Fréttablaðið - 10.09.2004, Blaðsíða 4
4 10. september 2004 FÖSTUDAGUR
RÁÐNING Félagsmálaráðherra
sendi í gær Helgu Jónsdóttur
borgarritara, umbeðinn rökstuðn-
ing fyrir skipun Ragnhildar Arn-
ljótsdóttur í embætti ráðuneytis-
stjóra félagsmálaráðuneytisins.
Helga var ekki búin að lesa rök-
stuðninginn þegar blaðið fór í
prentun og vildi ekkert láta eftir
sér hafa. Engar upplýsingar feng-
ust hjá félagsmálaráðuneytinu
um hvað kæmi fram í honum.
Sigurður Snævarr, borgar-
hagfræðingur, sótti einnig um
stöðuna. Hann hefur nú farið
fram á útskýringu Árna Magn-
ússonar, félagsmálaráðherra, á
því hvers vegna hann hafi ekki
verið talinn meðal þeirra hæf-
ustu sem sóttu um stöðuna, en
þeim var skipt í tvo flokka, hæfa
og hæfasta. Sigurður gerir líka
athugasemd við að umsækjend-
unum hafi verið skipt í tvo flok-
ka með þessum hætti. ,,Félags-
málaráðherra þarf að gera grein
fyrir því hvað var haft til hlið-
sjónar þegar umsækjendum var
skipt upp í tvo flokka með þess-
um hætti og ég tel að hann hafi
ekki haft leyfi til að gera það.
Sérstaklega í ljósi þess að það
liggur fyrir að ráðningarstofan
Mannafl hafði ekki skilað loka-
skýrslu um umsækjendurna til
ráðherrans“, segir Sigurður. ■
Gatnakerfi borgarinnar
endanlega sprungið
Íbúar í nágrannasveitarfélögum Reykjavíkur sem sækja vinnu eða eiga önnur erindi í
höfuðborgina á háannatíma eru tíu til fimmtán mínútum lengur á leiðinni nú en áður
vegna aukinnar umferðar.
UMFERÐARMÁL „Það leikur engin
vafi á að umferðarþunginn hefur
sjaldan verið meiri en nú er,“
segir Karl Steinar Valsson, aðstoð-
aryfirlögregluþjónn hjá lögregl-
unni í Reykjavík. Umferðarþung-
inn á stofnbrautum höfuðborgar-
innar eykst ár frá ári og eru
flestir vegfarendur sammála um
að gatnakerfið í Reykjavík sé end-
anlega sprungið.
Karl Steinar segir áberandi
hversu mikið hefur verið um
árekstra í höfuðborginni í sumar
og haust og segir tvímælalaust að
ein meginástæða þess sé sú þunga
umferð á morgnana og seinnipart
dags þegar ökumenn fara úr og í
vinnu. „September hefur verið
einn versti mánuðurinn hvað varð-
ar umferðina um árabil og bið
hefur orðið á stórum framkvæmd-
um við stofnbrautir í Reykjavík og
brýn þörf orðin á að eitthvað sé
gert við gatnamót Kringlumýrar-
brautar og Miklubrautar.“
Karl Steinar sagði lögreglu-
menn taka mið af erfiðum gatna-
mótum þegar mikið liggur við og
því hefði ekki enn komið til alvar-
legra vandræða vegna þess að
lögregla gæti ekki athafnað sig
sökum umferðartafa.
Birgir Finnsson, hjá slökkviliði
höfuðborgarsvæðisins, segir að
komi til útkalla á annatímum í um-
ferð sé viðbragðstími sjúkra- og
slökkviliðs að sjálfsögðu skertur.
„Það sem hefur bjargað okkur er
að við getum kallað út sjúkra- eða
slökkvilið frá þremur stöðum og
komi eitthvað fyrir þegar umferð
er mikil er tekið tillit til þess
þegar ræst er út.“
Ýmsir hafa haft á orði að þessi
síaukni umferðarþungi hljóti að
þýða aukna megnun en sam-
kvæmt upplýsingum frá Um-
hverfis- og heilbrigðisstofu
Reykjavíkur er það ekki raunin.
