Fréttablaðið - 09.11.2004, Blaðsíða 40

Fréttablaðið - 09.11.2004, Blaðsíða 40
32 9. nóvember 2004 ÞRIÐJUDAGUR EKKI MISSA AF… Sýningu Kvikmyndasafns Ís- lands á stórbrotnasta og jafn- framt síðasta verki Rússans Sergei M. Eisenstein, Ívan grimmi. Fyrri hluti þriðjudaginn 9. nóvember kl. 20.00 en endur- sýnd laugardaginn 13. nóvember kl. 16.00... Sýningu Tuma Magnússonar í Listasafni Árnesinga... Sýningu Valgarðs Gunnars- sonar, Eilífðin á háum hælum, í Duus-húsi, Listasafni Reykanes- bæjar. Skáldin Bragi Ólafsson, Steinar Bragi og Jökull Valsson verða í brennidepli á bókmenntakvöldi Bjarts á Súfistan- um, Laugavegi 18, á morgun, miðviku- dagskvöld. Bragi og Jökull lesa úr nýj- um skáldsögum sínum, Samkvæmis- leikjum og Börnunum í Húmdölum, auk þess sem lesið verður úr nýju skáldsögunni Sólskinsfólkinu eftir Steinar Braga en hann er fjarri góðu gamni, búsettur í Skotlandi þessi miss- erin. Allar eiga þessar sögur það sam- eiginlegt að fjalla um myrkari hliðar ís- lensks samtíma og í þeim öllum leika fjölbýlishús stórt hlutverk. Að öðru leyti eru þær jafn ólíkar og dagur og nótt, egg og beikon, Þórbergur Þórðar- son og Stephen King. Milli atriða verð- ur leikinn hryllingsdjass. Dagskráin hefst kl. 20.30 en aðgangur er ókeypis og öllum heimill. Kl. 13.05 Nýr þáttur með klassískri tónlist, sem hlotið hefur nafnið Silungurinn, eftir hinu sígilda sönglagi Schuberts. Í þættinum verður gömlum og góðum hljóðritunum gert hátt undir höfði og einkum leitað fanga í tónlist átjándu og nítjándu aldar. Umsjónarmaður er Lana Kolbrún Eddudóttir. Þættirnir eru endurfluttir á sunnudagskvöldum kl. 23.10. menning@frettabladid.is Bókmenntakvöld Bjarts Glæsilegt tónlistartímabil Tónleikar voru haldnir í Borgarleik- húsinu sl. laugardag, sem liður í tón- leikaseríu Caput-hópsins. Þar var mættur til leiks kór frá Dramaten- leikhúsinu í Stokkhólmi, sem kennir sig við hinar frægu leikpersónur Sha- kespeares Rómeó og Júlíu. Engin efnisskrá lá frammi og engar frekari upplýsingar voru fyrirfram gefnar um flytjendur og viðfangsefni utan þeir- ra að endurreisnarmadrigalar yrðu sungnir. Eykur þessi nýi siður, að sleppa efnisskrá, vanda gagnrýnand- ans, sem þarf að vita hvað hann á að skrifa um og er sá vandi ærinn fyrir. Þegar sýning hófst varð ekki betur séð en Hákon Leifsson væri meðal söngfólksins og síðar voru kennsl borin á bónda nokkurn úr Borgar- firði, einnig syngjandi. Mátti af þessu draga þá ályktun að þar væri kominn kórinn Vox Academica. Hlutverk ís- lenska söngfólksins var þó hliðsett og til skrauts og tilbreytingar. Hinir sænsku gestir voru í aðalhlutverki. Á fimmtándu öld blómstraði fjöl- röddunin í tónlist og mörg snilldar- verk voru þá samin sem glatt hafa hug og hjörtu tónlistarunnenda síð- an. Þetta var öld sunginnar tónlistar og á sýningunni var flutt vel valið sýnishorn, eftir höfunda frá ýmsum löndum Evrópu, af tónlist þessa glæsilega tímabils. Þessi tónlist er ekki auðveld í flutningi. Hún gerir kröfu um góða rödd, gott