Fréttablaðið - 20.11.2004, Blaðsíða 50

38 20. nóvember 2004 LAUGARDAGUR
Þ að er miðvikudagskvöld íReykjavík. Stillt og stjörnu-bjart. Rómantísk birta frá
gulum mána speglast í pollum
gangstéttanna við Laugaveginn og
þegar hurðin á þétt setnu veitinga-
húsinu Ítalíu opnast á undan matar-
gestum berst út ómur af ástar-
söngvum frá Napólí. Inni fyrir er
ys og þys; sælkeramatur á borðum,
flöktandi kertaljós í ásjónum
elskenda og á háum stól situr hann:
Ítalinn og Íslendingurinn Leone
Tinganelli.
Fæddur í glæpaborginni Napólí
„Ég syng á Ítalíu tvisvar í viku;
rómantíska tónlist frá Napólí á
napólíönsku. Ítalía er eins og Ís-
land; það er blæbrigðamunur á
máli fólksins milli landshluta,
nema hvað munur á mállýskum er
miklu sterkari á Ítalíu en hér.
Þannig skilur Mílanóbúi ekki
mann frá Napólí,“ segir Leone,
sem búið hefur á Íslandi síðastlið-
in átján ár og er fyrir löngu orðinn
íslenskur ríkisborgari.
„Ég er fæddur og uppalinn í
Napólí, sem býr yfir afar sérstakri
fegurð. Það hefur loðað við hana að
vera mesta glæpaborg Ítalíu, en
glæpir fyrirfinnast í öllum stór-
borgum. Í Napólí býr mikið af
efnafólki svo kannski er eftir
miklu að slægjast fyrir óprúttna
einstaklinga en stimpillinn hefur
Napólí haft frá því að ég man eftir
mér. Ég hef margsinnis farið með
íslensku konuna mína til Napólí og
við höfum enn ekki lent í skothríð,“
segir Leone hlæjandi dátt.
Dreymdi Ísland í landafræðitímum
æskunnar
Það var jarðfræðin sem rak Leone
til Íslands sumarið 1986, en þá
lagði hann stund á jarðfræði í há-
skólanum í Napólí.
„Ég vildi skoða landið vegna
þess að það er jarðfræðilegt undur
og ekki spillti fyrir að ég er hrifinn
af köldu veðri, þótt mér finnist ís-
lenska sumarið einstaklega yndis-
legt. Ég þoli ekki hita eins og hann
gerist í Napólí. Við fórum þangað í
júlí og hitinn var fjörutíu stig dag
eftir dag. Ég var að drepast. En
þegar ég var lítill fannst mér mest
spennandi að hugsa um köldu lönd-
in og í landafræðitímum starði ég
hugfanginn á Ísland á landakortinu
og velti vöngum yfir því hvernig
væri að búa þar. Svo þegar ég kom
loksins sem ferðamaður fann ég að
eitthvað kallaði á mig. Hér átti ég
heima. Ég fór heim að sumarleyf-
inu loknu en kom aftur í október og
byrjaði að vinna í lopaverksmiðj-
unni Álafossi,“ segir Leone, sem nú
starfar sem vaktstjóri í Laugar-
dalslaug meðfram tónlistinni sem á
hug hans allan.
Trúbador allt lífið
„Ég hef sungið á Íslandi sem trú-
bador síðan ég kom hingað og á
Ítalíu síðustu tíu árin. Ég var tón-
listarmaður í Napólí áður, en söng
þá á ensku; oft lög þeirra Simons
og Garfunkels, James Taylor og
Cat Stevens. Við bræðurnir vorum
allir í tónlist og sungum mikið
saman; oft fyrir eitt bjórglas að
launum. Í Napólí þótti fallegt og
öðruvísi að syngja á ensku en hér
hefur fólk yndi af ítalskri tungu.“
Á liðnum árum hefur Leone verið
iðinn við að semja eigin lög og
texta. Hátt á vinsældalista fór lag
hans „Io e Te“ í flutningi Emilíönu
Torrini, sem hann samdi fyrir leik-
ritið Veðmálið, og árið 2002 sigraði
íslenska stúlkan Halldóra Baldvins-
dóttir í söngvakeppninni Zecchino
d'Oro í Bologna með lagi Leone;
„Se Ci Crede Anche Tu“ og vann
hugi og hjörtu nær fjögurra millj-
óna áhorfenda. Þá söng Leone sjálf-
ur dúettinn „Hjartasól“ með Björg-
vini Halldórssyni á plötu hins síð-
arnefnda „Duet“ og á nú tvö lög í
spilun á útvarpsstöðvunum, sem
notið hafa mikilla vinsælda.
