JAPAN, AP Japanskur innbrotsþjóf-
ur í borginni Kobe var handtekinn
þar sem hann svaf úr sér ölvímu í
íbúð sem hann hafði brotist inn í.
Maðurinn braust inn til að ræna
heimilið en sofnaði áður en honum
tókst að taka til eitthvað verð-
mætt.
Eigandi hússins kom að honum
sofandi og kallaði á lögregluna.
Við það vaknaði innbrotsþjófur-
inn og reyndi að flýja en var hand-
tekinn og færður í fangaklefa. ■
SVONA ERUM VIÐ
FLUGSTUNDIR Á LOFTFÖRUM
SKRÁÐUM HÉR FRÁ 1994
TIL 2003:
Ár Flugstundir Ár Flugstundir
1994 80.694 1995 88.278
1996 103.092 1997 113.060
1998 131.480 1999 134.578
2000 139.567 2001 137.562
2002 132.192 2003 157.728
Heimild: Ársskýrsla Rannsóknarnefndar
flugslysa 2003.
– hefur þú séð DV í dag?
Stakk Binna bankastjóra á hol
Fórnarlambið tekið úr öndunarvél í gær
FJÖLMIÐLAR Tímaritið Birta sem
fylgir Fréttablaðinu á föstudögum
er mest lesna tímarit landsins og
annar vinsælasti fjölmiðill suð-
vesturhornsins og Akureyrar, þar
sem Fréttablaðinu og Birtu er
dreift í hvert hús. Á því svæði er
Birta með 62% lestur, Fréttablað-
ið er mest lesið með 75% meðal-
lestur en RÚV er í þriðja sæti með
60% notkun. Þetta kemur fram í
nýrri fjölmiðlakönnun Gallups en
niðurstöður hennar voru birtar á
mánudag.
Birta er fjórði sterkasti fjöl-
miðillinn á landsvísu, fylgir þar á
eftir Fréttablaðinu, RÚV og Stöð
2. Birta skýst þar með fram fyrir
Morgunblaðið. Konur á suðvest-
urhorninu og Akureyri lesa Birtu
nær jafn mikið og Fréttablaðið.
Meðallestur Fréttablaðsins er
74% en Birtu 72%. Í þessum
flokki er forskotið á Ríkisútvarpið
24% en 47% á Morgunblaðið.
Sigríður Björg Tómasdóttir og
Steinunn Stefánsdóttir, ritstjórar
Birtu, segja þetta góð tíðindi og til
marks um þá sókn sem Birta hef-
ur verið í um hríð. Útlit Birtu var
endurhannað í sumar, sjónvarps-
dagskrá aukin og endurbætt og
ýmsum efnisþáttum bætt við.
„Birta er í stöðugri þróun og á ef-
laust eftir að eflast enn meira,“
segja Steinunn og Sigríður. ■
HAMRABORG
Vettvangsrannsókn í Hamraborg er að
mestu lokið og klárast hún líklega í dag.
Manndráp í Hamraborg:
Sýni hugsanlega send
utan til rannsóknar
FR
ÉT
TA
B
LA
Ð
IÐ
/P
JE
TU
R
Fjölmiðlakönnun Gallups:
Birta er annar
vinsælasti miðillinn
ALLIR Á ALDRINUM 12-80 ÁRA
Meðallestur dagblaða, uppsafnað meðaltal virkra daga í sjónvarpi og uppsafnaður lestur
yfir viku eða mánuð í tímaritum.
Frétta-
blaðið
Birta RÚV Stöð 2 Mbl. S1 Lifun Séð &
Heyrt
Mann-
líf
VikanTíma-
rit Mbl.
Dagskr.
Vík
75
%
62
% 60% 55
% 53% 52%
43
% 41%
28
%
27
%
18
%
11
%
SUÐVESTURHORNIÐ OG AKUREYRI
Jafnréttisnefnd:
Lítið gert
úr ofbeldi
JAFNRÉTTI Jafnréttisnefnd Reykja-
víkurborgar gagnrýnir harðlega
í ályktun nýlegan dóm Héraðs-
dóms Reykjaness þar sem refs-
ingu manns sem dæmdur var
fyrir líkamsárás gegn eiginkonu
sinni var frestað.
Í dómnum hafi verið látið að
því liggja að hegðun konunnar
hafi valdið ofbeldinu. Nefndin
vonist til að dómurinn verði leið-
réttur í Hæstarétti.
„Jafnréttisnefnd Reykjavíkur-
borgar telur dóminn senda hættu-
leg skilaboð til karla og kvenna og
gera lítið úr alvarleik heimilisof-
beldis í samfélagi okkar.“
- gag
HUGAÐ AÐ HÆTTU
Páll Gunnar Pálsson, forstjóri Fjármálaeftir-
litsins, telur sum fjármálafyrirtæki verða að
huga betur að áhættu í rekstri sínum.
Hann hefur áhyggjur af að eignatengsl ýki
sveiflur á verðbréfamörkuðum og auki
áhættu fjármálafyrirtækja.
FR
ÉT
TA
B
LA
Ð
IÐ
/V
AL
G
AR
Ð
U
R
Eignatengsl og ný
lán áhyggjuefni
Forstjóri Fjármálaeftirlitsins telur hættu á að eignatengsl ýki sveiflur
á markaði. Hann segir að í sumum tilvikum hafi ekki verið hugað
nægjanlega vel að fjármögnun íbúðalána.