Fréttablaðið - 04.11.2004, Blaðsíða 14

4. nóvember 2004 FIMMTUDAGUR
Vilja kvöldopnun Þjóðarbókhlöðu:
Á þriðja þúsund undirskriftir
MENNTAMÁL Á þriðja þúsund manns
hafa tekið þátt í undirskriftasöfnun
stúdentaráðs þar sem háskólaráð
er hvatt til að samþykkja tillögu
stúdenta um að veita 8 milljónir til
kvöldopnunar Þjóðarbókhlöðunnar,
að því er segir í frétt frá stúdenta-
ráði. Með söfnuninni vill ráðið
berjast fyrir lengdum opnunartíma
Háskólabókasafnsins.
Undirskriftasöfnunin fór af stað
um helgina og lauk í morgun. Síðar
í dag verður fundur í háskólaráði
þar sem tekin verður afstaða til til-
lögu stúdenta.
Skólayfirvöld ákváðu fyrr á ár-
inu að veita ekki fé til kvöldopnun-
ar safnsins eins og gert hafði verið.
Bókhlaðan var áður opin til klukk-
an 22 á kvöldin en frá og með sept-
ember lokar hún klukkan 19 alla
virka daga nema miðvikudaga en
þá lokar klukkan 22. Opnunartími
safnsins um helgar var auk þess
skertur.
Upphaflega nam fjárveiting
vegna kvöldopnunar safnsins 15
milljónum króna, að sögn stúdenta-
ráðs, en eftir að hagrætt hefur
verið í rekstri safnsins er sú upp-
hæð komin niður í 8 milljónir. - jss
Andlegur miski
ráði refsingu
Gunnleifur Kjartansson, hjá ofbeldisbrotadeild lögreglunnar, vill neyðar-
móttöku fyrir þolendur heimilisofbeldis. Hann segir ákvæði í lögum um
nálgunarbann ekki virka sem skyldi og á því þurfi að gera breytingar.
HEIMILISOFBELDI Gunnleifur Kjart-
ansson, hjá lögreglunni í Reykja-
vík, segir að það þurfi að koma á
fót svipaðri aðstöðu fyrir þolend-
ur heimilisofbeldis og Neyðar-
móttaka kynferðisbrota sinnir
nú.
Gunnleifur, sem er lögreglu-
fulltrúi í ofbeldisbrotadeild, er
ósammála þeim hugmyndum að
gera þurfi breytingar á hegning-
arlögunum vegna heimilisofbeld-
is og segir 217. og
218. grein al-
mennra hegning-
arlaga sem taka
til líkamsárása
vera fullnægj-
andi. Hann segir
að kona sem kær-
ir líkamsárás sem
framin sé innan
veggja heimilis-
ins og búið hefur
við langvarandi andlegt eða lík-
amlegt ofbeldi ætti að fá sál-
fræðimeðferð í framhaldi af
kærunni. Þannig gæti sálfræðing-
urinn skilað fræðilegu mati til
lögregluyfirvalda þar sem fram
kæmi andlegur miski. Sálfræði-
matið yrði síðan haft til viðmið-
unar við ákvörðun refsingar hjá
dómstólum.
Gunnleifur segir heimilisof-
beldi vera misjafnlega skráð hjá
lögregluembættum og því erfitt
að átta sig á umfanginu. Þannig
þyrfti að samræma skráningu
þessara mála og í framhaldinu
gera sér grein fyrir fjölda þeirra.
„Mín tilfinning er að umfang
þessara brota sé því miður tals-
vert. Fá brotanna eru kærð þar
sem þolendur, langoftast konur,
óttast afleiðingar þess að bera
fram kæru og eru oftar en ekki
með hagsmuni barna í huga, ef
sambúð og eða hjónaband leystist
upp,“ segir Gunnleifur. Því segir
hann þörf fyrir að setja á fót
neyðarmóttöku þar sem konur
sem verða fyrir heimilisofbeldi
geti leitað aðstoðar, fengið réttar-
gæslumann, áfallahjálp og sál-
fræðihjálp, jafnvel langtímameð-
ferð.
Gunnleifur segir ákvæði í lögum
um nálgunarbann ekki virka sem
skyldi og því þurfi að gera á því
breytingar. Aðspurður hvort hann
hafi tjáð skoðanir sínar við ráðherra
eða þingmenn segir hann svo ekki
vera. En hins vegar hafi þingmenn
verið viðstaddir þegar hann hélt
tölu um þessi mál á málþingi Ís-
landsdeildar Amnesty International
í október og vonast hann til að eitt-
hvað vitrænt verði gert í þessum
málum sem fyrst.
hrs@frettabladid.is
,,Mín til-
finning er
að umfang
þessara
brota sé
því miður
talsvert.
Til að mæta óskum viðskiptavina hefur RV
ákveðið að hafa einnig opið á laugardögum
í verslun sinni að Réttarhálsi 2.
Núna er líka opið
á laugardögum
lí i
l
Mán
udag
a til
föstu
daga
frá k
l. 8:0
0 til
18:00
Laug
arda
ga fr
á
kl. 10
:00 t
il 14:
00
Nýr o
pnun
artím
i
í ver
slun
RV:
LENGDUR OPNUNARTÍMI
Stúdentaráð berst fyrir lengri opnunartíma
Þjóðarbókhlöðunnar.
GUNNLEIFUR KJARTANSSON
Hann vill breytingar á lögum um nálgunarbann því eins og lögin eru í dag er ferlið of
seinvirkt til að það virki. Þá vill hann að mat sálfræðings á miska þeirra sem verða fyrir
heimilisofbeldi verði haft til viðmiðunar við ákvörðun refsingar hjá dómstólum.
MENNTAMÁL Alls 119 kandídatar
voru brautskráðir frá Kennarahá-
skóla Íslands um helgina.
Úr grunndeild brautskráðust 32
en úr framhaldsdeild 87, þar af átta
með meistaragráðu í uppeldis- og
menntunarfræði.
Vísindaráð Kennaraháskóla Ís-
lands veitti við brautskráningu á
laugardag, í fyrsta sinn, verðlaun
fyrir bestu meistararitgerðina.
Fyrir valinu varð ritgerð Hildar
Kristjánsdóttir sem ber heitið Upp-
lifun og reynsla þungaðra kvenna
af fyrstu skoðun í mæðravernd.
Ingólfur Á Jóhannesson, pró-
fessor í menntunarfræðum, úr-
skurðaði um hver þeirra ritgerða
sem tilnefndar höfðu verið væri
best að titlinum komin. Í umsögn
hans kom meðal annars fram, að
ritgerðin væri rannsókn um upplif-
un og reynslu þungaðra kvenna í
fyrstu skoðun í mæðravernd. Sú
umræða, sem væri einkum um
valdatengsl mæðra og heilbrigðis-
starfsmanna, væri til fyrirmyndar
af meistaraprófsritgerð að vera.
-jss
» BETRI SJÓNVARPSDAGSKRÁ
KVEÐJUSTUND
Vísindaráð Kennaraháskóla Íslands veitti við brautskráningu á laugardag, í fyrsta sinn,
verðlaun fyrir bestu meistararitgerðina.
Kennaraháskóli Íslands:
Brautskráning 119 kandídata
FR
ÉT
TA
B
LA
Ð
IÐ
/P
JE
TU
R