Fréttablaðið - 27.08.2004, Blaðsíða 49

FÖSTUDAGUR 27. ágúst 2004
debenhams
S M Á R A L I N D
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
EB
2
56
70

08
/2
00
4
E-kortshafar fá 2,5% endurgreiðslu
af því sem keypt er í Debenhams.
Nýtt og freistandi
í Debenhams
Þegar þú klæðist vönduðum og vel sniðnum kvenfatnaði frá
Dominique er vaxtarlag ekkert vandamál. Þessar frábæru
vörur, í stærðum 40-56, fást nú hjá Debenhams og auka
enn á ótrúlega fjölbreytt vöruúrval í kvenfatadeild.
Njóttu þess
að vera þú sjálf
[ KVIKMYNDIR ]
UMFJÖLLUN
Heimildarmynd Morgans Spur-
lock, Super Size Me, er skemmti-
legasti hollustuáróður sem ég hef
séð en eins og flestum er kunnugt
tók leikstjórinn talsmann McDon-
ald’s-keðjunnar á orðinu og lifði
eingöngu á hamborgurum og rusli
í heilan mánuð. Uppátæki Spur-
locks kom í kjölfar málaferla
tveggja unglingsstúlkna gegn
skyndibitarisanum, en þær
reyndu að telja dómstólum trú um
að McDonald’s bæri ábyrgð á
offituvandamáli þeirra. Málinu
var vísað frá því ekki tókst að
sanna skaðsemi McDonald’s-
fæðis á stúlkurnar. Lét þá tals-
maður keðjunnar þau fögru orð
falla í fjölmiðlum að maturinn á
McDonald’s væri ekki skaðlegri
en svo að hægt væri að lifa ein-
göngu á honum í heilan mánuð.
Spurlock ofbauð og ákvað að
sýna þessu næststærsta vöru-
merki heims í tvo heimana. Út-
koman er hressilegt framlag í
stríðið gegn markaðsöflunum og
mun eflaust draga úr hamborg-
araáti, að minnsta kosti á mínu
heimili, í einhvern tíma.
Við fylgjumst með Spurlock,
sem er við hestaheilsu á fyrsta
degi tilraunarinnar og úðar í sig
borgurum af bestu lyst. Reglurn-
ar sem hann setti sér voru að
borða einn rétt af matseðlinum
þrisvar á dag. Ef afgreiðslufólkið
bauð honum að stækka máltíðina
í Super Size varð hann að þiggja
það. Þrír sérfræðingar fylgdust
með líkamlegu ástandi Spur-
locks, sem var yfir meðallagi
bandarískra karlmanna í upp-
hafi. Ekki leið þó á löngu áður en
afleiðingar hamborgaraátsins
komu í ljós. Það tók hann rúman
hálftíma að kyngja fyrstu Super
Size-máltíðinni en þegar það
hafðist kom hún öll upp aftur. Á
einni viku fitnaði Spurlock um
fjögur kíló. Þegar á líður mynd-
ina er honum varla hugað líf,
stanslaus höfuðverkur, þrekleysi,
andarteppa og þunglyndi hrjá
hann og læknar ráðleggja honum
eindregið að hætta vitleysunni og
fara að nærast.
Helsti hængur myndarinnar er
blaðrið í heilbrigðissérfræðingum
og upplýsingabunan um hvað
ástandið í Bandaríkjunum er öm-
urlegt. Unglingar éta snakk í há-
degismat og 60% fullorðinna í
Ameríku eru of þung. Flest var
áhugavert en þó ekki nauðsynlegt.
Ég saknaði þess að sjá meiri fram-
vindu í tilraun Spurlocks, meiri
hraða og hasar.
Óhjákvæmilega vaknar sú
spurning hvort Bandaríkjamenn
beri ekki sjálfir ábyrgð á eigin
ógæfu og hvort hægt sé að kenna
öðrum um eigið holdafar. Morgan
Spurlock varpar ekki aðeins ljósi
á hve skaðlegur skyndibitinn er í
þessari mögnuðu heimildarmynd,
heldur deilir hann hart á hina
ósiðlegu milljónamæringa sem
sigrast á skynsemi almennings
með margþættri markaðssetn-
ingu. Börnin eru helsta skotmark-
ið og með leikföngum, teikni-
myndum, auglýsingum og leik-
völlum hefur McDonald’s tekist
að hæna þau að sér og stofna
heilsu þeirra í hættu. Super Size
Me er meira en bara heilræði og
hollustuvæl. Hún fær mann til að
hata markaðsöflin.
Þóra Tómasdóttir
Sparkað í risana
SUPER SIZE ME
HEIMILDARMYND EFTIR MORGAN SPURLOCK
Leikkonan Nicole Kidman leitaði
til beinasérfræðinga af ótta við að
hún væri að þróa með sér bein-
þynningu. Sjúkdómurinn er ekki
óalgengur hjá konum sem eru
komnar yfir 20 ára aldurinn ef þær
eru undir álagi. Hann veldur því að
þær verða mun viðkvæmari fyrir
því að brjóta bein.
Kidman hefur víst tekið hvert
verkefnið á fætur öðru eftir að ást-
arsamband hennar og rokkarans
Lenny Kravitz rann í sandinn.
Breska blaðið The Sun heldur því
fram að hún sé að keyra sjálfa sig út.
„Hún hefur of miklar áhyggjur
af öllu, vinnur of mikið og borðar
of lítið,“ segir blaðið um leikkon-
una. „Hún er óánægð með ástarlíf
sitt eftir sambandsslitin við Lenny
og hellir sér þess vegna í vinnu.“
Ekki er vitað hvað læknirinn
sagði við Nicole. ■
DURAN DURAN
Breska sveitin Duran Duran stillti sér upp fyrir ljósmyndara í Hong Kong þar sem hún var
stödd til að kynna nýja breiðskífu sína, Astronaut. Þetta er fyrsta Duran-platan, þar sem
allir upprunalegu liðsmennirnir koma við sögu, frá útgáfu Seven and the Ragged Tiger frá
árinu 1983, að undanskilinni tónleikaplötunni Arena.
NICOLE KIDMAN
Hefur greinilega áhyggjur af heilsu sinni,
af einhverjum ástæðum.
Nicole hefur áhyggjur
af beinþynningu
48-49 (40-41) FÓLK 26.8.2004 18:44 Page 3