Fréttablaðið - 09.11.2004, Blaðsíða 2
2 9. nóvember 2004 ÞRIÐJUDAGUR
Össur Skarphéðinsson:
Halldór forsætisráðherra olíufélaga
STJÓRNMÁL Össur Skarphéðinsson,
formaður Samfylkingarinnar,
sakaði Halldór Ásgrímsson um að
vera forsætisráðherra olíufélag-
anna á Alþingi í dag. Össur krafð-
ist þess að Halldór Ásgrímsson
hefði forgöngu um viðræður við
olíufélögin með það fyrir augum
að þau fengjust til að greiða til
baka allt að sex milljarða króna
hagnað sem þau hefðu haft af
samráði sín á milli um olíuverð.
Halldór Ásgrímsson benti á í
svari sínu til Össurar að málefni
olíufélaganna væru til umfjöllun-
ar hjá Samkeppnisstofnun, úr-
skurðarnefnd um samkeppnismál,
lögreglu og hugsanlega dómstól-
um: „Hefur háttvirtur þingmaður
ekki heyrt um aðskilnað fram-
kvæmdavalds og dómsvalds? Við
verðum að treysta á dómskerfið,
réttarkerfið og hafa þolinmæði til
að bíða eftir niðurstöðunum.“
Össur Skarphéðinsson sagði
fráleitt að Halldór Ásgrímsson
hlypi í vörn fyrir olíufélögin og
spurði hvort hann væri forsætis-
ráðherra olíufélaganna. Forsætis-
ráðherra sagði að Össur ætti að
biðjast afsökunar á ummælum
sínum. - ás
Örlög borgarstjóra
gætu ráðist í dag
Útlit er fyrir að stjórn Vinstri-grænna í Reykjavík leggi fram ályktun á
fundi í kvöld um að borgarstjóri víki, hafi hann sjálfur ekki sagt af sér.
Árni Þór Sigurðsson segist aldrei hafa sagt að Þórólfur eigi að víkja.
STJÓRNMÁL Þrýstingur á Þórólf
Árnason borgarstjóra eykst nú
enn og gætu örlög hans ráðist í
kvöld fari svo sem horfir að fé-
lagsfundur Vinstri-grænna álykti
að hann eigi að taka pokann sinn.
Stjórn félagsins hefur slíka álykt-
un í smíðum.“Hún verður í þá átt
að hann verði að víkja“, segir Þor-
leifur Gunnlaugsson, varaformað-
ur Vinstri-grænna í Reykjavík.
Hann segir félagsmenn sem hann
hafi rætt svo til einróma í þeirri
afstöðu. Fundur félagsins í kvöld
er ályktunarbær en áður fundar
stjórnin með borgarfulltrúum.
Árni Þór Sigurðsson, forseti
borgarstjórnar, segir stöðuna
óbreytta. Hins vegar áréttar hann
að hann hafi aldrei sagt að borgar-
stjórinn verði að víkja, þótt hann
hafi sagt fyrir viku að hann gæti
ekki lýst stuðningi við hann.
Borgarfulltrúar í öðrum flokk-
um R-listans viðurkenna að örlög
borgarstjóra geti ráðist á fundi
Vinstri-grænna. „Menn vilja ó-
gjarnan að það líti út eins og við
sprengjum R-listann“ segir mað-
ur í innsta hring. Hugsanlegt er að
opnað verði á minnihlutastjórn
Samfylkingar og Framsóknar.
Samkvæmt heimildum frétta-
blaðsins er stuðningur innan
borgarstjórnarmeirihlutans við
Þórólf að fjara út, ekki síður
meðal Samfylkingar og Fram-
sóknarmanna en Vinstri- grænna.
Alfreð Þorsteinsson, borgarfull-
trúi Framsóknarflokksins vísar
því hins vegar á bug að flokkurinn
hafi rætt við Sjálfstæðismenn um
nýjan meirihluta: „Málið er í skoð-
un, úrslit munu fást mjög fljót-
lega“.
Umræður um arftaka Þórólfs
Árnasonar halda áfram enda
gengið út frá því sem vísu að hann
fari, eigi R-lista samstarfið að
halda áfram. Nafn Helgu Jóns-
dóttur, borgarritara hefur verið
nefnt en vitað er að verði leitað út
fyrir raðir borgarfulltrúa beinist
sjónir manna að konu.
Sjálfstæðismenn una sínum
hag vel í vandræðum R-listans.
Guðlaugur Þór Þórðarson borgar-
fulltrúi sagði í gær: „Við höfum
ekkert nema góða kosti í stöð-
unni.“
a.snaevarr@frettabladid.is
SIGFÚS GRÉTARSSON
„Nú er allt undir. Núna er allt breytt,“ sagði
Sigfús eftir að ljóst varð að miðlunar-
tillagan var fallin.
Miðlunartillaga:
Skólastjórar
samþykktu
MIÐLUNARTILLAGA Ætla má að skóla-
stjórnendur grunnskólanna hafi átt
stóran hluta þeirra atkvæða sem
greidd voru með miðlunartillögu
ríkissáttasemjara, segir Sigfús
Grétarsson, formaður samninga-
nefndar Skólastjórafélags Íslands.
Tæp sex prósent kennara studdu
miðlunartillöguna, eða 276 þeirra
sem greiddu atkvæði.
„Þegar talið er upp úr sameigin-
legum potti er þó ómögulegt að
segja til um það,“ segir Sigfús en
kjarasamningur skólastjóra er
hluti af samningi grunnskólanna.
