Fréttablaðið - 20.11.2004, Blaðsíða 4
4 20. nóvember 2004 LAUGARDAGUR
Fjarðarbyggð:
Framkvæmdir
vegna álvers
SVEITARSTJÓRN Bæjarstjórn Fjarða-
byggðar áætlar að veita 887
milljónum til fjárfestinga á
næsta ári. Mest verður varið til
vatnsveitu, 205 milljónum; fram-
kvæmda við Grunnskóla Reyðar-
fjarðar, 160 milljónum og til
hafnarframkvæmda, 144 millj-
ónum. Auk þess verður leikskól-
inn í Reyðarfirði stækkaður.
Guðmundur Bjarnason, bæjar-
stjóri Fjarðabyggðar segir þess-
ar framkvæmdir fyrst og fremst
koma til vegna álversins á Reyð-
arfirði og fólksfjölgunar því
tengdu. „Álverið er þess virði og
við getum borgað þetta allt til
baka. Við erum brattir yfir
þessu,“ segir Guðmundur.
Gert er ráð fyrir að íbúar sveit-
arfélagsins fjölgi um 250 manns á
næsti ári. Auk þess munu 1.200
íbúar búa í starfsmannaþorpi
Fjarðaráls.
Í fjárhagsáætlun Fjarðabyggð-
ar gerir bæjarstjórnin ráð fyrir
að afgangur aðalsjóðs sveitarfé-
lagsins verði 115 milljónir á
næsta ári. Áætlaðar rekstrartekj-
ur eru áætlaðar 1.477 milljónir, en
rekstargjöld 1.385 milljónir. Helst
munar um auknar tekjur vegna
fjölgunar íbúa og hækkunar tekna
af fasteignagjöldum um 264 millj-
ónir vegna hækkunar fasteigna-
mats. ■
Sýna mannréttindum
megnustu fyrirlitningu
Stríðandi fylkingar sýna mannúðarsjónarmiðum enga virðingu í Írak sagði aðgerðastjóri
Rauða krossins þegar hann fordæmdi hvort tveggja vígamenn og bandaríska og íraska
herinn fyrir framgönguna í bardögum.
ÍRAK, AFP/AP „Samhliða því að bar-
dagar í Falluja og annars staðar
halda áfram virðist hver nýr dag-
ur bera með sér ný merki algjörr-
ar fyrirlitningar fyrir grundvall-
aratriðum mannúðar, þess að
vernda mannslíf og mannlega
virðingu,“ sagði Pierre Kra-
ehenbühl, aðgerðastjóri Alþjóðan-
efndar Rauða krossins. Hann seg-
ir allar stríðandi fylkingar sekar
um sömu fyrirlitninguna á mann-
úðarsjónarmiðum.
„Við höfum miklar áhyggjur af
þeim hörmulegu áhrifum sem
bardagar í Írak hafa á almenning
í landinu,“ sagði Kraehenbühl
sem var óvenju harðorður í garð
stríðandi fylkinga. Hann for-
dæmdi meðal annars gíslatökur,
morðið á hjálparstarfsmanninum
Margaret Hassan og það hvernig
bandarískur hermaður myrti
vopnlausan, særðan vígamann.
Íbúar Mosul bjuggu sig í gær
undir meiriháttar árásir banda-
rískra og íraskra hermanna gegn
vígamönnum í borginni. Hundruð
sérþjálfaðra íraskra hermanna
leituðu vígamanna í gamla hluta
borgarinnar þar sem þeir telja
meirihluta vígamanna í borginni
hafa komið sér fyrir.
Vera vígamanna og hermanna í
gamla borgarhlutanum og undir-
liggjandi hætta á hörðum bardög-
um gerir það að verkum að marg-
ir íbúar þar treysta sér varla út
fyrir hússins dyr. „Ef ég ætla út á
götu til að kaupa kíló af tómötum
verð ég að hafa börnin mín með
mér svo Bandaríkjamenn haldi
ekki að ég sé uppreisnarmaður og
skjóti mig,“ sagði Ahmed Ma-
hmud.
