Fréttablaðið - 06.12.2004, Blaðsíða 14

14
2.114 NÁMU VIÐSKIPTA-
OG HAGFRÆÐI
Tölurnar eru fyrir árið 2003 og eru sam-
kvæmt Landshögum Hagstofunnar
SVONA ERUM VIÐ
Ríkisstjórnin hefur samþykkt að
hækka áfengisgjald á sterkt vín og
tóbaksgjald um sjö prósent. Edda
Sigurjónsdóttir ljósmyndari segist
ekki sjá neitt sérstakt að því að þessi
gjöld séu hækkuð.
„Mér finnst þetta bara allt í lagi því
bæði áfengi og tóbak eru heilsuspill-
andi,“ segir Edda. „Reyndar finnst
mér áfengi almennt vera svolítið dýrt
en mér er alveg sama um tóbakið -
ég er á móti tóbaki.“
Ýmsir hafa gagnrýnt hátt verð á
áfengi og sagt það draga úr tekjum
Íslendinga af ferðamönnum. Ferða-
menn setji það fyrir sig að kaupa
áfenga drykki á öldurhúsum landsins
beinlínis vegna þess að þeir séu svo
dýrir. Edda segist sammála þessu.
„Ég þekki margt fólk sem kemur
reglulega hingað til lands í heimsókn
og það kvartar mest undan því
hversu allt sé dýrt á börunum í
Reykjavík. Ég get því alveg tekið undir
það að það er fáránlega dýrt að
kaupa vín á veitingahúsum.“
Stjórnarandstaðan hefur bent á að
hækkun áfengisgjalds og tóbaks-
gjalds sé liður í því að fjármagna
boðaðar skattalækkanir á næsta ári.
Edda segist draga þetta í efa.
„Ég er hins vegar hlynnt því að jaðar-
skattar verði lækkaðir frekar en tekju-
skatturinn.“
EDDA SIGURJÓNSDÓTTIR
Sátt við
hækkun gjalda
ÁFENGIS- OG TÓBAKSGJALD
SJÓNARHÓLL
Níu mánuðum eftir að Sigurður Ingi
Jónsson, oddviti Frjálslynda flokksins í
Reykjavíkurkjördæmi norður fyrir síð-
ustu þingkosningar, sagði sig úr flokkn-
um vegna óánægju með stefnu flokks-
ins og varaformanninn segir hann flokk-
inn ekkert hafa breyst en heldur opnum
þeim möguleika að snúa aftur og taka
þátt í hallarbyltingu gegn forystunni.
„Ég er náttúrlega mjög ósáttur við þá
stefnu sem flokkurinn hefur tekið. Mér
finnst framganga flokksins hafa ein-
kennst af verkalýðsforystutilburðum fyrir
smábátasjómenn og ganga þvert á yfir-
lýsta stefnu um að flokkurinn sé hægra
megin við miðju í stjórnmálum, mér
finnst hann vera miklu meira út í að
vera sósíalískur flokkur.“
Kornið sem fyllti mælinn var þegar
Magnús Þór Hafsteinsson varaformaður
var valinn þingflokksformaður. Sigurður
var ósáttur við að hann talaði þvert á
stefnu flokksins í nokkrum málum og
ekki síður sum skrif hans á spjallvef, svo
sem þegar hann lagði til að sprengjum
yrði varpað á nokkra forystumenn Sjálf-
stæðisflokksins. Sigurður segist ekki sjá
að úrsögn sín hafi breytt neinu um
framferði Magnúsar.
„Þó ég sé ekki í flokknum er ég í góðu
sambandi við ýmsa í flokknum, bæði í
miðstjórn og þingflokki. Ég kvaddi með
þeim orðum að ég myndi ekkert gera
með eða fyrir þennan flokk undir nú-
verandi forystu og að ef ég kæmi aftur
til flokksins væri það til að taka þátt í
hallarbyltingu. Auðvitað brýst það í
manni,“ segir Sigurður Ingi sem telur að
ef ekkert verði að gert lognist flokkurinn
út af og hverfi í næstu kosningum.
Styddi hallarbyltingu í sósíalískum flokki
EFTIRMÁL: SIGURÐUR INGI JÓNSSON
6. desember 2004 MÁNUDAGUR
Hótel miðborg Reykjavík
Fyrir nokkrum árum var eitt hótel í hjarta miðborgar Reykjavíkur auk tveggja í næsta nágrenni.
Hugmyndir voru uppi um að loka því og breyta í skrifstofur. Síðan hafa fimm bæst í hópinn, tvö
eru í byggingu og eitt á teikniborðinu.
