Fréttablaðið - 04.11.2004, Blaðsíða 53
FIMMTUDAGUR 4. nóvember 2004
JÓLABLAÐIÐ 2004
Eftir útgáfu jólablaðsins verður á hverjum degi blaðaukinn jólin koma.
Þar verður haldið áfram með jólastemmingu til jóla.
102.000 EINTÖK MEÐ FRÉTTABLAÐINU
Nú styttist í jólin og Fréttablaðið verður með veglegt jólablað.
Efni blaðsins verður fjölbreytt og af ýmsum toga.
Vönduð gjafaumfjöllun. Fagmenn jafnt sem leikmenn gefa góðar
uppskriftir að jólamat og ljúffengum aðventuréttum.
Þjóðkunnir einstaklingar rifja upp eftirminnileg jól
og segja frá hefðum sinnar fjölskyldu.
Í stuttu máli sagt verður blaðið skemmtilegt,
líflegt, gagnlegt og eigulegt!
Upplýsingar veita
Jólablaðið
Hinrik Fjeldsted
Sími 515 7592
hinrik@frettabladid.is
Jólin koma
Ásta Bjartmarz
Sími 515 7554
asta@frettabladid.is
Þrátt fyrir frekar leiðinlegt veður
undir það síðasta, veiddist vel af
vænum sjóbirtingi. Í Tungufljóti
veiddist 20 punda bolti, það var
Guðgeir Jónsson sem veiddi fisk-
inn í Breiðufor á spún.
Veiðimenn sem fóru í Varmá
veiddu 30 sjóbirtinga, mest á milli
Hveragerðis og þjóðvegarins.
Bullandi veiði hefur verið í
Rangánum og hellingur veiðst af
laxi og sjóbirtingum. Affallið hef-
ur verið að gefa vel og veiddust
yfir 400 laxar og silungar í því.
„Þetta hefur verið frábært
sumar í Affallinu og margir veiði-
menn fengið góða veiði og væna
fiska. Næsta sumar ætti að skila
meira af fiski,“ sagði Guðmundur
Örn Ingólfsson veiðimaður um
stöðuna þar.
Snorri Tómasson lenti líka í
vænum fiskum undir það síðasta í
Tungufljótinu og veiddi fjóra
stóra fiska. Veiðifélagi hans
missti boltafisk, en gefum Snorra
orðið: „Fiskarnir fengust með
nokkurra mínútna millibili og
fengust allir á maðk,“ sagði Snorri
en hann veiddi fjóra væna sjóbirt-
inga og var sá stærsti ellefu pund.
„Sá stærsti tók strikið niður ána
og var landað 200 metrum neðar
eða við Flögubakka eftir mikla
baráttu.“
„Syðri-Hólminn er búinn að
vera langgjöfulasti veiðistaðurinn
í fljótinu þetta haustið, þar er
mjög djúpur og straumþungur
hylur. Karl Björnsson, einn af
veiðifélögum mínum, setti í troll
þarna á þessum stað en fiskurinn
slapp eftir mikið fjör. Við vorum
fjórir félagar að veiðum og veidd-
um á tveimur dögum á þriðja tug
birtinga og var meðalþyngd
þeirra um sex pund,“ sagði Snorri
af lokum.
Já, sjóbirtingurinn var að gefa
sig undir lok veiðitímans. Í Eld-
vatnsbotnum veiddist tólf punda
bolti og í Tungufljótinu veiddust
350 sjóbirtingar – sá stærsti var
tuttugu pund. Veiðimaður sem
veiddi í Álftá á Mýrum undir það
síðasta, lenti í hörku sjóbirtings-
veiði og það sama gerðist í Þverá í
Borgarfirði, en eftir veiðitímann
var leyfð sjóbirtingsveiði neðar-
lega í ánni.
„Ég var að leika mér með
fluguna og veiddi vel, stærsti
fiskurinn var fjögur pund,“ sagði
veiðimaður sem var í Þverá í
Borgarfirði. ■
GUNNAR BENDER: SKRIFAR UM VEIÐI
Veiddu á þriðja tug
sjóbirtinga
M
YN
D
/H
O
LG
ER
T
RO
P
TÍU PUNDARAR Snorri Tómasson með
tvo tíu punda sjóbirtinga sem hann veiddi
í Syðri-Hólma í Tungufljóti.