Fréttablaðið - 13.11.2004, Blaðsíða 24

Nýr borgarstjóri, Steinunn Valdís Óskarsdóttir, tekur tilstarfa um næstu mánaðamót. Niðurstaðan í málið komfurðufljótt og líklega höfðu flestir búist við meiri vand-
ræðagangi við val á borgarstjóra en raun varð á. Það sem meira
er, er að allir sem hlut eiga að máli virðast afar sáttir við niður-
stöðuna.
Ljóst er þó að valið á Steinunni er dæmigerð „lending“, kostur
sem fáir hefðu tekið sem þann fyrsta en flestir gátu sætt sig við
miðað við þær forsendur að nýi borgarstjórinn kæmi innan úr
borgarstjórnarflokknum. Sömuleiðis er ljóst að hlutur, eða öllu
heldur neitunarvald, Framsóknarflokksins vegur þungt í valinu á
borgarstjóranum nýja. Framsóknarmenn vildu ekki of sterkan
samfylkingarmann í embættið til að stuðla ekki að uppeldi fram-
tíðarleiðtoga þar á bæ. Þeir telja þá væntanlega að engin slík ógn
stafi af Steinunni í stólnum og sætta sig við hana þess vegna.
Styrkleikar Steinunnar í starf borgarstjórans eru hins vegar
margir. Steinunn hefur starfað samfellt í stjórnmálum allt frá
háskólaárum sínum þar sem hún var meðal stofnenda Röskvu.
Hún varð virk í Kvennalistanum en samstarf á vinstrivængnum
í anda Röskvu var áhugamál hennar. Það lá því beint við að hún
væri þátttakandi í stofnun Reykjavíkurlistans og seinna Sam-
fylkingarinnar. Þessi fortíð Steinunnar er örugglega mikill
styrkur þegar hún nú verður leiðandi í R-listasamstarfinu því
meirihluti hennar pólitísku fortíðar er einmitt í samstarfi fólks
úr mismunandi flokkum á vinstrivængnum.
Steinunn hefur verið í borgarstjórnarflokki Reykjavíkurlist-
ans frá upphafi og gegnt forystu í tveimur áberandi málaflokk-
um, íþrótta- og tómstundamálum og skipulagsmálum. Í starfi
sínu sem formaður íþrótta- og tómstundaráðs sýndi Steinunn
Valdís að hún er stjórnmálamaður sem getur sætt sjónarmið og
stjórnað þar sem margs konar hagsmunum ægir saman og al-
mennt er talið að hún hafi verið afar farsæl á þeim vettvangi.
Formennska hennar í skipulagsnefnd, sem er nær í tíma, hefur
verið skrykkjóttari. Þar hefur hún verið í brennidepli í erfiðum
málum eins og Austurbæjarbíómálinu þar sem hún mátti éta
ofan í sig niðurrif hins sögufræga kvikmyndahúss við Snorra-
braut og í Hringbrautarmálinu þar sem henni tókst að halda
stefnu sinni til streitu en við óvinsældir margra borgarbúa.
Ekki má gleyma að Steinunn Valdís er kona og út frá jafnrétt-
issjónarmiðum er sterkt þegar kona bætist í hóp þeirra sem
gegna valdamestu embættum landsins. Auk þess telst hún ung
í stjórnmálaheimum, reyndar vantar hana ekki nema nokkra
mánuði í fertugsafmælið, rétt eins og Ingibjörgu Sólrúnu þegar
hún settist í stól borgarstjóra 1994.
Verkefni Steinunnar Valdísar næstu 18 mánuði verður að
skjóta samstarfsfólki sínu í Reykjavíkurlistanum, ekki síst
framsóknarfólkinu, ref fyrir rass og sýna fram á að hún er öfl-
ugur leiðtogi. Ef henni tekst það er hreint ekki víst að dagar
hennar í stóli borgarstjóra verði taldir að loknum næstu borg-
arstjórnarkosningum, hvort sem R-listasamstarfið heldur
áfram eða ekki. ■
13. nóvember 2004 LAUGARDAGUR
SJÓNARMIÐ
STEINUNN STEFÁNSDÓTTIR
Valið á arftaka Þórólfs Árnasonar í stóli borgarstjóra
gekk hratt miðað við þá pattstöðu sem virtist vera
komin upp.
Nýr borgarstjóri
í Reykjavík
FRÁ DEGI TIL DAGS
F
í
t
o
n
/
S
Í
A

F
I
0
0
9
1
3
8
F yrir um tíu árum voru vin-sældir bandarísku atvinnu-mannadeildarinnar í
körfuknattleik, NBA-deildarinn-
ar, í hámarki. Til marks um það
var tíunda söluhæsta bókin á Ís-
landi fyrir jólin 1994 um skær-
ustu stjörnur deildarinnar. Hér á
Íslandi gengu margir um með der-
húfur merktar liðunum og óhóf-
legum hluta vasapeninga margra
unglinga var varið í fokdýr skipti-
spil með myndum af leikmönnum
og upplýsingum.
