Fréttablaðið - 30.11.2004, Blaðsíða 2

2 30. nóvember 2004 ÞRIÐJUDAGUR
Jose Maria Aznar vitnar fyrir þingnefnd:
Segir aðra hafa logið
SPÁNN, AFP „Það voru aðrir en við
sem lugu,“ sagði Jose Maria
Aznar, fyrrum forsætisráðherra
Spánar, þegar hann bar vitni
frammi fyrir þingnefnd sem
rannsakar hryðjuverkaárásirnar
í Madríd í mars, þegar sprengja
sprakk í lestarstöð í Madríd.
Aznar þvertók fyrir að stjórn
sín hefði sagt ósátt þegar hún
sakaði ETA, hryðjuverkahreyf-
ingu Baska, um að bera ábyrgð á
árásunum strax í aðdraganda
þeirra. „Við sögðum sannleikann
eins og hann blasti við okkur,“
sagði Aznar.
Rannsókn leiddi í ljós að ís-
lamskir hryðjuverkamenn sem
tengjast al-Kaída stóðu að árás-
inni. Afstaða spænsku stjórnar-
innar, þegar fram komu vísbend-
ingar um aðild al-Kaída, ollu
mikilli reiði á Spáni og missti
stjórnin óvænt meirihluta sinn í
þingkosningum rétt eftir árás-
irnar.
Aznar sakaði Sósíalistaflokk-
inn, sem vann sigur í kosningun-
um, og fjölmiðla þeim hlið-
hollum um að hafa farið offari
eftir árásirnar og fram að kosn-
ingum. Hann sagði stjórn sína
hafa sætt ólýðræðislegum og
ósönnum ásökunum sem hefði
reynst henni dýrkeypt í kosning-
unum. ■
Vísuðu starfs-
leyfisumsókn frá
Mjöll-Frigg lagði ekki fram tilskilin gögn með starfsleyfisumsókn í
Kópavogi og var henni því vísað frá á fundi heilbrigðisnefndar bæjarins
í gær. Fyrirtækið var áður með starfsemi við Fossháls í Reykjavík.
IÐNAÐUR Umsókn Mjallar-Friggjar
um starfsleyfi við Vesturvör 30c á
Kársnesi í Kópavogi var vísað frá
á fundi heilbrigðisnefndar bæjar-
ins í gær vegna þess að gögn
skorti frá fyrirtækinu. Fyrirtækið
var áður með klórvinnslu og klór-
gasframleiðslu að Fosshálsi í
Reykjavík, en flutti starfsemina í
kjölfar eigendaskipta í byrjun
sumars.
Guðmundur Einarsson, fram-
kvæmdastjóri Heilbrigðiseftirlits
Hafnarfjarðar- og Kópavogs-
svæðis, segir að starfsemi hefði
ekki átt að hefjast í Kópavogi fyrr
en búið var að ganga frá bæði
forms- og öryggisatriðum henni
tengdri, en vitað er að fyrirtækið
flutti með sér þrýstihylki með
klórgasi og hóf vinnslu. Hann
taldi þó ekki að slíkar brotalamir
ættu eftir að hafa eftirmál. „Við
höfum enga ástæðu til að fara
með mál fyrir dómstóla, nema þá
að það sé eitthvað sem heldur
áfram.“
Guðmundur áréttar þó að fyr-
irtækið geti lagt inn starfsleyfis-
umsókn á ný þegar viðeigandi
gagna hefur verið aflað, en ekki
lágu fyrir byggingarnefndar-
teikningar sem þyrftu uppáskrift
slökkviliðs. Þá segir hann einnig
hægt að sækja um undanþágu frá
starfsleyfi til umhverfisráðherra.
