Fréttablaðið - 03.09.2004, Blaðsíða 51
FÖSTUDAGUR 3. september 2004
Harold and Kumar Go to White Castle
Internet Movie Database - 7.4 /10
Rottentomatoes.com - 74% = Fersk
Metacritic.com - 60 /100
Entertainment Weekly - B+
Los Angeles Times - 3 stjörnur (af fimm)
FRUMSÝNDAR UM HELGINA
(DÓMAR Í ERLENDUM MIÐLUM)
Það verður efnt til hressilegrar
forsýningar í Sambíóunum við
Álfabakka í kvöld þegar boðið
verður upp á það sem þeir kalla
„double feature“ og fólki gefinn
kostur á að sjá nýjustu mynd Tom
Hanks, The Terminal, og nýju
Tom Cruise myndina, Collateral,
strax á eftir. Sem sagt tvöfaldur
Tommi í bíó.
Það er sjálfur Steven Spiel-
berg sem leikstýrir The Terminal
en hann og Hanks hafa átt far-
sælt samstarf í gegnum árin. Þar
leikur Tom Hanks mann sem
kemur til Bandaríkjanna ríkis-
fangslaus og er því gert að halda
til á flugstöðinni. Og þá er ekki
verið að tala um einhverja smá-
bið. Hann verður bókstaflega að
búa þar. Þokkadísin Catherine
Zeta-Jones leikur á móti Hanks í
þessari hugljúfu mynd að hætti
Spielbergs sem öðrum fremur
kann að spila með tilfinningar
áhorfenda.
Forsýningin hefst klukkan
10.10 og þegar Hanks hefur lokið
sér af verður gert hlé. Síðan mæt-
ir Tom Cruise til leiks en hann
leikur kaldrifjaðan leigumorð-
ingja í þessari nýju mynd
Michaels Mann sem gerði meðal
annars Heat með þeim félögum Al
Pacino og Robert De Niro.
Miðinn á sýninguna í VIP-saln-
um kostar 2.900 krónur á báðar
myndirnar en í almennum sal
kostar pakkinn 1.200 krónur. ■
Bandaríski kvikmyndaleikstjór-
inn Quentin Tarantino íhugar
þessa dagana að gera þriðju útgáf-
una af Kill Bill-myndunum með
því að binda hinar tvær saman.
Kæmi hún væntanlega út á DVD-
diski.
Upphaflega áttu Kill Bill 1 og 2
að vera ein og sama myndin en
framleiðendur voru ekki á sama
máli og Tarantino. Ákváðu þeir að
skipta myndinni í tvennt vegna
þess hversu löng hún var og ólík-
leg til að lokka fólk í bíó.
„Það er ekki svo einfalt að
myndunum sé bara splæst sam-
an,“ sagði Tarantino í nýlegu við-
tali. „Það verða lítilsháttar breyt-
ingar og hlé eins í myndum frá
sjöunda áratugnum.“ Hann býst
einnig við að efni sem ekki hefur
sést áður verði að finna í nýju
myndinni.
Tarantino hefur nýlega lýst því
yfir að hann vilji leikstýra nýrri
James Bond-mynd sem yrði byggð
á sögunni Casino Royale. Hefur
Pierce Brosnan, sem hefur leikið
njósnara hennar hátignar undan-
farin ár, tekið vel í að leika í mynd-
inni.
Næsta mynd Tarantino heitir
Inglorious Bastards og gerist í
seinni heimsstyrjöldinni. Michael
Madsen verður þar í aðalhlut-
verki. ■
TARANTINO OG HANNAH Quentin Tarantino ásamt Daryl Hannah, sem leikur í Kill Bill 2.
Kill Bill 1 og 2
splæst saman
TOM CRUISE Þessi annálaði góði gæi
leikur illmenni í Collateral. Myndin verður
sýnd í kvöld beint á eftir The Terminal,
sem skartar öðlingnum nafna hans Hanks
í aðalhlutverki.
Tvöfaldur Tommi í bíó
Dís
(Engir erlendir dómar)
50-51 (42-43) Bíósíða 2.9.2004 21:04 Page 3