Fréttablaðið - 13.11.2004, Blaðsíða 8
8 13. nóvember 2004 LAUGARDAGUR
Bensínstöðvarnar fylgdu lækkuninni hjá Atlantsolíu:
ÓB með
lægsta verðið
OLÍUFÉLÖG Orkan bauð í gær lægsta
verðið á 95 oktana bensíni. Lítrinn
kostaði 102,6 krónur við Eiðistorg
en athygli vekur að stöðin býður
sama verð í Njarðvík og á Súðavík
en þar opnaði Orkan nýja stöð
fyrir skömmu.
ÓB bauð næstlægsta verðið,
102,7 krónur lítrann, á bensín-
stöðinni við Fjarðarkaup í Hafn-
arfirði. Fyrirtækið bauð sama
verð í Njarðvík. Egó býður lítr-
ann á 102,8 krónur á öllum
sínum fimm stöðvum.
Hjá Atlantsolíu, sem fyrst
olíufélaganna lækkaði verð á
bensíni í fyrradag, kostar lítrinn
102,9 krónur á stöðvum félags-
ins í Kópavogi og Hafnarfirði.
Lítraverðið hjá stóru olíufélög-
unum þremur er um það bil
krónu hærra en hjá hinum félög-
unum. Þess ber að geta að ÓB er
í eigu Olís, Orkan í eigu Skelj-
ungs og Egó í eigu Essó.
Um 10 prósenta hækkun varð
á olíumörkuðum í október en
verðið hefur verið að lækka síð-
an um mánaðamót. ■
Kennarar eru
ævareiðir
Eiríkur Jónsson, formaður Kennarasambandsins, óttast að flótti grípi um
sig í kennarastéttinni. Kennurum er misboðið með lagasetningu stjórnvalda.
KJARABARÁTTA Grunnskólakennar-
ar eru ævareiðir yfir lagasetn-
ingu ríkisstjórnarinnar. Eiríkur
Jónsson, formaður Kennarasam-
bands Íslands, telur að margir
kennarar muni flýja stéttina enda
hafi stjórnvöld sýnt skelfilegt
vanmat og vanvirðingu á skóla-
starfi og kennurum með lagasetn-
ingunni til að enda kennaraverk-
fallið án þess að koma neitt til
móts við kennara. Úrskurður
Gerðardóms á að liggja fyrir 31.
mars á næsta ári.
„Það er verið að reka fólkið inn
í skólana aftur eins og hvern ann-
an fénað á kjörum sem það hefur
hafnað í tvígang. Kennarar eiga
ekki að fá neina hækkun strax og
ekki neinar skaðabætur fyrir þær
fórnir sem þeir hafa fært. Gerðar-
dómur fær tíma langt fram á
skólaárið til að kveða upp úrskurð
sinn og það er lögbundið að niður-
staða Gerðardóms verður ekki
afturvirk. Forsendurnar eru svo
loðnar að það er ekki að vænta
neins,“ segir Eiríkur.
Fulltrúar kennara fóru á fund
ráðherra á fimmtudag til að gera
grein fyrir því hvernig þeir sæju
framhaldið fyrir sér ef gripið yrði
til aðgerða af hálfu stjórnvalda og
segir Eiríkur að varnaðarorð
kennara hafi verið hunsuð. Í lög-
unum sé ekkert jákvætt fyrir
kennara.
„Það sem við vöruðum við er
rauði þráðurinn í þessum lögum.
Fólki er svo misboðið að skóla-
starf í landinu verður ekki með
eðlilegum hætti fyrr en eftir
langan tíma. Fólk hefur verið
launalaust í sjö vikur og veit ekk-
ert hvað gerist 31. mars. Það er
bara sparkað í það liggjandi. Ég
óttast að þetta leiði til þess að
kennarar láti ekki misbjóða sér
lengur. Fólk spyr hvernig það
getur losað sig út úr þessu starfi.