Hugfanginn af Íslandi á landakortinu
Ítalinn og Íslendingurinn Leone Tinganelli kom til Íslands 1986 vegna áhuga á jarðfræði landsins og óslökkvandi þrá í
kaldara loftslag en tíðkaðist heima í Napólí. Þórdís Lilja Gunnarsdóttir vildi vita meira um fagurgalann sem söng fyrir
hana undir borðum Ítalíu við Laugaveg.
Til að mæta óskum viðskiptavina hefur RV
ákveðið að hafa einnig opið á laugardögum
í verslun sinni að Réttarhálsi 2.
Núna er líka opið
á laugardögum
lí i
l
Mán
udag
a til
föstu
daga
frá k
l. 8:0
0 til
18:00
Laug
arda
ga fr
á
kl. 10
:00 t
il 14:
00
Nýr o
pnun
artím
i
í ver
slun
RV:
Þegar ég var nítján ára þurfti ég á hagstofuna heima í
Napólí vegna vegabréfsáritunar. Ég mætti eldsnemma á
staðinn og beið þess að hagstofan opnaði, enda eins gott
því það er alltaf brjálað að gera hvar sem maður kemur í
Napólí og ég vildi komast fyrstur í röðina til að fylla út
umsóknareyðublaðið. Að hagstofunni eru þrír inngangar
og stórar súlur á milli. Ég beið við eina þeirra. Korteri fyrir
opnunartímann birtist jakkafataklæddur maður með
skjalatösku og klappstól meðferðis. Setur stólinn niður við
eina súluna, tyllir sér, opnar töskuna og tekur fram bunka
af umsóknareyðublöðum. Þetta tók bara nokkrar sekúnd-
ur og þá var allt klappað og klárt. Hann stendur svo upp
aftur og fær sér að reykja. Gott og vel.
Eftir fimm mínútur kemur annar jakkalakki með skjala-
tösku og klappstól og kemur sér fyrir við næstu súlu og
skömmu síðar sá þriðji og velur sér aðra súlu. Kemur þá
fyrsti maðurinn til mín þar sem ég bíð fyrir utan og hefur
miklar umkvartanir yfir því að enn sé von á fleirum og nú
séu þeir allir komnir í stríð!
„Hvað ertu eiginlega að meina?“ spurði ég furðu lostinn.
Jú, kom þá í ljós að þessir menn voru mættir til sinnar
eigin sjálfskipuðu vinnu sem var að fylla út umsóknir fyrir
fólk sem kann ekki að skrifa eða fylla þær út sjálft. Þetta
væri voðalegt ástand því hann hefði fyrstur byrjað að vera
þarna í atvinnuleysinu en svo hefðu fleiri komið með
sömu hugmynd og hann sífellt haft minna upp úr krafs-
inu. Ég vorkenndi karlgreyinu og bað hann endilega að
fylla út umsókn fyrir mig. Það kostaði svo 200 kall fyrir
tuttugu árum síðan, sem var stórfé og fór næstum með
mig á hausinn, fátækan námsmanninn!
Þetta er dæmigerð saga frá Napólí þar sem erfitt er að fá
vinnu og fólk bjargar sér einhvern veginn með lífsviður-
væri.
Saga frá Napólí:
Atvinnulausir jakkalakkar við hagstofuna
LEONE TINGANELLI Á STRÖNDINNI Í NAPÓLÍ
Á þessari mynd er Leone fimm ára gamall um borð í gúmmíbát
á ströndinni í Bagnoli-hverfinu í Nisida. Enginn Bond-áróður
fylgdi höfuðfatinu sem móðir hans hafði keypt handa Leone til
að verja hann heitustu sólargeislunum.
LEONE TINGANELLI, TÓNLISTARMAÐUR FRÁ NAPÓLÍ Hefur sungið dúett með Björgvini Halldórssyni, samið lag fyrir Emilíönu Torrini, sungið og samið eigin lagasmíðar fyrir útvarp og vinningslag íslensku stúlkunnar Halldóru
Baldvinsdóttur í söngvakeppni barna í Bologna á Ítalíu.