Fréttablaðið - 24.11.2004, Blaðsíða 14

14 24. nóvember 2004 MIÐVIKUDAGUR
Létti við heimkomuna
Við fyrstu sýn virtust skemmdir á húsnæði á Kleppsvegi ekki miklar. Reykjarlyktin sat þó í tepp-
um stigaganganna og keimur í íbúðunum. Um 600 íbúar þurftu að yfirgefa heimili sitt.
ELDSVOÐI Ekki miklar skemmdir
urðu á heimilum á Kleppsvegi af
völdum eldsvoðans sem varð þegar
endurvinnslustöðin Hringrás
brann til kaldra kola á mánudag.
Lyktin eftir eiturmettaðan reykinn
sat þó í teppum stigaganga og
fannst einnig í íbúðunum. Ekki
margir snéru heim á fyrstu klukku-
stund eftir að lögreglan hafði gefið
til þess leyfi. Fólkið sem Frétta-
blaðið hitti var létt. Það hafði gist
hjá ættingjum og haft áhyggjur af
eigum sínum. Um 600 íbúar urðu
að yfirgefa heimili sína í Laugar-
neshverfinu vegna eiturgufanna í
fyrrakvöld.
Helgi Unnar Valgeirsson, kona
hans Sigríður Elín og sonur yfir-
gáfu íbúðina sína upp úr ellefu í
gærkvöldi. Þau töldu ekki ráðlegt
að hafa soninn í íbúðinni vegna
lyktarinnar og reyksins þar sem
hann þjáist af astma. Þá eiga þau
von á sínu öðru barni og vænta
þess á laugardag:
„Við vorum að kaupa íbúðina og
erum nýbúin að mála hana alla. Ég
hef verið að flísaleggja og gera allt
klár. Barnið að koma á laugardag-
inn og þá gerist þetta,“ segir Helgi
sem hefur staðið í undirbúningi
fyrir fjölgun í fjölskyldunni síðasta
mánuðinn: „Allt var tilbúið en nú
liggur brækjan um íbúðina. Barna-
fötin nýþvegin voru komin á sinn
stað, en nú þurfum við að taka allt í
gegn aftur.“
Stofan í íbúðinni snýr frá sjón-
um þar sem reykinn lagði að hús-
inu. Hún var lokuð og mátti finna
mikinn mun á lyktinni þar inni og
miðað við þann hluta íbúðarinnar
sem mæddi helst á.
Helgi sagðist óviss um hvernær
fjölskyldan gisti aftur í íbúðinni.
Þau vildu vera viss og hafa varann
á vegna astma sonarins og ástands
konunnar.
Anna Guðmundsdóttir og maður
hennar Gunnar Guðmannsson voru
nýkomin heim frá dóttur sinn í
Kópavogi sem þau gistu hjá: „Við
lokuðum gluggum snemma og bið-
um þar til lögreglan kom og bank-
aði,“ segir Anna. Henni hafi verið
orðið órótt og viljað komast heim
sem fyrst að skoða aðstæðurnar.
„Það er ekki mikið í fötum og allt
virðist í lagi.
Það var aðeins lykt á ganginum
en ekkert inni í stofu eða svefnher-
bergi þannig að við sleppum vel þó
við séum svona nálægt eldsupptök-
unum.“
Anna og Gunnar eiga fimm upp-
komin börn. Gunnar sat við símann
og greindi frá því að allt hefði
farið vel. Anna
taldi þau hjónin
heppin. Það
hafi farið um
hana þar sem
þau hafi ekki
haft innbús-
tryggingar.
Aðalheiður
Hauksdóttir og
b a r n a b a r n
hennar Aron
Freyr voru í eftirlitsferð um íbúð
foreldra hennar við Klapparstíg
sem voru erlendis. „Þau eru búin
að vera á línunni og hringdu strax
niður í Rauða kross-hús til að til-
kynna sig. Ég hafði búið mig undir
það versta, að allt yrði svart, en
íbúðin virðist í lagi,“ segir Aðal-
heiður. Hún búi við Granda og hafi
fundið lyktina sem lagði yfir bæinn
í fyrrakvöld. Hún segir foreldra
hennar hafa verið áhyggjufulla en
prísaði sig sæla fyrir að ekki fór
verr. gag@frettabladid.is
Bruni:
Tryggingar
vegna reyk-
skemmda
TRYGGINGAR Hugsanlegt tjón á
íbúðarhúsnæði af völdum sóts og
reyks frá eldsvoðanum í
Hringrás í fyrrinótt fellur undir
lögboðna brunatryggingu íbúðar-
eigenda. Þetta kemur fram í yfir-
lýsingu frá Sambandi íslenskra
tryggingafélaga.