Þetta var vitlausasta leiðin sem
stjórnvöld gátu farið. Mönnum
finnst nánast að þeir hafi verið
handteknir og dæmdir í fangelsi.
Það er gífurleg reiði meðal kenn-
ara,“ segir hann.
-ghs
Fíkniefnarannsókn:
Áfram í
varðhaldi
AFBROT Gæsluvarðhald hefur verið
framlengt um tvær vikur yfir manni
sem handtekinn var í lok október
vegna rannsóknar á einu stærsta
fíkniefnamáli síðari ára. Maðurinn
var handtekinn og úrskurðaður í
gæsluvarðhald í lok október.
Nú eru fimm í gæsluvarðhaldi
vegna málsins. Rannsóknin hefur
staðið yfir frá því í mars. Þá fund-
ust tæp þrjú kíló af amfetamíni og
600 grömm af kókaíni fundust í
vörusendingu í Dettifossi. Í júlí
fundust átta kíló af amfetamíni í
sendingu með skipinu og í septem-
ber fundust 2000 skammtar af LSD
í póstsendingu. ■
GUNNAR RAFN SIGURBJÖRNSSON
Formaður launanefndar sveitarfélaganna
segir nefndina ekki hafa leitað eftir því við
ríkisstjórnina að sett yrðu lög á kennara-
verkfallið.
Launanefndin:
Neitar samráði
við ríkisstjórn
KENNARAVERKFALLIÐ Gunnar Rafn
Sigurbjörnsson, formaður launa-
nefndar sveitarfélaganna, harmar
lagasetningu á verkfall Kennara-
sambands Íslands.
„Það hefur aldrei verið ósk við-
ræðunefndar sveitarfélaga að til
lagasetningar komi. Ég hef hins
vegar sagt oftar en einu sinni að
ég skil vel að það sé reynt að létta
þessari möru af þjóðinni. Ég skil
nauðsyn þess að grípa til aðgerða
til að koma börnum í skóla en það
að setja lög á kjaradeilu er auðvit-
að ákveðin frestun á vandanum.
Ég vorkenni okkur samningsaðil-
um ekkert að leysa okkar vanda.
Við eigum auðvitað að gera það,“
segir hann.
„Ég mótmæli harðlega og neita
því algjörlega að launanefnd
sveitarfélaga hafi nokkurn tím-
ann eða á nokkru stigi málsins
leitað eftir því við ríkisstjórnina
að sett yrðu lög á kjaradeilu
grunnskólakennara. Við höfum
hvað eftir annað og ævinlega lýst
því yfir að lagasetning sé okkur
ekki að skapi.“ - ghs
NORÐRIÐ SKOÐAÐ Í SUÐRINU
Suður-kóreskur maður virðir hér fyrir sér
myndir af sveltandi norður-kóreskum
börnum á sýningu í Seúl, höfuðborg
Suður-Kóreu. Á sýningunni eru myndir af
mannréttindabrotum í Norður-Kóreu, svo
sem úr búðum þar sem andófsmönnum
er haldið.
100%
410 4000 | landsbanki.is Banki allra landsmanna
Íbúðalán
Kynntu þér kostina við íbúðalán
Landsbankans. Fáðu ráðgjöf hjá
sérfræðingum okkar og veldu
leiðina sem hentar þér best. Hafðu
samband í síma 410 4000 eða á
fasteignathjonusta@landsbanki.is
Eignatilfærsla:
Tveir sjóðir
sameinast
VIÐSKIPTI Gengið hefur verið frá
formlegri sameiningu Frjálsa líf-
eyrissjóðsins og Séreignalífeyris-
sjóðsins. Við sameininguna flutt-
ust yfir eignir 3.866 sjóðfélaga
Séreignalífeyrissjóðsins, sem
námu rúmum þremur milljörðum
króna.
