Fréttablaðið - 03.09.2004, Blaðsíða 4

4 3. september 2004 FÖSTUDAGUR
Gæsluvarðhaldsfanginn á Litla-Hrauni:
Kókaínið reyndist mjög hreint
LÖGREGLUMÁL Kókaín það sem
reyndist vera í meltingarvegi
Litháans sem tekinn var í flug-
stöð Leifs Eiríkssonar síðastlið-
inn sunnudag reyndist vera mjög
„hreint“ samkvæmt vísbending-
um fyrstu rannsókna. Um var að
ræða 300 grömm, sem maðurinn
hafði innvortis í um 70 pakkning-
um eða „kúlum“. Því hreinna
sem efnið er, þeim mun meira er
hægt að fá fyrir það á fíkniefna-
markaðinum.
Rannsóknin er á hendi lög-
reglunnar á Keflavíkurflugvelli.
Hvorki hún né sýslumaðurinn,
Jóhann R. Benediktsson, veita
neinar upplýsingar um gang
hennar eins og sakir standa.
Blaðið hefur þó heimildir fyrir
því að grunur leiki á að Litháinn
eigi sér samverkamenn hér á
landi, enda ljóst að hann hefur
ekki ætlað að neyta sjálfur þess
mikla magns sem hann reyndi að
smygla inn í landið.
Mynstrið í þessu máli þykir
sláandi líkt því sem var í líkfund-
armálinu. Aldur mannanna er
svipaður. Báðir voru þeir frá
Vilnius í Litháen. Þeir voru báðir
með mikið magn örvandi efna í
meltingarveginum, ekki í smokk-
um eins og tíðkast oft, heldur í
vandlega frágengnum pakkning-
um, eins konar „kúlum“. ■
BESLAN, AP „Farið með þá á eyði-
eyju og skjótið þá. Þeir taka börn,
þeir haga sér eins og skepnur,“
sagði Lydia Drachova, eldri kona
sem sat undir molnandi styttu af
Lenín og beið fregna af afdrifum
hundruða gísla sem tsjetsjenskir
aðskilnaðarsinnar náðu á sitt vald
þegar þeir tóku skóla í bænum
Beslan í Norður-Ossetíu á sitt
vald.
Fólki var mjög brugðið þegar
sprengingar heyrðust nærri skól-
anum. Fljótlega kom í ljós að
gíslatökumennirnir höfðu skotið
sprengjum að tveimur bílum sem
höfðu hætt sér of nærri skólanum
að þeirra mati. Skömmu síðar
fékk fólk öllu betri fréttir þegar
26 gíslum, konum og mjög ungum
börnum, var sleppt. Það var
fyrsta fólkið til að sleppa úr gísl-
ingunni frá því að nokkrum tókst
að flýja um það leyti sem gísla-
tökumennirnir létu til skarar
skríða. Aðstæður í skólanum eru
mjög erfiðar fyrir
fólkið, sem hefur
hvorki aðgang að
mat né drykkjar-
vörum.
„Líttu í augu
fólks og þú skilur
strax hvernig því
líður,“ sagði Zelim
Dzheriyev, hálffertugur karlmað-
ur, og þerraði augu sín. Reiði og
ótti einkenna viðbrögð fólks við
gíslatökunni. Það fer sérstaklega
fyrir brjóstið á fólki að ráðist hafi
verið að börnum með þessum
hætti.
Staðfest var í gær að sextán
manns hefðu látist þegar gísla-
tökumenn réðust inn í skólann.
