Fréttablaðið - 23.11.2004, Blaðsíða 2
2 23. nóvember 2004 ÞRIÐJUDAGUR
SJÁVARÚTVEGUR Eimskip greiddi
tveggja mánaða laun skipverja
Ocean Caroline sem lögðu niður
störf í fyrrakvöld vegna vangold-
inna launa. Skipið siglir undir
norsku flaggi en skipverjarnir
eru frá Póllandi og Litháen auk
íslensks skipstjóra. Skipið er í
eigu norsks fyrirtækis en dóttur-
fyrirtæki Eimskips í Noregi,
Coldstore and transport group, er
með skipið á leigu.
Skipverjarnir höfðu samband
við Jónas Garðarsson, formann
Sjómannafélags Reykjavíkur, í
fyrrakvöld og báðu hann að hjálpa
sér við að fá vangoldin laun
greidd. Jónas hvatti mennina til
að leggja niður störf sem þeir
gerðu og fór hann til Norðfjarðar
í gær þar sem skipið lá við höfn.
Laun hásetanna eru 85 þúsund
krónur á mánuði með næturvinnu
og orlofi. Skipið kom hingað til
lands til að flytja frosna síld fyrir
SÍF til Litháen og Póllands. Laun-
in sem Eimskip greiddi mönnun-
um munu síðan verða dregin frá
leigukostnaði sem félagið þarf að
greiða norskum eigendum skips-
ins. Jónas segir norska fyrirtækið
fyrst hafa sent honum afrit af
bankayfirliti sem sýni greiðslur
til skipverjanna. Þeir sendu hins
vegar ekki yfirlit sem sýndi að
greiðslurnar höfðu verið dregnar
til baka.
- hrs
Stjórnarkreppa
í Úkraínu
Forsetakosningarnar í Úkraínu voru ólýðræðislegar. Viktor Janukovitsj er
sakaður um kosningasvindl. Forseti Rússlands óskaði honum samt til ham-
ingju með sigurinn en Evrópusambandið gerði það ekki.
ÚKRAÍNA, BRUSSEL Tugir þúsunda
manna mótmæltu meintu kosn-
ingasvindli í forsetakosningunum
í Úkraína á götum Kiev og ann-
arra borga landsins gær. Sam-
kvæmt opinberum tölum bar Vikt-
or Janukovitsj, forsætisráðherra
landsins, sigurorð af Viktor Júsje-
nko í kosningunum.
Öryggis- og samvinnustofnun
Evrópu, Evrópuþingið og Atlants-
hafsbandalagið hafa tilkynnt að
framkvæmd kosninganna hafi
ekki verið í samræmi við reglur.
Þrátt fyrir þetta óskaði Vladímír
Pútín, forseti Rússlands, Janu-
kovitsj til hamingju með sigurinn
í gær. Evrópusambandið hefur
hins vegar brugðist við með öðr-
um hætti. Hafa þau ríki sam-
bandsins sem hafa úkraínsk
sendiráð í borgum sínum komið
mótmælum á framfæri við sendi-
herrana.
„Við erum mjög áhyggjufullir
yfir þeim fréttum sem við höfum
fengið,“ sagði Bernard Bot, utan-
ríkisráðherra Hollands.
Fagnaðarlæti brutust út á göt-
um Kiev og tveggja annarra
borga í gær þegar borgarráð
þeirra tilkynntu að þau viður-
kenndu ekki úrslit kosninganna.
Júsjenko sem, andstætt Janu-
kovitsj, vill efla tengslin við Vest-
urlönd hvatti fólk í gær til að
halda mótmælunum áfram þar til
sigur hans yrði viðurkenndur.
Grannt er fylgst með þróun
mála í höfuðstöðvum Atlantshafs-
bandalagsins í Brussel enda geta
úrslit þeirra haft veruleg áhrif á
samstarf landsins og bandalags-
ins. Úkraínumenn, sem verið hafa
í samstarfi við bandalagið, hafa á
síðustu árum heitið ýmsum um-
bótum, þar á meðal við fram-
kvæmd kosninga þar í landi sem
löngum hafa verið gagnrýndar
fyrir að vera ólýðræðislegar.