Flutningur fyrirtækisins hefur
vakið nokkrar deilur í bæjarfélag-
inu og jafnvel talið að ekki sé
meirihluti fyrir því innan bæjar-
stjórnarinnar að veita Mjöll-Frigg
starfsleyfi. Fulltrúar Samfylking-
ar og Framsóknarflokks í bæjar-
stjórn höfðu lýst andstöðu sinni
við málið og að minnsta kosti einn
fulltrúi Sjálfstæðisflokks, að því
er heimildir blaðsins herma. Þá
liggur fyrir umsögn skipulags-
nefndar bæjarins frá því í októ-
berbyrjun þar sem segir að nefnd-
in leggist alfarið gegn klórgas-
framleiðslu á svæðinu. Í umsögn
Slökkviliðs höfuðborgarsvæðisins
vegna starfsleyfisumsóknarinnar
kemur fram að áhrifasvæði um-
hverfisslyss vegna þrýstigas-
hylkjanna utan um klórgasið sé
nokkuð stórt, eða tæpir 3 kíló-
metrar undan vindi, en á móti
kemur að mjög litlar líkur eru
taldar á óhappi.
Hinrik Morthens, eigandi eign-
arhaldsfélags Filtertækni og
Mjallar-Friggjar við Vesturvör,
kaus að svara ekki spurningum
blaðsins.
olikr@frettabladid.is
■ ASÍA
KLERKUR FYRIRSKIPAÐI MORÐ
Indverskur klerkur, sem notið hef-
ur mikillar hylli milljóna hindúa,
hefur viðurkennt að hafa ráðið
þrjá leigumorðingja til að myrða
embættismann í musteri sínu.
Hann sagði manninn hafa kvalið
sig og því hefði þurft að losna við
hann með öllum tiltækum ráðum.
SAUTJÁN SLÖSUÐUST Sautján slös-
uðust þegar öflugur jarðskjálfti
gekk yfir eyjuna Hokkaido, í norð-
urhluta Japans. 1.600 heimili urðu
rafmagnslaus og hættuástandi var
lýst yfir vegna ótta við að flóð-
bylgjur gengju á land. Íbúar óttast
þó að þetta sé aðeins forsmekkur-
inn að stærri skjálfta.
„Svarið er einfalt: Nei.“
Hjálmar Árnason alþingismaður vakti athygli fyrir
þau orð að endurskoða ætti stuðning stjórnvalda við
Íraksstríðið, en Davíð Oddsson sagði umræðuna
komna frá afturhaldskommatittum í Samfylkingunni.
SPURNING DAGSINS
Hjálmar, ert þú líka afturhalds-
kommatittur?
Mannréttindi:
Skorað á
Alþingi
STJÓRNMÁL Raoul Wallenberg
mannréttindastofnunin í Svíþjóð
hefur lýst yfir áhyggjum yfir til-
lögu meirihluta fjárlaganefndar
Alþingis um að hætta fjárveiting-
um til Mannréttindaskrifstofu Ís-
lands. Hefur hún þess vegna sent
Alþingi áskorun þar sem þing-
menn eru hvattir til að endur-
skoða tillöguna.
Telur stofnunin að það myndi
draga úr sjálfstæði stofnunarinn-
ar ef henni verður gert að sækja
um styrki til utanríkisráðuneytis-
ins og dómsmálaráðuneytisins
eins og gert er ráð fyrir í tillögu
fjárlaganefndar í stað þess að fá
föst framlög á fjárlögum eins og
verið hefur undanfarin ár.
Í áskoruninni segir einnig að
það myndi vekja efasemdir um
vilja íslenskra stjórnvalda til að
tryggja eftirlit með mannréttind-
um í landinu, ef fjárveitingum til
Mannréttinda-skrifstofu verði
hætt. Skrifstofan hefur meðal
annars sent frá sér skýrslur um
stöðu mannréttinda hér á landi. ■
Iyad Allawi:
Minna um
hryðjuverk
ÍRAK, AFP Dregið hefur úr ofbeld-
isverkum í Írak eftir árás banda-
rískra og íraskra hersveita á
Falluja, sagði Iyad Allawi, for-
sætisráðherra Íraks. „Umfang
glæpsamlegra aðgerða hefur
minnkað og heldur áfram að
minnka eftir aðgerðirnar í Fallu-
ja,“ sagði Allawi í sjónvarpsút-
sendingu þar sem hann svaraði
spurningum áhorfenda.
