Fréttablaðið - 09.11.2004, Blaðsíða 30
Stórafmæli
Ágúst Guðmundsson, annar af stofnendum Bakka-
varar, varð fertugur fyrir skemmstu. Hann hélt upp
á afmæli sitt með pompi og prakt og bauð gestum
til Hafnar í Hornafirði þar sem veislan var haldin.
Til þess að ferja liðið á staðinn voru leigðar tvær
Fokkerflugvélar hjá Flugfélagi Íslands. Gestum var
skipt upp í vélarnar og fóru karlmenn í
aðra vélina en konurnar í hina. Þar mun
ekki hafa verið sparað í mat eða drykk
og séð til þess að menn skemmtu
sér vel.
Lengi von á einum
Það urðu hins vegar nokkrar tafir
á brottför vélanna frá Reykjavík
þegar beðið var eftir einum
gestanna. Sá var fremur seinn
fyrir en lenti einkaþotu sinni
að lokum á Reykjavíkurflug-
velli og var fluttur beinustu
leið um borð í Fokkervélina.
Þetta var Jón Ásgeir Jóhannesson sem var seinn
fyrir en náði svo flugvélinni að lokum og ekki hefur
annað heyrst en að menn hafi skemmt sér ágæt-
lega þrátt fyrir töfina því þótt það geti verið leiðin-
legt að bíða í flugvél þá getur það hjálpað til ef fé-
lagsskapurinn er bærilegur og veitingarnar hvorki
slæmar né naumt skammtaðar.
Viðskiptalífið býr sig undir
meiri Bush
Nokkur af helstu stefnumálum
Bush Bandaríkjaforseta koma til
með að hafa áhrif fljótlega,
sérstaklega í ljósi styrkrar
stöðu repúblikana á Banda-
ríkjaþingi. Líklegt er að tak-
markanir verði settar á
skaðabætur sem hægt er að
dæma í málaferlum gegn fyr-
irtækjum. Þá er talið líklegt að
bókhaldsreglur sem settar voru í kjölfar
Enron-hneykslisins verði mildaðar.
MESTA HÆKKUN
ICEX-15 3.522
KAUPHÖLL ÍSLANDS [ HLUTABRÉF ]
Fjöldi viðskipta: 313.
Velta: 1.278 milljónir.
+1,56%
MESTA LÆKKUN
MARKAÐSFRÉTTIR...
Kauphöll Íslands hefur sam-
þykkt framkomna beiðni
Sæplasts hf. um afskráningu
hlutabréfa félagsins af Aðallista
Kauphallarinnar. Fjárfestingar-
félagið Atorka hf. hefur í kjölfar
yfirtökutilboðs eignast 94,11%
heildarhlutafjár í félaginu. Sæplast
tapaði 59 milljónum króna fyrstu
níu mánuði ársins.
Stjórn Kögunar hefur ákveðið
að nýta heimild um að auka
hlutafé. Hið nýja hlutafé á að fara
til greiðslu á hluta kaupverðs í
Opin kerfi en þau kaup fóru fram
17. ágúst.
Gengi krónunnar lækkaði um
0,25% í litlum viðskiptum í dag.
Gengisvísitala krónunnar byrjaði í
119,70 og endaði í 120. Dollarinn
hefur að undaförnu verið að
veikjast gagnvart evrunni.
22 9. nóvember 2004 ÞRIÐJUDAGUR
Essó hefur gefið út nýjar
reglur og vill vinna trúnað
fólksins í landinu. Forstjór-
inn segir að gengið sé lengra
en úrskurður samkeppnis-
ráðs segir til um. Forstjóri
Skeljungs er feginn að losna
út úr samstarfinu en bendir
á að enn sé mikið samstarf
milli Essó og Olís í gegnum
Olíudreifingu.
Olíufélagið Essó tilkynnti í gær
um breytingar sem ætlaðar eru
til að koma í veg fyrir grunsemd-
ir um óeðilegt samstarf olíu-
félaganna. Í tilkynningu er þátt-
taka félagsins í samráði
íslenskra olíufélaga hörmuð og
beðist velvirðingar.
Fulltrúar Essó í Olíudreifingu
ehf. sögðu sig úr stjórn og verða
utanaðkomandi stjórnarmenn
skipaðir. Olíudreifing er í eigu
Essó (60 prósent) og Olís (40 pró-
sent) og sér um birgðahald og
dreifingu á bensíni og olíu á
bensínstöðvar félaganna. Essó
mun þó ekki selja hlut sinn í Olíu-
dreifingu og gerir Hjörleifur
Jakobsson forstjóri ráð fyrir að
félagið notist áfram við þjónustu
Olíudreifingar.