Málið verður rætt á fundi
fastafulltrúa Natóríkjanna í dag
þar sem búast má við að mótaðar
verði hugmyndir um hvernig
bregðast skuli við. Fyrir ráð-
herrafundi bandalagsins, 8. og 9.
desember, liggur svo að ákveða
endanlega hvað skuli gert og
hvort draga eigi úr samstarfinu
við Úkraínu. Atlantshafsbanda-
lagið hefur meðal annars átt í
samstarfi við landið um endur-
skipulagningu herafla þess, auk
þess sem bandalagið hefur verið
með upplýsingaskrifstofu í Úkra-
ínu til að vinna að lýðræðisumbót-
um.
brynjolfur@frettabladid.is
trausti@frettabladid.is
FÍB um olíusamráð:
Hægt að kæra
og sækja bætur
OLÍUSAMRÁÐ Fyllilega raunhæft er
fyrir einstaklinga að leita réttar
síns fyrir dómstólum og leita bóta
vegna tjóns sem þeir hafa beðið af
samráði olíufélaganna þriggja, að
mati Eiríks Elísar Þorlákssonar,
lögmanns FÍB.
Í FÍB blaðinu er haft eftir Eiríki
að í slíkum málum þyrfti fólk að
sýna fram á að olíufélögin hafi
valdið tjóni með ólögmætri hátt-
semi sinni og eins hvert tjónið
væri. Hann segir síðara atriðið
geta verið erfiðleikum bundið því
dómstólar geri strangar kröfur um
nákvæma kröfugerð sem studd er
gögnum í slíkum málum. óká
Forsætisráðherra:
Í opinbera
heimsókn
STJÓRNMÁL Halldór Ásgrímsson fer
í sína fyrstu opinberu heimsókn
sem forsætisráðherra til Svíþjóð-
ar 25. nóvem-
ber. Með í för
verður eigin-
kona hans Sig-
urjóna Sigurð-
ardóttir. Gest-
gjafi forsætis-
ráðherrahjón-
anna í tveggja
daga heimsókn-
inni verður
Göran Persson,
f o r s æ t i s r á ð -
herra Svíþjóðar. Þetta er önnur
ferð Halldórs til Stokkhólms frá
því hann tók við embætti en hann
sótti Norðurlandaráðsþing á dög-
unum. Fyrsti erlendi starfsbróðir-
inn sem hann sótti heim var Raff-
arin, forsætisráðherra Frakka á
íslensku menningarkynningunni í
París. - ás
Nei, en þeir eru hins vegar velkomn-
ir til okkar ef þeir halda áfram að
koma með svona góðar tillögur.
Andrés Jónsson er formaður ungra jafnaðar-
manna en félagið fagnaði tillögu Valgerðar Sverr-
isdóttur viðskiptaráðherra um að Ríkisendurskoð-
un færi yfir fjármál stjórnmálaflokkanna.
SPURNING DAGSINS
Andrés, eruð þið á leið í Framsóknar-
flokkinn?
Dalvíkurbyggð:
Skólamálin
rædd í þaula
SVEITARSTJÓRNARMÁL Í viðræðum I-
lista Sameiningar og B-lista Fram-
sóknarflokks um nýjan meirihluta í
Dalvíkurbyggð voru í gær lagðar
fram hugmyndir um mótun stefnu
í fræðslumálum. Óskar Gunnars-
son, oddviti I-lista, segir að rætt
hafi verið um möguleika á frekari
starfsemi í Húsabakkaskóla, til
dæmis með fimm ára bekk.
I-listinn gerir kröfu um að
Svanfríður Jónasdóttir, fyrrver-
andi þingkona, verði bæjarstjóri en
B-listi fengi embætti forseta bæj-
arstjórnar. Meirihluti Framsóknar-
og Sjálfstæðisflokks sprakk um
helgina vegna ágreinings um fram-
tíð Húsabakkaskóla. ■
Utanríkisráðherra um Keflavíkurflugvöll:
Ekki óbreytt starfsemi
STJÓRNMÁL Davíð Oddsson utanrík-
isráðherra segir að George W. Bush
Bandaríkjaforseti fylgist vel með
viðræðum um framtíð varnarliðsins
á Keflavíkurflugvelli og hann sé
sammála því áliti Íslendinga að
hver þjóð þurfi að búa við lágmarks
loftvarnir: „Það er svo annað mál að
við Íslendingar getum ekki gert
kröfur til þess að Bandaríkin haldi
óbreyttri starfsemi hér á landi, það
höfum við aldrei gert,“ sagði hann í
umræðum á Alþingi í gær.
