Fréttablaðið - 20.11.2004, Blaðsíða 60
48 20. nóvember 2004 LAUGARDAGUR
ÍSHOKKÍ Um 40 stelpur æfa íþrótt-
ina þrátt fyrir það, með Birnin-
um í Reykjavík og Skautafélagi
Akureyrar og ríkir mikill rígur á
milli. Þau mætast í Egilshöll í
kvöld og bæði ætla sér sigur.
„Það kemur einfaldlega ekki
til mála að láta Íslandsmeistara-
titilinn af hendi og því munum
við vinna þennan leik í kvöld,“
segir fyrirliði Skautafélags Ak-
ureyrar, Birna Baldursdóttir,
kjarnyrt fyrir leikinn í kvöld.
Norðanstelpurnar hafa nánast
verið með Íslandsmeistaratitil-
inn í áskrift undanfarin ár og að
því leyti fetað sama stíg og karla-
lið SA sem enn þann dag í dag á í
vandræðum með að koma öllum
verðlaunabikurum sínum fyrir
með góðu móti.
Allhvasst að norðan
Leikur liðanna í kvöld er önnur
viðureign þeirra á þessu tímabili
en alls eigast þau við sex sinnum
í vetur. Fyrsta leikinn sigraði
Skautafélag Akureyrar 7-3, að
því er virðist nokkuð auðveld-
lega, en þegar tölfræði leiksins
er skoðuð kemur í ljós að fram í
þriðja og síðasta leikhluta var
staðan jöfn 2-2.
Hrafnhildur Ýr Ólafsdóttir,
fyrirliði Bjarnarins, segir þau úr-
slit enga þýðingu hafa fyrir leik-
inn í kvöld. „Við áttum í fullu tré
við þær í síðasta leik en þar sem
við erum með ungt og tiltölulega
óreynt lið þá var ákveðið að senda
óreyndan markvörð á ísinn í síð-
asta leikhluta. Það kostaði okkur
leikinn en í staðinn fékk mark-
vörðurinn okkar örlitla reynslu
og öðruvísi er ekki hægt að verða
sér úti um hana. Það hafa verið
örar breytingar hjá hópnum milli
ára og þar sem leikir eru fáir þá
höfum við tekið þann pól í hæðina
að leyfa öllum að spila og vonandi
með því móti skapa enn betra lið í
framtíðinni.“
Hvað leikinn í kvöld varðar þá
er Hrafnhildur með öllu óhrædd
og blæs á yfirlýsingar fyrirliða
SA um að Björninn tapi leiknum.
„Þetta er vindur um mín eyru og
ómarktækt með öllu. Þetta er okk-
ar heimavöllur og þar liggjum við
ekki fyrr en í fulla hnefana. Ég
held að þegar upp er staðið þurfi
hún að kyngja þessum orðum sín-
um. Við sigrum þennan leik.“
Björninn unninn
Óhætt er að fullyrða að félög að
norðan hafa í langan tíma drottn-
að í íshokkíheiminum á Íslandi.
Um tíma var það nánast svo að ís-
lenska landsliðið í greininni var
sama lið og spilaði fyrir SA þess
utan. Stelpurnar hafa ekki látið
sitt eftir liggja til að fylgja for-
dæmi karlanna og hefur Íslands-
meistaratitillinn síðustu þrjú
árin endað þeim í greipum.
Birna Baldursdóttir er ekki í
neinum vafa um að lið hennar fer
með öll stigin sem í boði eru í
Egilshöll í kvöld. „Við leggjum
ekkert út í svona ferðalög til að
koma til baka tómhentar og mið-
að við fyrsta leikinn þá yrði það
áfall ef það tekst ekki. Sigur er
dagskipunin.“
Birna hefur ekki spilað ýkja
lengi með SA en kolféll fyrir
íþróttinni þegar hún prófaði
fyrst. Hún spilar einnig blak með
liði KA sem er efst í 1. deild
kvenna í þeirri grein. „Það er
engin vafi á því að íshokkí er
skemmtilegasta íþrótt sem hægt
er að spila og reyndar að horfa á
líka því hraðinn er svo mikill. Það
er aldrei dauð stund í íshokkíi
eins og oft er raunin í öðrum
greinum. Það hjálpar að sjálf-
sögðu til að okkur hefur gengið
vel undanfarin ár þrátt fyrir að
liðið hafi tekið breytingum milli
ára. En fleiri og fleiri stelpur
sýna því áhuga á að æfa með okk-
ur og þær virðast ekki setja fyrir
sig að þetta getur verið kostnað-
arsamt til að byrja með. Skautar
og aðrar græjur sem til þarf geta
kostað einhvers staðar á bilinu 30
- 50 þúsund krónur. Þá eru eftir
æfingagjöld og ferðakostnaður.“
Harðari reglur hjá stelpunum
Reglur í kvennadeildinni eru mun
harðari en hjá körlunum og gilda
þar sömu reglur og annars staðar í
heiminum hvað það varðar. Íshokkí
er ein af hættulegri hópíþróttum
sem fyrirfinnast og meiðsl algeng,
sérstaklega þegar komið er í at-
vinnumannadeildir erlendis.
