Fréttablaðið - 07.12.2004, Blaðsíða 6
6 7. desember 2004 ÞRIÐJUDAGUR
SKATTAR Til greina kemur að
breyta skattlagningu nýbygginga
þannig að fasteignagjöld yrðu
ákvörðuð oftar en um áramót eins
og nú er gert. Talið er að sveitar-
félögin geti aukið tekjur sínar um
150 til 200 milljónir á ári með
breytingunum.
Haukur Ingibergsson, forstjóri
Fasteignamats ríkisins, segir
dæmi um að menn dragi að skrá
byggingar fram yfir áramót og
spari þannig skattgreiðslu í nær
heilt ár. Uppi séu hugmyndir um
að fasteignir verði skattlagðar
þegar þær komist á ákveðið bygg-
ingarstig hvenær sem er ársins.
Haukur segir að Fasteignamatinu
sé ekkert að vanbúnaði til að taka
upp breytt kerfi en það sé félags-
málaráðherra að taka ákvörðun
um hvort það verði gert.
Sveitarfélög nota fasteigna-
skrá sem gefin er út um áramót til
að meta álagningu fasteigna-
gjalda. Gunnar Svavarsson, for-
seti bæjarstjórnar Hafnarfjarðar,
segir mikilvægt að breyta þessu
til að jafnræði skapist á milli íbúa
auk þess sem sveitarfélögin verði
af umtalsverðum tekjum ár hvert
með núverandi fyrirkomulagi.
Hann telur að skattgreiðslur geti
munað tugum þúsunda milli heim-
ila eftir því hvort þau séu metin
fyrir áramót eða eftir.
- ghg
BÆJARSTJÓRN Seinni umræða um
fjárhagsáætlun Hafnarfjarðar-
bæjar fyrir árið 2005 verður lögð
fyrir bæjarstjórn í dag. Gert er
ráð fyrir rúmum 50 milljörðum í
afgang A-hluta bæjarsjóðs, sem
er um 76 milljarða betri afkoma
en spáin fyrir núverandi ár segir
til um. Fulltrúi sjálfstæðismanna
segir stöðuna líta betur út en hún
er í raun og veru vegna hagstæðr-
ar gengisþróunar.
Gert er ráð fyrir sjö prósenta
fjölgun íbúa Hafnarfjarðar að með-
altali næstu fjögur árin. Lúðvík
Geirsson, bæjarstjóri Hafnarfjarð-
ar, segir að fjölgunin á þessu ári sé
hátt í fjögur prósent, sem er um
þúsund manns, en fjölgunin á næsta
ári verði hátt í 15 prósent. Meðal
annars vegna íbúafjölgunar er gert
ráð fyrir að skatttekjur bæjarsjóðs
aukist um tæpan hálfan milljarð og
verði rúmir 5,8 milljarðar árið 2005.
„Við ætlum ekki að auka hér við
skuldir,“ segir Lúðvík. „Aukin íbúa-
fjölgun þýðir aukin þjónusta, en við verðum að halda skynsamlega utan
um það. Það hjálpar til að nú eru
uppgangstímar.“
Á fundi í dag verður lögð fram
tillaga um hagræðingu upp á um
100 milljónir vegna launahækk-
ana kennara og segir Lúðvík að
þeirri hagræðingu verði dreift á
milli málaflokka, en ekki komi til
hækkunar útgjalda.
Magnús Gunnarsson, oddviti
sjálfstæðismanna í bæjarstjórn,
segir vekja athygli að verið sé að
reka bæjarsjóð með tapi, sé ekki
tekið tillit til fjármagnsliða. „Tap-
ið er 3-400 milljónir. Auðvitað er
sveitarfélagið í töluverðum
vanda.“ Þá segir Magnús að geng-
isþróunin snarbæti stöðuna, því
90 prósent af skuldum séu í er-
lendum gjaldmiðlum. Það sé því
lækkandi gengi dalsins sem geri
það að verkum að skuldir virðast
minnka, en ekki að það sé verið að
borga skuldir niður.