Jón Gunnarsson, þingmaður
Samfylkingarinnar, spurði Davíð að
því hver hefði verið niðurstaðan af
fundi hans og Colins Powells, utan-
ríkisráðherra Bandaríkjanna, í Was-
hington. Þingmaðurinn kvartaði
yfir því að fréttir af fundinum væru
óljósar og benti á að Colin Powell
hefði ekki tjáð sig um fundinn og
engin fréttatilkynning verið gefin
út. Jafnframt innti Jón Davið eftir
því hvort áframhaldandi niður-
skurður yrði á vellinum.
Davíð skýrði frá því að hann
hefði hitt George W. Bush Banda-
ríkjaforseta stuttlega að máli í Ark-
ansas við opnun Clinton-safnsins.
- ás
Powell í Palestínu:
Heitir
stuðningi
JERÚSALEM, AP Colin Powell, fráfar-
andi utanríkisráðherra Bandarík-
janna, heitir Palestínumönnum
stuðningi í forsetakosningunum í
janúar á næsta ári.
Powell var í Ísrael í gær og
fundaði með ísraelskum og pal-
estínskum ráðamönnum og ræddi
ástand mála eftir fráfall Arafats.
Ísraelskir ráðamenn sögðust gera
allt sem þeir gætu til að tryggja
að kosningarnar færu sem best
fram, t.d. með rýmkun ferðah-
eimilda fólks á Vesturbakkanum
og Gaza-ströndinni. Powell segist
vonast til að skapast hafi betri að-
stæður en áður til friðarvið-
ræðna. ■
DAVÍÐ ODDSSON
Utanríkisráðherra segir Colin Powell, utanríkisráðherra Bandaríkjanna, hafa samþykkt þá
túlkun sem íslenski ráðherrann hefur kynnt í fjölmiðlum.
VIKTOR JÚSJENKO
Júsjenko forsetaframbjóðandi telur sig vera réttkjörinn forseta Úkraínu þrátt fyrir að and-
stæðingur hans, Viktor Janukovitsj, hafi lýst yfir sigri.
Erlendir ferðamenn:
Fleiri koma
frá Japan
FERÐAMENN Helmingi fleiri ferða-
menn koma hingað frá Japan nú
en þegar opnað var sendiráð í
Tokýó árið 2001. Á þetta er bent í
Stiklum, vefriti utanríkisráðu-
neytisins. Þar kemur fram að á
milli áranna 2003 og 2004 hafi
ferðamönnum frá Japan fjölgað
um 51 prósent, þrátt fyrir að
mikið hafi dregið úr ferðalögum
þeirra í kjölfar atburðanna í
Bandaríkjunum 11. september
2001. „Við erum að uppskera það
sem sáð var með margs konar
kynningum og samstarfsverkefn-
um,“ er haft eftir Ingimundi Sig-
fússyni sem var sendiherra Ís-
lands í Japan frá opnun sendiráðs-
ins þar til Þórður Ægir Óskarsson
tók við af honum í ágúst. - óká
OCEAN CAROLINE
Eigendur skipsins sendu formanni Sjó-
mannafélags Reykjavíkur bankayfirlit sem
sýndi að þeir hefðu greitt launin. Hins veg-
ar vantaði yfirlitið sem sýndi að þeir drógu
greiðslurnar til baka.
Skipverjar Ocean Caroline lögðu niður störf:
Eimskip greiddi skipverjunum laun
FR
ÉT
TA
B
LA
Ð
IÐ
/E
LM
A
HALLDÓR
ÁSGRÍMSSON
KRÓNULÆKKUN Skeljungur
lækkaði í gær bensínverð um
eina krónu. Er það sagt gert
vegna gengislækkunar og lækk-
unar á heimsmarkaðsverði olíu.
■ BENSÍNVERÐ