Fréttablaðið - 05.11.2004, Blaðsíða 53

FÖSTUDAGUR 5. nóvember 2004
TÖLVULEIKJAFRÉTTIR
Macintosh eigendur geta fagnaðþeim gleðitíðindum að Doom 3
er kominn í framleiðslu hjá Id
Software. Það er Aspyr Media Inc.
sem er útgefandi leiksins fyrir Macin-
tosh en ekki hefur verið staðfest ná-
kvæmlega hvenær leikurinn kemur á
markað. Doom 3 státar af glænýrri
þrívíddarvél sem nýtir skugga og ljós
í miklum gæðum til að skapa
drungalegt andrúmsloft. Síðan
Doom 3 kom út fyrir stuttu á PC hafa
miðlar hlaðið yfir hann lofi og titlað
leikinn sem einn mest ógnvekjandi
tölvuleik samtímans. Þar sem fátt er
um fína drætti í leikjaframboði fyrir
Mac-eigendur geta þeir nú sett sig í
skotstellingar og vonað að fleiri
framleiðendur sjái sér hag í að fylgja
Id mönnum eftir og staðfæra stóra
leikjatitla yfir á Macintosh.
Nú styttist óðum í að fjöldaspilun-arleikurinn Matrix Online líti
dagsins ljós en hann er áætlaður í
lok janúar 2005. Wachowski-bræð-
urnir eru að vinna náið með leikja-
framleiðandanum Monolith til að
rétta andrúmsloftið náist. Margir af
leikurum þríleiksins munu ljá raddir
sínar fyrir leikinn
EyeToy-myndavélin hefur farið sig-
urför um leikjaheiminn enda alveg
frábær viðbót við Playstation 2.
Fyrir þá sem þekkja ekki til EyeToy
er það myndavél sem tengist með
usb-tengi við Playstation 2-vélina og
er sett ofan á sjónvarpið. Leikmað-
urinn stillir sér upp fyrir framan
sjónvarpið og notar handa- og fóta-
hreyfingar til að spila leikina.
Í EyeToy: Play 2 eru tólf nýir
leikir sem ættu að hitta vel í mark
enda mismunandi spilunarmögu-
leikar í boði. Þeir fyrstu sem ég
prófaði voru „Air Guitar“ og
„Drummin“ þar sem markmiðið er
að spila á gítar og trommur í takt
við lög. Til að byrja með gat ég ekki
neitt en þegar réttum handtökum
var náð komst ég í góðan rokk-
stjörnufíling.
Næst urðu fyrir valinu íþrótta-
leikirnir, borðtennis, markvarsla,
hafnabolti og box þar sem andstæð-
ingarnir eru hressir og auðveldir
viðureignar í byrjun en verða svo
erfiðari þegar líður á keppnirnar.
Fyrir utan leikina fylgir leikjaher-
bergi þar sem spilað er með liti og
hljóð. Auk leikjanna er ýmislegt
annað hægt að dunda sér við. Til
dæmis er hægt að myndrita skila-
boð til einhvers og láta EyeToy
fylgjast með heimilinu. Það gerist
þegar EyeToy er látið skynja hreyf-
ingu og tekur mynd af þeim sem er
að læðupokast. Spilarinn getur líka
tekið upp öskur og læti og látið
EyeToy bregða þeim sem gengur
inn í herbergið. Þótt möguleikarnir
fyrir EyeToy séu margir mun hún
nýtast þeim meira sem tengdir eru
við netið. Myndavélina verður hægt
að nýta vel til að tengja saman
spilara á mismunandi stöðum
í heiminum og persónugera
leikjaumhverfið meira.
Fyrir utan að vera vænlegasti
fjölskylduleikurinn fyrir Play-
station 2 er hann einnig hinn heilsu-
samlegasti.
franzgunnarsson@hotmail.com
Fjölskylduleikur
VÉLBÚNAÐUR: PLAYSTATION 2
FRAMLEIÐANDI: CSE STUDIOS LONDON
ÚTGEFANDI: SONY COMPUTER
ENTERTAINMENT
NIÐURSTAÐA: Hressandi leikjapakki fyrir alla
fjölskylduna. Fín líkamsrækt fylgir spilun leiks-
ins enda markmiðið að nota allan líkamann til
að spila leikina. Ásamt því að geta verið eftir-
litsmyndavél fyrir heimilið er EyeToy: Play 2 frá-
bær partíleikjapakki.
[ TÖLVULEIKIR ]
UMFJÖLLUN