Fréttablaðið - 09.09.2004, Blaðsíða 12
12 9. september 2004 FIMMTUDAGUR
Í INNKAUPUM FYRIR SKÓLANN
Skólaárið er að hefjast víðar en á Íslandi.
Nóg er um að vera í Jedda í Sádi-Arabíu
þar sem þessar konur voru að kaupa
skólavörur.
MOSKVA, AP Rússneska leynilögreglan
hefur boðið andvirði rúmra 700
milljóna króna hverjum þeim sem
veitir henni upplýsingar sem leiða til
þess að tveir tsjetsjenskir uppreisn-
armenn verði handteknir eða þeim
komið fyrir kattarnef. Mennirnir eru
Shamil Basayev og Aslan Mask-
hadov sem Rússar gruna um að hafa
skipulagt gíslatökuna í Beslan sem
endaði með blóðbaði.
Einn af æðstu herforingjum
Rússa ítrekaði þá stefnu stjórnvalda
að þau áskildu sér rétt til að láta til
skarar skríða gegn hryðjuverka-
mönnum hvar og hvenær sem er.
„Við munum grípa til hvaða ráða
sem er til að eyða bækistöðvum
hryðjuverkamanna hvar í heiminum
sem er,“ sagði hershöfðinginn Yuri
Baluyevsky sem situr í yfirstjórn
rússneska hersins.
Rússar hafa áður lýst þessari
stefnu sinni. Þannig hafa Rússar var-
að stjórnvöld í Georgíu, sem liggur
að Tsjetsjeníu, við því að þeir kunni
að ráðast gegn tsjetsjenskum upp-
reisnarmönnum sem þeir segja fela
sig í Georgíu. Fyrr á árinu voru tveir
Rússar dæmdir í Kvatar við
Persaflóa fyrir að myrða leiðtoga
tsjetsjenskra uppreisnarmanna.
Borin hafa verið kennsl á lík
tólf gíslatökumanna að sögn rúss-
neskra yfirvalda og eru sumir
þeirra sagðir hafa tekið þátt í árás
á lögreglu í nágrannaríkinu Ingú-
setíu fyrr á árinu. ■
Kerry í árásarham
John Kerry og hans fólk er farið að ráðast að George W. Bush í ríkari mæli en áður í kosninga-
baráttunni. Þetta kemur í kjölfar viðtals Kerrys við Bill Clinton og skoðanakannana sem sýna
Bush með mun meira fylgi en Kerry.
BANDARÍKIN Eftir að skoðanakann-
anir fóru að sýna drjúgt forskot
George W. Bush á hann og Bill
Clinton sagði honum að fara að
tala um nútíðina frekar en að
festa sig í viðjum Víetnamstríðs-
ins er John Kerry farinn að ráð-
ast á Bush af fullum krafti. Þar
telja margir sig kenna handbragð
fyrrverandi ráðgjafa Clintons
sem Kerry réði til starfa eftir að
kosningastjórn hans sætti æ
meiri gagnrýni fyrir að bregðast
seint og illa við árásum á Kerry
og gefa kjósendum litla ástæðu til
að kjósa Kerry frekar en Bush.
Kerry hefur ráðist gegn Bush
úr ræðustóli og kosningastjórn
hans hefur sent frá sér níu nýjar
sjónvarpsauglýsingar frá lokum
flokksþings repúblikana þar sem
ráðist er að forsetanum fyrir
frammistöðu hans í ýmsum mála-
flokkum, hann sakaður um að svík-
ja loforð og gæta sérhagsmuna
frekar en almannahagsmuna.
Breytingin á kosningabaráttu
Kerrys hefur verið túlkuð á ólík-
an hátt. Annars vegar benda
menn á að skoðanakannanir hafi
sýnt drjúgt forskot George W.
Bush á Kerry. Tvær kannanir
strax í kjölfar flokksþings
repúblikana sýndu ellefu pró-
sentustiga forskot forsetans og
könnun sem birt var á mánudag
sýndi sjö prósentustiga forskot
Bush á Kerry. Því segja sumir
stjórnmálaskýrendur að Kerry
hafi farið á taugum og ákveðið að
breyta um aðferðir í kosningabar-
áttunni.
Andstæðingar Kerrys segja
breyttan tón hans til marks um
stefnubreytingu frambjóðandans.
Þannig sagði Bush á kosninga-
fundi að Kerry hefði vaknað „í
gær og búinn að skipta um skoð-
un enn einu sinni og þessi skoðun
hans er ekki einu sinni hans eigin.
Hún er skoðun fyrrum andstæð-
ings hans, Howards Dean“, sagði
forsetinn um gagnrýni Kerrys á
stríðið í Írak.