„Það er fulldjúpt í árina tekið að
segja að mengun hafi minnkað
en hún hefur allavega ekki
aukist,“ segir Lúðvík E. Gústafs-
son, deildarstjóri hjá stofnun-
inni. Þar er loftmengun mæld
reglulega á nokkrum stöðum í
borginni og sýna mælingar að
loftmengun hefur ekki aukist.
„Mælar sýna að almennt hefur
mengun minnkað hin síðari ár og
er það að miklu leyti að þakka
sparneytnari bílum og auknum
loftmengunarbúnaði í þeim sem
ekki var áður til staðar. Einnig er
svo mikil hreyfing á loftinu
þegar heitt er í veðri að agnir
safnast ekki saman að ráði. Það
verður hins vegar vandamál í
vetrarstillum þegar loft hreyfist
lítið sem ekkert.“
albert@frettabladid.is
Fjarðabyggð:
Vantar
vinnuafl
ATVINNUMÁL Mikil eftirspurn er
eftir vinnuafli í Fjarðabyggð um
þessar mundir. Góð verkefna-
staða er í fiskiðjuveri Síldar-
vinnslunnar og skuttogararnir
Barði og Bjartur hafa fiskað vel
undanfarið. Hefðbundin bolfisk-
vinnsla er stöðug og sem fyrr er
hátt hlutfall í vinnslu á ferskum
afurðum.
Þá er stöðug slátrun á laxi frá
Sæsilfri og Austlaxi en í laxa-
sláturhúsinu er útlit fyrir aukna
vinnslu. Auk þess er síldarver-
tíð í nánd og mun eftirspurn
eftir vinnuafli vera mikil þess
vegna. ■
Viltu að Íslandsbanki og
Landsbanki sameinist?
Spurning dagsins í dag:
Á að nýta hvalveiðibátana til hvala-
skoðunar?
Niðurstöður gærdagsins
á visir.is
69,35%
30,65%
Nei
Já
KJÖRKASSINN
Farðu inn á visir.is og segðu þína skoðun
visir.is
KAFFIPÁSA Í KARPHÚSINU
Á fögurra klukkustunda fundum er kaffið
ómissandi mörgum. Tíu dagar eru í boðað
kennaraverkfall.
Kennaraverkfall:
Tíu dagar
til stefnu
VERKFALL Tíu dagar eru í boðað
verkfall kennara náist ekki samn-
ingar við launanefnd sveitarfélag-
anna.
Grunnskólakennarar fóru síð-
ast í dagsverkfall 27. október
1997. Þremur árum áður stóðu
þeir í sex vikna verkfalli ásamt
framhaldskólakennurum.
Á vef Kennarasambands Ís-
lands er haft eftir Finnboga Sig-
urðssyni, formanni Félags grunn-
skólakennara, að legið hafi við að
formlega slitnaði upp úr kjaravið-
ræðunum á þriðjudag. Við Frétta-
blaðið sagði hann hvern í sinni
skotgröfinni. Formaður launa-
nefndar sveitarfélaganna segir
hins vegar að þegar rétti taktur-
inn í samningarviðræðunum finn-
ist taki einungis fáeina daga að ná
samningum. ■
Nýr Corolla. Tákn um gæði.
www.toyota.is
Það gerir lífið spennandi að vita ekki alltaf hvað bíður manns. En um bíla gegnir
öðru máli. Þér finnst nýr Corolla spennandi kostur af því að þú veist hvað bíður
þín í nýjum Corolla. Þú gerir kröfur um öfluga, hljóðláta og sparneytna vél,
öryggi í umferðinni, þægindi í akstri og bíl sem er góður í endursölu. Þess
vegna viltu nýjan Corolla og ert spenntur þegar þú sest undir stýri í fyrsta
skipti.
Komdu og prófaðu nýjan Corolla.
Njóttu þess að lífið er spennandi!
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
25
72
4
09
/2
00
4
MIKLABRAUT OG ÁRTÚNSBREKKAN
Laust fyrir klukkan níu árdegis var stöðugur straumur bíla á leið í miðborgina. Þegar mest
lætur ná raðirnar úr Grafarvogi langleiðina niður í miðbæ. Flestir þeir sem búa í Grafar-
vogi eða í Árbæ gefa sér minnst hálftíma til að komast til vinnu á morgnana starfi þeir í
borginni.