Tólf létust inni í skólanum, tveir
létust á sjúkrahúsi og lík tveggja
lágu enn fyrir framan skólann í
gær, en vegna skothríðar úr skól-
anum var ekki hægt að fjarlægja
þau. Síðla í gær viðurkenndi
Kazbek Dzantiyev, yfirmaður inn-
anríkisráðuneytis Norður-Ossetíu,
að hugsanlega hefðu mun fleiri
verið teknir í gíslingu en þeir 354
sem ráðuneytið sagði áður að
væru í skólanum. Íbúar í Beslan
eru sannfærðir um að mun fleiri
hafi verið teknir í gíslingu. „Pútín:
Í það minnsta 800 manns er haldið
sem gíslum,“ sagði á skilti sem
einn heimamaður hélt á lofti. ■
Líkamsrás í Hafnarfirði:
Árásarmaður
í einangrun
LÍKAMSÁRÁS Maður sem réðst á annan
mann með öxi á öldurhúsi í Hafnar-
firði að kvöldi þriðjudags hefur verið
úrskurðaður í gæsluvarðhald þar til
dómur gengur í máli hans, en þó ekki
lengur en til 15. október. Úrskurður-
inn var kærður til Hæstaréttar.
Maðurinn var fluttur á Litla-
Hraun í gær þar sem hann verður í
einangrun þar til rannsókn málsins
lýkur. Sambýliskona mannsins, sem
var einnig handtekin á þriðjudags-
kvöld, hefur verið látin laus. Lögregl-
an í Hafnarfirði fann árásarvopnið
við leit á heimili mannsins á miðviku-
dagskvöld. Hann er þekktur fyrir of-
beldisverk og í undirbúningi eru
fleiri ákærur á hendur honum vegna
afbrota. Þá rauf maðurinn skilorð
með árásinni því fyrir einu ári var
hann dæmdur fyrir líkamsárás og
vörslu fíkniefna og var refsingunni
frestað héldi hann skilorð í þrjú ár. ■,,Líttu í
augu fólks
og þú skilur
strax hvern-
ig því líður.
Var það þess virði að bíða sex ár
eftir endurbættu Þjóðminjasafni?
Spurning dagsins í dag:
Sigrar íslenska landsliðið Búlgari í fót-
bolta?
Niðurstöður gærdagsins
á visir.is
55%
45%
Nei
Já
KJÖRKASSINN
Farðu inn á visir.is og segðu þína skoðun
visir.is
Undirskriftasöfnun á
Seltjarnarnesi:
Mótmæla
skipulagi
SELTJARNARNES Hundruð Seltirn-
inga hafa ritað nafn sitt á undir-
skriftalista gegn deiliskipulagstil-
lögum bæjar-
stjórnar Sel-
t jarnarness .
Listinn verður
í dag afhentur
J ó n m u n d i
Guðmarssyni
bæjarstjóra.
Hópur bæj-
arbúa sem eru
óánægðir með
háreista íbúða-
byggð sem
reisa á fyrir
neðan Valhúsa-
skóla hefur skipulagt undir-
skriftasöfnunina.
Frestur til að gera athugasemd-
ir við aðalskipulag rennur út í dag,
en að viku liðinni rennur út frestur
til að gera athugasemdir við
deiliskipulagið. Þór Whitehead,
einn þeirra sem skipuleggja and-
stöðuna, segir þetta aðeins fyrsta
áfanga undirskriftasöfnunarinnar.
Hann segir að gerð sé krafa um að
deiliskipulagstillögunum verði ýtt
út af borðinu og hafin verði vinna
við nýjar tillögur. ■
Darfur:
Tillögur SÞ
gagnrýndar
SÚDAN, AP Mannréttindasamtök-
in Human Rights Watch segja
hugmyndir öryggisráðs Sam-
einuðu þjóðanna að útbúa
svokölluð örugg svæði í Darfur
í Súdan geta snúist upp í and-
hverfu sína og ýtt undir enn
frekari þjóðernishreinsanir en
þegar er orðið.
Gera samtökin því skóna að
allt flóttafólk sem ekki lendir
innan þessara öryggissvæða sé
þá berskjaldað fyrir frekari
árásum þar sem uppreisnar-
menn viti fyrir víst hvar örygg-
issveitir gæti öryggis lands-
manna og hvar ekki. ■
FÍKNIEFNASMYGL
Fyrri Vilníusarbúinn, sem kom hingað til
lands með á þriðja hundrað grömm af
amfetamíni innvortist, endaði ferðalag sitt
í höfninni á Neskaupstað.