Frá árinu 1998 til 2001 höfðu
skuldir sem hlutfall af skatttekj-
um hækkað úr því að vera tæp 183
prósent í rúm 193 prósent. Þrátt
fyrir að skuldir hafi aukist frá
1998 úr rúmum 7,5 milljörðum í
tæpa níu milljarða 2003, lækkuðu
skuldir sem hlutfall af skatttekj-
um árið 2002 og aftur 2003. ■
VIÐ TÖLVU
Vinsældir netauglýsinga hafa aukist mikið í
Bandaríkjunum.
Bandarískar netaug-
lýsingar:
30 prósenta
aukning
AUGLÝSINGAR Eyðsla í netauglýs-
ingar í Bandaríkjunum mun enda
í 9,4 milljörðum Bandaríkjadala
við lok þessa árs, eða um 600
milljörðum króna.
Um er að ræða 30% aukningu
frá því á síðasta ári. Þetta er jafn-
framt fjórum sinnum meiri vöxt-
ur en vöxtur bandaríska auglýs-
ingaiðnaðarins í heild sinni á ár-
inu.
Því hefur verið spáð að netaug-
lýsingar verði 4% af auglýsinga-
markaðinum á næsta ári og að
eyðsla í þær muni aukast í um 700
milljarða króna. Ein helsta ástæð-
an fyrir auknum fjárfestingum í
netauglýsingum er sú að auglýs-
ingum sem er varpað yfir allan
skjáinn hefur fjölgað til muna,
auk þess sem hraðinn á netinu
hefur margfaldast. ■
JARÐSPRENGJUR SPRENGDAR
Síðustu jarðsprengjunum í
vopnabúri máritanska hersins
var eytt í gær, samtals 5.000
sprengjum. Mikið er þó eftir af
jarðsprengjum í Máritaníu en
talið er að milli 50 og hundrað
þúsund slíkar séu grafnar í jörð,
einkum eftir stríð um yfirráð í
Vestur-Sahara 1975 til 1979.
■ AFRÍKA
VEISTU SVARIÐ?
1Hvað heitir ný viðbót við tölvuleikinnEVE Online sem von er á?
2Hvað ætlar Öryrkjabandalagið aðgera?
3Hvað heitir forstjóri Náttúrufræði-stofnunar Íslands?
Svörin eru á bls. 34
www.edda.is
SAGAN ÖLL!
Öldin ellefta
– Minnisverð tíðindi 1001-1100
Þróun kirkju og höfðingjavalds.
Víðförlir ævintýramenn og –konur.
Mótun menntastéttar.
„Með útkomu þessara tveggja binda er lokið útgáfu einhvers vinsælasta
bókaflokks, sem út hefur verið gefinn hér á landi. Óskar Guðmundsson er
sem fyrr naskur á að finna forvitnilegt efni og hefur víða leitað fanga ... Öll
frásögn hans er framúrskarandi lífleg og skemmtileg aflestrar.“
Jón Þ. Þór, Mbl.
Óskar Guðmundsson
„Verður að hrósa útgefendum fyrir að hafa tekið
þennan lokahnykk í útgáfu safnsins og Óskari fyrir að
hafa á líflegan og ljósan hátt endurskapað þann
veruleika sem heimildir hans geyma.“
Páll Baldvin Baldvinsson, DV
Landnámsöldin
– Minnisverð tíðindi 874-1000
Landnámið, trúardeiglan, mótun
samfélagsins. Hvaðan komum við
í raun og hver erum við?
FRJÁLST VAL
Ungir sjálfstæðismenn vilja að almenning-
ur velji sjálfur hvaða listamenn njóti
styrkja. Því væri nær að afnema heiðurs-
laun listamanna en að hækka þau.
SUS og heiðurslaunin:
Eru á móti
hækkunum
STJÓRNMÁL Almenningur á að geta
valið hvort hann styður listafólk og
hvers konar menningar hann nýtur.
Þetta kemur fram í ályktun stjórnar
Sambands ungra sjálfstæðismanna
þar sem óánægju er lýst með þá
ákvörðun Alþingis að auka útgjöld
til heiðurslauna listamanna.