„Við höldum áfram að hreinsa
út hryðjuverkaöflin í Falluja og
undirbúum það að íbúarnir geti
snúið aftur til borgarinnar,“
sagði hann. ■
ÞÓRIR MARINÓ SIGURÐSSON OG
ÞÓRJÓN PÉTURSSON
Írak:
Íslendingar
við störf
FRIÐARGÆSLA Fyrir mánuði síðan
héldu Þórjón Pétursson og Þórir
Marinó Sigurðsson til Íraks til að
sinna friðargæslustörfum á vegum
bresks fyrirtækis. Þetta kom fram
í fréttum Stöðvar 2 í gærkvöld.
Báðir hafa starfað sem lögreglu-
menn. Utanríkisráðuneytið hefur
engar upplýsingar um veru mann-
anna í Írak.
Mennirnir tveir komust í fréttir
í fyrra, þegar þeir voru ákærður
fyrir ólöglega handtöku, ranga
skýrslugerð og brot í opinberu
starfi. Þeir voru fundnir sekir í
Héraðsdómi. Hæstiréttur sýknaði
Þóri í vor, en dæmdi Þórjón í
tveggja mánaða skilorðsbundið
fangelsi. ■
MANNRÁN Rætt hefur verið við á
annan tug manna sem lýsing níu
ára stúlku, sem rænt var í Kópa-
vogi á miðvikudaginn í síðustu
viku, getur átt við. Friðrik Smári
Björgvinsson, yfirlögregluþjónn
í Kópavogi, segir á þriðja tug
ábendinga hafa borist lögregl-
unni en engin þeirra hafi leitt til
handtöku.
Maðurinn rændi stúlkunni og
skildi hana eftir á Mosfellsheiði í
slyddu, roki og myrkri. Ekki er
talið að hann hafi beitt stúlkuna
kynferðislegu ofbeldi. Allar
ábendingar sem lögreglu hafa
borist eru vegna manna sem lýs-
ingin á við. Ekki hefur enn borist
ábending frá neinum sem telur
sig hafa séð stúlkuna fara upp í
bíl með manninum. Stúlkan segir
manninn hafa verið krúnurakað-
an, með gleraugu með svartri
umgjörð og með skeggtopp neð-
an við neðri vör. Bíllinn sem
maðurinn ók er rauður með
skotti, hugsanlega í líkingu við
Lexus. ■
Ábendingar berast vegna mannránsins í Kópavogi:
Lýsingin á við marga menn
FRÁ ÁLHÓLSVEGI
Bíllinn sem maðurinn ók er rauður með skotti, hugsanlega í líkingu við Lexus. Myndin
tengist efni fréttarinnar ekki með beinum hætti.
FR
ÉT
TA
B
LA
Ð
IÐ
/F
R
EY
R
AZNAR MÆTIR Á FUND ÞINGNEFNDARINNAR
Jose Maria Aznar sagði ósanngjarnt að áfellast stjórn sína fyrir að telja ETA hafa staðið fyrir
árásunum þar sem aðrir flokkar hefðu gert það líka.
VIÐ VESTURVÖR Í KÓPAVOGI
Starfsemi Mjallar-Friggjar hefur verið flutt frá Fosshálsi í Reykjavík að Vesturvör 30c á Kárs-
nesi í Kópavogi. Starfsleyfisumsókn fyrirtækisins hefur verið í meðförum bæjaryfirvalda í
Kópavogi síðan í júní í sumar, en var vísað frá á fundi heilbrigðisnefndar í gær.
FR
ÉT
TA
B
LA
Ð
IÐ
/E
.Ó
L