JÓNMUNDUR GUÐ-
MARSSON
Bæjarstjórinn á Sel-
tjarnarnesi á von á
hundruðum undir-
skrifta.
Vestnorræn bókmennta-
verðlaun:
Engillinn
verðlaunaður
VIÐURKENNING Kristín Steinsdóttir
og Halla Sólveig Þorgeirsdóttir
hlutu í gær Barna- og unglinga-
bókmenntaverðlaun Vestnorræna
ráðsins 2004.
Kristín og Halla Sólveig hlutu
verðlaunin fyrir bókina Engill í
Vesturbænum og tóku þær við
þeim í Skála Alþingis. Verðlaunin
eru veitt annað hvert ár og voru
fyrst veitt árið 2002. ■
ÁRÁSARMAÐURINN
Hefur kært gæsluvarðhaldsúrskurð til
Hæstaréttar.
■ EVRÓPA
ERFIÐ HELGI Tæplega fjörutíu
manns létust í umferðarslysum á
Spáni um síðustu helgi og tæp-
lega fjörutíu til viðbótar voru
flutt þungt haldnir á sjúkrahús
víða í landinu. Enn er langt í land
með að fækka dauðaslysum á
spænskum vegum en núverandi
stjórnvöld hyggjast taka hart á
þessum vanda.
LEIÐANGUR „Flugan hér er alveg
rosaleg. Hún er hávaðagrimm og
ætlar hreinlega að éta okkur,“ sagði
Baldvin Kristjánsson einn leiðang-
ursmanna við Grænlandsstrendur í
gær. Félagarnir fjórir voru þá að
búa sig til brottferðar. Í fyrradag
náðu þeir sæmilegum áfanga. Þeir
ætluðu að sigla annað eins í gær, ef
veður og sjólag leyfðu.
„Við notum ofnæmislyf vegna
flugunnar, en það dugir ekki til.
Hún bítur grimmt og það vessar úr
bitunum. Enn félagi minn var að
telja bitin á öðru handarbakinu á
sér áðan og þau reyndust vera rúm-
lega 60 talsins. Við vorum orðnir
óþreyjufullir að komast áfram,“
sagði Baldvin enn fremur, en kajak-
mennirnir höfðu verið veðurtepptir
á lítilli eyju þar til í fyrradag, að
þeir komust af stað aftur.
Hann sagði að veður hefði farið
batnandi og ölduganginn lægt. Þeir
myndu reyna að komast sem lengst
á hverjum degi því brátt færu
haustveðrin að gera vart við sig og
þá væri útilokað að vera á ferð á
þessum slóðum. Baldvin taldi, að
þeir myndu ná 1000 kílómetra
markinu um miðjan mánuðinn, en
nú hafa þeir verið rúman mánuð í
leiðangrinum. ■
Kajakleiðangurinn við Grænland:
Hávaðagrimm fluga hrellir menn
LEIÐANGURSMENN
Kajakleiðangrinum við Grænland miðar áfram en tafir hafa orðið vegna veðurs. Nú er það
hins vegar flugan sem ætlar allt að éta.
Þeir haga sér
eins og skepnur
Gríðarleg reiði ríkir í garð gíslatökumannanna í Norður-Ossetíu. Talið
er að gíslarnir kunni að vera allt að 800. 26 þeirra var sleppt úr haldi í
gær, en það voru konur með mjög ung börn.
BÖRN FLUTT Á BROTT
Kona og rússneskur sérsveitamaður flytja tvö börn í skjól eftir að þeim var sleppt úr haldi
gíslatökumanna. Angistin leyndi sér ekki í andliti annars barnsins, í fangi sérsveitamannsins.
04-05 2.9.2004 21:32 Page 2