HÓTEL Hótel Borg við Pósthús-
stræti í Reykjavík var tekið í
notkun í janúar 1930. Bygging
þess sætti tíðindum, það var
glæsilegt í alla staði, glæsilegra
en önnur hótel á Íslandi. Lengi var
Borgin aðalhótelið í borginni en
þegar leið fram á öldina bættust
fleiri í hópinn, til dæmis Saga,
Holtið og Loftleiðir.
Erfiðir tímar gengu í garð og
Hótel Borg mátti muna sinn fífil
fegri. Reksturinn gekk brösug-
lega og sá dagur kom að ekki var
einsýnt um framhald hótelrekst-
urs í húsinu. Fyrir hálfum öðrum
áratug voru uppi hugmyndir um
að gera húsnæðið að skrifstofuað-
stöðu fyrir Alþingi en frá þeim
var horfið, sem betur fer sjálf-
sagt. Meðal þess sem mælti gegn
hugmyndinni var að engin væri
miðborgin án hótels. Engu að
síður stóð Hótel Holt í miðborgar-
jaðrinum við Bergstaðastræti og
City hótel var við Ránargötu.
Nú er öldin önnur og fimm ný
miðborgarhótel hafa bæst við.
Hótel Klöpp var opnað fyrir
nokkrum árum á horni Klappar-
stígs og Hverfisgötu, Skjaldbreið
stendur við Laugaveginn, Studios
er íbúðahótel í Ísafoldarhúsinu
við Þingholtsstræti, 101 hótel er á
horni Ingólfsstrætis og Hverfis-
götu og Hótel Plaza stendur við
Aðalstrætið.
Iðnaðarmenn eru í óða önn að
gera Reykjavík Centrum við Aðal-
stræti 10-12 gistihæft og sömu-
leiðis Hótel 1919 í gamla Eim-
skipafélagshúsinu. Er þar skrif-
stofum breytt í hótelherbergi, öf-
ugt við hugmyndirnar um Borg-
ina á sínum tíma þar sem breyta
átti hótelherbergjum í skrifstofur.
Þá er á teikniborðinu hótel-
bygging í tengslum við nýtt
tónlistar- og ráðstefnuhús við
höfnina.
Er þá ótalinn fjöldi gistiheimila
af ýmsum stærðum og gerðum í
og við miðborgina.
Fjölgun hótela hefur verið í
eðlilegu hlutfalli við fjölgun
ferðamanna til landsins. „Árið
1990 komu hingað 141 þúsund
ferðamenn en allt stefnir í að þeir
verði um 350 þúsund á þessu ári.
Einhvers staðar þarf allt þetta
fólk að gista og þegar dvalarstað-
ur í borgum er ákveðinn skiptir
þrennt máli; staðsetning, stað-
setning og staðsetning,“ segir
Þorleifur Þór Jónsson, hagfræð-
ingur Samtaka ferðaþjónustunn-
ar. Í ferðafræðunum er það þekkt
að hótel hafa styrk hvert af öðru,
það er hagur eins að fá annað í
túnfótinn. Slíkt gerir stórum hóp-
um kleift að dvelja í nábýli ef ekki
komast allir fyrir á einu hóteli.
Óvíst er hve lengi núverandi
gistirými í miðborginni nægir og
sá dagur kemur eflaust fyrr en
síðar að fjölga þarf hótelum enda
öll teikn í þá átt að ferðamönnum
fjölgi enn frekar á komandi árum.
bjorn@frettabladid.is
SIGURÐUR INGI JÓNSSON
Sagði sig úr Frjálslynda flokknum, ósáttur
við stefnuna og varaformanninn.
HERBERGJAFJÖLDI
MIÐBORGARHÓTELA:
Hótel Borg 51
Hótel Holt 42
City hótel 31
Hótel Klöpp 46
Skjaldbreið 33
Studios 20
101 hótel 40
Hótel Plaza 80
1919 70
Reykjavík centrum 90
Hótel í tónlistarhúsi 200
HÓTEL BORG
Var tekið í notkun 1930. Um tíma voru uppi hugmyndir um að breyta hótelinu í skrifstof-
ur fyrir Alþingi.
1919
Ferðaskrifstofan Heimsferðir stendur að
breytingu skrifstofuhúsnæðis í hótel.
HÓTEL PLAZA
Eitt nýjasta hótelið í bænum. Stendur í
Aðalstræti við Ingólfstorg.
101 HÓTEL
Tók til starfa á síðasta ári og hefur vakið
mikla athygli fyrir hönnun og stíl.
FR
ÉT
TA
B
LA
Ð
IÐ
/E
.Ó
L.
FR
ÉT
TA
B
LA
Ð
IÐ
/P
JE
TU
R