Fréttablaðið - 23.11.2004, Blaðsíða 31
ÞRIÐJUDAGUR 23. nóvember 2004 23
100%
410 4000 | landsbanki.is Banki allra landsmanna
Íbúðalán
Kynntu þér kostina við íbúðalán
Landsbankans. Fáðu ráðgjöf hjá
sérfræðingum okkar og veldu
leiðina sem hentar þér best. Hafðu
samband í síma 410 4000 eða á
fasteignathjonusta@landsbanki.is
Getum unnið þá aftur
Keflavík leikur við franska liðið Reims á útivelli í kvöld í Bikarkeppni
Evrópu í körfubolta en liðið vann fyrri leikinn á heimavelli örugglega.
KÖRFUBOLTI Keflvíkingar leika gegn
franska liðinu Reims í Bikar-
keppni Evrópu í körfuknattleik í
Frakklandi í kvöld. Fyrri leikur-
inn fór fram á heimavelli Keflvík-
inga 3. nóvember sl. og unnu
heimamenn öruggan sigur, 93-74.
Reimsliðið átti aldrei möguleika í
þeim leik gegn frísku liði Keflvík-
inga.
Falur Harðarson, aðstoðar-
þjálfari Keflavíkurliðsins, sagði
hugarfarið í liðinu vera gott fyrir
átök kvöldsins. „Við höfum sett
allt á fullt með það og höfum fulla
trú á að við getum unnið þetta lið
aftur. Við verðum bara að sjá
hvernig það gengur,“ sagði Falur í
samtali við Fréttablaðið.
Að sögn Fals var lítil sem
engin stemning í liðinu í undanúr-
slitum Hópbílabikarsins á föstu-
daginn var þar sem Keflavík tap-
aði fyrir nágrönnum sínum í
Njarðvík, 84-78. „Okkar menn
voru bara með hugann við leikinn
í kvöld, sem eðlilegt er.“
Jón Norðdal Hafsteinsson,
leikmaður Keflavíkur, meiddist í
leiknum við Njarðvíkinga. Falur
staðfesti að Jón hefði ekkert getað
æft og að ekki væri vitað að svo
stöddu hvort hann yrði með gegn
Reims. „Hann er aumur ennþá en
það verður bara að koma í ljós
hvort hann verði með. Hann var
ekki með á æfingu í gær og við
sjáum til í kvöld hvernig ástandi
hann verður í.“
Reims hefur ekki gengið vel
það sem af er í vetur, hvorki í
frönsku deildinni né Bikarkeppni
Evrópu. Liðið hefur aðeins unnið
tvo leiki af níu sem gefur Keflvík-
ingum góða von um að hægt sé að
leggja franska liðið af velli á
nýjan leik.“Við verðum bara að
ganga á lagið ef það gengur eitt-
hvað illa hjá leikmönnum Reims
og við verðum að sjá til þess að
þeir nái ekki að rífa sig upp á móti
okkur.“
Það vakti mikla athygli eftir
leikinn í Keflavík að þjálfari
Reims hélt púlæfingu strax eftir
leikinn, leikmönnum sínum til
mikillar mæðu og ráku margir
sem viðstaddir voru upp stór
augu.
„Hann sagði eftir leikinn að við
hefðum ekki komið honum á óvart
heldur frekar sínir eigin leik-
menn. Það má því búast við að
ekkert vanmat verði upp á ten-
ingnum í kvöld enda Reimsliðið
reynslunni ríkara eftir leikinn í
Keflavík,“ sagði Falur Harðarson.
smari@frettabladid.is
!"
!
!
# !
$% % &'
&'# #
( #
)
#
#) &
&
# *#
& +
#$
!
"
#
$%$
GUNNAR EINARSSON HJÁ KEFLAVÍK Átti stórleik í fyrri leik liðanna og skoraði 28
stig. Keflavík mætir Reims í Bikarkeppni Evrópu í kvöld.
Ástralski sundkappinn Ian Thorpe:
Hvíld næstu fjögur árin
SUND Ekki er loku fyrir það skotið
að sundkappinn ástralski, Ian
Thorpe, taki ekki þátt í heims-
meistarakeppninni í sundi sem
fram fer í Kanada á næsta ári.
Telur þjálfari hans að Thorpe
þurfi á öllu sínu að halda fyrir
Ólympíuleikanna sem haldnir
verða í Peking að fjórum árum
liðnum.
Thorpe mun þannig ekki geta
varið titil sinn í 400 metra bringu-
sundi en þann titil hefur hann
unnið þrisvar í röð undanfarin ár
auk þess sem kappinn er fimm-
faldur Ólympíumeistari og ein
skærasta stjarnan í sundíþrótt-
inni í heiminum. Lokaákvörðun
verður tekin innan tíðar. Það gæti
raunar farið svo að Thorpe keppi
ekkert næstu fjögur árin eða þar
til Ólympíuleikarnir fara fram. ■