Fréttablaðið - 09.11.2004, Blaðsíða 10

9. nóvember 2004 ÞRIÐJUDAGUR
Þórir Karl Jónasson formaður:
Leigjendasamtökin
algjörlega óvirk
FÉLAGSMÁL Leigjendasamtökin eru
orðin algerlega óvirk vegna fjár-
skorts, að sögn Þóris Karls Jónas-
sonar, formanns þeirra.
„Þetta er allt í biðstöðu eins og
er,“ sagði hann. „Við erum að bíða
eftir að fá styrki og húsnæði.“
Starfsfólk Leigulistans hefur
haft í nógu að snúast við að svara
fólki sem veit ekki hvert það á að
snúa sér og biður um upplýsingar
um rétt leigutaka, að því er fram
kom í viðtali blaðsins við Katrínu
Þóru Jónsdóttur, starfsmann
Leigulistans. Hún sagði að reynt
væri að leysa vanda fólks eftir
bestu getu með því að vísa því á
hvar það gæti fengið umbeðnar
upplýsingar.
„Leigjendasamtökin eru ekki
með skráðan síma, en fólk getur
hringt í GSM-símann minn,“ sagði
Þórir Karl.
Þegar blaðið hafði samband við
118 til að fá uppgefið símanúmer
Leigjendasamtakana var gefið
upp númer sem reyndist vera hjá
nýju fyrirtæki sem heitir Leigu-
ráðgjöf. Samkvæmt upplýsingum
sem fengust þar selur það þjón-
ustu sína, sem felst í því að veita
leigusölum og leigutökum nauð-
synlegar upplýsingar þegar
ganga skal frá leigusamningi.
Þetta fyrirtæki er alls óskylt
Leigjendasamtökunum, að því er
fram kom. - jss
SAMKEPPNISMÁL Guðmundur Ingi
Eyjólfsson, formaður Lækna-
setursins ehf., býst við að niður-
staða í tveimur kærumálum sem
hann hefur lagt fram á hendur
tveimur stofnunum í heilbrigðis-
geiranum verði sér í hag.
„Ég rek Læknasetrið,“ sagði
hann. „Ég var með átta yfirlækna,
en stjórnendur Landspítala -
háskólasjúkrahúss bönnuðu þeim
að reka stofur úti í bæ vildu þeir
halda starfi sínu á spítalanum. Þá
missti ég fimm lækna út og það
kemur sér afar illa fyrir fyrirtækið
með margvíslegum hætti.“
Guðmundur Ingi kvaðst hafa
talið að þarna væri um brot á sam-
keppnislögum að ræða, þar sem
Landspítalamenn væru að misnota
aðstöðu sína gagnvart keppinau-
tum.
Hitt málið sem Guðmundur Ingi
á í er gegn Heilsugæslunni.
„Við erum í sama húsi og heilsu-
gæslan í Mjódd. Við erum búnir að
þjóna henni hvað varðar blóðrann-
sóknir síðan hún var opnuð. Þar að
auki setti ég upp blóðtökuaðstöðu í
Grafarvogi þegar heilsugæslan þar
var opnuð og hef þjónað henni síð-
an samkvæmt samningi.“
Guðmundur Ingi sagði að
Læknasetrið hefði verið í viða-
miklu þjónustuhlutverki við
heilsugæsluna, bæði með við-
skiptum við ofangreindar stöðvar
og fleira.
„Síðan gerði Landspítalinn
samning við Heilsugæsluna í apríl
um að annast blóðrannsóknir. Þeir
undirbuðu okkur og lækkuðu þær
rannsóknir sem við gerðum um 32
prósent. En þar sem þeir voru
með einokun varð nánast engin
lækkun þegar upp var staðið.
Þeir eru í þeirri stöðu að fá um
28 milljarða á ári á föstum fjár-
lögum og fjárhæðir til viðbótar á
aukafjárlögum, þannig að þeir eru
að misbeita aðstöðu sinni gagn-
vart keppinautum. Þeir eru að
reyna að grafa undan okkur.“
Guðmundur Ingi kvaðst hafa
kært þessi tvö mál til Samkeppn-
isráðs. Hann sagðist hafa reynt að
fá samning þann sem Landspítal-
inn og Heilsugæslan gerðu með
sér um blóðrannsóknirnar.
„Þeir neita að afhenda mér
hann og segja að hann sé leynileg-
ur. Það getur ekki staðist í stjórn-
sýslunni að samningar séu leyni-
legir, svo það er líka lögbrot. Þeir
eru því að brjóta þrenn lög og allt
bíður þetta dóms hjá Samkeppnis-
ráði.“ jss@frettabladid.is
Eldgos í Grímsvötnum:
Óstaðfestar fregnir
af gjósku í Noregi
ELDGOS Enn er beðið gagna sem
sýna endanlegt umfang gjóskufalls
frá gosinu í Grímsvötnum sem lauk
nú um helgina. Guðrún Larsen, sér-
fræðingur í gjóskulaga- og eld-
fjallafræði á jarð- og landfræði-
stofu Raunvísindastofnunar Há-
skóla Íslands, segir að endanlegar
niðurstöðu liggi fyrir eftir nokkra
daga, en óstaðfestar fregnir hermi
að gjósku frá Grímsvatnagosinu
hafi orðið vart í Noregi.
„Hér heima virðist einhver vott-
ur hafa fallið á Akureyri og austur
um til Vopnafjarðar,“ segir Guðrún
og bætir við að reyndar hafi einnig
borist af því fregnir að gjóskufalls
hafi líka orðið vart á Egilsstöðum.
Ummerki leyna sér þó ekki á jökl-
inum þar sem greina má í hvaða átt
gjóska hefur borist. „Þar sér mað-
ur að dökkur geiri liggur með
stefnu yfir Dyngjujökul og Herðu-
breið. Gjóskugeirinn sem fór til
suðurs náði hins vegar líklega
aldrei út fyrir jökulinn, heldur eitt-
hvað niður á Skeiðarárjökul,“ sagði
Guðrún Larsen og lofaði frekari
fregnum af gjóskufalli eftir nokkra
daga.
- óká
NÝ SENDING
Opið virka daga 10-18
Laugardaga 10-16
Mikið
úrval
Mörkinni 6. Sími 588 5518
Leðurúlpur
Rússkinnsúlpur
Dúnúlpur
Pelskápur
Hattar og húfur
FORMAÐURINN
Þórir Karl Jónasson, formaður Leigjenda-
samtakanna, segir þau óvirk eins og mál
standa nú.
LÆKNASETRIÐ
Formaður þess Guðmundur Ingi Eyjólfsson segir Landspítalann reyna að misnota aðstöðu
sína gagnvart samkeppnisaðilum.
GERVIHNATTARMYND AF VATNAJÖKLI
Glöggt mátti sjá öskustrókinn og gjóskufall
frá Grímsvatnagosinu á myndum sem
teknar voru utan úr geimi áður en dró úr
gosinu í lok síðustu viku.
Læknir í þremur
kærumálum
Formaður Læknasetursins í Mjódd hefur kært stjórnendur Landspítala
- háskólasjúkrahúss svo og Heilsugæslunnar fyrir þrjú brot á sam-
keppnislögum. Hann segir þá reyna að grafa undan keppinautum.