Fréttablaðið - 16.11.2004, Blaðsíða 31

ÞRIÐJUDAGUR 16. nóvember 2004 23
Sevillaliðin í
sókn
Real Betis náði
að stöðva
Barcelona-
hraðlestina á
sunnudaginn
með 2-1 sigri
á heimavelli.
Var sigurinn
fyllilega verð-
skuldaður og
sýndi Betis það að eina ráðið til að verj-
ast sóknarmönnum Barcelona er að
sækja nógu mikið á viðkvæma vörn
liðsins. Real Betis hefur annars ekki
byrjað sérstaklega vel í haust og sveim-
ar um miðja deild, einkum vegna mik-
illa runu jafntefla. Ekki var búist við Bet-
is í toppbaráttunni í vetur en þó talið
að liðið gæti komið á óvart. Mun meiri
væntingar voru til nágranna þeirra í FC
Sevilla og talið meira en líklegt að sæti
í Meistaradeildinni biði þess efnilega
liðs og er liðið nú í sjötta sæti og ekki
langt í efstu lið.
Höfuðlið suðursins
Liðin frá Sevilla hafa síðustu árin ævin-
lega verið í hópi betri liða Spánar en
skort herslumuninn að komast í hóp
sterkustu liða. Real Betis hefur verið
heldur sterkara undangengin ár en liðin
í heild eru áþekk ef litið er lengra aftur í
tímann. Bæði eru þau vel studd og
draga gjarnan 40-50.000 manns á leiki
sína. Þessi höfuðlið Andalúsíuhéraðs og
helstu stolt suðurhluta Spánar hefur þó
skort fjárhagslega burði til að keppa við
stórborgarliðin frá Madríd og Barcelona
og misst lið á borð við Valencia og
Deportivo fram úr sér. Þessi lið hafa
verið reglulega í Meistaradeildinni und-
anfarin ár og velgengnin þar hefur fært
þeim miklar tekjur sem aftur breikkar
bilið milli þeirra og Sevillaliðanna. Svíð-
ur Sevillabúum mjög að sjá efnilegustu
leikmenn liðanna hverfa á brott reglu-
lega. Sevilla missti þannig Jose Antonio
Reyes til Arsenal í fyrra og varla verður
vist vængmannsins lipra Joaquin mikið
lengri hjá Betis miðað við áhuga stórlið-
anna á þeim efnilega pilti.
Stórveldisdraumar
Fyrir nokkrum árum virtist sem Real
Betis hefði fundið einhverjar gullkistur
því félagið keypti Brasilíumanninn
Denilson fyrir metfé. Hann var þá 19
ára og kaupverðið eitt það hæsta í sög-
unni. Fleiri menn voru fengnir og ekki
verið að spara samanber kaupin á Jó-
hannesi Karli Guðjónssyni. Menn veðj-
uðu á að jafn vel stutt félag þyrfti ekki
að gera annað en að ná einum titli til
þess að framtíðin yrði gulltrygg. En
öðruvísi fór en ætlað var og Betis með
Denilson innanborðs datt niður í aðra
deild og botninn þar með úr öllum
stórveldisdraumunum. Denilson hékk
þó áfram hjá liðinu, enda var hann svo
slakur á sinni fyrstu leiktíð að ekkert lið
hefði viljað hann nema fyrir skiptimynt.
Í annarri deildinni var hann hinsvegar
kóngurinn og rauk liðið strax upp um
deild og hefur æ síðan verið í baráttu
um Evrópusæti. Denilson efur oft átt
býsna góða leiki en aldrei orðið sú stór-
stjarna sem menn bjuggust við. Landi
hans, Marcos Assuncao, er meiri stjarna
í dag þótt ekki sé hann sá liprasti í bolt-
anum en annars eru helstu menn Betis
áðurnefndur Joaquin, Dani og framherj-
inn Ricardo Oliveira sem einmitt skor-
aði gegn Barcelona. Sevilla er með jafnt
og gott lið og lítið um stjörnur þar á
bæ. Mikill breidd í liðinu, nokkuð góð
vörn og miðja þar sem Cesar Julio
Baptista er kóngurinn og jafnframt
helsti markaskorari liðsins.
EINAR LOGI
VIGNISSON
Vinningar verða afhendir hjá BT Smáralind. Kópavogi. Með því að taka þátt ertu kominn í SMS klúbb. 99 kr/skeytið
HANN KEMUR TIL BYGGÐA OG MISSIR SIG 18. NÓVEMBER
SMS LEIK
UR
Sendu sm
sið
JA BSB
á númeri
ð
1900
og þú gae
tir unnið!
Bíómiðar
, DVD myn
dir
og margt
fleira!
GOLF Kylfingurinn Birgir Leifur
Hafþórsson er í 30.-40. sæti fyrir
síðasta daginn á inntökumóti fyr-
ir evrópsku mótaröðina sem
fram fer á Spáni en hann spilaði
fimmta hringinn á einu höggi
yfir pari í gær. Verður hann al-
deilis að spýta í hanskann en að-
eins 35 efstu menn eftir loka-
hringinn í dag vinna fullan þátt-
tökurétt á Evrópumótaröðinni á
næsta ári.
Gengi Birgis hefur verið upp
og niður þá fimm daga sem mót-
ið hefur staðið yfir og er hann
fimmtán höggum á eftir þeim
Francois Delamonte frá Frakk-
landi og Simon Wakefield frá
Englandi, en þeir eru efstir
fyrir lokadaginn á samtals níu
höggum undir pari. Stóð hann
sig bærilega eftir fyrstu tvo
hringina en átti stórleik þriðja
daginn og var meðal allra efstu
keppenda eftir þann dag. Í
fyrradag lék hann hins vegar
dapurlega og náði ekki að bæta
fyrir það í gær.
Meðan árangur Birgis verður
að teljast mjög góður á íslenskan
mælikvarða þarf hann engu að
síður að standa sig vel í dag ætli
hann sér að vera í hópi 35 efstu
manna og upplifa þar með draum
sinn um þátttöku á fremstu
mótaröð kylfinga í Evrópu. ■
Á TÆPASTA VAÐ Birgir Leifur er í 30.-40.
sæti á úrtökumótinu í Cadiz á Spáni fyrir
daginn í dag. Hann þarf að ljúka leik með-
al þeirra 35 efstu til að upplifa draum sinn
og hljóta fullan þátttökurétt á Evrópumóta-
röðinni á næsta ári.
FR
ÉT
TA
B
LA
Ð
IÐ
/E
IR
ÍK
U
R
Lokadagur Birgis Leifs á úrtökumótinu fyrir evrópsku mótaröðina í dag:
Þarf að spila sinn besta leik
Á SUNNUDÖGUM

Auglýsingasíminn

er 550 5000
auglysingar@frettabladid.is
- mest lesna blað landsins -