KRINGLUMÝRARBRAUT ÁRDEGIS Í GÆR
Langar raðir bifreiða á leið í bæinn kl. hálfníu í gærmorgun. Mælar sýndu að þegar mest
var fóru 900 bílar um á tíu mínútna kafla.
FR
ÉT
TA
B
LA
Ð
IÐ
/G
VA
/P
JE
TU
R
SI
G
U
RÐ
SS
O
N
FR
ÉT
TA
B
LA
Ð
IÐ
/G
VA
/P
JE
TU
R
SI
G
U
RÐ
SS
O
N
Sigurður B. Finnsson:
Klukkutíma
að aka 15 km
UMFERÐARMÁL „Ég er nú ekki venju-
lega á ferð svona snemma dags en
það tók mig heilar 50 mínútur að
komast þessa fimmtán kílómetra,“
segir Sigurður B. Finnsson, sér-
fræðingur hjá Umhverfisstofnun.
Sigurður er einn
þeirra sem keyra
talsverða leið úr
og í vinnu og það
sem hann taldi
stystu leið úr
Mosfellsbæ að
Háskóla Íslands í
V e s t u r b æ
Reykjavíkur tók
hann tæpan
klukkutíma að keyra á háannatíma
fyrr í vikunni. „Eftir á að hyggja var
ákveðið hugsunarleysi að ætla að
fara beina leið milli tveggja punkta
en ég bý svo vel að fara síðar í vinnu
en aðrir og þess vegna losna ég við
mesta umferðarstrauminn.“ ■
Steinn Á. Magnússon:
Fleiri mislæg
gatnamót
UMFERÐARMÁL „Það er ekki bara í
Reykjavík sem framkvæmdir og
umferðartafir
geta farið í taug-
arnar á mér,“
segir Steinn Ár-
mann Magnús-
son leikari, en
hann er búsettur
í Hafnarfirði og
sækir oft vinnu í
önnur bæjarfé-
lög. Steinn segir
undarlegt hversu víða sé verið að
setja upp hringtorg þegar slíkar
hugmyndir hafi verið settar á hill-
una erlendis. „Svo dettur engum í
hug að setja mislæg gatnamót
neins staðar. Það er eitthvað bogið
við slíkar áætlanir en á það
verður að líta að sumarið er tím-
inn fyrir framkvæmdir ýmiss
konar og maður lætur ekki allt
fara í taugarnar á sér.“ ■
Marteinn S. Björnsson:
Þung traffík
alla daga
UMFERÐARMÁL „Það er alveg sama
úr hvaða átt er komið í borgina,
alls staðar er stórvandamál að
komast leiðar sinnar á skikkan-
legum tíma,“ segir Marteinn S.
B j ö r n s s o n ,
leigubílstjóri hjá
Hreyfli. Mart-
einn ekur bíl sín-
um alla morgna
og fullyrðir að
aldrei fyrr hafi
umferðin í bæn-
um verið jafn
mikil. „Hún er
ægileg á köflum
og ég satt best að segja vorkenni
öllum þeim sem þurfa að aka til
vinnu í borginni því nokk sama er
hvaðan þeir koma, hvort sem það
er Hafnarfjörður, Mosfellsbær
eða Seltjarnarnes, alls staðar
lendir fólk í umferðarteppu. Það
er föstudagstraffík alla daga.“ ■
FUNDU FJÖLDAGRÖF Verkamenn
fundu fjöldagröf þegar þeir voru
við jarðvegsvinnu þar sem þeir
eru að leggja veg í héraðinu
Sulaimaniyah þar sem Kúrdar
fara með völd. Talið er að í
fjöldagröfinni sé að finna lík tuga
og jafnvel hundraða einstaklinga
sem Saddam Hussein lét taka af
lífi.
FR
ÉT
TA
B
LA
Ð
IÐ
/P
JE
TU
R
SI
G
U
RÐ
SS
O
N
HELGA JÓNSDÓTTIR
Hefur borist rökstuðningur félagsmála-
ráðuneytisins fyrir skipun Ragnhildar Arn-
ljótsdóttur.
FR
ÉT
TA
B
LA
Ð
IÐ
/E
.Ó
L.
Ráðning ráðuneytisstjóra félagsmálaráðuneytisins:
Ráðuneytið rökstyður ráðningu
■ ÍRAK
04-05 9.9.2004 21:54 Page 2