Fréttablaðið - 27.08.2004, Blaðsíða 10
10 27. ágúst 2004 FÖSTUDAGUR
MATUR OG VATN Í DARFUR
Ýmsar hjálparstofnanir hafa brugðist skjótt
við neyðarástandinu í Darfur í Súdan og
hafa nú matar- og vatnsbirgðir borist til
verstu svæðanna. Enn er mikið verk óunn-
ið enda um afar víðfeðmt svæði að ræða
og vegir eru af skornum skammti.
Nemendum Menntaskólans á Ísafirði fjölgar:
Fleiri Vestfirðingar
í framhaldsnám
SKÓLAMÁL Nemendum Mennta-
skólans á Ísafirði fjölgar um 20%
milli ára. Það er áhugaverð þróun
í byggðarlagi þar sem íbúum fer
fækkandi, segir Ólína Þorvarðar-
dóttir, skólameistari Menntaskól-
ans.
Ólína segir skólann ekki rúma
fleiri nemendur. „Ef við sjáum
fram á áframhaldandi fjölgun
köllum við eftir auknu húsnæði,
en við vitum ekki hvort þetta er
bóla eða þróun sem er komin til að
vera. Þannig að við ætlum að sjá
hverju fram vindur þegar líður á
árið,“ segir Ólína og bætir við:
„Við getum ekki tekið við fleirum
nemendum og höfum þurft að vísa
fólk frá eins og aðrir; þó ekki í
sama mæli og ekki nemendum frá
Vestfjörðum.“
Um 430 nemendur verða í
vetur við skólann, sem settur var
í 35. sinn á miðvikudag. Ólína seg-
ir nýnemum fjölga mest en einnig
hafi brottfall nemenda minnkað
enda hafi verið unnið markvisst
gegn brottfalli síðustu þrjú ár. Tíu
nýir starfsmenn, þar af sjö kenn-
arar, hefja störf við skólann. ■
STJÓRNSÝSLUÚTTEKT Fjórðungs-
sjúkrahúsið á Akureyri stenst
fyllilega samanburð við Land-
spítala - háskólasjúkrahús og
hliðstæð sjúkrahús í Bretlandi
þegar metin eru afköst og gæði
þeirrar þjónustu sem veitt er.
Þetta er niðurstaða stjórnsýslu-
úttektar Ríkisendurskoðunar á
sjúkrahúsinu.
Gagnrýnt er að uppbygging
sjúkrahússins hafi verið ómark-
viss undanfarin ár og almannafé
illa nýtt, auk þess sem ekki hafi
tekist að halda kostnaði við
rekstur þess innan heimilda
fjárlaga. ■
CHILE, AP Hæstiréttur í Chile í Suð-
ur-Ameríku úrskurðaði í gær að
Augusto Pinochet, fyrrverandi
einræðisherra, nyti ekki lengur
friðhelgi frá lögsóknum.
Nú er talið víst að Pinochet
verði ákærður fyrir víðtæk mann-
réttindabrot. Hann er talinn bera
ábyrgð á pyntingum og dauða þús-
unda samlanda sinna á áttunda og
níunda áratug síðustu aldar.
Fjöldi ættingja fólks sem hvarf
á meðan Pinochet var við völd
kom saman fyrir framan Hæsta-
rétt og hrópaði slagorð. Mikil
fagnaðarlæti brutust út þegar
ljóst var að Pinochet nyti ekki
lengur friðhelgi. Hæstiréttur
hafði áður úrskurðað að hinn 88
ára gamli fyrrverandi einræðis-
herra nyti friðhelgi vegna slæms
heilsufars. ■
Bandaríkjastjórn:
Vilja verja
farþegavélar
TÆKNI Bandarísk stjórnvöld hafa
veitt tæpum sjö milljörðum
króna til tveggja fyrirtækja sem
vinna að leiðum til að verja far-
þegaflugvélar fyrir flugskeyta-
árásum af jörðu niðri. Hvort
fyrirtæki um sig fær sem nem-
ur 3,5 milljörðum króna en sú
tækni sem til er í dag og notuð í
herflugvélar af ýmsum tegund-
um er of kostnaðarsöm til að
nota í farþegavélar. Mikil hætta
stafar af flugskeytum víða enda
er um ódýr, létt og einföld tæki
að ræða. Slíku flugskeyti var
meðal annars skotið að farþega-
vél ísraelska flugfélagsins El Al
á síðasta ári. ■
ÓLÍNA ÞORVARÐARDÓTTIR
„Það er gleðiefni að aðsókn Vestfirðinga er að aukast. Í því felst tiltrú og traust sem við
viljum gjarnan standa undir,“ segir Ólína, skólameistari á Ísafirði.
FR
ÉT
TA
B
LA
Ð
IÐ
/G
VA
Sjúkrahúsið á Akureyri:
Stenst samanburð
AKUREYRI
Fjórðungssjúkrahúsið á Akureyri stenst
samanburð við Landspítalann.
ÆTTINGJAR FAGNA
Fjöldi ættingja fólks sem hvarf á
meðan Pinochet var við völd
kom saman fyrir framan hæsta-
rétt Chile og hrópaði slagorð.
AUGUSTO PINOCHET
Talið er að þess verði ekki langt að bíða að Pinochet verði ákærður fyrir fjölda mann-
réttindabrota sem hann framdi á áttunda og níunda áratug síðustu aldar.
Hæstiréttur úrskurðar um fyrrum einræðisherra:
Pinochet nýtur ekki
lengur friðhelgi
10-11 26.8.2004 20:44 Page 2