Fréttablaðið - 01.12.2004, Blaðsíða 4
Hannes Hólmsteinn:
Gefur víst út
fyrir jólin
BÓKAÚTGÁFA „Það sem gerði útslagið
var fjöldi áskorana frá fólki sem las
fyrsta bindið og sagði að ég mætti
ekki svíkja það um annað bindi,“
segir Hannes Hólmsteinn Gissurar-
son, en hann ætlar að gefa út annað
bindi ævisögu Halldórs Laxness
fyrir þessi jól, þrátt fyrir að Al-
menna bókafélagið ætli ekki að gefa
það út.
Hannes hefur leitað til forlags-
ins Bókafélagið og telur einsýnt að
það muni gefa bókina út um 10. des-
ember „ef Guð og Laxness-fjöl-
skyldan lofar“, en Hannes óttast að
ættingjar Halldórs Laxness reyni
að fá lögbann á verkið.
Komin er út önnur ævisaga um
Laxness eftir Halldór Guðmunds-
son. Aðspurður hvort hann telji að
það séu markaðslegar forsendur
fyrir annarri bók um Halldór Lax-
ness fyrir jólin og hvort það sé ekki
fjárhagslegt glapræði að gefa bók-
ina út svona seint, segir Hannes það
ekki skipta sig máli. „Ég er ekki að
etja kappi við Halldór Guðmunds-
son og skrifaði ekki bókina til þess
að græða, heldur til þess að lesend-
ur myndu græða.“ - bs
4 1. desember 2004 MIÐVIKUDAGUR
Atkvæðagreiðsla kennara:
Talið um helgina
KENNARAVERKFALLIÐ Atkvæða-
greiðslu um kjarasamning kenn-
ara lýkur í dag klukkan sex og fara
öll atkvæði í póst til Kennarasam-
bandsins í dag. Valgeir Gestsson,
starfsmaður kjörstjórnar, segist
eiga von á fyrstu stóru atkvæða-
bunkunum í dag en nokkur at-
kvæði höfðu borist í gær.
Kennarasambandið gefur trúnað-
armönnum og starfsmönnum
póstsins frest fram að helgi til að
skila inn atkvæðunum.
Atkvæðagreiðslu var sums
staðar nánast lokið þegar Frétta-
blaðið hafði samband við trúnaðar-
menn í nokkrum skólum í gær.
Þannig voru nánast allir búnir að
greiða atkvæði í Lindaskóla,
stærsta grunnskólanum í Kópa-
vogi, og atkvæðagreiðslan var
komin vel á veg í Rimaskóla í
Grafarvogi.
Starfsmenn kjörstjórnar loka
að sér um helgina til að telja at-
kvæðin en stefnt er að því að úrslit
liggi fyrir fyrir hádegi á mánudag.
Aðeins þarf einfaldan meirihluta
greiddra atkvæða til að samþykkja
samninginn. - ghs
VIÐSKIPTI Baugur hefur lýst sig til-
búinn að greiða 95 pens fyrir
hvern hlut í Big Food Group.
Verðmæti Big Food er samkvæmt
þessu verði ríflega 40 milljarðar
króna. Með fjármögnun skulda
yrði heildarumfang viðskiptanna
milli 85 og 90 milljarðar króna.
Baugur á fyrir 22 prósenta hlut í
Big Food.
Stjórn Big Food hefur lýst sig
samþykka yfirtökuverðinu. Ekki
hefur þó enn verið lagt fram
formlegt tilboð, en samkvæmt
upplýsingum frá Baugi er stemmt
að því að ljúka undirbúningi yfir-
töku Big Food fyrir 17. desember.
Um síðustu helgi höfðu breskir
fjölmiðlar eftir stjórn Big Food að
þeir hefðu hafnað boði upp á 95
pens á hlut. Í upphafi yfirtöku-
ferlisins var gert ráð fyrir að yfir-
tökutilboð hljóðaði upp á 110 pens
á hlut. Þrátt fyrir lækkunina
verða kaupin á Big Food stærsta
fjárfesting íslensks fyrirtækis frá
upphafi. Kaup KB banka á FIH-
bankanum í Danmörku hljóðuðu
upp á 84 milljarða.
Samkvæmt heimildum Frétta-
blaðsins stóð stjórn Big Food föst
á því að yfirtakan yrði á 110 pens-
um. Hún lækkaði sig síðan og stóð
fast á því að tilboð yrði ekki lægra
en 100 pens á hlut. Talsvert þjark
var um lífeyrisskuldbindingar
Big Food og leit út fyrir það á
tímabili að þær gerðu út af við
viðskiptin. Lending hefur nú
náðst og stærstu hindrunum þess
að samningar náist verið rutt úr
vegi.
Samningsstaða Baugs var
sterkari, þar sem vitað var að
gengi Big Food myndi hrapa ef
viðskiptin yrðu blásin af. Orðróm-
ur á breskum markaði gerði ráð
fyrir að gengi bréfa Big Food gæti
lækkað allt niður í 60 pens. Haft
er eftir Bill Grimsey, stjórnarfor-
manni Big Food, í netútgáfu The
Scotsman, að rýrari sölutölur frá
því að Baugur hóf viðræður um
yfirtöku þýddu að stjórnin sé
reiðubúin að samþykkja það verð
sem Baugur hefur boðið.
