Fréttablaðið - 09.11.2004, Blaðsíða 14

9. nóvember 2004 ÞRIÐJUDAGUR
Hollensk yfirvöld:
Uppræta
hryðjuverk
HOLLAND Hollensk yfirvöld hafa
heitið stríði á hendur hryðju-
verkamönnum líkt og þeim sem
myrti hollenska kvikmyndagerð-
armanninn Theo Van Gogh, sam-
kvæmt BBC.
„Við ætlum að uppræta starf-
semi af þessu tagi,“ sagði Gerrit
Zalm, fjármálaráðherra Hol-
lands. Maður sem gengur undir
nafninu Mohammed B er grun-
aður um verknaðinn og verður
hann ákærður fyrir morð sem
og hryðjuverk. Einnig er hann
sakaður um að hafa reynt að
drepa lögreglumann og vitni.
Hollensk yfirvöld segjast hafa
fundið bréf frá óþekktum hópi
sem hótar að drepa Ayaan Hirsi
Ali. Hún er flóttamaður frá
Sómalíu og skrifaði handritið að
mynd Van Gogh. ■
AMSTERDAM
Maður gengur framhjá blómaskreytingum sem fólk safnaði saman í minningu kvikmynda-
gerðarmannsins.
FÍKNIEFNI Fimm eru enn í gæsluvarð-
haldi vegna rannsóknar á einu stærsta
fíkniefnamáli síðari ára þar sem um
ellefu kílóum af amfetamíni og 600
grömmum af kókaíni var smyglað
með Dettifossi í tveimur ferðum. Tvö
þúsund skammtar af LSD komu með
póstinum.
Alls hafa níu verið úrskurðaðir í
gæsluvarðhald við rannsóknina en
fjórum þeirra hefur verið sleppt.
Flestir sem nú sitja inni hafa verið úr-
skurðaðir í gæsluvarðhald fram í des-
ember en gæsluvarðhald yfir þeim
var fyrir skömmu framlengt um sex
vikur. Gæsluvarðhald yfir einum
rennur út á fimmtudag en hann var
fyrst handtekinn fyrir um hálfum
mánuði síðan. Að sögn Ásgeirs Karls-
sonar liggur ekki fyrir hvort farið
verði fram á framlengingu.
Tæp þrjú kíló af amfetamíni og
sex hundruð grömm af kókaíni fund-
ust í vörusendingu í Dettifossi í mars
og hófst þá rannsókn lögreglu og toll-
gæslu. Rannsóknin leiddi til þess að
átta kíló af amfetamíni fundust falin í
loftpressu í Dettifossi þegar skipið
kom til landsins í júlí. Tvö þúsund
skammtar af LSD fundust síðan í póst-
sendingu sem stíluð var á mann í Vest-
mannaeyjum og barst til landsins í
september. Auk þessara efna hefur
verið lagt hald á minniháttar magn
fíkniefna við húsleitir. Einn Íslending-
ur var framseldur frá Hollandi vegna
málsins en hann og annar Íslendingur
voru handteknir þar ytra. Sá síðar-
nefndi hefur ekki verið framseldur
þar sem hann er ekki talinn tengjast
innflutningnum. En í húsleit á heimili
hans í Hollandi fundust um eitt kíló af
amfetamíni og tuttugu kíló af marí-
júana og hefur hollenska lögreglan
það mál til rannsóknar.
Ásgeir segir rannsókn málsins vel
á veg komna. Málið hafi strax í upp-
hafi verið umfangsmikið og það hafi
ekki minnkað í sniðum. Auk þeirra
sem setið hafa í gæsluvarðhaldi hafa
nokkrir til viðbótar verið handteknir
auk þess sem einhverjir fleiri hafa
verið yfirheyrðir. Þeir sem setið hafa í
gæsluvarðhaldi vegna málsins hafa
allir komið við sögu lögreglu með ein-
um eða öðrum hætti.
hrs@frettabladid.is
Fíkniefni í loftpressu
Níu hafa setið í gæsluvarðhaldi vegna rannsóknar á einu af stærri fíkni-
efnamálum síðari ára. Fimm eru enn í haldi. Rannsókn miðar vel.
DETTIFOSS
Rannsóknin er vel á veg komin að sögn Ásgeirs Karlssonar. Fimm eru enn í gæsluvarðhaldi.
FR
ÉT
TA
B
LA
Ð
IÐ
/E
.Ó
L