Auk þess taka tryggingar
vegna innbús yfirleitt til bruna-
tjóns, þar með talið tjóns vegna
reyks og sóts. Þeir sem hafa ekki
innbústryggingu fá tjón sitt ekki
bætt frá tryggingafélögunum.
Fólki er bent á að snúa sér til
tryggingarfélags síns telji það
sig hafa orðið fyrir tjóni á eigum
sínum vegna brunans við Sunda-
höfn. - ghg
Kassagerðin:
Óvinnufært vegna sóts
BRUNI Sót og óþrifnaður barst inn í
nokkur fyrirtæki í nágrenni við
Hringrás í brunanum í fyrri-
nótt. Bjarni Lúðvíksson, forstjóri
Kassagerðarinnar, segir að ekki
verði unnið
í skemmu
fyr ir tækis -
ins fyrr en
búið sé að
r e y k r æ s t a
hana og
hreinsa.
Hann von-
ast til þess að
s t a r f s e m i n
komist á fullt í dag en um 50 starfs-
menn af 140 fóru ekki til vinnu í
gær vegna þessa. Bjarni segir erfitt
að meta tjónið af þessu en fyrir-
tækið sé tryggt fyrir svona óhöpp-
um. Talsvert hafi verið af hálfunnu
hráefni á gólfum, sem hann viti ekki
hvort orðið hafi fyrir skemmdum.
Losna þurfi við reykjarlyktina úr
húsinu til að hægt sé að meta tjónið,
en það fari líka eftir því hversu
lengi starfsemin komi til með að
liggja niðri. Það komi helst niður á
viðskiptavinum þess ef fyrirtækið
verði of lengi frá og geti ekki útveg-
að þeim vörur. Hann segir að það sé
tryggingafélagsins en ekki sitt að
ákveða hvort gerð verði bótakrafa
gegn Hringrás.
Bjarni segir að hlutirnir hafi
þróast betur en á horfðist í fyrr-
inótt. „Við óttuðumst um tíma að
eldurinn breiddist út og næði í hús
Kassagerðarinnar.“ - ghg
FRÁ VETTVANGI
BRUNANS
ANNA GUÐMUNDSDÓTTIR OG GUNNAR GUÐMANNSSON
Drifu sig heim eftir að lögreglan hafði gefið leyfi til að kanna skemmdir og sækja nauð-
synjar. Farið hafði um þau, en þau komust fljótt að því að allt var í lagi í íbúð þeirra.
HELGI UNNAR
VALGEIRSSON
Sótti nauðsynjar í íbúð sína og beið frekari boða frá lögreglu:
Setti upp súrefnisgrímu og hljóp upp stigaganginn
ELDSVOÐI Zdravko Studic mætti
fyrstur íbúa að Kleppsvegi 44 eft-
ir að lögreglan hafði gefið leyfi.
Hann býr þar ásamt konu sinni og
hafði yfirgefið íbúðina seint í
gærkvöldi. Heitt var í íbúðinni en
hann hafði hækkað hita á ofnum
eins og mælst hafði verið til og
var kominn að sækja helstu nauð-
synjar og kíkja eftir eigum sínum.
„Ég hef sloppið vel. Það var allt
svart að utan í fyrra kvöld,“ sagði
Zdravko eftir að hafa tekið niður
súrefnisgrímuna og gengið að
gluggum og dregið frá. Íbúð hans
er á fjórðu hæð og snýr frá
Kleppsveginum. Finna mátti keim
af reykjarlyktinni sem var stæk
frammi á gangi enda var Zdravko
fyrstur íbúðareigendanna á vett-
vang.
„Ég fylgdist með eldinum
ásamt vinum mínum í þónokkurn
tíma en ég hafði verið heima og
konan var í vinnunni. Við vorum
rétt komnir þegar lögreglan kall-
aði að rýma þyrfti húsið,“ segir
Zdravko. Hann fór ásamt fjöl-
skyldu í nálægu húsi til vinarfólks
í Mjódd og gisti þar í fyrrinótt.
- gag
ZDRAVKO STUDIC Setti upp súrefnis-
grímu við athugun á húsnæði sínu. Fjöl-
skylda hans beið í bílnum á meðan hann
athugaði skemmdir sem reyndust engar á
íbúð hans en megn reykjarlykt var í stiga-
gangi hússins.