Fréttablaðið - 05.11.2004, Blaðsíða 50

Bandaríkjamenn eignuðustnýja tegund af hetjum eftirhryðjuverkaárásirnar á
Tvíburaturnana í New York þann
11. september árið 2001. Þá sýndu
slökkviliðsmenn hversu langt þeir
voru tilbúnir að ganga til að bjar-
ga mannslífum og skeyttu ekki
um eigin hag þegar þeir þustu inn
í brennandi byggingarnar. Það
hlaut því að koma að því að
Hollywood sýndi þessum amer-
ísku hvunndagshetjum sóma og
framleiðendur Ladder 49, sem er
frumsýnd um helgina, fara ekki
leynt með það að myndin er með-
al annars sprottin upp af virðingu
fyrir þessari óeigingjörnu starfs-
stétt.
Það eru þeir John Travolta og
Joaquin Phoenix sem eru í eldlín-
unni í Ladder 49 þar sem Travolta
leikur reyndan slökkvistjóra sem
tekur nýliðann Phoenix undir sinn
verndarvæng og kennir honum
allt sem hann þarf að læra til þess
að takast á við allar þær hættur
sem leynast í brennandi bygging-
um.
Endurminningar í björtu báli
Phoenix leikur Jack Morrison,
sem er fastur inni í brennandi
byggingu og bíður þess sem verða
vill á meðan félagar hans með
Mike Kennedy, sem Travolta leik-
ur, í fararbroddi reyna allt sem
þeir geta til að bjarga félaga sín-
um úr lífsháskanum. Á meðan
Morrison bíður örlaga sinna hugs-
ar hann til baka og rifjar upp það
sem hefur drifið á daga hans frá
því hann réði sig sem slökkviliðs-
mann og endaði í því logandi víti
sem hann er fastur í.
Travolta veltir því fyrir sér í
Ladder 49 hvað það er sem fær
fólk til að hlaupa inn í brennandi
hús á meðan allir aðrir flýja út.
Hann svarar sér sjálfur með einu
orði: „hugrekki“. Það er ekki síst
þessi þáttur í starfi slökkviliðs-
manna sem heillaði Joaquin
Phoenix, sem vildi kynnast því
hvernig það er að hafa það að að-
alstarfi að stofna sjálfum sér í
lífshættu.
Hann lagði á sig mikla undir-
búningsvinnu, sótti námskeið fyr-
ir slökkvimenn og fór í alvöru út-
köll með brunaliði í Baltimore.
Hann tókst á við lofthræðslu þeg-
ar hann byrjaði en stóð sig með
svo mikilli prýði að honum hefur
verið tjáð að hann geti fengið
vinnu hjá slökkviliðinu í
Baltimore hvenær sem hann finni
hjá sér þörf til að skipta um starf.
Bond fer á eftirlaun
James Bond-leikarinn Pierce
Brosnan hefr staðfest það að hann
muni ekki leika njósnara hennar
hátignar framar. Hann hefur þó
litlar áhyggjur af framtíð sinni í
bíóbransanum og hefur þegar kas-
tað af sér gervi 007 og fundið takt-
inn í spennumyndinni After the
Sunset sem hefur verið að gera
góða hluti úti í hinum stóra heimi.
Brosnan er heldur ekkert að
taka því rólega í nýja hlutverkinu
en í After the Sunset leikur hann
meistaraþjófinn Max Burdett
sem sérhæfir sig í að stela vel
varðveittum og ómetanlegum
demöntum. Brosnan er studdur
vösku liði leikara í myndinni en
latínbomban Salma Hayek leikur
ástkonu hans og vitorðsmann,
Woody Harrelsson leikur alríkis-
lögreglumann sem er með
Burdett á heilanum og Don Chea-
dle mætir til leiks sem vafasamur
hugsanlegur vinnuveitandi
Burdett.
Eftir að hafa framið vel heppn-
að rán hyggst Burdett setjast í
helgan stein og kemur sér fyrir á
sólarströnd ásamt kærustunni.
Hann fær þó lítinn frið þar sem
glæpamenn vilja ráða hann til
vinnu og svo hefur Harrelson elt
hann til eftirlaunaparadísarinnar
til þess að hafa auga með honum.
Það má líka vel vera að það hafi
verið vel til fundið hjá lögreglu-
mannininum þar sem það er ekki
útilokað að eftirlaunaáætlun
Burdetts sé sjónarspil til að að
draga athyglina frá stærsta rán-
inu á ferli hans. ■
34 FÖSTUDAGUR 5. nóvember 2004
Ómissandi á DVD
Casablanca er ein rómaðasta ástarsaga kvikmyndasögunnar. Erkitöffarinn Humphrey
Bogart er í toppformi í þessari sígildu mynd þar sem hann leikur einfarann Rick
sem rekur veitingastað í Casablanca. Þegar fyrrverandi kærastan hans, sem Ingrid
Bergman leikur, rekst inn á búlluna verða gamlar glæður að báli og magnað upp-
gjör óumflýjanlegt. Toppmynd sem nýtur sín vel fín og pússuð á DVD.
[ SMS ]
UM MYNDIRNAR Í BÍÓ
TWO BROTHERS Tígrísdýr fara með
veigamestu hlutverkin í nýjustu mynd
Jean-Jaques Annaud. Sagan er falleg og
einföld og höfðar til barna á öllum aldri.