„Það hefur mikið vatn runnið
til sjávar frá því rannsóknin
hófst fyrir þremur árum. Það eru
komnir nýir eigendur, ný stjórn
og nýir stjórnendur. Við teljum
okkur hafa verið að vinna innan
ramma samkeppnislaganna und-
anfarin ár en það er ljóst að trú
almennings á því er takmörkuð.
Við lítum svo á að þetta sé næsta
skrefið í að byggja upp trúnað
við fólkið í landinu og okkar við-
skiptavini,“ segir Hjörleifur.
Hann segir að með nýjum verk-
lagsreglum sé gengið að ítrustu
kröfum samkeppnisráðs og jafn-
vel lengra. „Auðvitað hefðum við
getað reynt að fresta þessari
ákvörðun en kjósum að grípa til
þessara aðgerða nú þegar.“
Essó hefur einnig ákveðið að
hætta einhliða samstarfi um
rekstur nokkurra bensínstöðva á
landsbyggðinni. „Við ákváðum að
við tækjum þessar stöðvar yfir
einhliða. Við tókum niður flöggin
á þessum stöðvum og ætlum að
reka þær sjálfir. Auðvitað gerum
við okkur grein fyrir því að þetta
getur leitt til skaðabótakröfu af
hendi hinna félaganna en við tök-
um á því þegar þar að kemur,“
segir Hjörleifur.
Gunnar Karl Guðmundsson,
forstjóri Skeljungs, segir að
verklagsreglur Essó séu í sam-
ræmi við úrskurð samkeppnis-
ráðs og að Skeljungur fagni því
að dregið hafi verið úr samstarf-
inu. „Við fögnum því mjög að
losna út úr þessu samstarfi,“
segir hann.
Hann undrast að ekki skuli
vera tekið á málefnum Olíudreif-
ingar ehf. „Eftir stendur að Essó
og Olís ætla að vinna áfram sam-
an í Olíudreifingu og þar sem
þessir tveir aðilar ráða yfir 60 til
70 prósentum af markaðinum og
reka saman birgðahald, dreif-
ingu og innkaup verður seint
eðlileg samkeppni á þessum
markaði meðan þessu er svona
háttað,“ segir Gunnar.
thkjart@frettabladid.is
vidskipti@frettabladid.is
Peningaskápurinn…
Actavis 46,10 +0,44% ... Bakkavör
25,10 +1,62% ... Burðarás 12,70 +2,01% ...Atorka 5,35 +0,94% ... HB
Grandi 8,00 - ... Íslandsbanki 11,20 +1,36% ... KB banki 464,00 +0,98%
... Landsbankinn 12,30 +5,13% ... Marel 51,10 -1,35% ... Medcare 6,05 -
0,82% ... Og fjarskipti 3,45 -3,09% ... Opin kerfi 27,50 +3,38% ... Sam-
herji 13,05 +1,95% ... Straumur 9,10 +2,82% ... Össur 85,00 +0,59%
Vilja skera á öll samskipti
Landsbankinn 5,13%
SH 4,82%
Kögun 4,38%
Og fjarskipti -3,09%
Austurbakki -2,25%
Jarðboranir -2,04%
HLUTABRÉF Í ÚRVALSVÍSITÖLU:
nánar á visir.is
Flugfélagið Iceland Express
er flokkað sem ferðaskrif-
stofa á þátttökulista ferða-
málaráðs á alþjóðlegri ferða-
kaupstefnu. Forráðamenn
telja flugfélagið geta orðið af
tekjum vegna rangfærsln-
anna.
Flugfélagið Iceland Express mót-
mælir harðlega vinnubrögðum
ferðamálaráðs sem flokkar flug-
félagið sem ferðaskrifstofu á
þátttökulista íslensku fyrirtækj-
anna á ferðakaupstefnunni World
Travel market sem hófst í London
í gær. Flugfélagið segir vinnu-
brögðin ósvífin og veiti endur-
söluaðilum og gestum sýningar-
innar rangar upplýsingar. Það geti
orðið af mikilvægum viðskipta-
samböndum og -samningum
vegna flokkunarinnar.
Ársæll Harðarson, markaðs-
stjóri ferðamálaráðs, segir við-
brögð flugfélagsins harkaleg.
Mestu máli skipti fyrir fyrirtækin
að vera rétt merkt í bæklingi og á
netinu. Iceland Express hafi ekki
hirt um að ganga frá sínum mál-
um þar þrátt fyrir ábendingar
ferðamálaráðs. Flokkun fyrir-
tækjanna hafi verið á lista yfir
þátttakendur á ráðstefnunni og
ekki hafi margir litið listann aug-
um. Honum hafi verið breytt og
fyrirtækin standi nú óflokkuð á
listanum.