Körfuboltastjörnur þessara ára
urðu frægar langt út fyrir raðir
íþróttaáhugamanna. Fremstan þar
má hiklaust telja Michael Jordan,
sem samkvæmt rannsóknum naut
ámóta frægðar á alþjóðlega vísu
og Díana prinsessa, Madonna og
Bill Clinton Bandaríkjaforseti.
Jordan er raunar talinn vera fræg-
asti íþróttamaður heims síðan
Muhammad Ali lagði heiminn að
fótum sér.
NBA-deildin hefur þó ekki
ætíð notið velgengni. Á áttunda
áratugnum var mikil lægð í at-
vinnukörfubolta í Bandaríkjun-
um. Leikmennirnir urðu margir
uppsvísir að ýmiss konar hneyksl-
um svo sem vegna eiturlyfja-
neyslu og annars ólifnaðar. Al-
mennt er álitið að kaflaskil hafi
orðið í deildinni þegar „Magic“
Johnson og Larry Bird hófu leik á
tímabilinu 1979-80. Þeir tveir
voru þá þegar orðnir frægir fyrir
frammistöðu sína í háskólum sín-
um og áttu auðvelt með að heilla
fólk með leikstíl sínum og fram-
komu utan vallar. Sérstaklega var
„Magic“ mikil lyftistöng fyrir
deildina en þeir báðir sýndu fram
á að leikgleðin var ekki töpuð úr
deildinni þótt leikmennirnir væru
komnir með svimandi há laun og
létu stundum meira eins og of-
dekraðar dramadrottningar en
áhugasamir og kappsfullir
íþróttamenn.
Það skemmdi heldur ekki fyrir
að „Magic“ og Bird fóru í gamal-
gróin lið í deildinni sem áttu sér
dygga stuðningsmannahópa og
merkilega sögu. „Magic“ fór til
Los Angeles á vesturströndinni og
Bird til Boston á austurströnd-
inni. Árið 1984 bættist svo síðasta
spilið í púslinu við þegar Michael
Jordan hóf að leika með Chicago
Bulls. Þar með höfðu deildinni
áskotnast þrjár stjörnur á mikil-
vægustu mörkuðunum í Banda-
ríkjunum og allir voru þeir bæði
framúrskarandi keppnismenn og
ákjósanlegar fyrirmyndir ung-
menna. Þetta réð mestu um að
NBA-deildin reis úr öskustónni og
varð vinsælasta íþróttadeild í
heimi á næstu tíu árum.
Hámarki náði NBA-æðið í
heiminum á Ólympíuleikunum
1992 í Barcelona þegar atvinnu-
menn máttu í fyrsta sinn keppa. Í
því liði voru bæði „Magic“ og
Bird, sem nálguðust endalok
ferils síns, og Michael Jordan,
sem var á hátindi síns.
Síðan þá hefur mikið vatn
runnið til sjávar og ekki allt gott
fyrir NBA-deildina. Nú eru það
hneykslismál sem helst vekja at-
hygli almennings á deildinni. Fjöl-
margir leikmenn hafa verið staðn-
ir að eiturlyfjanotkun og skot-
vopnaeign og ein helsta von deild-
arinnar á síðustu árum, Kobe
Bryant, sá tækifæri sitt til að taka
við kyndli deildarinnar fara í súg-
inn þegar hann var kærður fyrir
að nauðga nítján ára stúlku í
fyrra.
Eigingirni og græðgi hefur
einnig orðið áberandi í fari leik-
manna eins og sást vel á því að
tveir bestu leikmenn deildarinnar,
Bryant og Shaquille O’Neal, gátu
ekki látið sér lynda þrátt fyrir að
hafa saman unnið þrjá meist-
aratitla. Báðir ásökuðu þeir hinn
um að skyggja á sig og að lokum
þurftu eigendur Los Angeles
Lakers að láta O’Neal og þjálfar-
ann Phil Jackson fara til að þókn-
ast geðsveiflunum í Kobe Bryant.
Sérfræðingar um málefni
NBA-deildarinnar telja sig þó
eygja von. Í fyrra gekk bakvörð-
urinn Lebron James til liðs við
Cleveland Cavaliers. James er að-
eins nítján ára að aldri og er nú
stigahæsti leikmaður deildarinn-
ar. Hann þykir ekki líklegur til
þess að verða deildinni til skamm-
ar með hegðun sinni utan vallar
og sýnir bæði leikgleði og bar-
áttuþrek inn á vellinum sem
margir telja að geti kveikt neista
almennings gagnvart NBA-deild-
inni á ný. Annar efnilegur nýliði
frá í fyrra, Carmelo Anthony, hef-
ur einnig virst lofa góðu. Hann
var hins vegar tekinn með hass
fyrir skemmstu en ber því við að
því hafi verið komið fyrir í far-
angri hans. Annað stórefni sem nú
er að leika sitt annað tímabil er
Dwyane Wade, félagi Shaquille
O’Neal hjá Miami Heat. Wade er
nú einn stigahæsti leikmaður
deildarinnar með 27 stig í leik.
