Fréttablaðið - 05.11.2004, Blaðsíða 30

5. nóvember 2004 FÖSTUDAGUR
Kjúklingamánar er nýjung í fullunninni matvöru
frá Matfugli. Þeir eru með ljúffengri fyllingu úr
6 mismunandi ostum og öðru góðgæti. Þá þarf
aðeins að hita í ofni eða á pönnu og því auðvelt
að reiða fram sælkeramáltíð á svipstundu. – Lostæti með lítilli fyrirhöfn
Tungan geymir kannski leyndarmálið að
mjórra mitti.
Fjöldi bragðlauka:
Minna mittismál
Fólk sem er viðkvæmt fyrir beisku bragði
er líklegra til að vera grennra en aðrir.
Rannsókn sem gerð var við Rutgers-há-
skólann í Bandaríkjunum leiddi í ljós að
konur með ofurnæma bragðlauka voru
fimmtungi grennri en konur sem voru
ekki sérlega viðkvæmar fyrir bragði. Þær
næmu fundu yfirleitt meira sætt, súrt, salt
og beiskt bragð og höfðu auk þess fleiri
bragðskynjara á tungunni en aðrir. Bragð-
arefirnir virðast borða minni mat og yfir-
leitt hafa lægri líkamsþyngdarstuðul en
þeir sem finna minna bragð og þurfa þar
af leiðandi feitari, sætari og bragðsterkari
mat sem svo aftur leiðir til aukinnar
líkamsþyngdar. Eldri rannsókn gerð við
sama skóla leiddi í ljós að leikskólabörn
með færri bragðskynjara vilja yfirleitt frek-
ar nýmjólk en léttmjólk og borða meira af
smjöri á brauðið og sósum á salatið. ■
Hið stranga matar- og lyfjaeftirlit Banda-
ríkjanna (FDA) hefur gefið framleiðendum
ólífuolíu leyfi til að geta hollustu olíunnar
á merkimiðum. Lyfjaeftirlitið
segir að fyrir liggi
næstum nægilegar
sannanir fyrir því
að þeir sem inn-
byrða ómett-
aða fitu úr
ólífuolíu séu í
minni hættu á því að fá hjartasjúkdóma
en þeir sem neyta mettaðrar fitu sem
fyrirfinnst í annarskonar olíu svo framar-
lega sem heildarhitaeininganeysla sé sú
sama. Setningin sem ólífuolíuframleið-
endum er leyft að setja á flöskurnar hjóð-
ar svona: „Takmarkaðar vísindalegar rann-
sóknir hafa leitt í ljós að það að innbyrða
tvær matskeiðar eða 23 grömm af ólífu-
olíu daglega getur dregið úr líkum á
kransæðasjúkdómum sem rekja má til
neyslu á mettaðri fitu. Ólífuolían hefur þó
aðeins fyrirbyggjandi áhrif ef hún er notuð
í stað annarrar olíu og heildarhitaeininga-
neysla er ekki aukin.“ ■
FDA í Bandaríkjunum:
Hollusta ólífuolíu
viðurkennd
Æ færri efast um
hollustu ólífuolíu.
Það þarf varla að kynna Hot n’ Sweet fyrir Íslendingum, en
drykkurinn hefur verið eitt vinsælasta skot landsins síðan fyrst
var boðið upp á hann fyrir um áratug. Hot n’Sweet er framleitt
úr hágæða vodka og muldum Tyrkisk Peber - Extra hot brjóst-
sykri. Þessi furðulega blanda gerir drykkinn skemmtilega sætan
en með Tyrkisk Peber krafti. Hot n’ Sweet hittir beint í mark
með bjór og er einnig oft borið fram sem fordrykkur. Drykkur
sem keyrir í mann hitann þegar maður er að gera sig sætan!
Hot n’ Sweet fæst í Vínbúðum í 70 cl flöskum og nú einnig í
hentugum 50cl plastpelum.
Verð í Vínbúðum, 2.290 kr. í 50 cl plastpelum.
Hot n’ Sweet:
Keyrir í mann hitann
Vín vikunnar
Byggbrauðið er þrungið af steinefnum.
Látum vélina hnoða:
Bökum brauð
Þeim sem eru orðnir leiðir á að fá alltaf
eins lagað brauð úr brauðvélinni sinni er
bent á að upplagt er láta vélina vinna
deigið en baka brauðið á plötu eða í formi
í ofni. Hér er ágæt uppskrift að hollu og
lystugu hversdagsbrauði úr bókinni Bakað
í brauðvél. Brauð og kökur og annað góð-
gæti eftir Fríðu Sophiu Böðvarsdóttur.
Byggbrauð I
Í Vallanesi við Egilsstaði er ræktað lífrænt
byggmjöl. Byggmjölið er einstaklega hollt
og er til dæmis gott fyrir meltinguna.
3 dl súrmjólk
2 tsk. salt
1 msk. maltextrakt
1 msk. olía
2 dl byggmjöl
6,5 dl hveiti
1 msk. þurrger
Velgið súrmjólkina (37˚ C) og hellið í
brauðvélina. Setjið salt, maltextrakt og
olíu út í. Bætið við byggmjöli og hveiti.
Setjið þurrgerið út í síðast. Stillið á hnoð-
unarprógrammið og hnoðið degið. Takið
það úr vélinni og setjið í formkökuform
eða mótið úr því hleif. Látið það lyfta sér í
40 mínútur. Bakið við 180˚ C í 40 mínút-
ur. Kælið á rist. Að sjálfsögðu gagnast
uppskriftin líka þeim sem ekki eiga brauð-
vélar. Þá er það bara gamla lagið. ■
Samúel J. Samúelsson, liðsmaður
fönk- og gleðisveitarinnar Jagúar,
er aldeilis ekki í neinum vafa um
hvaða matur er í uppáhaldi á sín-
um bæ.
„Ég elska kjúkling og þá sér-
staklega grillaðan kjúkling. Ég
hef reyndar ekki verið mikið í að
elda hann sjálfur. Ég bý hjá syst-
ur minni og hef verið svo heppinn
að fá oft grillaðan kjúkling hjá
henni. Hvar sem ég er í heiminum
reyni ég alltaf að finna mér eitt-
hvað gott að borða og þá verður
kjúklingur ansi oft fyrir valinu,“
segir Samúel en heimaeldaður
kjúklingur er alltaf góður.
„Ég held ég hafi alltaf verið
frekar mikill kjúklingakarl, að
minnsta kosti í seinni tíð. Þegar
ég var lítill strákur fékk ég reynd-
ar sjaldan kjúkling þar sem hann
var svo dýr fyrir nokkrum árum.
Nú er hann hins vegar mjög ódýr
og reyni ég að borða kjúkling sem
oftast,“ segir Samúel.
Samúel og félagar hafa nóg að
gera um þessar mundir. „Við
erum reyndar að klára að mixa
plötuna okkur sem kemur út í
nóvember þannig að við eyðum
mestöllum tíma okkar í stúdíói
þessa dagana,“ segir Samúel en
nýja platan er auðvitað full af
fönki. „Þetta er algjör partí-
bomba.“ ■
Enginn vafi um uppáhaldsmat:
Algjör kjúklingakarl
Samúel J. Samúelsson er gjörsamlega óður í kjúkling.