eyra og listrænt næmi. Hún er að því leyti kröfuharðari en hefðbundin kórtón- list síðari alda að innraddir eru oftast sjálfstæðar, hafa mikla þýðingu og verða að heyrast jafn skýrt og greini- lega og útraddirnar. Það er ekki nóg að hafa góðan sópran í laglínuna og sætta sig við grámyglu í öðrum rödd- um. Þeir sem komu á þessa tónleika til að heyra vel sungna madrigala hljóta að hafa orðið fyrir nokkrum vonbrigðum. Söngur kórsins var oft ekki nógu hreinn og raddgæði voru misjöfn. Þá komu ýmis leikhljóð stundum í veg fyrir að tónlistin kæm- ist til skila. Ágætur lútuleikari lék undir og nokkrir í hópnum spiluðu á slagverkhljóðfæri í sumum lögunum og áttu oftast erfitt með að halda aftur af styrknum eins og algengt er með óvana slagverksmenn. En þetta fólk hafði fleira til brunns að bera. Hér var raunverulega boðið upp á lauslega leiksýningu með ást- ina sem tengihugmynd og framborin með ýmsu leikhússpaugi sem um- gerð um tónlistina. Það fór ekki fram hjá neinum að hér var á ferðinni þjálfað leikhúsfólk. Limaburður, látæði og búningar voru heillandi og í samræmi við efnið. Þetta fólk kann þá list að líta vel út á sviði. Form sýningarinnar virtist ná vel markmiði sínu. Hún hófst losaralega og varð ekki séð um hríð hvert stefndi, en skýrðist svo. Um miðbik varð mest breidd í tónlist og öðru efni. Undir lokin varð allt samþjapp- aðra og hómófónískir endurreisn- arslagarar voru sannfærandi enda- punktur. Sýningargestir hlógu áber- andi mismikið að því margvíslega spaugi og glensi sem haft var í fram- mi. Efalaust var sumt miður fyndið en annað, en allt var það græsku- laust gaman. Í heild var þetta hin ágætasta skemmtun. Ekki er ólíklegt að framsetning á klassískum gullmolum tónlistarinnar með þessum hætti kunni að ná til fólks sem annars færi alveg á mis við þá. Sem sjálfstætt verk stendur þessi sýning vel fyrir sínu. ■ Ný skáldsaga Þráins Bertels- sonar er spennusaga úr sam- tímanum, þar sem fyrir koma smábófar og stórbóf- ar, lögreglulið og að minnsta kosti tvö morð. Dauðans óvissi tími, ný skáldsaga eftir Þráin Bertelsson, kemur út á morgun hjá JPV útgáfu. Í sögunni fjallar Þráinn um okkar samtíma, daginn í dag, í gær og hugsanlega á morgun. Um leið er hér á ferð- inni sakamálasaga ein mikil og spennandi, þar sem minni, nöfn og viðhorf eru sótt í fornsögur. Í sögunni eru smákrimmarnir Þor- móður og Þorgeir, sem kynnast á vandræðaheimili fyrir vestan - og síðan stórbófar og þrjótar, auk flokks af lögreglumönnum sem rannsaka að minnsta kosti tvö morð. Það er ein reglulega krass- andi Sturlungaöld í gangi í þessu heiðurs- og hefndarsamfélagi og spurning hver er mesti bófinn. Og lesandinn er laflaus við að þurfa að lesa sig í gegnum upplýsingar um innihaldslaust einkalíf þeirra allra. „Ég hef aldrei prófað þetta form áður,“ segir Þráinn. „Það er svo margt sem ég er að reyna að gera í þessari sögu, en þó aðallega að halda fólki við lestur. Ég hef oft verið að spekúlera í því í hverju þessi sagnahefð okkar liggur og