Hrafnhildur segir að auðvitað
kitli alltaf að taka alvöruslag á
svellinu eins og oft sést þegar
karlarnir spila sína leiki en það sé
góð og gild ástæða fyrir því að
meðal kvennanna sé harðar tekið
á slíku.
„Við erum líkamlega ekki eins
sterkar og það er mun meiri hætta
á beinbrotum ef okkur lendir sam-
an en strákunum. Sérstaklega eru
mjaðmirnar viðkvæmar og þess
vegna spilum við ekki eins hart en
svo er það reyndar undir hverjum
og einum dómara komið hversu
hart hann tekur á slíkum brotum.
Stöku sinnum er hægt að taka að-
eins á andstæðingnum og það er
bara gaman.“
Í kvöld eru þó allar stelpur í
báðum liðum heilar og klárar í
leikinn sem hefst kl. 18.15 í kvöld.
albert@frettabladid.is
GEFA EKKI ÞUMLUNG EFTIR Úr fyrsta leik SA og Bjarnarins í vetur. Jafnt var á öllum
tölum langt fram í þriðja og síðasta leikhluta en þá skoruðu norðanstúlkur fjögur í röð
með stuttu millibili. Þær ætla sér að leika sama leikinn í kvöld á heimvelli Bjarnarins í
Egilshöll. Pedromyndir
Stelpurnar sleipar
á skautasvellinu
Íshokkí hefur lengi verið sterkt vígi karlmanna enda leikurinn erfiður
líkamlega og ekki óþekkt að slysavarðstofan sé annað heimili þeirra sem
hann spila. Engu að síðar spila 40 stelpur þessa íþrótt með bros á vör.
El clasico
– stórleikur Barcelona og Real
Madrid í kvöld
Fáir deildarleikir í veröldinni vekja jafn
heitar tilfinningar og umræður og viður-
eignir Barcelona og Real Madrid sem
Spánverjar nefna „El clasico“. „Þetta hlýtur
að teljast stærsti deildarleikur í heimi, ég
hef aldrei kynnst öðrum eins æsingi,“
sagði enski varnarmaðurinn heilsutæpi
Jonathan Woodgate. Spænsku blöðin fjalla
um fátt annað vikuna fyrir leik og fannst
eiginlega grábölvað að vináttulandsleikur
Spánverja og Englendinga skyldi endilega
þurfa að þvælast inn í vikuna fyrir leik. Öll
tækifæri notuð til að tengja umfjöllun um
þann leik í
slagnum á Ný-
vangi í Barce-
lona í dag.
Mestar áhyggjur
Madrídarblað-
anna voru af því
að Madrídarleik-
mennirnir sex
yrðu þreyttir eft-
ir vináttuleikinn
á meðan aðeins einn Börsungur tók þátt.
Madrid mætir annars endurnært á sálinni
til leiks eftir mikla uppsveiflu undanfarið á
meðan hraðlest Barcelona var stöðvuð af
Real Betis um síðustu helgi.
Hneykslisleikurinn mikli
Gengi liðanna skiptir reyndar litlu þegar í
þennan slag er komið og viðureignirnar
hafa verið hnífjafnar undanfarin ár. Madrid
sótti sigur í fyrra en tvö ár þar á undan
skildu liðin jöfn. Heitustu leikir undanfar-
inna ára snérust um tvær stjörnur sem
höfðu framið drottinssvik og farið frá
Barcelona til erkifjendanna. Fyrir fjórum
árum tóku aðdáendur Barcelona á móti
Luis Figo vopnaðir ávöxtum, smápening-
um, viskíflöskum og já, svínahausum! Er
ævinlega vitnað til þessa leiks í pressunni
sem „hneykslisleiksins mikla“.
Reiði stuðningsmanna Barca í garð
Figo var skiljanleg, þótti brotthvarf hans
dæmigert liðhlaup málaliða. Skrílslæti
þeirra í garð Michaels Laudrup í leiknum
fyrir 10 árum voru hinsvegar alveg fyrir
neðan allar hellur. Búlgarinn Hristo
Stoickov var afar sár út í stuðningsmenn
liðsins og taldi þetta daprasta dag sinn í
búningi Barca. Laudrup var mikill félagi
hans, hafði orðið meistari fjögur árin á
undan með Barca en fékk samning sinn
ekki endurnýjaðan og gekk til liðs við
Madrid. Leikurinn tapaðist en Laudrup
stóð uppi með pálmann í höndunum og
fagnaði fimmta meistaratitli sínum í röð
um vorið.