Velta Big Food Group er yfir
600 milljarðar íslenskra króna og
hjá fyrirtækinu starfa 32 þúsund
manns í á níunda hundrað versl-
unum lágvörukeðjunnar Iceland
og gripið og greitt verslanana
Booker. Meirihluti fjármögnunar
kaupanna er í höndum erlendra
banka.
haflidi@frettabladid.is
BSRB:
Lausir
samningar
KJARAMÁL Samningar flestra
aðildarfélaga BSRB voru lausir
frá og með 30. nóvember. Ekki
hafa öll félögin þegar mótað
kröfugerð sína og byrjað samn-
ingagerð við ríki og sveitarfélög.
Þau þurfa að vinna nú að því
hörðum höndum því að samninga-
fundir munu hefjast innan tíðar.
Samningar aðildarfélaga BSRB
ná til allt að 18 þúsund félags-
manna víðs vegar um landið og
má búast við að 70-80 prósent
þeirra séu með lausa samninga
frá og með þessum mánaðamót-
um. ■
KÆRA KÁF ÖRYGGISVARÐA Um
250 konur hafa kvartað undan
kynferðislegri áreitni síðan
öryggisverðir á flugvöllum
byrjuðu að þukla á farþegum til að
athuga hvort þeir bæru vopn eða
sprengjur á sér. Leita á leiða til að
stunda leitina með öðrum hætti.
VÍSAÐ FRÁ Hæstiréttur
Bandaríkjanna neitaði að taka
fyrir áfrýjun á dómi Hæstaréttar
Massachusetts sem kvað upp
þann dóm að það stríddi gegn
stjórnarskrá ríkisins að banna
hjónabönd samkynhneigðra.
Ákvörðunin kom ekki á óvart þar
sem málið á enn eftir að fara
fyrir lægri dómsstig.
■ BANDARÍKIN
Hefurðu rekist á spænska
risasnigilinn?
Spurning dagsins í dag:
Opnaðir þú jóladagatal í morgun?
Niðurstöður gærdagsins
á visir.is
7,3%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Þórsmörk:
Heitt vatn í
Húsadal
BORHOLA Um síðustu helgi var
lokið við að bora rúmlega kíló-
metra djúpa holu í Húsadal í
Þórsmörk. Borun á þeim stað
hafði fyrir fjórum árum gefið
fyrirheit um jarðhita. Holan gef-
ur í sjálfrennsli um tvo og hálfan
lítra á sekúndu af um 40˚C heitu
vatni.
Holan er nú að jafna sig eftir
borun og á eftir að hitna eitt-
hvað. Með virkjun holunnar er
talið líklegt að ná megi upp um
50-60˚C heitu vatni.
Kynnisferðir ehf., sem reka
ferðaþjónustu í Húsadal, segja
að aðgerðin hafi heppnast vonum
framar og að heita vatnið muni
stórbæta alla aðstöðu félagsins í
Þórsmörk. - ss
Ábyrgðasjóður launa:
Mikil fjölgun
gjaldþrota
GJALDÞROT Greiðslur úr Ábyrgða-
sjóði launa tvöfölduðust á árun-
um 2001 til 2003, eftir því sem
fram kemur í álitsgerð sem
Vinnumálastofnun og stjórn
Ábyrgðasjóðs launa létu taka
saman. Þar kemur fram að útlit
sé fyrir að útgjöld sjóðsins muni
nema um 800 milljónum króna á
þessu ári.
Í álitinu kemur einnig fram að
forsvarsmenn gjaldþrota fyrir-
tækja eigi hægt með að stofna ný
félög. 490 einstaklingar hafi ver-
ið stjórnarmenn í tveimur félög-
um, eða fleirum, sem skráð voru
í Hlutafélagaskrá og hafa verið
úrskurðuð gjaldþrota á síðast-
liðnum fjórum árum. Einn ein-
staklingur var stjórnarmaður í
tíu félögum eða fleirum sem
voru úrskurðuð gjaldþrota á
sama tíma.
- ss
Óvinir allt um kring
Vítahringur fjallar um
þræla, kappa, bardaga,
galdra og strák sem reynir
að lifa eðlilegu lífi - en
það reynist ekki auðvelt.
Ný frábær saga frá
verðlaunahöfundinum
Kristínu Steinsdóttur
„Með hlýlegum og glaðlegum
stíl sínum hefur Kristín náð
vel til lesenda ... Kristín og
Halla Sólveig hafa unnið vel
saman að því að færa
nútímabörnum heim
fornsagnanna ljóslifandi og
eðlilegan.“
- Hrund Ólafsdóttir, Mbl.
92,7%
ATKVÆÐAGREIÐSLA Í RIMASKÓLA
Frestur til að greiða atkvæði vegna kjara-
samnings kennara rennur út klukkan sex
í dag. Niðurstaða atkvæðagreiðslunnar
liggur fyrir fyrir hádegi á mánudag.
SIGUR Í VERÐSTRÍÐI
Forstjóri og stjórnarformaður Baugs geta verið sáttir með að yfirtökuverð Baugs í Big Food
Group lækkaði úr 110 pensum á hlut í 95. Erfiðustu hjallarnir í yfirtökunni eru að baki og
stefnt að því að lagt verði fram formlegt yfirtökutilboð fyrir 17. desember.
FR
ÉT
TA
B
LA
Ð
IÐ
/G
VA
Samið um verð á
Big Food Group
Samstaða hefur náðst milli Baugs og stjórnar Big Food Group um verð
fyrir breska fyrirtækið. Baugur náði að lækka verðið umtalsvert.
Helstu hindrunum hefur verið rutt úr vegi.