hvort söguefni höfunda á mismunandi öldum sé mismun- andi. Ég er að pæla í því hvað Sturla Þórðarson mundi gera ef hann væri uppi nú á dögum. Í fullri hógværð auðvitað og án þess að ætla að bera mig saman við hann. Mig langaði til þess að skrifa um samtímann. Ég hef verið svo lengi í blaðamennsku að mér finnst ég þekkja vel til þess hvernig þetta samfélag okkar virkar. Mig langaði til þess að láta það koma fram og nota þá þekk- ingu til þess að reyna að spegla tímann, til dæmis í þættinum um þá fóstbræður Þorgeir og Þormóð. Hvað hefði orðið úr þeim í nútím- anum. Svo er ég líka að skrifa spennusögu. Ég er að reyna að skrifa bók sem er stór og víð, bók sem lesandanum líður vel í, í stað þess að líða eins og hann sé í þrön- gu og loftlausu rými. En fyrst og fremst langaði mig til að skrifa eitthvað sem mér þætti gaman að skrifa.“ Það er ekki laflaust við að per- sónur bókarinnar eigi fyrirmynd- ir í okkar tíma, enda segist Þráinn hafa skoðað heimildir við vinnu bókarinnar, til dæmis um Haf- skipsmálið, Rússland og einka- væðinguna; einkavæðinguna bæði hér heima og í Rússlandi. „Ég réði mér sagnfræðing í vinnu til þess að draga að heimild- ir. Hann ber hins vegar enga ábyrgð á einu né neinu. Ég vann sjálfur úr þessum heimildum. Heimildarvinnan var nauðsynleg vegna þess að ég skýt rakettunni upp og varð því að hafa pallinn sem allra stöðugastan. Ég hef lít- inn áhuga á því að fara út í ein- hverja dellu, en mikið af því sem er í sögunni hefur raunverulega gerst - og ég held að afgangurinn gæti hafa gerst, eða gæti gerst. TÓNLIST FINNUR TORFI STEFÁNSSON CAPUT-tónleikar Rómeó og Júlíu kórinn frá Dramaten Borgarleikhúsið ! Rakarinn morðóði Miðasalan er opin kl. 14-18 virka daga, kl. 13-18 lau. og sun. og fram að sýningu sýningardaga. Símasala kl. 10-18 virka daga. Miðasala á Netinu: www.opera.is Fös. 12. nóv. kl. 20 - sun. 14. nóv. kl. 20 - fös. 19. nóv. kl. 20 sun. 21. nóv. kl. 20 - lau. 27. nóv. kl. 20 - Allra síðasta sýning lau. 4. des. kl. 20 Ekki er hleypt inn í salinn eftir að sýning hefst. Litla stúlkan með eldspýturnar lau. 13. nóv. kl. 14 - sun. 14. nóv. kl. 14 - lau. 20. nóv. kl. 14 sun. 21. nóv. kl. 14 - lau. 27. nóv. kl. 14 - sun. 28. nóv. kl.14 Misstu ekki af SWEENEY TODD! Einhver magnaðasta sýning sem sést hefur á íslensku leiksviði Aðeins ÖRFÁAR sýningar eftir! Lau. 12. nóv. kl. 20:00 laus sæti Sun. 13. nóv. kl. 20:00 laus sæti Fim. 11.11 20.00 Örfá sæti Lau. 13.11 20.00 Örfá sæti Fös. 19.11 20.00 Nokkur sæti Fös. 26.11 20.00 Nokkur sæti Lau. 27.11 20.00 Laus sæti SÝNINGUM LÝKUR Í DESEMBER Sun. 14. nóv. kl. 16 Síðustu sýningar BRAGI ÓLAFSSON STEINAR BRAGI RÓMEÓ OG JÚLÍU KÓRINN Sýningargestir hlógu áberandi mismikið að því margvís- lega spaugi og glensi sem haft var í frammi. ÞRÁINN BERTELSSON Ég hef oft verið að spekúlera í því í hverju þessi sagnahefð okkar liggur og hvort söguefni höfunda á mismunandi öldum sé mismunandi. Hvað hefði Sturla Þórðarson

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.