Fréttablaðið - 22.11.2004, Blaðsíða 6
6 22. nóvember 2004 MÁNUDAGUR
NORÐURSKAUTSRÁÐ Ný skýrsla um
mannlíf á norðurslóðum var
kynnt á Nordica hóteli í gær. Sam-
antekt skýrslunnar var eitt af for-
gangsmálum Íslands í for-
mennsku Norðurskautsráðsins
árin 2002 til 2004.
Níels Einarsson, forstöðumað-
ur Stofnunar Vilhjálms Stefáns-
sonar og annar verkefnisstjóra
skýrslunnar, segir hana vera
fyrstu og einu samantekt sinnar
tegundar. Aðspurður segir hann
Ísland helst eiga sameiginlegt
með samfélögum norðurskautsins
að vera háð hreinu umhverfi og
auðlindanýtingarétti. Skýrsluna
segir hann skrifaða þannig að hún
sé aðgengileg almenningi, einnig
sé hún fallega myndskreytt. Farið
er yfir efnahagsmál, heilbrigðis-
mál, jafnréttismál, menntun og
fleira sem viðkemur búsetu á
norðurslóðum.
Fram kemur í skýrslunni að
vandamál steðji að tungumálum
sem fáir tala í Norður-Rússlandi
og hjá frumbyggjum í Kanada.
Einnig er bent á gífurlega menn-
ingarlega fjölbreytni þar sem oft
er dregin upp nokkuð einsleit
mynd af norðurslóðum. Alls komu
140 manns að gerð skýrslunnar,
þar af um 90 höfundar. - hrs
Íslendingarnir að skemma Stoke
Yfirtaka Íslendinga á knattspyrnuliðinu Stoke hefur engin áhrif haft, að mati Alans Hudson,
fyrrum leikmanns Stoke og landsliðsmanns Englendinga í knattspyrnu. Hudson segir Íslending-
ana ekki einu sinni hafa áhuga á fótbolta og þeir komi í raun í veg fyrir að liðið fái að dafna.
KNATTSPYRNA Alan Hudson, fyrr-
verandi landsliðsmaður Englend-
inga í knattspyrnu og áður leik-
maður Stoke og Chelsea, vandar
íslenskum eigendum Stoke ekki
kveðjurnar í viðtali við staðar-
blaðið The Sentinel í Stoke. Hud-
son lýsir samstarfi félagsins við
íslensku hluthafana sem „fárán-
legu ástandi“. Hann segir ís-
lensku yfirtökuna ekki hafa haft
nein áhrif og sakar Íslendingana
meðal annars um að hafa ekki
einu sinni áhuga á fótbolta. Hann
segir metnað Íslendinganna til að
koma liðinu í efstu deild greini-
lega ekki vera til staðar og efast
um tilgang fjárfestingarinnar
sem Gunnar Gíslason, stjórnar-
formaður Stoke, og félagar réð-
ust í fyrir réttum fimm árum.
Tilefni viðtalsins er nýútkom-
in bók Hudsons um yfirtöku
Rússans Romans Abramóvitsj á
fyrrum félagi Hudsons, Chelsea,
og þá jákvæðu hluti sem sú yfir-
taka hefur leitt til. Þá bendir
hann á til samanburðar að annað
fyrrum félag sitt, Stoke, sé á
sama tíma að fara illa út úr yfir-
töku annars aðila, Íslendinganna.
Hann bendir á að félagið geti
ekki búist við að sjá miklar fram-
farir á meðan stjórnin láti ekki
meiri pening til leikmannakaupa,
en Tony Pulis knattspyrnustjóra
var nýlega úthlutað 2 milljónum
punda til að styrkja liðið.
„Þeir eru vandfundnir gæða-
leikmennirnir sem hægt er að fá
á réttu verði. Stuðningsmenn
ættu að venjast því að vera í
þessari deild þangað til einhver
leggur til skítnóg af pening í
félagið,“ sagði Hudson meðal
annars og segir íslensku stjórn-
ina koma í veg fyrir að liðið fái að
dafna. „Til hvers voru þeir eigin-
lega að kaupa félagið ef þeir vilja
ekki leggja meiri pening í það?
Til hvers að leggja pening í það í
fyrstu og staðna svo bara? Annað
hvort eiga menn að gera þetta al-
mennilega eða sleppa því. Til
hvers komu þeir eiginlega hing-
að? Í hvaða tilgangi? Þeir hafa
greinilega ekki áhuga á fótbolta.
Ég held að þeir komist ekki
lengra með félagið. Þeir geta
ekki keypt almennilega leikmenn
enda eru það aðeins þeir góðu
sem geta búið til góð lið,“ sagði
Hudson og er greinilega heitt í
hamsi.
Hudson var greinilega í
miklu stuði í viðtalinu því hann
hélt áfram að gagnrýna Stoke en
hann segir að það hafi verið mis-
tök að flytja frá Victoria
Ground, gamla heimavellinum.
Hann er á þeirri skoðun að
félagið hefði betur átt að sleppa
því að flytja á Britannia-leik-
vanginn og gera frekar upp
þann gamla og efla þar andann.
