Fréttablaðið - 04.11.2004, Blaðsíða 49
FIMMTUDAGUR 4. nóvember 2004 29
Framherjinn Antonio McDyessbyrjaði ekki glæsilega með Detroit
Pistons í fyrsta leik tímabilsins í fyrr-
inótt gegn Houston Rockets.
McDyess, sem gekk
til liðs við Pistons í
sumar, var vísað út
úr húsi í öðrum
fjórðungi eftir að
hafa sparkað bolt-
anum upp í rjáfur.
Hann á yfir höfði sér
sekt og keppnis-
bann. Pistons vann leikinn, 87-79.
John Terry, fyrirliði Chelsea, virðistvera sannfærður um ágæti liðs
síns, ef marka má
síðustu fregnir frá
Englandi. Terry seg-
ist fullviss um að
Chelsea geti unnið
þrefalt í vetur. „Við
erum með topp-
mann í hverri stöðu
og það væri frábært
að leika eftir afrek Manchester
United frá árinu 1999,“ sagði Terry.
Helgi Reynir Guðmundsson erhættur að leika með KR í Inter-
sportdeildinni í körfuknattleik. Helgi
gat sér gott orð sem
aðalleikstjórnandi
Snæfells og skoraði
10,3 stig og gaf 5,8
stoðsendingar að
meðaltali í leik vet-
urinn 2002-2003.
Hann gekk til liðs við KR haustið
2003 en ákvað nýlega að hætta.
Nýhafið tímabil í enska boltanumgæti ollið vonbrigðum í herbúð-
um Manchester United, vinni menn
ekki saman sem heild. Þetta er haft
eftir Roy Keane, fyrirliða liðsins.
„Hæfileikar einstaklingsins mega sín
lítils,“ sagði Keane. „Mestu máli
skiptir hvað gerist á vellinum og
hvernig liðið nær saman.“ United er í
sjöunda sæti, níu stigum á eftir
Arsenal sem er í efsta sæti þegar 11
umferðum er lokið.
Stjórn Aston Villa hefur verið ákærðfyrir að bjóða í James Beattie,
leikmann Southampton, á ólögmæt-
an hátt. Villa bauð 6 milljónir
punda í Beattie en Sout-
hampton neitaði tilboð-
inu. Forráðamenn
Southampton fundu
sig tilknúna að leggja
fram kvörtun til enska
knattspyrnusam-
bandsins eftir að
David O’Leary,
knattspyrnustjóri Villa, sagðist sann-
færður um að Beattie vildi ganga í
sínar raðir. Þótti stjórn Southampton
það vera fullmikið af hinu góða og
því gæti farið svo að Villa þurfi að
punga út hárri sekt fyrir athæfið.
ÚR ÍÞRÓTTAHEIMINUM
Kæri vi›skiptavinur,
núna fær›u geisladiskinn "Brot af
Bestu barnaplötu í heimi ?" me› öllum
barnamáltí›um flegar bor›a› er
á Pizza Hut
Sigild lög eins og
"Ég er vinur flinn",
"Lok Lok og læs" og
"Ryksugulagi›" er á
finna á flessum 5 laga
kynningardisk.
Brot af
“Bestu barnaplötu
í heimi ?” á
Pizza Hut.
PIZZA HUT • 533 2000 • Su›urlandsbraut 2 • Sprengisandi • Smáralind
Geisladiskur fylgir me›
barnamáltí›um
8 liða úrslit SS-bikars karla í handbolta:
Stórleikur á Ásvöllum
HANDBOLTI Stórleikur átta liða úr-
slita SS-bikars karla í handbolta
er viðureign Hauka og ÍR-inga á
Ásvöllum en dregið var í bikarn-
um í gær. Haukar og ÍR eru á
toppi sinna riðla á Íslandsmótinu
og því gerast leikirnir varla
stærri í bikarnum.
Haukar 2 fá líka heimaleik en
þeir mæta HK sem er einmitt í
harðri baráttu við a-liðið um sigur
í Norðurriðlinum.
Grótta/KR tekur síðan á móti
Þór Akureyri á Nesinu og KA og
ÍBV mætast í KA-húsinu fyrir
norðan.
Leikirnir fara fram 24. og 25.
nóvember en undanúrslitin fara
síðan fram á nýju ári.
-óój
HARALDUR FREYR GUÐMUNDSSON Verður hjá norska félaginu Ålesund næstu þrjú
árin. Fréttablaðið/Pjetur
Bikarmeistarar Keflavíkur missa annan lykilmann:
Haraldur fer til
Ålesund
FÓTBOLTI Það verður seint sagt að
ástandið í herbúðum bikarmeist-
ara Keflavíkur sé gott þessa dag-
ana. Þeir eru þjálfaralausir,
misstu Zoran Daníel Ljubicic til
Völsungs um daginn og nú er einn
sterkasti varnarmaður liðsins,
Haraldur Freyr Guðmundsson, á
leið til Noregs.
Haraldur náði samkomulagi
við forráðamenn Ålesund á
þriðjudag um samning og verður
skrifað undir hann á næstu dög-
um. Samningurinn er til þriggja
ára.
„Þetta gekk rosalega hratt
fyrir sig og ég er verulega ánægð-
ur með að þessi mál skuli vera í
höfn,“ sagði Haraldur í samtali
við Fréttablaðið í gær en Ålesund
er nýbúið að vinna sér sæti í úr-
valsdeild norska boltans.