Jenny Backus, kosningaráð-
gjafi sem hefur unnið með
demókrötum horfir öðruvísi á
þetta í viðtali við AP-fréttastof-
una. „Kosningastjórn Kerrys hef-
ur sagt öllum hver Kerry er, nú
reyna þeir að skilgreina Bush og
sýna Kerry á sama tíma sem
ásættanlegan valkost í sam-
keppni við hann.“ Gagnrýnin á
kosningastjórnina hefur einmitt
verið á þá leið að það hafi verið
andstæðingarnir og neikvæðar
auglýsingar þeirra sem hafi hing-
að til haft meira að segja um túlk-
un almennings á Kerry en hann
sjálfur og kosningastjórn hans.
brynjolfur@frettabladid.is
New York-háskóli:
Sex sjálfs-
morð
BANDARÍKIN, AP Tuttugu og þriggja
ára nemandi í New York-háskóla
stökk fram af einni byggingu
skólans í fyrradag og lést. Lög-
reglan segir að um sjálfsvíg hafi
verið að ræða.
Skólayfirvöld hafa miklar
áhyggjur af þessu því sjálfsvígið á
mánudaginn var hið sjötta á þessu
ári. Hin fimm sjálfsvígin voru öll
með svipuðum hætti. ■
UPPLÝSINGAR OG SKRÁNING Í SÍMA 544 4500 OG Á NTV.IS
Hlíðasmára 9 - Kópavogi
Námið er tvískipt og undirbýr nemendur fyrir tvö alþjóðleg próf:
A+ prófið frá Comptia
MCP (Microsoft Certified Professional)
Fyrri hluti - Tölvuviðgerðir
Nemendur læra að uppfæra, bilanagreina og gera við tölvubúnað.
Kennslan fer fram í nýrri, fullkominni tölvuviðgerðarstofu NTV.
Seinni hluti - MCP – XP netumsjón
Nemendur öðlast færni og kunnáttu til að setja upp og hafa umsjón með
tölvum sem keyra á Windows XP stýrikerfinu, öðlast víðtækan skilning á
netkerfum og verða færir í að leysa vandamál sem að þeim snúa.
Kvöld og helgarnámskeið
Kennt er mánudaga og miðvikudaga frá 18-22
og laugardaga frá 13-17.
Námskeiðið byrjar 13. sept.
og lýkur 13. des.
GÍSLATAKAN Á MYND
Rússnesk sjónvarpsstöð sýndi í fyrrakvöld myndskeið tekin í íþróttahúsinu meðan á gísla-
tökunni stóð. Hér sjást gíslar sitja í þröng á gólfinu. Sprengjur hanga úr vírum sem
strengdir voru milli veggja hússins.
KERRY TIL Í SLAGINN
Þegar Kerry hóf kosningaferðalag sitt eftir
flokksþing repúblikana fékk hann hagla-
byssu að gjöf á einum kosningafundinum.
Særðist í skólastofu:
Skotin í
höfuðið
GAZA, AP Tíu ára palestínsk stúlka
liggur lífshættulega særð á sjúkra-
húsi eftir að hún fékk skot í höfuðið
þar sem hún sat við borð sitt í
kennslustofu í skóla Sameinuðu
þjóðanna í Khan Younis-flótta-
mannabúðunum í Gaza.
Í yfirlýsingu frá Palestínuflótta-
mannaaðstoðinni segir að stúlkan
hafi orðið fyrir skotum ísraelskra
hermanna sem börðust við palest-
ínska vígamenn. ■
BANDARÍKIN Ef draga má lærdóm
af forsetakosningunum fyrir átta
og tólf árum er demókratinn John
Kerry búinn að tapa forsetakosn-
ingunum fyrir George W. Bush
Bandaríkjaforseta.
Bandaríkjamenn horfa mjög til
stuðnings við forsetaframbjóð-
endur á Labour Day sem kalla má
nokkurs konar frídag verslunar-
manna vestanhafs, síðasta stóra
frídag sumarsins. Sérfræðingar í
kosningafræðum segja að eftir
þann tímapunkt sé mjög erfitt að
fá þrjá af hverjum fjórum vænt-
anlegum kjósendum til að skipta
um skoðun á því hvern þeir telji
æskilegasta forsetann.
Fyrir átta árum hafði Bill Clint-
on, þá sitjandi forseti, drjúgt for-
skot á Bob Dole, frambjóðanda
repúblikana. Sama hvað Dole
reyndi eftir þetta tókst honum
aldrei að vinna upp fylgismuninn.
Svipaða sögu er að segja af baráttu
Clintons og George Bush eldri.
Clinton náði forskoti fyrir Labour
Day og lét það ekki af hendi.
Það mætti jafnvel líta til kosn-
ingabaráttunnar fyrir fjórum
árum. Þá voru George W. Bush og
Al Gore hnífjafnir á Labour Day
og litlu munaði á þeim þegar upp
var staðið. Hins vegar sýndu
skoðanakannanir í millitíðinni gíf-
urlegar sveiflur. Gore mældist
tvisvar með tíu prósenta forskot,
Bush sömuleiðis. ■
Kannanir um þetta leyti gefa oft fyrirheit um úrslit:
Á brattann að
sækja fyrir Kerry
BILL CLINTON
Í báðum kosningabaráttum sínum náði
hann forskoti á keppinautinn tveimur
mánuðum fyrir kosningar og lét það ekki
af hendi.
Rússar bjóða rúmar 700 milljónir fyrir mikilvægar
upplýsingar:
Fé sett til höfuðs
Tsjetsjenum
12-13 8.9.2004 18:16 Page 2