Til þess að NBA-deildin öðlist
að nýju þær vinsældir sem hún
naut fyrir um áratug er ljóst að
ákveðin hugarfarsbreyting þarf að
verða hjá íþróttamönnunum. Fyrir
áhugamenn um NBA-deildina
gætu spennandi tímar verið fram
undan og ef leikmönnum og stjórn-
endum deildarinnar tekst að halda
rétt á spilunum gæti fjölgað veru-
lega í þeim hópi á næstu árum.
Grein þessi birtist upphaflega á
Skoðanavefnum á visir.is. Þar
birtast daglega nýjar greinar um
málefni líðandi stundar.
Safnað fyrir Valhöll
Sjálfstæðismönnum um land allt barst í
gær bréf frá Davíð Oddssyni og Geir H.
Haarde þar sem þeir eru beðnir um að
láta fé af hendi rakna til að greiða
reikninga vegna hinna miklu og kostn-
aðarsömu endurbóta á húsi flokksins í
Reykjavík, Valhöll við Háaleitisbraut, en
framkvæmdum er nýlega lokið. Flokks-
bundnir sjálfstæðismenn skipta þúsund-
um og greiðir stór hluti þeirra regluleg
gjöld til flokksins. Er flokkurinn því ekki
eins háður fjárframlögum frá fyrirtækj-
um og ýmsir aðrir
stjórnmálaflokk-
ar. Aftur á móti
eru forystu-
menn Sjálf-
stæðis-
flokksins á móti því að öll framlög til
flokksins verði gerð opinber og hafa á
orði að það sé beinlínis hættulegt lýð-
ræðinu að birta opinberlega lista yfir
alla þá sem gefa í flokkssjóðinn. Þetta
sjónarmið er umdeilt og líklega á
undanhaldi, meðal annars vegna þess
að ýmsir telja að stjórnmálaflokkarnir
hafi misnotað leyndina sem umlukið
hefur fjárhag þeirra.
Upplýsingar á netinu
Hvergi á byggðu bóli er fólki jafnt annt
um friðhelgi einkalífsins og jafn tor-
tryggið gagnvart ríkisvaldinu og vestur í
Bandaríkjunum. Samt þykir þar í landi
sjálfsagt að greina frá því opinberlega
hverjir styrkja stjórnmálaflokka og ein-
staka frambjóðendur. Þar er þetta talið
styrkja lýðræðið og eyða tortryggni en
ekki öfugt. Upplýsingar um hvern doll-
ara sem skiptir um hendur í þágu
stjórnmálabaráttu eru meira að segja
að finna á vefsíðum á netinu. Þar er
hægt að slá nafni einstaklings eða fyrir-
tækis í viðeigandi reiti í leitarvélum og
koma þá samstundis upplýsingar um
þær fjárhæðir sem viðkomandi aðili
hefur látið af hendi rakna. Þar má til
dæmis sjá að fjölm-
argir Íslendingar
búsettir vestanhafs
settu peninga í
sjóði þeirra Bush
og Kerrys í kosn-
ingabaráttunni á
dögunum.
UMRÆÐAN
BANDARÍSKI
KÖRFUBOLTINN
ÞÓRLINDUR
KJARTANSSON
BLAÐAMAÐUR
Fyrir áhugamenn um
NBA-deildina gætu
spennandi tímar verið fram
undan og ef leikmönnum
og stjórnendum deildarinn-
ar tekst að halda rétt á spil-
unum gæti fjölgað verulega
í þeim hópi á næstu árum.
,,
NBA: Endurnýjun eða hnignun?
ÚTGÁFUFÉLAG: Frétt ehf. RITSTJÓRI: Kári Jónasson FRÉTTARITSTJÓRAR: Sigurjón M. Egilsson og Sigmundur Ernir Rúnarsson AÐSTOÐARRITSTJÓRI: Jón Kaldal FULLTRÚI
RITSTJÓRA: Guðmundur Magnússon RITSTJÓRNARFULLTRÚI: Steinunn Stefánsdóttir AUGLÝSINGASTJÓRI: Þórmundur Bergsson RITSTJÓRN, AUGLÝSINGAR OG DREIFING:
Skaftahlíð 24, 105 Reykjavík AÐALSÍMI: 550 5000 SÍMBRÉF Á FRÉTTADEILD: 550 5006 NETFÖNG: ritstjorn@frettabladid.is og auglysingar@frettabladid.is VEFFANG: visir.is
SETNING OG UMBROT: Frétt ehf. PRENTVINNSLA: Ísafoldarprentsmiðja ehf. Fréttablaðinu er dreift ókeypis á heimili á höfuðborgarsvæðinu, Suðurnesjum og Akureyri. Einnig er hægt
að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871
SKOÐANIR OG UMRÆÐUR Á VISIR.IS
gm@frettabladid.is
» BETRI SJÓNVARPSDAGSKRÁ