Fréttablaðið - 05.11.2004, Blaðsíða 14
14 5. nóvember 2004 FÖSTUDAGUR
ÓLGANDI TILFINNINGAR
Íranar brenna bandaríska fánann fyrir utan
fyrrverandi sendiráð Bandaríkjanna í tilefni
þess að 25 ár eru liðin frá því að ráðist var
inn í bandaríska sendiráðið í Teheran og
gíslar teknir. Íran og Bandaríkin stóðu í
samningaviðræðum í heilt ár vegna
ástandsins.
Samkomulag um Sorpstöð Suðurlands undirritað:
Lokapunktur á urðunina
UMHVERFISMÁL Nýtt deiliskipulag
verður unnið á urðunarsvæði
Sorpstöðvar Suðurlands á Kirkju-
ferjuhjáleigu, sem gildir þar til
stöðin hættir urðun þar 1. desem-
ber 2008. Þá verður urðunarrein
sem verið er að ganga frá lækkuð
til samræmis við nýtt skipulag.
Þetta eru meginniðurstöður
samkomulags sem fulltrúar sorp-
stöðvarinnar og sveitarfélags
Ölfuss undirrituðu í gær.
Þar með hefur náðst lending í
langvarandi ágreiningsmáli um
sorpfjallið á urðunarstaðnum,
sem Ölfussmenn hafa sagt 3-7
metrum of hátt samkvæmt
deiliskipulagi, en sorpstöðvar-
menn hafa sagt að slíkt skipulag
sé ekki til.
„Ég er sérstaklega sáttur við
að þarna er kominn lokapunktur á
þessa urðun,“ sagði Hjörleifur
Brynjólfsson, oddviti sveitar-
stjórnar Ölfuss eftir undirskrift-
ina í gær.
Samkvæmt samkomulaginu
skuldbindur sveitarfélagið Ölfus
sig til að vinna með sorpstöðinni
að því að finna nýjan urðunarstað.
Eins og Fréttablaðið hefur greint
frá er í gangi athugun á því að
flytja allt sorp af höfuðborgar-
svæðinu á svæði vestan Þorláks-
hafnar í framtíðinni.
- jss
Fleiri slys og alvarleg
atvik tekin til skoðunar
Rannsóknarnefnd flugslysa tekur til skoðunar þrefalt fleiri flugatvik og
slys en fyrir áratug síðan. Breytt tækni og meira flug stuðla að þróuninni.
Erlend samskipti nefndarinnar hafa stóraukist með útrás flugrekenda.
FLUGÖRYGGI Frá árinu 1994 hefur
fjöldi flugslysa og alvarlegra
flugatvika sem rannsóknarnefnd
flugslysa tekur til umfjöllunar
nær þrefaldast, að því er fram
kemur í ársskýrslu nefndarinnar
fyrir síðasta ár. Árið 1994 voru
tekin til skoðunar 12 tilvik en í
fyrra voru þau 35 talsins. Á sama
tíma hefur heildarfjöldi flug-
stunda nær tvöfaldast, úr rúmum
80 þúsund flugstundum í tæpar
158 þúsund stundir.
„Aukningin er sérstaklega í
leiguflugi og áætlunarflugi. Þetta
skýrist af því að á okkur hafa
verið lagðar auknar kröfur varð-
andi rannsóknarskyldu,“ segir
Þormóður Þormóðsson, rannsókn-
arstjóri flugslysa. Frá árinu 1995
tók nefndin að rannsaka flugat-
vik, auk slysa, og frá 1997 alvar-
leg flugumferðaratvik. „Síðan
hefur frá 2000 orðið mikil þróun í
tækjabúnaði í flugvélum og
stærri vélar líkt og notaðar eru
í áætlunar- og leiguflugi eru
komnar með svokallaða árekstr-
ar- og jarðvara. Þessi búnaður er
að verða til þess, að okk-
ar mati, að tilkynning-
um til okkar hefur fjölg-
að og fleiri mál tekin til
rannsóknar,“ segir hann
og telur aukna útrás ís-
lenskra flugrekenda og
bættan tækjabúnað
leggjast á eitt um að
umsvif nefndarinnar
hafa aukist. Verkefna-
fjölda segir Þormóður
að hafi verið mætt að
einhverju leyti með því
að nefndin fékk ritara
og því hafi þeir sem að
rannsóknum standa betri tök á að
sinna þeim. „Svo kemur líka á
móti að nútímasamskiptatækni,
tölvupóstur og slíkt, gerir okkur
auðveldara að eiga í erlendum
samskiptum, en samskipti við
systurstofnanir erlendis hafa
aukist nokkuð.“
Þormóður segir að þó
svo að nefndin fjalli um
mörg atvik séu vitanlega
nokkur sem upp úr stan-
da. „Til dæmis Gar-
demoen-atvikið og svo
flugumferðaratvik yfir
París í fyrra sem vél frá
Atlanta lenti í. Og svo
náttúrlega flugslysið sem
varð í Hvalfirði.“ Bæði
útlendu atvikin voru talin
alvarleg, en í því fyrra
sem átti sér stað í janúar
árið 2002 raskaðist flug
vélar Flugleiða að Gar-
demoen flugvelli í Osló og því síð-
ara sem átti sér stað 1. ágúst í
fyrra lá við árekstri tveggja véla
vegna mistaka við flugumferðar-
stjórn. Í Hvalfirði hrapaði
kennsluvél í marslok í fyrra með
kennara og nemanda við Eystra-
Miðfell. olikr@frettabladid.is
Byggingariðnaður:
Endurvinnsla
fyrir steypu
IÐNAÐUR Til stendur að opna end-
urvinnslustöðvar fyrir steypu hjá
Steypustöðinni. Sú fyrsta verður
opnuð í lok næstu viku við Malar-
höfða í Reykjavík, en stefnt mun
vera að því að setja einnig upp
slíkar stöðvar á öllum stöðvum
fyrirtækisins í Reykjavík, Hafn-
arfirði og á Selfossi.