„Ég er mjög sáttur við samn-
inginn. Ég gerði þeim gagntilboð
síðasta mánudag og samningurinn
er ekki ólíkur því tilboði sem ég
lagði fram.“
Samningur Haraldar tekur
gildi 1. janúar næstkomandi en
samningur hans við Keflavík
rennur út um áramótin. Bikar-
meistararnir fá því ekki krónu
fyrir Harald. Mörg félög hafa bor-
ið víurnar í Harald síðustu ár og
hefur hann farið til reynslu hjá
ófáum félögunum síðustu ár.
Hann var því að vonum feginn að
draumurinn um atvinnumennski
hefði loksins ræst.
„Þetta er bara alveg frábært.
Það er gott að fá þetta tækifæri.
Ég stefni á að vera þarna í kann-
ski tvö til þrjú ár og ef ég stend
mig vel fæ ég vonandi tækifæri í
sterkari deild. Það er draumurinn
og að sjálfsögðu langar mig helst
að komast til Englands,“ sagði
Haraldur Freyr Guðmundsson,
nýjasti atvinnumaður Íslendinga.
henry@frettabladid.is
FH-ingar fá liðsstyrk:
Ólafur Páll í
Krikann
FÓTBOLTI Knattspyrnumaðurinn
Ólafur Páll Snorrason mun skrifa
undir tveggja ára samning við Ís-
landsmeistara FH fyrir helgi.
Þetta staðfesti Ólafur í samtali við
Fréttablaðið í gær. Hann hafnaði
samningstilboði frá Fylki sem
hann hefur leikið með síðustu ár.
„Fylkir bauð mér samning en
þá var FH búið að hringja. Ég
sagði við Fylkismenn að ég væri
spenntur fyrir því að ræða við
FH-ingana,“ sagði Ólafur Páll í
gær. „Ég er bara mjög spenntur
fyrir því að spila með FH og mun
skrifa undir samning fyrir helgi.
FH er það besta sem er í boði í dag
og það eru bjartir tímar fram und-
an,“ sagði Ólafur Páll Snorrason
sem verður orðinn FH-ingur fyrir
helgi. ■
Helena Ólafsdóttir tilkynnti landsliðshóp sinn í gær:
Katrín með á ný og
Guðbjörg einnig
FÓTBOLTI Helena Ólafsdóttir, þjálf-
ari A landsliðs kvenna, hefur til-
kynnt 18 manna hóp sinn fyrir
leikina tvo gegn Noregi í umspili
um sæti í lokakeppni Evrópu-
mótsins í Englandi næsta sumar.
Leikirnir fara fram 10. nóvember
í Egilshöll og síðan í Valhöll í Osló
þremur dögum síðar en báðir
verða þeir leiknir innanhúss í
höllum og er það í fyrsta sinn sem
íslenska landsliðið spilar leik í
móti innanhúss.
Enginn nýliði er í hópnum en
Katrín Jónsdóttir kemur aftur inn
í landsliðið eftir tveggja ára hlé.
Þá vekur athygli að Guðbjörg
Gunnarsdóttir, markvörður Ís-
landsmeistara Vals, fær í fyrsta
sinn náð fyrir augum Helenu í al-
vöruleik en María Björg Ágústs-
dóttir hefur verið varamarkvörð-
ur Þóru B. Helgadóttur allan tím-
ann sem Helena hefur stjórnað
liðinu.
Olga Færseth mun leika sinn
50. landsleik í Egilshöllinni og hún
er reyndasti leikmaður hópsins,
hefur leikið leik meira en Erla
Hendriksdóttir og Katrín sem
hefur þó ekki leikið með liðinu
síðan gegn Englendingum í sept-
ember 2002.
Íslandsmeistarar Vals eiga
flesta leikmenn í hópnum eða átta
leikmenn auk þess sem Margrét
Lára Viðarsdóttir er á leiðinni á
Hlíðarenda og því má segja að
helmingur landsliðshópsins komi
úr Val.
Erla hjá Skovlunde í Dan-
mörku og Katrín hjá Grimstad í
Noregi eru tvær af fjórum leik-
mönnum sem spila erlendis. Hin-
ar eru Þóra Björg Helgadóttir
markvörður, leikmaður Kolbotn í
Noregi og Erla Steina Arnardóttir
leikmaður Stattena í Svíþjóð. ■
LANDSLIÐSHÓPURINN GEGN
NOREGI:
Markverðir:
Þóra B. Helgadóttir Kolbotn
Guðbjörg Gunnarsdóttir Val
Aðrir leikmenn
Olga Færseth ÍBV
Katrín Jónsdóttir Amazon Grimstad
Erla Hendriksdóttir Skovlunde IF
Guðlaug Jónsdóttir KR
Edda Garðarsdóttir KR
Laufey Ólafsdóttir Valur
Málfríður Erna Sigurðardóttir Valur
Margrét Lára Viðarsdóttir ÍBV
Íris Andrésdóttir Valur
Hólmfríður Magnúsdóttir KR
Björg Ásta Þórðardóttir Keflavík
Dóra María Lárusdóttir Valur
Nína Ósk Kristinsdóttir Valur
Erla Steina Arnardóttir Stattena IF
Ásta Árnadottir Valur
Pála Marie Einarsdóttir Valur
Í GÆSLU HJÁ REYNI Skagamaðurinn
Reynir Leósson passar hér upp á Ólaf Pál.
Hann er hættur hjá Fylki og farinn í FH.