Barátta vígamanna verður sí-
fellt meiri hindrun fyrir uppb-
yggingarstarf í súnníþríhyrningi
Íraks, sagði William Taylor sem
hefur yfirumsjón með uppbygg-
ingarstarfi Bandaríkjanna í
Írak.
„Á svæðum súnnímúslima og
í Mosul er ástandið verra í dag
en það var og við eigum í meiri
vandamálum með öryggismál en
áður,“ sagði Taylor og bætti við.
„Við óttumst að á sumum svæð-
um, en ekki öllum, verði erfitt að
halda kosningar.“ Hann sagði að
til þess að auka líkur á að hægt
yrði að halda kosningar yrði að
efla uppbyggingarstarf. ■
Heldurðu að kennarar samþykki
nýjan kjarasamning?
Spurning dagsins í dag:
Er gott að búa á Íslandi?
Niðurstöður gærdagsins
á visir.is
38,72%
61,28%
Nei
Já
KJÖRKASSINN
Farðu inn á fréttahluta visir.is
og segðu þína skoðun
SILVIO BERLUSCONI
Segi hann af sér verður forseti að ákveða
hvort hann samþykkir afsagnarbeiðnina.
Deilt um skatta:
Berlusconi
hótar afsögn
ÍTALÍA, AP Ef samstarfsflokkar
Forza Italia, flokks Silvio Berlus-
coni forsætisráðherra Ítalíu, sam-
þykkja ekki skattalækkanatillög-
ur hans er Berlusconi vís til að
segja af sér. Þetta kom fram í við-
tölum hans við fréttamenn í gær.
Aðspurður hvað það þýddi ef
samstarfsflokkarnir höfnuðu
skattalækkunum svaraði Berlus-
coni: „Hvað Forza Italia varðar
yrði örugglega að boða nýjar
kosningar.“ Berlusconi lofaði
skattalækkunum í kosningabar-
áttunni 2001. Næstu kosningar
eru áætlaðar árið 2006. ■
edda.is
„Rosaleg saga“
Stefán Máni
Æsispennandi
bókmenntaþriller
„Rosaleg saga ... Mjög vel skrifuð
bók og Stefán Máni er rétti
maðurinn til að skrifa hana.“
„Maður horfir ekki í kringum sig
sömu augum eftir að hafa lesið
þessa bók. Reykjavík verður
ekki söm á eftir.“
- Jón Yngvi Jóhannsson, Kastljós
Kjör kennara:
Þeir yngstu
með 173.000
KJARAMÁL Grunnskólakennarar und-
ir þrítugu með nítján nemendur
verða með 173 þúsund krónur í
mánaðarlaun frá 1. október.
Fái kennarar aukalega tvo flokka
úr potti skólastjóra eins og margir
hafa samkvæmt eldri samningi fá
þeir 184 þúsund krónur. Séu nem-
endurnir tuttugu eru launin 178.700
krónur fái þeir enga umbun fyrir
ábyrgð frá skólastjórum en 189.600
með tveimur flokkum úr pottinum.
45 ára kennarar sem hafa mestu
mögulega endurmenntun fá 229
þúsund krónur í mánaðarlaun séu
nemendurnir nítján en 236 þúsund
krónur séu þeir tuttugu. - gag
EFTIR SPRENGJUÁRÁS Í BAGDAD
„Við höfum miklar áhyggjur af þeim hörmulegu áhrifum sem bardagar í Írak hafa á almenning í landinu,“ sagði Kraehenbühl sem segir
allar fylkingar í Írak sýna mannréttindum algjöra fyrirlitningu.
REYÐARFJÖRÐUR
Miklar framkvæmdir eru fyrirhugaðar í Fjarðabyggð vegna byggingar álvers í Reyðarfirði