Gunnar Gíslason fær eflaust
ekki jólakort frá Hudson í ár.
th@frettabladid.is
■ LÖGREGLUFRÉTTIR
VEISTU SVARIÐ?
1Í hlöðu á hvaða bæ kom eldur upp áföstudagskvöldið?
2Hvaða orðrómur um dauða JassersArafat hefur komist á kreik í araba-
heiminum?
3Hvaða heimsmset var sett í Kringl-unni á laugardaginn?
Svörin eru á bls. 30
Hryðjuverkin í Madrid:
Skipulögð
gegn Aznar
AFP, SPÁNN Eduardo Zaplana, fyrr-
verandi talsmaður ríkisstjórnar
Spánar, heldur því fram að
hryðjuverkárás-
unum í Madríd
þann 11. mars á
þessu ári hafi ver-
ið stýrt af erlend-
um aðila í von um
að koma forsætis-
r á ð h e r r a n u m ,
Jose Maria Aznar,
frá völdum.
Zaplana vildi þó
ekki tjá sig um
hver hann héldi að
bæri ábyrgð á
árásunum.
Nefnd á vegum ríkisstjórnar-
innar rannsakar nú tildrög
árásanna og tekur viðtal við Azn-
ar 29. nóvember og núverandi for-
sætisráðherra, Jose Luis Rodrigu-
ez Zapatero, þann 13. desember. ■
BRUTU SÉR LEIÐ INN UM GIFS-
VEGG Fatnaði að verðmæti á aðra
milljón króna var stolið úr versl-
un í miðbæ Reykjavíkur í fyrri-
nótt. Þjófarnir brutu niður gifs-
vegg til að komast inn í verslun-
ina. Málið er í rannsókn lögregl-
unnar í Reykjavík.
STÁLU SKÍÐABÚNAÐI Brotist var
inn í bílskúr í Breiðholti í fyrr-
inótt og þaðan stolið skíðabúnaði
og raftækjum fyrir nokkur
hundruð þúsund krónur. Hurð
var spennt upp til að komast inn í
skúrinn. Ekki er vitað hver eða
hverjir voru að verki en lögregl-
an rannsakar málið.
Ragnar Arnalds:
MARÍU
MESSA
,,Karlar höggvist
og konur drekkist”
Þannig var boðskapur Stóradóms.
Mál hennar vakti furðu.
Hún bætti gráu ofan á svart.
Og brátt var lífi hennar ógnað.
Var það kraftaverk eða guðlast?
Var hún saklaus eða dauðasek?
Skáldsaga um einstætt lífshlaup ungrar konu.
Lesið upphaf sögunnar: www.krabbinn.is
krabbinn.is
Gíslataka í Írak:
Pólskum gísl sleppt úr haldi
VARSJÁ, AFP Teresa Borcz-Halifa
kom heim til Póllands í gær eftir
að gíslatökumenn í Írak slepptu
henni úr haldi.
Henni var rænt á heimili sínu
í Bagdad í lok október og hafði
verið meira en þrjár vikur í
haldi gíslatökumanna, sem hún
sagði að hefðu komið vel fram
við sig.
„Mér var haldið í litlu en
mjög hreinu herbergi, nýmál-
uðu. Ég fékk nóg að borða og
drekka og hafði nóg af hreinlæt-
isvörum,“ sagði hún brosandi.
„Það var bundið fyrir augun á
mér þegar ég var frelsuð, en
mér fannst ekki eins og ég væri
í neinni hasarmynd.“
Borcz-Halifa er 54 ára gömul.
Hún er gift íröskum manni og
hefur búið í Írak í þrjátíu ár.
Hún sagðist þó að öllum líkind-
um ekki ætla að snúa aftur til
Íraks.
Lausn hennar úr haldi olli
miklum létti í Póllandi, en aðeins
fjórum dögum fyrr bárust fregn-
ir af því að hin breska Margaret
Hassan hefði líklega verið myrt
af gíslatökumönnum í Írak. Frá
því í apríl hafa meira en 150
erlendir ríkisborgarar verið
hnepptir í gíslingu í Írak. ■
KOMIN HEIM TIL MÖMMU
Teresa Borcz-Khalifa ræðir þarna við blaðamenn í Varsjá. Vinstra megin á myndinni er
móðir hennar, Halina Borcz.
AP
/A
LI
K
KE
PL
IC
Z
ROMAN ABRAMÓVITSJ
Í samanburði við yfirtöku Abramó-
vitsj á knattspyrnuliðinu Chelsea
koma Íslendingarnir í Stoke ekki
vel út, að mati Alans Hudson.
JOSE MARIA
AZNAR
Fyrrverandi for-
sætisráðherra
Spánar.
Norðurskautsráðið um mannlíf á norðurslóðum:
Háð hreinu umhverfi
og nýtingu auðlinda
NORÐURHEIMSKAUTIÐ
Hætta steðjar að tungumálum sem fáir tala í Norður-Rússlandi og meðal frumbyggja í
Kanada.