Net á Nývangi
Hatrið á milli stuðningsmanna liðanna
virðist ekkert minnka þrátt fyrir að þrjátíu
ár séu frá falli Francostjórnarinnar og Kata-
lóníuhérað hafi fengið síaukið sjálfstæði.
Enda skipta rætur rígsins kannski ekki
máli frekar en önnur órökvísi íþróttanna.
Madrídarmenn reyna að gera lítið úr leikn-
um með því að vitna til þess að þeir leiki
marga mikilvæga leiki á tímabilinu og eru
þar með að skjóta á Börsunga sem lítt
hafa komist áleiðis í Evrópukeppni undan-
farin ár.
Aðdáendur Börsunga virðast staðfastari
í að viðhalda illindunum en Laporta forseti
félagsins friðmælist við kollega sinn Flor-
entino Perez í fjölmiðlum. Viðbúnaður í
Barcelona bendir þó til þess að menn telji
vart að reykurinn úr friðarpípum forset-
anna muni leggjast í lýðinn á leikdegi því
búið er að setja upp net allt í kringum völl-
inn svo svínshausarnir fljúgi ekki í Figo &
kó. Leikurinn lofar annars góðu, flestir
menn liðanna heilir. Börsungar hafa þó
einhverjar áhyggjur af Puyol og Giuly og
Madrídarmenn af Helguera og Beckham.
Og eins og venujlega er látið í það skína í
pressunni að þetta sé „leikur aldarinnar“
sem muni skera úr um hvort liðið stendur
uppi sem Spánarmeistari í vor.
EINAR LOGI
VIGNISSON
Það þurfti ekki meira en fjóra tap-leiki í röð til að orðrómur færi af
stað um Vince
Carter hjá
Toronto Raptors
í NBA-körfu-
boltanum. Nú
ganga þær sög-
ur fjöllum hærra
að Carter sé á
förum til
Portland Trail-
blazers. Líklegt
þykir að Jalen
Rose muni
fylgja honum yfir og að í þeirra stað
komi Nick Van Exel, Derek Ander-
son og Shareef Abdur-Rahim.
Raptors er í öðru sæti Atlantshafsrið-
ilsins með fjóra sigra og fimm tap-
leiki.
Tim Duncan fór fyrir sínum mönn-um þegar San Antonio Spurs vann
sinn fimmta leik í röð í NBA-deild-
inni. Duncan skoraði 34 stig og tók
13 fráköst þegar liðið lagði Phila-
d e l p h i a
76ers, 88-80.
G r e g g
P o p o v i c h ,
þjálfari Spurs,
var ánægður
með sinn
mann. „Hann
bar liðið á
herðum sér í
kvöld og
sýndi hversu
mikill leiðtogi hann er,“ sagði
Popovich. Spurs hefur aðeins tapað
einum leik fram til þessa og er í efsta
sæti suðvesturriðilsins.
Enska knattspyrnusambandinubarst í gær afsökunarbeiðni frá
spænska knatt-
spyrnusambandinu
eftir að spænskir
áhorfendur höfðu
kallað ókvæðisorð
að leikmönnum
enska landsliðsins í
vináttuleik sem
fram fór í Madríd á
miðvikudaginn var.
Spánverjar harma
að hegðunin hafi
varpað skugga á skemmtilega viður-
eign liðanna á milli.
Jimmy Gilligan byrjar vel semknattspyrnustjóri hjá Milton Keyn-
es Dons og er nú þegar búinn að
næla sér í Nicky Rizzo frá Crystal
Palace. Talsmaður Milton Keynes
staðfesti að Rizzo hefði gert samning
við liðið og að menn þar á bæ litu
bjartir fram á veginn með tilkomu
nýja leikmannsins.
ÚR ÍÞRÓTTAHEIMINUM
Nicorette nikótínlyf eru fáanleg án
lyfseðils og eru notuð þegar reyk-
ingum er hætt eða þegar dregið er úr
reykingum.
Í fylgiseðlinum eru
upplýsingar um: Verkun og notkun,
varúðarreglur, mikilvægar upplýsing-
ar sem nauðsynlegt er að lesa áður en
lyfin eru notuð, hugsanlegar auka-
verkanir og aðrar upplýsingar.
Til að ná sem bestum
árangri skal ávallt fylgja leiðbeining-
um í fylgiseðli.
Örsmá
tafla
meðstórt
hlutverk
ÆFING HJÁ BIRNINUM Mikill uppgangur hefur verið í íshokkí í Grafarvogi síðan Egilshöll var reist. Í liðinu eru stelpur frá tólf ára aldri
og þær elstu eru komnar yfir þrítugt. Fá félög geta státað af jafn breiðum aldurshópi í einni og sömu greininni. Fréttablaðið/Vilhelm