Two Brothers
„Saga bræðranna tveggja er hjartnæm og hlý og
það er sennilega ekki hægt að lýsa henni betur en
með þeim orðum að hér sé á ferðinni alvöru fjöl-
skyldumynd af gamla skólanum.“
ÞÞ
Sterkt Kaffi
„Sterkt Kaffi svíkur ekki þegar kemur að húmorn-
um og margoft sprakk salurinn úr hlátri yfir þessari
hlýju kvikmynd.“
EÁ
The Manchurian Candidate
„The Manchurian Candidate er þrælflókin en um
leið spennandi og vel gerð samsæriskenninga-
mynd. Það gengur mikið á og áhorfendur mega
hafa sig alla við til að týna sér ekki í flókinni sög-
unni.“
ÞÞ
Shall We Dance?
„Rómantíkin og ástarþráin svífur því yfir vötnum í
Shall We Dance? en dramað og tilfinningarnar rista
þó aldrei nógu djúpt til þess að myndin hreyfi al-
mennilega við áhorfandanum.“
ÞÞ
Shark Tale
„Mafíuhákarlarnir eru einu persónurnar sem eitt-
hvað er spunnið í og þar eru þeir áberandi bestir
Robert De Niro sem gerir góðlátlegt grín að sjálf-
um sér í hlutverki Don Linos og Michael Imperioli.
Þessir gaurar kunna mafíósataktana utanbókar og
blása smá lífi í staðna söguna.“
ÞÞ
„You know, Rick, I have many a friend in Casablanca,
but somehow, just because you despise me, you are the
only one I trust.“
- Fólk hafði æði misjafnar ástæður til að treysta eða láta sér lynda við Rick í
Casablanca. Svona reyndi Ugarte í túlkun Peters Lorre að höfða til kappans.
Travolta slekkur, Bond stelur
VEITINGAHÚS BÝÐUR UPP Á ÍSLENSKT JÓLAHLAÐBORÐ 2004
Hveragerði
Selfoss
IngólfsfjallINGÓLFSSKÁLI
1
374
Upplýsingar og borðapantanir
Básinn / Ingólfsskáli veitingahús
Efstalandi Ölfusi • Sími: 483-4160 & 483-4666 • Fax: 483-4099 • E-mail: basinn@islandia.is • Heimasíða: www.basinn.is
Í glæsilegum sal Ingólfsskála bjóðum við upp á sanna
íslenska jólastemmingu á komandi aðventu.
Komið og njótið okkar margrómaða
jólahlaðborðs í notalegu umhverfi.
Tökum vel á móti öllum, starfsmannafélögum,
klúbbum, hópum og einstaklingum.
Wimbledon
„Af þessu öllu verður ágæt mynd, rómantísk, nokk-
uð fyndin, talsvert barnaleg á köflum – eins og
breskra rómantískra gamanmynda er jafnan háttur
– en yfir meðallagi í leik og söguþræði. Pör voru
þónokkur í bíó. Myndin er ekki við hæfi þeirra sem
þola ekki tennis.“
GS
Dodgeball
„Hefst þá hin skemmtilegasta atburðarás sem
heldur manni brosandi allan tímann, það vantar
ekki. Og spenntum. En maður liggur aldrei afvelta
af hlátri, eins og maður bjóst við að maður myndi
gera.“
GS
Næsland
„Það er margt vel gert í Næslandi enda enginn
skortur á fagmönnum sem koma að framleiðsl-
unni. Kvikmyndatakan er flott, sviðsetningin á köfl-
um snilld, leikararnir standa sig upp til hópa prýði-
lega og tónlistin er fín en samt er eitthvað að
klikka þannig að eftir stendur áferðarfalleg mynd
sem er ekkert sérstaklega skemmtileg og ristir ekki
djúpt.“
ÞÞ
Collateral
„Í raun er hér um klassíska baráttu góðs og ills að
ræða. Að þessu sinni fer hún fram í leigubíl, á milli
níhílista sem fer um stórborgina drepandi fólk eins
og engill dauðans og er skítsama, og leigubílstjóra
sem trúir enn á drauma og hið góða í lífinu. Og
spennan er klassísk: hvort aflið verður hinu yfir-
sterkara? „
GS
The Terminal
„Spielberg kann auðvitað öðrum fremur að spila á
tilfinningar áhorfenda og því er nánast óhjákvæmi-
legt annað en að gleðjast og þjást með Viktori.
Það eykur svo enn á samkenndina með persón-
unni að Tom Hanks, sem á það til að vera hund-
leiðinlegur, er í toppformi og gerir aðalpersónunni
prýðileg skil.“
ÞÞ
[ SMS ]
UM MYNDIRNAR Í BÍÓ
JOAQUIN PHOENIX OG JOHN TRAVOLTA Leika slökkviliðsmenn og bestu vini sem komast í hann krappan þegar Phoenix festist inni
í brennandi byggingu. Travolta tók að sér hlutverkið til þess að votta slökkviliðsmönnum virðingu sína eftir árásirnar 11. september. „Ég
leit á þetta sem persónulegt tækifæri til að votta slökkviliðsmönnum virðingu mína. Þeir hafa skipt okkur svo miklu máli í gegnum árin
og aldrei jafn miklu og núna.“
PIERCE BROSNAN OG SALMA HAYEK