Sigfús telur að skólastjórar hafi
verið ánægðir með samninginn
enda hafi samninganefndin talið að
viðunandi kjör hafi náðst fyrir
félagsmenn. - gag
Þetta var algjör hvalreki, það er
alveg á hreinu.
Andanefju rak á land nálægt Hvalasafninu á Húsa-
vík, þar sem Ásbjörn Björgvinsson er forstöðumað-
ur. Það er sjaldgæft að andanefju reki á land.
SPURNING DAGSINS
Ásbjörn, var þetta hvalreki?
Dönsk stjórnmál:
Flóttafólki
snúið heim
DANMÖRK, AFP Danska ríkisstjórn-
in samdi við Þjóðarflokkinn um
stuðning við stjórnina gegn því
að rúmlega tvö þúsund hælisleit-
endur yrðu hvattir til að snúa
aftur til heimalands síns.
Í þessum hópi hælisleitenda
eru 500 til 600 Írakar. Stutt er
síðan Flóttamannahjálp Samein-
uðu þjóðanna hvatti þjóðir heims
til að þrýsta ekki á flóttamenn
þaðan að snúa aftur til síns
heima því ástandið í Írak væri of
ótryggt.
Þjóðarflokkurinn krafðist
þess að flóttamönnum sem hefur
verið hafnað um hæli í
Danmörku yrði snúið heim og
samþykkti stjórnin að bjóða
flóttamönnum allt að 180 þúsund
íslenskar krónur gegn því að þeir
sneru aftur heim. ■
Uppgjör Símans:
Aukinn
hagnaður
VIÐSKIPTI Tilkynnt var um hagnað
Símans á fyrstu níu mánuðum
ársins í gær. Samkvæmt uppgjöri
var hann 2,4 milljarðar króna,
sem er heldur betra en á sama
tíma í fyrra þegar hagnaður
Símans var 1,6 milljarða.
Rekstrartekjur Símans jukust
um 1,1 milljarð og arðsemi
eiginfjár hækkaði úr 15 í 22
prósent.
Rekstrahagnaður fyrir af-
skriftir og fjármagnsliði er 5,7
milljarðar, sem er 39 prósent af
tekjum. Í fyrra reyndist rekstrar-
hagnaðurinn vera 5,5 milljarðar
og var þá 40 prósent af tekjum.
Í tilkynningu frá félaginu kem-
ur fram að framtíðarhorfur séu
góðar. Í Kauphöll Íslands er Sím-
inn metinn á 64 milljarða.
- þk
HALLDÓR OG ÖSSUR
Halldór sagði að Össur ætti að biðjast af-
sökunar á ummælum sínum á þingi í gær.
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/E
.Ó
L.
LANDBÚNAÐUR Vegna hlýnandi
loftslags er fé látið ganga lengur
úti en áður tíðkaðist og ekki
algengt að búið sé að loka fé inni í
byrjun nóvember. „Ég man eftir
því að búið var að loka fé inni um
miðjan október, en ég held að nú
sé fé yfirleitt úti hér sunnan-
lands,“ segir Haraldur Benedikts-
son, formaður Bændasamtaka
Íslands.
Hann segir viðhorf bænda til
þess að taka skepnur á hús hafi
verið að breytast síðustu ár. „Eins
og í nautgripum til dæmis. Menn
eru þess vegna farnir að nota
óeinangruð hús fyrir mjólkurkýr.
Það sem gildir er að hafa góða
loftræstingu og vera laus við
trekk.“ Haraldur taldi hita í fjós-
um hafa miðað frekar við þarfir
bóndans en skepnanna.
„Bara að bóndinn gæti verið á
skyrtunni, þess vegna vildu menn
hafa 16 stiga hita í fjósinu. En það
fer ekkert betur með gripina
nema síður sé,“ segir hann og
bætir við að þótt mjólkurkýr séu
nú komnar inn, sé alveg til í dæm-
inu að þær séu settar út á fóðurkál
og til viðrunar. „Það fer betur með
skepnurnar. Nautgripum er líka
víða gefið úti á skjólgóðum stöð-
um fram undir áramót.“ - óká
Loftslags- og viðhorfsbreytingar:
Skepnur eru hafðar lengur úti
SAUÐFÉ
Hlýrra loftslag og breytt viðhorf til skepnuhalds valda því að húsdýr eru höfð lengur og
meira úti við en tíðkaðist í búskap fyrir nokkrum árum síðan.
FR
ÉT
TA
B
LA
Ð
IÐ
/E
.Ó
L.
ÁRNI ÞÓR SIGURÐSSON
Ávarpaði Norðurskautsráðstefnu að loknum fundi borgarmálaráðs R-listans í gær. Annars
vegar örlög heimsins í veði, hins vegar örlög borgarstjórans í starfi.
FR
ÉT
TA
B
LA
Ð
IÐ
/V
AL
LI
■ ÁLFTANES
OR KAUPIR VATNSVEITUNA Vatns-
veitan á Álftanesi hefur verið
seld Orkuveitunni í Reykjavík
fyrir 125 milljónir króna. Bæjar-
stjórn Álftaness samþykkti á
fundi í síðustu viku að fela bæj-
arstjóra sínum, Gunnari Vali
Gíslasyni, að ljúka samningum
um söluna. Orkuveitan tekur við
rekstrinum um næstu áramót.