Í tilkynningu kemur fram að
sameiningin sé talin vera til hags-
bóta fyrir sjóðfélaga vegna þess
að áhættudreifing verði meiri.
„Heildarstærð sameinaðs sjóðs
þann 30. september sl. var rúmir
34 milljarðar og fjöldi sjóðfélaga
var 29.751. Frjálsi lífeyrissjóður-
inn er nú 7. stærsti lífeyrissjóður
landsins,“ segir þar. - óká
Þjálfunarbúðir Kúrda:
Nær þrjátíu
handteknir
HOLLAND, AFP Hollenskir lögreglu-
menn handtóku 29 manns þegar
þeir gerðu áhlaup á þjálfunar-
búðir Kúrdíska verkamanna-
flokksins sem er útlægur í Tyrk-
landi vegna vopnaðrar baráttu
hans gegn stjórnvöldum.
Hollenska lögreglan hefur
rannsakað starfsemi Kúrdíska
verkamannaflokksins í meira en
ár og var áhlaupið afrakstur
þeirrar rannsóknar. Þjálfunarbúð-
irnar eru nærri Liempde í suður-
hluta Hollands. Kúrdíski verka-
mannaflokkurinn lýsti yfir vopna-
hléi árið 1999 eftir fimmtán ára
vopnaða sjálfstæðisbaráttu í
Tyrklandi en sagði það úr gildi
fyrr á árinu og hótaði árásum. ■
Yfirmannaskipti hjá varnarliðinu:
Breytingar ekki fyrirhugaðar
VARNARLIÐIÐ Robert S. McCormick
ofursti tók í gær við stöðu yfir-
manns varnarliðsins á Keflavík-
urflugvelli af Noel G. Preston
flotaforingja.
Við athöfnina voru fluttar ræð-
ur en í þeim voru ekki boðaðar
breytingar á starfsemi varnar-
liðsins. Í máli nýja yfirmannsins,
eftir athöfnina, kom fram að allar
mögulegar breytingar á starfsem-
inni byggðust á samkomulagi Ís-
lands og Bandaríkjanna og að enn
hafi ekki verið teknar neinar
ákvarðanir í þeim efnum. Á
þriðjudag hittast utanríkisráð-
herrar Íslands og Bandaríkjanna,
Davíð Oddsson og Colin Powell,
og ræða stöðu varnarmála.
Við yfirmannaskiptin á Vellin-
um flutti Charles F. Wald hers-
höfðingi, aðstoðaryfirmaður Evr-
ópuherstjórnar Bandaríkjahers,
einnig ræðu.
Í tilkynningu varnarliðsins
kemur fram að Noel G. Preston
flotaforingi taki nú við fram-
kvæmdastjórastarfi á vegum Evr-
ópudeildar Bandaríkjaflota í
Napolí á Ítalíu. - óká
NÝR YFIRMAÐUR VARNARLIÐSINS
Robert S. McCormick ofursti hefur tekið við stöðu yfirmanns varnarliðsins á Keflavíkurflug-
velli, en hann tók við starfi aðstoðaryfirmanns í júlí síðastliðnum. Fráfarandi yfirmaður
hverfur til starfa á Ítalíu.
M
YN
D
/V
ÍK
U
R
FR
ÉT
TI
R
VERÐ Á 95 OKTANA BENSÍNI Á
HÖFUÐBORGARSVÆÐINU:
Fyrirtæki Lægsta Hæsta
Orkan 102,6 102,7
ÓB 102,7 102,8
Egó 102,8 102,8
Atlantsolía 102,9 102,9
Essó Express 102,9 102,9
Essó 103,8 104,4
Olís 103,8 104,4
Skeljungur 103,9 104,4
Samkvæmt verðskrá fyrirtækjanna
klukkan 16 í gær.
EIRÍKUR JÓNSSON
„Það er verið að reka fólkið inn í skólana aftur eins og hvern annan fénað á kjörum sem
það hefur hafnað í tvígang,“ segir hann.