Í tilkynningu steypustöðvar-
innar segir að afgangssteypa sé
sett úr steypubíl í endurvinnslu-
stöðina, sem hreinsar fylliefnin
og gerir endurnýtinguna kleifa.
Vatnið og sementsefjan sem til
fellur við hreinsunina er notuð í
nýja steypu. - óká
Til að mæta óskum viðskiptavina hefur RV
ákveðið að hafa einnig opið á laugardögum
í verslun sinni að Réttarhálsi 2.
Núna er líka opið
á laugardögum
Mán
udag
a til
föstu
daga
frá k
l. 8:0
0 til
18:00
Laug
arda
ga fr
á
kl. 10
:00 t
il 14:
00
Nýr o
pnun
artím
i
í ver
slun
RV:RV2
02
0/
2
ALLT FYRIR
JÓLAGLUGGANN
Síðumúla 32 • Sími 588 5900
KVIKMYNDASÝNINGAR Bíósýningar á
Seyðisfirði hefjast um næstu
helgi. Hörður Tryggvason rekstr-
arstjóri kvikmyndahússins segir
fyrirhugað að sýna kvikmyndir
um hverja helgi en einnig á
þriðjudögum því þá sé ferjan Nor-
ræna í höfn.
„Aðstaðan er góð. Við getum
tekið 250 manns í sæti og tjald-
ið er stórt,“ segir Hörður:
„Fólk er búið að bíða eftir bíó-
sýningunum og loksins eru
þær að hefjast eftir heldur
langt hlé en það hefur alltaf
verið bíó hér annað slagið.“
Hörður segir að örar þurfi
að skipta út myndunum þar
sem markhópurinn sé ekki stór.
Hann reikni þó einnig með aðsókn
íbúa nágrannabyggðalaga.
Nóg er að gerast í menningar-
lífi bæjarbúa, að sögn Harðar.
Dagana 18. til 21. nóvember verði
Dagar myrkurs: „Öll ljós í bænum
verða slökkt og ýmsar uppákomur
verða. Meðal annars hryllingsbíó
þar sem gamlar klassískar hryll-
ingsmyndir verða sýndar.“
- gag
SAMKOMULAG INNSIGLAÐ
Hjörleifur Brynjólfsson, oddviti sveitar-
stjórnar Ölfuss, og Einar Njálsson, bæjar-
stjóri Árborgar, handsöluðu nýtt samkomu-
lag í gær.
Sömdu við Sambíóin og sýna í toppgæðum:
Bíósýningar á Seyðisfirði
HÖRÐUR VIÐ SÝNINGARVÉLINA
Stefnt er á fyrstu kvikmyndasýningar eftir nokkurt hlé í Herðu-
breið um helgina. Sýndar verða myndir frá Sambíóunum. Til
hliðar má sjá salinn sem tekur um 250 manns í sæti.
M
YN
D
IR
SN
O
R
R
I E
M
IL
SS
O
N
ÞRÓUN FLUGSTUNDA OG
FLUGATVIKA SÍÐASTA ÁRATUG*
Ár Flugstundir Flugslys
samtals og flugatvik
1994 80.694 12
1995 88.278 13
1996 103.092 18
1997 113.060 20
1998 131.480 23
1999 134.578 24
2000 139.567 33
2001 137.562 20
2002 132.192 34
2003 157.728 35
*Flugstundir á loftförum skráðum hér á landi.
Heimild: Ársskýrsla Rannsóknarnefndar flug-
slysa 2003.
Í FLUGSTJÓRNARKLEFANUM
Síðustu ár hefur komið til bættur tækjabúnaður í stærri flugvélum og þotum sem lætur
vita af mögulegri árekstrarhættu og varhugaverðri nálægð við jörð. Í kjölfarið hefur til-
kynningum um atvik til rannsóknarnefndar flugslysa fjölgað.
ÞORMÓÐUR
ÞORMÓÐSSON
Segir að nútímasam-
skiptatækni gera nefnd-
inni kleift að anna
auknum umsvifum.