Telur stjórnin að unnt sé að
spara skattgreiðendum það fé sem
rennur úr ríkissjóði til hvers kyns
menningarstarfsemi. Því væri nær
að afnema heiðurslaun listamanna
en að hækka framlög til þeirra.
- ghg
ÚKRAÍNA, AFP Viktor Janúkovitsj,
forsætisráðherra Úkraínu, hét því
í gær að taka þátt í endurtekningu
seinni umferðar forsetakosning-
anna sem fram fara 26. desember.
Fyrr um daginn hafði Leoníd Kút-
sjma forseti í raun hvatt
Janúkovitsj til að draga sig í hlé.
„Ég ég væri hann, myndi ég
ekki undir nokkrum kringum-
stæðum halda áfram í framboði,“
sagði Kútsjma í viðtali við The
New York Times. „Ég útiloka ekki
að við höfum þjóðaratkvæða-
greiðslu frekar en kosningu með
einum frambjóðanda,“ sagði Kút-
sjma og benti á að þannig gætu
kosningarnar snúist um hvort fólk
segði já eða nei við því að Viktor
Júsjenkó yrði næsti forseti Úkra-
ínu.
„Ég sæti þrýstingi en ákvörðun
mín er engum vafa undirorpin. Ég
held baráttunni áfram vegna þess
að það eru milljónir Úkraínu-
manna sem styðja mig,“ sagði
Janúkovitsj.
Vladimir Pútín Rússlandsfor-
seti, sem stutt hefur Janúkovitsj,
sagðist í gær reiðubúinn til að
vinna með hverjum þeim sem yrði
kjörinn forseti Úkraínu. ■
NÝBYGGINGAR
Fasteignaeigendur geta sparað tugi þús-
unda í fasteignagjöld með því að draga að
skrá nýbyggingar á fasteignaskrá fram yfir
áramót. Til greina kemur að breyta kerfinu.
Breytt innheimta fasteignagjalda:
200 milljónum meira
til sveitarfélaganna
MÓTMÆLENDUR GANGA Í HJÓNABAND
Deilur um kosningarnar í síðasta mánuði hafa gjörbreytt áformum og aðstæðum milljóna
Úkraínumanna. Þessir mótmælendur létu þó ekkert koma í veg fyrir að þeir gengju í
hjónaband.
Kútsjma vill að Janúkovitsj dragi sig í hlé en verður ekki að ósk sinni:
Júsjenkó ætlar að berjast áfram
LÚÐVÍK GEIRSSON
Bæjarstjóri Hafnarfjarðar segir að ekki verði aukið við skuldir bæjarsjóðs á næsta ári. Miklar
framkvæmdir eru fyrirhugaðar. Meðal annars á að byggja skóla og sundlaug í Vallarhverfi.
Gengisþróun góð
fyrir bæjarsjóð
Gert er ráð fyrir 50 milljarða afgangi bæjarsjóðs Hafnarfjarðar á næsta
ári. Stjórnarandstaðan segir að enn sé bæjarsjóður rekinn með tapi og
hagstæð gengisþróun snarbæti annars slæma stöðu.
Fljótsdalshérað:
Byggðar-
merkis leitað
SVEITARSTJÓRN Ákveðið hefur verið
að efna til hugmyndasamkeppni um
nýtt byggðarmerki Fljótsdalshér-
aðs, sem til varð með sameiningu
sveitarfélaga á árinu.
Á vef Fljótsdalshéraðs kemur
fram að tákn merkisins skuli hafa
tilvísun í áberandi einkenni úr nátt-
úru sveitarfélagsins, sögu þess eða
ímynd. Skilyrði er að merkið hafi
skjaldarlögun, sé í samræmi við
meginreglur skjaldarmerkjafræð-
innar og uppfylli reglur um byggð-
armerki. Verðlaunaupphæð er
250.000 krónur og frestur til að
skila tillögum er til 20. janúar 2005.
Nánari upplýsingar á els.is. - þlg