Ólafur Hauksson, talsmaður
Iceland Express, segir erfitt að
meta tjónið sem af mistökunum
geti hlotist. Þeir eigi að borga um
hálfa milljón fyrir þátttöku í sýn-
ingunni. Hluti af þeirri upphæð
renni til ferðamálaráðs. Það verði
athugað nánar vegna rangfærsl-
unnar. - gag
Frekari samþjöppun hefur
orðið í sælgætisiðnaði eftir
sameiningu Freyju og
Mónu. Þrjú stærri fyrirtæki
eru á markaðnum nú og eitt
minna.
Þrjú jafnstór fyrirtæki verða
starfrækt á sælgætismarkaði
þegar sælgætisgerðirnar Freyja
og Móna verða sameinaðar um
áramótin. Búast má við að Nói-
Síríus haldi samt stöðu sinni sem
stærsta fyrirtækið á markaðnum.
Til viðbótar er Góa-Linda. „Þessi
þrjú fyrirtæki eru mjög áþekk.
Nói-Síríus er með Kelloggs inni í
rekstrinum hjá sér, Góa-Linda
með Kentucky Fried en við erum
ekki með neina aukabúgrein,“
segir Jakobína Sigurðardóttir,
framkvæmdastjóri Mónu.
Móna er fjölskyldufyrirtæki
sem hefur verið starfrækt í 45 ár.
Freyja keypti nýlega Mónu og má
í framhaldi af því búast við
ýmsum hagræðingaraðgerðum.
Nafni sameinaðs fyrirtækis verð-
ur breytt en vörur Mónu samt
framleiddar áfram undir því
nafni. Hið sameinaða fyrirtæki
hyggst sækja fram í bökunarvör-
um, konfekti og páskaeggjum.
Búast má við einhverjum breyt-
ingum í yfirstjórn.
Lakkrísgerðin Kólus er fjórða
fyrirtækið á markaðnum og jafn-
framt það minnsta.
- ghs
Yfirdráttur íslenskra heim-
ila er tæplega 61 milljarður.
Vaxtakostnaðurinn af hon-
um er tæpir tíu milljarðar.
Íslensk heimili eru með tæpan 61
milljarð í yfirdrátt hjá innláns-
stofnunum.
Þetta kemur fram í tölum
Seðlabankans sem í fyrsta skipti
birtir flokkun tegunda útlána.
Verðtryggð lán íslenskra heimila
hjá bönkum og sparisjóðum
nema 104 milljörðum. Stærstur
hluti verðtryggðra lána einstak-
linga er vegna íbúðarhúsnæðis
sem fram til þessa hefur einkum
verið hjá Íbúðalánasjóði. Miðað
við aukna sókn banka í húsnæðis-
lán landsmanna má búast við að
þessi tala hækki á næstunni.
Yfirdráttarlán eru dýrustu lán
sem einstaklingar taka og eink-
um hugsuð til þess að mæta
skyndilegum útgjöldum. Vextir
af yfirdráttarlánum eru á bilinu
14 til 17 prósent. Vaxtabyrði af
yfirdráttarlánum heimila er því
hátt í tíu milljarðar króna á ári
haldist talan óbreytt í heilt ár.
Fyrirtæki skulda alls 732
milljarða króna. Stærsti hluti
þeirra er í lánum í erlendum
myntum eða 421 milljarður
króna.
- hh
Sameinast í sælgæti
FREYJA OG MÓNA Búast má við því að hinar frægu Freyjukaramellur verði hluti af inni-
haldi Mónupáskaeggja. Freyja og Móna hafa sameinast.
FR
ÉT
TA
B
LA
Ð
IÐ
/G
VA
Iceland Express
ósátt við ferðamálaráð
Á VELLINUM Markaðsstjóri ferðamála-
ráðs segir erfitt að skilja harkalega gagn-
rýni Iceland Express. Þátttökulistinn hafi
ekki verið í allra augsýn, ekki eins og netið
og bæklingar sem flugfélagið hafi ekki hirt
um að hafa rétta þrátt fyrir ábendingar.
Flugfélagið segir ferðamálaráð ekki hafa
verið tilbúið að leiðrétta mistökin fyrr en
fjölmiðlar hafi verið kallaðir til.
FR
ÉT
TA
B
LA
Ð
IÐ
/H
AR
I
Sextíu milljarða yfirdráttur
VILL HREINT BORÐ Hjörleifur Jakobsson, forstjóri Essó, segir að fyrirtækið vilji byggja upp trúnað við viðskiptavini og því séu tekin stór
skref í þá átt, jafnvel stærri en lagt er til í úrskurði samkeppnisráðs.