Fréttablaðið - 29.11.2004, Blaðsíða 10
10
3.084 BÚA Á STOFNUNUM
FYRIR ALDRAÐA
Konurnar voru fleiri eða 1.954 en karlarnir
1.130. Tölurnar eru frá árslokum 2002.
SVONA ERUM VIÐ
„Hér rembast menn við að róa og ná
sér í fisk eins og alltaf,“ segir Óttar Jó-
hannsson, oddviti og sjómaður í Gríms-
ey. „Hér snýst allt líf um að ná í þann
gula.“ Óttar segir aflabrögðin misjöfn,
ágætlega gangi með línu en síður með
net. „Annars er allt gott að frétta af okk-
ur, félagslífið hefur verið líflegt að und-
anförnu og mikið um að vera.“ Grímsey-
ingar héldu afmæli Fiske að vanda 11.
nóvember en Willard Fiske var velgjörð-
armaður Grímseyinga og færði þeim
miklar gjafir fyrir rúmri öld. Svo er
vetrarstarf Kiwanisklúbbsins Gríms í full-
um gangi sem og kvenfélagsins Baugs.
Skólastarf er vitaskuld komið á fullt á ný
og segir Óttar börnin hafa komist ágæt-
lega í gegnum fjarveruna frá skólanum.
„Þetta er ósköp rólegt hérna norðurfrá.
Við þurfum allavega ekki að hafa
áhyggjur af einhverjum hópamyndun-
um eða slíku.“ Hann segir að samning-
arnir kosti auðvitað sitt og því þurfi að
mæta með einhverjum hætti. „Við þurf-
um að auka tekjur eða skera niður.
Þetta þarf að kljúfa einhvern veginn.“
Jólaskreytingar eru ekki komnar í hvern
glugga enn enda nóvember ekki liðinn.
„Við þurfum svosem ekki að láta eins
og kaupmennirnir á Laugaveginum,“
segir Óttar. Hann segir Grímseyinga
duglega við að versla í Grímskjöri en
einhverjir geri jólainnkaupin á Akureyri.
„Við reynum að versla við verslunina
okkar eins og við mögulega getum því
við viljum halda henni gangandi.“ Eig-
endur hennar færðu út kvíarnar í sumar
og opnuðu veitingastaðinn Kríuna sem
er góð viðbót í þjónustu við ferða- og
heimamenn.
Lífið snýst um að ná í þann gula
HVAÐ ER AÐ FRÉTTA? ÓTTAR JÓHANNSSON, ODDVITI OG SJÓMAÐUR Í GRÍMSEY
29. nóvember 2004 MÁNUDAGUR
BÚSETA „Við vorum að kaupa okk-
ur íbúð í Búseta og það vill bara
svo skemmtilega til að hún
stendur við Kirkjustétt,“ segir
séra Sigríður, þokkalega ánægð
með að vera prestur á Kirkju-
stétt og fagnar því að auki að
kirkjan í hverfinu mun að lík-
indum standa við götuna, aðeins
steinsnar frá heimili hennar.
Kirkjan er enn óbyggð en safn-
aðarstarf í Grafarholti fer fram
í sal Félagsþjónustunnar í
Reykjavík við Þórðarsveig.
Skrefin frá heimili Sigríðar og
yfir í kirkjuna verða fá þegar
þar að kemur, sem býður óneit-
anlega upp á óvæntar uppákom-
ur. „Ég kem til með að messa á
sloppnum,“ segir hún og hlær.
Næsta gata er svo Prestastígur
og auðvitað renndi presturinn
hýru auga til íbúða þar. „Vanda-
málið er hins vegar að þar eru
aðallega Búmannablokkir og til
þess að verða félagsmaður í Bú-
mönnum þarf maður að vera
orðinn fimmtugur að aldri.“ Sig-
Presturinn
á Kirkjustétt
Séra Sigríður Guðmarsdóttir, prestur í Grafar-
holti, er nýflutt á Kirkjustéttina. Við sömu götu
mun hverfiskirkjan rísa þegar þar að kemur.
FR
ÉT
TA
B
LA
Ð
IÐ
/G
VA
SIGRÍÐUR GUÐMARSDÓTTIR
sóknarprestur í Grafarholti. „Ég
kem til með að messa á sloppnum.“
Aðventan gengin í garð:
Kertin
seldust vel
KERTI Kaupmenn víðsvegar um
land létu vel af kertasölu helgar-
innar en aðventan er gengin í garð
og til siðs á
mörgum heimil-
um að búa til að-
v e n t u k r a n s a .
Kveikt var á
fyrsta kerti að-
ventukransins í
gær. Lausleg
r a n n s ó k n
Fréttablaðs-
ins leiddi í
ljós að flestir
nota rauð kerti í
kransinn sinn en einnig var tals-
vert tekið af hvítum. Heimildar-
mönnum bar saman um að kransa-
hefðin virtist á uppleið og fögn-
uðu því um leið. Greni seldist að
sama skapi óhemjuvel um helg-
ina. - bþs
TÓNLEIKAR Haraldur Reynisson
tónlistarmaður hélt tónleika á
Holtastíg 11 í Bolungar-
vík á laugardagskvöldið
en þar búa hjónin Ingi-
björg Vagnsdóttir og
Ketill Helgason með
þremur börnum sínum.
Systurnar Soffía og
Pálína Vagnsdætur lentu
í ófærð á dögunum á leið
sinni frá Reykjavík og
heim í Bolungarvík og
gistu því í Búðardal. Þar
skelltu þær sér á tónleika með
Halla og hrifust svo af leik hans
og söng að þær ákváðu að fá hann
til að spila í sinni heimabyggð. Þar
sem engin er kráin í Bol-
ungarvík eftir að Finna-
bær lokaði síðsumars
var ekki annað að gera
en að halda tónleikana í
heimahúsi. Að sögn Soff-
íu tókust þeir afskaplega
vel, um fjörutíu manns
mættu og hlýddu á Halla
í nærri þrjár klukku-
stundir yfir kertaljósum
og huggulegheitum. Hef-
ur þegar verið ákveðið að endur-
taka leikinn að ári. - bþs
Stofutónleikar í Bolungarvík:
Halli var frábær
HARALDUR
REYNISSON