Fréttablaðið - 10.09.2004, Blaðsíða 8

10. september 2004 FÖSTUDAGUR
Colin Powell ómyrkur í máli um atburði í Darfur:
Ofsóknirnar jafngilda þjóðarmorði
WASHINGTON, AP „Við höfum komist
að þeirri niðurstöðu að þjóðar-
morð hafi verið framið í Darfur
og að súdanska ríkisstjórnin og
Janjaweed beri á því ábyrgð. Það
getur verið að þjóðarmorð eigi sér
enn stað,“ sagði Colin Powell, ut-
anríkismálaráðherra Bandaríkj-
anna, þegar hann ávarpaði utan-
ríkismálanefnd öldungadeildar
Bandaríkjaþings. Janjaweed eru
arabískar vígasveitir sem starfa
með stjórnarhernum.
Með yfirlýsingu sinni jók
Powell þrýsting á alþjóðasamfé-
lagið að grípa til aðgerða til að
tryggja að ofsóknum á hendur
þeldökkum íbúum Darfur linni.
Þrýst hefur verið á súdönsk
stjórnvöld að grípa til aðgerða en
umdeilt er hvort það hafi skilað
árangri.
Niðurstöðu sína byggði Powell
á rannsókn nefndar sem átti viðtöl
við flóttamenn frá Darfur auk
þess að safna öðrum sönnunar-
gögnum. Þetta er í fyrsta skipti
sem Powell segir að þjóðarmorð
hafi átt sér stað en áður hafði
hann ýjað að því að um þjóðar-
morð kynni að vera að ræða. ■
Ráða leitað gegn
leirfoki úr lónsstæði
Starfsmenn Landsvirkjunar og Landgræðslunnar leita nú allra leiða til
að hefta leirfok úr lónsstæði virkjunarinnar á Kárahnjúkum. Leir safn-
ast þar upp og hætta er á áfoki á gróið land, þegar snjó og ísa leysir.
KÁRAHNJÚKAR Starfsmenn Lands-
virkjunar og Landgræðslunnar
vinna nú að lausn á því hvernig
hefta megi sand- og leirfok frá
uppistöðulóninu við Kárahnjúka-
virkjun, að sögn Sveins Runólfs-
sonar landgræðslustjóra. Þegar
virkjunin verður komin í notkun,
lónsstæðið hefur fyllst og síðan
sigið úr því aftur, situr mikið magn
af leir eftir. Verulegt fok getur orð-
ið upp úr lóninu þegar leirinn þorn-
ar og hvessir í veðri. Slíkt getur
haft í för með sér gróðureyðingu
og uppblástur á stóru svæði.
„Við höfum verið að vinna með
Landsvirkjun að finna lausnir á
því að stöðva þetta fok áður en
það fer út á gróið land,“ sagði
Sveinn Runólfsson. „Ljóst er að
þarna hefur á undanförnum árum
verið heilmikið leirfok af aurum
Jöklu og einnig Jökulsár á Fjöll-
um. En í samtölum við sérfræð-
inga Landsvirkjunar hefur komið
fram að þeir séu staðráðnir í að
koma í veg fyrir slíkt áfok úr lón-
inu. Auðvitað ráða menn ekki við
það sem fer í loftið. En rannsókn-
ir sem standa yfir miða að því að
stöðva þetta grófara efni, sem
gæti fokið með skriði út úr lóns-
stæðinu. Ég er sannfærður um að
það muni takast, en það gæti orðið
heilmikið verkefni í einstökum
árum. Þetta verður örugglega
misjafnt milli ára.“
Spurður um stærð leirfok-
svæðisins sagði Sveinn að ekki
væri búist við alvarlegu uppfoki
nema öðrum megin við lónið. Það
svæði væri 20 kílómetra langt og
kannski um 100 metra breitt.
„Uppi eru hugmyndir um að
reisa svokallaðar fok - eða sand-
gildrur,“ sagði Sveinn spurður
um hugmyndir til að hefta leir-
fokið. „Við erum nú með slíka
rannsókn í gangi niður á Land-
eyjasandi til þess að finna hag-
kvæmustu lausnina. Skoðaður
hefur verið möguleikinn á notk-
un rykbindiefna. Ég er ekki mjög
trúaður á þá aðferð. Loks eru
menn með hugmyndir um ein-
hvers konar áveitur og að bleyta
í leirunum sem hætta væri á að
fyki úr. Menn eru að úða stór
svæði í landbúnaði um allan
heim. Þetta er vel gerlegt því
þegar frost er farið úr jörðu að
vori þá er hætta á foki í tiltölu-
lega skamman tíma. Það getur
hvesst vel einu sinni eða tvisvar
á því tímabili sem virkilega þarf
að gera eitthvað.“
jss@frettabladid.is
COLIN POWELL FYRIR ÞINGNEFND
Varnarmálaráðherra Bandaríkjanna sagði
þjóðarmorð framin á þeldökkum
íbúum Darfur.
DV LEIKUR INNBROTSÞJÓF
Ekkert mál að
brjótast inn með
hjálp lásasmiðs
Óásættanlegt segir yfirlögregluþjónn
– hefur þú séð DV í dag?
FORSMEKKUR
Menn fengu forsmekkinn af því sem koma skal í flóðunum í Jöklu á dögunum. Nú eru
uppi ráðagerðir um hvernig koma skuli í veg fyrir leirfok frá uppistöðulóninu á gróið land
í framtíðinni.
UMFERÐ Þeir sem sviptir hafa ver-
ið ökuréttindum lengur en í þrjú
ár geta nú sótt um endurveitingu
réttindanna til embætta lög-
reglustjóra í stað dómsmálaráðu-
neytis.
Jónmundur Kjartansson, yfir-
lögregluþjónn hjá embætti ríkis-
lögreglustjóra, segir breyting-
arnar gerðar svo endurveitingin
verði á tveimur stjórnsýslusvið-
um í stað einnar. „Aðalbreytingin
felst í því að nú er hægt að skjóta
synjun ríkislögreglustjóra til
dómsmálaráðuneytisins. Segjum
að sá sem hafi verið sviptur öku-
réttindum leiti til ríkislögreglu-
stjóra og hann synji umsókn um
endurveitingu ökuréttinda getur
sá kært niðurstöðuna til dóms-
málaráðuneytisins sem áður tók
endanlega niðurstöðu.“ ■
VIÐ HRAÐAMÆLINGAR
Sé fólki neitað um endurveitingu ökurétt-
inda hafi það misst þau getur fólk áfrýjað
frá 1.september.
FR
ÉT
TA
B
LA
Ð
IÐ
/P
JE
TU
R
SI
G
U
RÐ
SS
O
N
Ökuréttindi:
Hægt að áfrýja
missi ökuréttinda
08-09 9.9.2004 21:39 Page 2