Fréttablaðið - 09.09.2004, Blaðsíða 39

FIMMTUDAGUR 9. september 2004 27
AFMÆLI
Skúli Alexandersson, fyrrverandi þing-
maður, er 77 ára.
Örnólfur Thorlacius, fyrrum rektor MH,
er 72 ára.
Guðlaugur Tryggvi Karlsson, hagfræð-
ingur og hestamaður, er 61 árs.
Eyþór Gunnarsson tónlistarmaður er
43 ára.
Tónlistarskólinn á Seltjarnarnesi
fagnar 30 ára starfsafmæli á
þessu starfsári og það er ekki
hægt að segja annað en að skól-
inn beri aldurinn vel, enda í stöð-
ugum vexti. Skólinn tók róttæk-
um breytingum í sumar og opn-
aði í endurnýjuðu og stækkuðu
húsnæði í haust.
Skólinn deildi áður húsnæði
með bókasafni bæjarins en hefur
nú teygt starfsemi sína yfir hluta
af því plássi sem bókasafnið
hafði áður til umráða. Þann 21.
ágúst var tekið í notkun ríflega
300 fermetra rými sem áður til-
heyrði Bókasafninu en við breyt-
inguna stækkaði húsakostur
skólans um helming frá því á síð-
asta starfsári. Bæjarstjórn Sel-
tjarnarness og stjórnendur Tón-
listarskólans notuðu þetta tæki-
færi til þess að bjóða Seltirning-
um til opnunarhófs þar sem bæj-
arbúum gafst tækifæri til að
skoða skólann.
Gylfi Gunnarsson, skólastjóri
Tónlistarskólans, segir að öll að-
staða til kennslu í skólanum sé
orðin eins og best verður á kosið.
„Eftir þessa stækkun fjölgar
kennslustofum bæði til einstakl-
ingskennslu og hópkennslu. Ekki
má gleyma að starfsfólk skólans
hefur búið við þröngan húsakost
en við stækkunina breytist að-
staða þeirra til mikilla muna.“
Hitaveita Seltjarnarness gaf
skólanum flygil í afmælisgjöf en
hljóðfærið er kærkomin viðbót
við hljóðfæraeign skólans sem
annar eftirspurn í flestum tilfell-
um þó vinsældir gítarnáms séu
svo miklar um þessar mundir að
færri komast að en vilja.
Jónmundur Guðmarsson, bæj-
arstjóri, er ánægður með breyt-
ingarnar á Tónlistarskólanum og
segir þær til marks um að skól-
inn hafi alltaf verið rekinn af
metnaði. ■
TÓNLISTARSKÓLI SELTJARNARNESS
Opnaði í stærra húsnæði í ágústlok. Jón-
mundur Guðmarsson bæjarstjóri og Gylfi
Gunnarsson skólastjóri, eru að vonum
hæstánægðir með breytinguna.
ANDLÁT
Jóhanna Kristjánsdóttir, Kríuási 15,
Hafnarfirði, lést 31. ágúst. Jarðarförin
hefur farið fram í kyrrþey.
Valgerður Anna Eyþórsdóttir (Lóa),
Melabraut 10, Seltjarnarnesi, lést 4.
september.
Ágústa Guðrún Halldórsdóttir lést 7.
september.
Haraldur Kr. Jóhannsson, áður til
heimilis að Hólmgarði 66, lést 6. sept-
ember.
Bergvin Karl Ingólfsson frá Húsabakka,
Aðaldal, lést 5. september.
JARÐARFARIR
13.30 Unnur Stefánsdóttir bókbindari
verður jarðsungin frá Dómkirkj-
unni.
13.30 Sigríður Egilsdóttir verður jarð-
sungin frá Bústaðakirkju.
13.30 Þórlaug Bjarnadóttir, áður til
heimilis í Lönguhlíð 3, verður
jarðsungin frá Háteigskirkju.
15.00 Jón Tómasson, Álftamýri 67, verð-
ur jarðsunginn frá Grensáskirkju.
15.00 Haukur Níelsson bóndi, Helga-
felli, verður jarðsunginn frá Lága-
fellskirkju.
ÞETTA GERÐIST LÍKA
1901 Franski listmálarinn Henri Toulou-
se-Lautrec deyr.
1904 New York-borg byrjar að nota lög-
reglumenn á hestbaki í fyrsta
sinn.
1948 Norður-Kórea verður til sem sjálf-
stætt ríki.
1956 Elvis Presley kemur fram í The Ed
Sullivan Show og dregur, að því
er talið er, rúmlega 50 milljón
manns að sjónvarpstækinu.
1971 43 bíða bana þegar fangar gera
uppreisn og taka völdin í Attica-
fangelsinu í New York.
1976 Mao Tse Tung, leiðtogi Kína, deyr
82 ára að aldri.
1979 Tracy Austin verður yngsti kepp-
andinn til að vinna US Open-
tennismótið, aðeins 16 ára.
Nýr flygill og meira pláss
38-39 (26-27) Tímamót 8.9.2004 21:35 Page 3